ಮೂಡುಬಿದಿರೆ ಶ್ರೀ ಮಹಾವೀರ ಪ್ರಥಮ ದರ್ಜೆ ಕಾಲೇಜ್ ದ ರಾಷ್ಟ್ರೀಯ ಸೇವಾ ಘಟಕರ್ದ್ ರಡ್ಡ್ ದಿನತ ಪ್ರವಾಸ ಬೊಕ್ಕ ಸ್ವಚ್ಛತಾ ಕಾರ್ಯಕ್ರಮ
ಮೂಡಬಿದ್ರೆ ದ ಶ್ರೀ ಮಹಾವೀರ ಪ್ರಥಮ ದರ್ಜೆ ಕಾಲೇಜ್ ದ ರಾಷ್ಟ್ರೀಯ ಸೇವಾ ಯೋಜನೆದ ಜೋಕುಲು ಮಾರ್ಚ್ 6 ಬೊಕ್ಕ 7 ತಾರೀಖ್ ಗ್ ರಡ್ಡ್ ದಿನತ ಶೈಕ್ಷಣಿಕ ಪ್ರವಾಸ ಬೊಕ್ಕ ಸ್ವಚ್ಛತಾ ಕಾರ್ಯಕ್ರಮಟ್ ಪಾಲ್ ಪಡೆಯೆರ್.
ಚಿಕ್ಕಮಗಳೂರುದ ಕಳಸ ಗ್ರಾಮಪಂಚಾಯತ್ ವ್ಯಾಪ್ತಿದ ಅರಮನೆ ಮಕ್ಕಿ ಮೈದಾನ , ಪ್ರವಾಸಿ ತಾಣವಾಯಿನ ಅಂಬಾ ತೀರ್ಥಡ್ ಸ್ವಚ್ಛತಾ ಕಾರ್ಯಕ್ರಮ ನಡಪಾಯೆರ್ ಈ ಪೊರ್ತುಡು ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಗ್ರಾಮ ಪಂಚಾಯತ್ ಗುರ್ಕಾರ್ಲು ಪಾಲ್ ಪಡೆಯೆರ್ ಈ ಲೇಸ್ ಸಾರ್ವಜನಿಕೆರ್ನ ಪ್ರಶಂಸೆ ಗ್ ಪಾತ್ರ ಆಂಡ್. ಮೂಡಬಿದ್ರೆ ರ್ದ್ ಪಿದಾಡಿನ ಈ ಕೂಟಗ್ ಪರ ವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ಶ್ರೀ ನಾಗರಾಜ್ ಧ್ವಜ ಪಾರಾವುನ ಮುಖೇನ ಎಡ್ಡೆಪ್ಪುನು ಬಯಕಿಯೆರ್.
ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ ರಾಧಾಕೃಷ್ಣ ಶೆಟ್ಟಿ,ಪರ ವಿದ್ಯಾರ್ಥಿ ಸಂಘದ ಸಂಘದ ಕೋಶಾಧಿಕಾರಿ ಪ್ರಸನ್ನ ಶೆಣೈ ಪಾಲ್ ಪಡೆದ್ ಇತ್ತೆರ್.ಜೋಕ್ಲೆನ ಒಟ್ಟುಗು ಯೋಜನಾಧಿಕಾರಿ ಶ್ರೀ ಬಸನಗೌಡ ಪಾಟೀಲ್, ಪ್ರಾಧ್ಯಾಪಕರಾಯಿನ ಶ್ರೀ ಶಿವಪ್ರಸಾದ್, ಶ್ರೀಮತಿ ವಿನುತಾ ಶ್ರೀಮತಿ ವರ್ಷಿತಾ ಪಾಲ್ ಪಡೆದಿತ್ತೆರ್.ರಾಷ್ಟ್ರೀಯ ಸೇವಾಯೋಜನೆದ ಕಾರ್ಯದರ್ಶಿಲಾಯಿನ ಪ್ರಜ್ವಲ್ ಶೆಣೈ ಬೊಕ್ಕ ನಿಕ್ಷಿತ ಲೇಸ್ ಅಟ್ಟನೆ ಮಲ್ತೆರ್.
ಕಂಬಳ ಕ್ಷೇತ್ರಡ್ ಅವ್ವೆತೋ ಸಮಯರ್ದ್ ತನ್ನ ಚಾತುರ್ಪುನು ತೋಜಾಯಿನ ಕುಟ್ಟಿ ಪನ್ಪಿನ ಎರು ಐತಾರಾ ದೇವೆರೆ ಪಾದ ಸೇರ್ದುಂಡು.ಕೆಸರ್ ದ ಕರೆಟ್ಟ್ ಕ್ಷಣ ಮಾತ್ರಡ್ ಗುರಿ ಮುಟ್ಟೋನ್ದು ಇತ್ತಿನ ಕುಟ್ಟಿ ಅಲ್ಪ ಕಾಲದ ಅಸೌಖ್ಯರ್ದ್ ತೀರ್ಪೋತೆ.
ಕರ್ನಾಟಕ ಕರಾವಳಿ ನೃತ್ಯಕಲಾ ಪರಿಷತ್ ಕುಡ್ಲ ವತಿರ್ದ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಬೆಂಗಳೂರು ಒಟ್ಟು ಸೇರಿಗೆಡ್ ಪೇಂಟೆದ ಪುರಭವನಡ್ ಐತಾರ ನಡತಿನ ‘ಭರತಮುನಿ ಜಯಂತಿ’ ಕಾರ್ಯಕ್ರಮದ ಗುರ್ಕಾಮೆ ವಹಿಸೊಂದು ಪಾತೆರಿಯೆರ್. ಪೆರಿಯ ನಾಟ್ಯಗುರು ಉಳ್ಳಾಲ ಮೋಹನಕುಮಾರ್ ಲೇಸ್ ಉದಿಪನ ಮಲ್ತೆರ್.