March 6, 2021

ಯುವಶಕ್ತಿ ಕಡೇಶಿವಾಲಯ (ರಿ.) ಮುತಾಲಿಕೆಡ್ ವೀರಮಾರುತಿ ಹರಿಕಥೆ

ಶ್ರೀ ರಾಮೋತ್ಸವ 2021 ಬಾರಿ ವರ್ಷರ್ದ್ ಬೊಕ್ಕ ಕಡೇಶಿವಾಲಯಡ್ ಯುವಶಕ್ತಿ ಕಡೇಶಿವಾಲಯ (ರಿ.) ಮುತಾಲಿಕೆಡ್ ವೀರಮಾರುತಿ ಹರಿಕಥೆ ತಾರೀಖ್ 7/3/2021 ನೇ ಐತಾರ ಬೈಯ್ಯ 7 ಗಂಟೆಗ್ ಹರಿಕಥಾ ವಿದ್ವಾಂಸೆ ರಾಯಿನ ರಾಧಾಕೃಷ್ಣ ಅಡ್ಯಂತಾಯ ಬೊಕ್ಕ ದಿನೇಶ್ ಕುಕ್ಕಿಲ ಬಾಲಕೃಷ್ಣ ಎಣ್ಮಾಜೆ ಮೆಕ್ಲೆನ ಮುತಾಲಿಕೆಡ್ ನಡಪರೆ ಉಂಡು.

ರಾಮ-ಲಕ್ಷ್ಮಣ ಜೋಡುಕರೆ ಮಂಗಳೂರು ಕಂಬಳ’ಗ್ ಚಾಲನೆ

ಕುಡ್ಲ : ಬಂಗ್ರ ಕೂಳೂರುದ ಗೋಲ್ಡ್ ಪಿಂಚ್ ಸಿಟಿಟ್ ನಡಪುನ ರಾಮ-ಲಕ್ಷ್ಮಣ ಜೋಡುಕರೆ ಮಂಗಳೂರು ಕಂಬಳಗ್ ಚಾಲನೆ ಕೊರಿಯೆರ್ .

ಕಂಕನಾಡಿ ಬ್ರಹ್ಮಬೈದ್ಯರ್ಕಳ ಗರಡಿದ ಗುರ್ಕಾರ್ಲಾಯಿನ ಚಿತ್ತರಂಚನ್ ದಾಸ್ ಈ ಕಂಬಳಗ್ ಚಾಲನೆ ಕೊರ್ತೆರ್ .ಕ್ಯಾಪ್ಟನ್ ಬ್ರಿಜೇಶ್ ಚೌಟ ಮುತಾಲಿಕೆಡ್ ಈ ಕಂಬಳ ನಡಪರೆ ಉಂಡು .ಬಂಗ್ರ ಕೂಳುರುದ ಗೋಲ್ಡ್ ಪಿಂಚ್ ಸಿಟಿಟ್ ಕೃತಕವಾದ್ ಕಟ್ಟಿನ 145 ಮೀ. ಉದ್ದದ ಜೋಡುಕರೆಟ್ ಇನಿರ್ದ್ ಎಲ್ಲೆ ಕಾಂಡೆ 7 ಗಂಟೆ ಮುಟ ಕಂಬಳ ನಡಪರೆ ಉಂಡು .

ಪತ್ರಕರ್ತೆರೆ ಸಂಘದ ವಾರ್ಷಿಕ ಕ್ರೀಡಾ ಕೂಟ

ಕಾರ್ಯನಿರತ ಪತ್ರಕರ್ತೆರೆ ಸಂಘ ದಕ್ಷಿಣ ಕನ್ನಡ ಜಿಲ್ಲಾ ಘಟಕದ ವಾರ್ಷಿಕ ಕ್ರೀಡಾ ಕೂಟ ತಾರೀಖ್ 07-03-2021ನೇ ಕಾಂಡೆ 9 ಗಂಟೆಗ್ ಕುಡ್ಲದ ನೆಹರೂ ಮೈದಾನದ ಕೈತಲ್ ಫುಟ್‌ಬಾಲ್ ಕ್ರೀಡಾಂಗಣ ಡ್ ನಡಪರೆ ಉಂಡು. ಲೇಸ್ ದ ಉದಿಪನ ನ್ ಪೊಲೀಸ್ ಆಯುಕ್ತ ಎನ್.ಶಶಿಕುಮಾರ್ ಮಲ್ಪರೆ ಉಲ್ಲೆರ್. ರಾಜ್ಯ ಕಾರ್ಯನಿರತ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ಶಿವಾನಂದ ತಗಡೂರು ಗುರ್ಕಾರ್ಮೆ ವಯಿಸೊಂದೆರ್.

ಬಿನ್ನೆರ್ ಆದ್ ಕುಡ್ಲ ಉಪ ವಿಭಾಗಾಧಿಕಾರಿ ಸಿ.ಮದನ್‌ಮೋಹನ್, ಮಹಾನಗರ ಪಾಲಿಕೆ ಉಪ ಆಯುಕ್ತ ಡಾ. ಸಂತೋಷಕುಮಾರ್, ಡಿಸಿಪಿ ಹರಿರಾಮ್ ಶಂಕರ್, ಕುಡ್ಲ ಪ್ರೆಸ್ ಕ್ಲಬ್ ಗುರ್ಕಾರ್ಲಾಯಿನ ಅನ್ನು ಕುಡ್ಲ , ಪತ್ರಿಕಾ ಭವನ ಟ್ರಸ್ಟ್ ಗುರ್ಕಾರ್ಲು ಆನಂದ ಶೆಟ್ಟಿ, ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯ ಜಗನ್ನಾಥ ಶೆಟ್ಟಿ ಪಾಲ್ ಪಡೆಯರೆ ಉಲ್ಲೆರ್.

ಆಳ್ವಾಸ್ ಸಮೂಹ ಶಿಕ್ಷಣ ಸಂಸ್ಥೆದ ಗುರ್ಕಾರ್ಲಾಯಿನ ಡಾ. ಮೋಹನ ಆಳ್ವೆರೆಗ್ ಬಿ.ಎಂ. ಇದಿನಬ್ಬ ಸ್ಮಾರಕ ಗೌರವ ಮಾನದಿಗೆ

ಕುಡ್ಲ : ಸುಸಂಸ್ಕೃತ ಮಾದರಿ ಇಜ್ಜಂದೆ ಸುಂದರ ಸಮಾಜ ಕಟ್ಟರೆ ಸಾಧ್ಯ ಇಜ್ಜಿ . ಸುಸಂಸ್ಕೃತ ವ್ಯಕ್ತಿತ್ವದ, ಸಂತಲಕ ಬದುಕಿನ ಬಿ.ಎಂ. ಇದಿನಬ್ಬ ಮೆರ್ನ ವ್ಯಕ್ತಿತ್ವನ್ ಯುವ ಪೀಳಿಗೆಗ್ ಗೊತ್ತು ಮಲ್ಪೊಡು ಪಂದ್ ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಟಿ.ಎಸ್.ನಾಗಾಭರಣ ಪಂಡೆರ್ .

ಬ್ಯಾಾರಿ ಸಾಹಿತ್ಯ ಅಕಾಡೆಮಿ ಕುಡ್ಲದ ಪುರಭವನಡ್ ಶುಕ್ರವಾರ ಅಟ್ಟನೆ ಮಲ್ದಿನ ಮಾಜಿ ಶಾಸಕ, ಪೆರಿಯ ಕವಿ ದಿವಂಗತ ಬಿ.ಎಂ.ಇದಿನಬ್ಬ ಜನ್ಮ ಶತಮಾನೋತ್ಸವ ಕಾರ್ಯಕ್ರಮ ಡ್ ಬಿ.ಎಂ. ಇದಿನಬ್ಬ ಸ್ಮಾರಕ ಗೌರವ ಪ್ರಶಸ್ತಿನ್ ಆಳ್ವಾಸ್ ಸಮೂಹ ಶಿಕ್ಷಣ ಸಂಸ್ಥೆದ ಗುರ್ಕಾರ್ಲಾಯಿನ ಡಾ. ಮೋಹನ ಆಳ್ವ ಮೆರೆಗ್ ಮಾನದಿಗೆ ಮಲ್ತ್ ಪಾತೆರಿಯೆರ್.