ಪುತ್ತೂರ್ ಜೈ ತುಳುನಾಡ್ ಮುತಾಲಿಕೆಡ್ ಬಲೆ ತುಳು ಲಿಪಿ ಕಲ್ಪುಗ ಲೇಸ್ ಉದಿಪನ

ಕುಂಬ್ರ: ಪುತ್ತೂರ್ ಜೈ ತುಳುನಾಡ್ (ರಿ.) ವಲಯದ ಮುತಾಲಿಕೆಡ್ ಬಲೆ ತುಳು ಲಿಪಿ ಕಲ್ಪುಗ ಲೇಸ್ ದ ಉದಿಪನ ಕುಂಬ್ರ ಅಂಗನವಾಡಿ ಕೇಂದ್ರಡ್ ನಡತ್ಂಡ್.

ನೆತ್ತ ಗುರ್ಕಾರ್ಮೆನ್ ಕುಂಬ್ರ ಅಂಗನವಾಡಿ ಕೇಂದ್ರದ ಕಾರ್ಯಕರ್ತೆರ್ ಆಶಾಲತಾ ರೈ ಒಯಿಸ್ ದಿತ್ತೆರ್. ಈ ಪೊರ್ತುಡು ಅಂಗನವಾಡಿ ಕೇಂದ್ರದ ಸಹಾಯಕಿ ರಾಜೀವಿ, ಜೈ ತುಳುನಾಡ್ (ರಿ.) ದ ಸಹ ಕಾರ್ಯದರ್ಶಿ ಪೂರ್ಣಿಮಾ ಬಂಟ್ವಾಳ, ಬೊಕ್ಕ ಸದಸ್ಯೆರಾಯಿನ ಸುಕೇಶ್ ಗೌಡ, ಕಬಕ ಪ್ರಾಥಮಿಕ ಶಾಲೆದ ಮುಖ್ಯ ಗುರು ಬಾಬು ಮಾಸ್ಟರ್ ತೆಗ್ಗು ಪಾಲ್ ಪಡೆದಿತ್ತೆರ್.

ತೃಷಾ ಕುಂಬ್ರ ಮೇರ್ ಪ್ರಾರ್ತನೆ ಮಲ್ತೆರ್. ಕೀರ್ತನಾ ಕುಂಬ್ರ ಎದ್ಕೊನಿಯೆರ್. ತುಳು ಲಿಪಿ ಶಿಕ್ಷಕಿ ಚಿತ್ರಾಕ್ಷಿ.ಟಿ ತೆಗ್ಗು ಲೇಸ್ ನ್ ಸುಧಾರಿಕೆ ಮಲ್ತೆರ್. ಬೊಕ್ಕ 25 ಜೋಕುಲೆನೊಟ್ಟಿಗೆ 4 ಜನ ಪೋಷಕೆರ್ ತುಳು ಲಿಪಿ ಬರೆಯೆರ್. ನನ 5 ಐತಾರ ಏಪಲ ಕ್ಲಾಸ್ ನಡಪರೆ ಉಂಡು. ಆಸಕ್ತೆರ್ ಬತ್ತ್ ದ್ ಪಾಲ್ ಪಡೆವೊಲಿ ಪಂದ್ ಆಯೋಜಕೆರ್ ತೆರಿಪಾದೆರ್.