March 12, 2021

ಭಾರತೀಯ ಜನತಾ ಪಾರ್ಟಿ ಜಿಲ್ಲಾ ಮಹಿಳಾ ಮೋರ್ಚ : ಮಹಿಳಾ ದಿನಾಚರಣೆ ಮುಗಿತಲದ ಲೇಸ್

ಭಾರತೀಯ ಜನತಾ ಪಾರ್ಟಿ ಜಿಲ್ಲಾ ಮಹಿಳಾ ಮೇರ್ಚಾ ವತಿರ್ದ್ ಮಾರ್ಚ್ 8 ತಾರೀಖ್ ಗ್ ನಡತಿನ ಮಹಿಳಾ ದಿನಾಚರಣೆದ ಮುಗಿತಲದ ಲೇಸ್ ಬಿಜೆಪಿ ಜಿಲ್ಲಾ ಕಚೇರಿಡ್ ಜಿಲ್ಲಾ ಮಹಿಳಾ ಮೋರ್ಚಾದ ಗುರ್ಕಾರ್ಲಾಯಿನ ವೀಣಾ .ಎಸ್. ಶೆಟ್ಟಿ ಮೆರ್ನ ಗುರ್ಕಾರ್ಮೆಡ್ ಯಶಸ್ವಿಯಾದ್ ನಡತ್oಡ್. ಪೊಂಜೊವ್ಲೆಗ್ ಆತೋಟ ಸ್ಪರ್ಧೆನ್ ಜಿಲ್ಲಾ ಮಹಿಳಾ ಮೋರ್ಚಾದ ಕಾರ್ಯದರ್ಶಿ ಅಶ್ವಿನಿ ಶೆಟ್ಟಿ ಅಟ್ಟನೆ ಮಲ್ತೆರ್ , ಈ ಲೇಸ್ ಡ್ ಬೇತೆ ಬೇತೆ ಕ್ಷೇತ್ರಡ್ ಸಾಧನೆ ಮಲ್ದಿನ ಪೊಂಜೊವ್ಲಾಯಿನ ಕ್ರೀಡಾ ಕ್ಷೇತ್ರ ವಿದ್ಯಾ ಪೈ, ಭಜನಾ ಕ್ಷೇತ್ರ ಮಾಯ ಕಾಮತ್,ಗಡಿ ಕೈಗಾರಿಕೆ ಕಸೂತಿ ಬೇಲೆಡ್ ಸುಧಾ ಪಾಂಡುರಂಗ ಮೆಕ್ಲೆನ್ ಮಾನದಿಗೆ ಮಲ್ತೆರ್.

ಈ ಲೇಸ್ ಡ್ ಜಿಲ್ಲಾ ಪಂಚಾಯಿತ್ ಉಪಾಧ್ಯಕ್ಷೆ ಶೀಲಾ ಶೆಟ್ಟಿ, ನಗರ ಸಭಾ ಗುರ್ಕಾರ್ಲಾಯಿನ ಸುಮಿತ್ರ ನಾಯಕ್, ರಾಜ್ಯ ಬಿಜೆಪಿ ಕಾರ್ಯಕಾರಣಿ ಸದಸ್ಯೆರಾಯಿನ ಭಾಗೀರಥಿ ಮುಳ್ಳೇರಿಯ, ರಾಜ್ಯ ಮಹಿಳಾ ಮೋರ್ಚಾ ಸದಸ್ಯರಾಯಿನ ಗೀತಾಂಜಲಿ ಸುವರ್ಣ,ಕಾಪು ಮಂಡಲದ ಗುರ್ಕಾರ್ದಿ ಸುಮ ಶೆಟ್ಟಿ, ಗ್ರಾಮಂತರ ಮಹಿಳಾ ಮೋರ್ಚಾ ಗುರ್ಕಾರ್ದಿ ವಸಂತಿ ಪೂಜಾರಿ,ಗ್ರಾಮಂತರ ಅಧ್ಯಕ್ಷೆ ವೀಣಾ ನಾಯಕ್, ಬೈಂದೂರು ಗ್ರಾಮಂತರ ಅಧ್ಯಕ್ಷೆ ಭಾಗೀರಥಿ ಅಂಚನೇ ಪಕ್ಷದ ಮಾತಾ ಕಾರ್ಯಕರ್ತ ಪೊಂಜೊವ್ಲು ಪಾಲ್ ಪಡೆದ್ ಇತ್ತೆರ್. ಈ ಲೇಸ್ ನ್ ಜಿಲ್ಲಾ ಮಹಿಳಾ ಮೋರ್ಚಾದ ಪ್ರದಾನ ಕಾರ್ಯದರ್ಶಿಯಾಯಿನ ರಶ್ಮಿತ ಶೆಟ್ಟಿ ನಿರೂಪಣೆ ಮಲ್ತೆರ್ .