ಕುಡ್ಲ, ಜೂನ್ 26: ಶಕ್ತಿನಗರದ ಶಕ್ತಿ ಪದವಿ ಪೂರ್ವ ಕಾಲೇಜ್ ಡ್ ಶಕ್ತಿ ಕಾಮರ್ಸ್ ಅಡ್ವಾನ್ಸ್‌ಡ್ ಲರ್ನಿಂಗ್ ಬೊಕ್ಕ ಪೇಂಟೆದ ಕೆವಿಸಿ ಅಕಾಡಮಿ ಕೋಚಿಂಗ್ ಸಂಸ್ಥೆದ ಒಟ್ಟು ಸೇರಿಗೆಡ್ ದುಂಬುದ ಪೊಸ ವಾಣಿಜ್ಯ ವಿಭಾಗಗ್ ಪ್ರವೇಶ ಬಯಕುನ ಜೋಕ್ಲೆಗ್ ಸಿಎ/ಸಿಎಸ್ ಫೌಂಡೇಶನ್ ಕೋಚಿಂಗ್ ನ್ ಜೂ.27 ಕ್ಕ್ ಕಾಂಡೆ 11 ಗಂಟೆಗ್ ಉದಿಪನ ಮಲ್ಪರೆ ಉಲ್ಲೆರ್.
ಕೆವಿಸಿ ಅಕಾಡಮಿದ ಒಟ್ಟು ಸೇರಿಗೆಡ್ ಸಿ.ಎ. ಕಿರಣ್ ವಸಂತ ಉದಿಪನ ಮಲ್ತ್ , ಸಿಎ/ಸಿಎಸ್‌ದ ಮಹತ್ವದ ಬಗ್ಗೆ ತೆರಿಪಾಯೆರೆ ಉಲ್ಲೆರ್ . ಲೇಸ್ ದ ಗುರ್ಕಾರ್ಮೆನ್ ಶಕ್ತಿ ಪಪೂ ಕಾಲೇಜ್ ದ ಪ್ರಾಂಶುಪಾಲ ಟಿ.ರಾಜರಾಮ್ ರಾವ್ ವಹಿಸೆರೆ ಉಲ್ಲೆರ್ .
ಈ ಲೇಸ್ ಡ್ ಶಕ್ತಿ ಎಜುಕೇಶನ್ ಟ್ರಸ್ಟ್‌ದ ಕಾರ್ಯದರ್ಶಿ ಸಂಜೀತ್ ನಾಯಕ್, ಆಡಳಿತಾಧಿಕಾರಿ ಡಾ.ಕೆ.ಸಿ ನಾಯಕ್, ಪ್ರಧಾನ ಸಲಹೆಗಾರೆರಾಯಿನ ರಮೇಶ ಕೆ., ಅಭಿವೃದ್ಧಿ ಅಧಿಕಾರಿ ಪ್ರಖ್ಯಾತ್ ರೈ, ಶಕ್ತಿ ರೆಸಿಡೆನ್ಶಿಯಲ್ ಶಾಲೆದ ಪ್ರಾಂಶುಪಾಲೆ ವಿದ್ಯಾ ಕಾಮತ್ ಜಿ., ಶಕ್ತಿ ಪೂರ್ವ ಪ್ರಾಥಮಿಕ ಶಾಲೆ ಸಂಚಾಲಕಿ ನೀಮಾ ಸಕ್ಸೇನಾ ಪಾಲ್ ಪಡೆಯರೇ ಉಲ್ಲೆರ್.
Editorial