ಶಿಕ್ಷಣರ್ದ್ ಪೊಣ್ಣು ಜೋಕುಲು ಸಾಧನೆ ಮಲ್ಪರೆ ಸಾಧ್ಯ : ಮಮ್ತಾಜ್ ಸುಶೀಲಾ ಉಪಾಧ್ಯಾಯ ಸoಸ್ಮರಣೆ ಲೇಸ್ ಉದಿಪನ
ಕೋಟ, ಮಾರ್ಚ್ 20: ಇನಿ ಬ್ಯಾರಿ ಪೊಣ್ಣು ಜೋಕುಲು ಶಿಕ್ಷಣ ಪಡೆದ್ ಅವ್ವೆತೋ ಸಾಧನೆ ಮಲ್ದೆರ್ .ಬ್ಯಾರಿ ಪೊಣ್ಣು ಜೋಕ್ಲೆಗ್ ವಿಶೇಷ ಪ್ರತಿಭೆ ಉಂಡು .ಅವೆನ್ ಪೋಷಿಸಾದ್ ಪ್ರೋತ್ಸಾಹ ಮಲ್ಪುನ ಕಾರ್ಯ ಮಲ್ಪೊಡು . ನಮ್ಮೊಟ್ಟುಗು ನನೊರಿಯನ್ ದುಂಬು ಕೊನ್ಪಿನವೇ ನಿಜವಾಯಿನ ಸಾಧನೆಯಾತ್oಡ್ ಪಂದ್ ಉಡುಪಿ ಜಿಲ್ಲೆದ ಸಹಾಯಕ ಅಭಿಯೋಗ ನಿರ್ದೇಶಕ ಮಮ್ತಾಜ್ ಪಂಡೆರ್ .
ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿ ವತಿರ್ದ್ ಕೋಟ ಡಾ.ಕಾರಂತ ಪ್ರತಿಷ್ಠಾನದ ಸಾಕರಡ್ ವಿಶ್ವ ಮಹಿಳಾ ದಿನಾಚರಣೆ ಪರವಾದ್ ಕೋಟ ಕಾರಂತ ಥೀಮ್ ಪಾರ್ಕ್ಡ್ ಇನಿ ಅಟ್ಟನೆ ಮಲ್ತಿನ ಅಕಾಡೆಮಿದ ಪ್ರಥಮ ಅವಧಿದ ಸದಸ್ಯರಾದಿತ್ತಿನ ಡಾ.ಪಿ.ಸುಶೀಲ ಉಪಾಧ್ಯಾಯ ಮೆರ್ನ ಸಂಸ್ಮರಣಾ ಕಾರ್ಯಕ್ರಮನ್ ಉದಿಪನ ಮಲ್ತ್ ದ್ ಆರ್ ಪಾತೆರಿಯೆರ್.
ಮಲ್ಲ ಬಿನ್ನೆರ್ ಆದ್ ಕೋಟತಟ್ಟು ಗ್ರಾಪಂ ಗುರ್ಕಾರ್ಲಾಯಿನ ಅಶ್ವಿನಿ ದಿನೇಶ್, ಪ್ರತಿ ಷ್ಠಾನದ ಟ್ರಸ್ಟಿ ಇಬ್ರಾಹಿಂ ಕೋಟ, ಕಾರ್ಯದರ್ಶಿ ನರೇಂದ್ರ ಕೋಟ, ಕರ್ನಾಟಕ ಹಜ್ ಸಮಿತಿ ಮಾಜಿ ಸದಸ್ಯ ಸಲೀಂ ಅಂಬಾಗಿಲು, ಕೋಟತಟ್ಟು ಗ್ರಾಪಂ ನೋಡೆಲ್ ಅಧಿಕಾರಿ ಡಾ.ಅರುಣ್ ಕುಮಾರ್ ಶೆಟ್ಟಿ, ಜಿಲ್ಲಾ ವಕ್ಫ್ ಸಲಹಾ ಸಮಿತಿದ ಮಾಜಿ ಸದಸ್ಯ ಶೇಖ್ ಆಸೀಫ್ ಪಾಲ್ ಪಡೆದ್ ಇತ್ತೆರ್ .
ಇಂದುವೇ ಪೊರ್ತುಡು ಮಹಿಳಾ ಸಾಧಕಿಯೇರಾಯಿನ ಮಮ್ತಾಝ್, ಡಾ.ವಾರಿಜ ಎನ್., ಸುಶೀಲ ಸೋಮಶೇಖರ್, ಡಾ.ಫಿರ್ದೋಸ್, ಡಾ.ಅಪ್ಸರಿ ಬಾನು ಎಂ., ಮೀನಾ ಪಿಂಟೊ ಕಲ್ಯಾಣಪುರ, ಫರ್ಝಾನ ಎಂ., ಲಲಿತಾ ಪೂಜಾರಿ ಕೊರವಡಿ, ಸುಜಾತಾ ಅಂದ್ರಾದೆ, ಶೈಲಾ ಎಸ್.ಪೂಜಾರಿ, ಮಂಜುಶ್ರೀ ರಾಕೇಶ್ ಕಟಪಾಡಿ ಮೆಕ್ಲೆಗ್ ಪ್ರತಿಷ್ಠಾನದ ಕಾರ್ಯಾಧ್ಯಕ್ಷ ಆನಂದ ಸಿ.ಕುಂದರ್ ಮಾನದಿಗೆ ಮಲ್ತೆರ್.ಅಕಾಡೆಮಿ ರಿಜಿಸ್ಟ್ರಾರ್ ಪೂರ್ಣಿಮಾ ಎದುಕೊಂಡೆರ್. ಪ್ರಾಸ್ತಾವಿಕವಾದ್ ಪಾತೆರಿಯೆರ್. ಅಕಾಡೆಮಿ ಸದಸ್ಯ ನಝೀರ್ ಪೊಲ್ಯ ಸೊಲ್ಮೆ ಸಂದೈತ ಮಲ್ತೆರ್. ಅಕಾಡೆಮಿ ಸದಸ್ಯರಾಯಿನ ಚಂಚಲಾಕ್ಷಿ, ಶಂಶೀರ್ ಬುಡೋಳಿ, ಸುರೇಖಾ ಪಾಲ್ ಪಡೆದಿತ್ತೆರ್ .
ಅನುಷಾ ಲೇಸ್ ನಡಪಾದ್ ಕೊರಿಯೆರ್.
