ಕಾರ್ಲ: ಬಸ್ ಕ್ಕ್ ಬೈಕ್ ಗುದ್ದುದು ಒರಿ ಜಾಗೆಡೇ ತೀರ್ ಪೋಯಿನ ಘಟನೆ ನ.27 ಕ್ಕ್ ಬೈಲೂರುಡು ನಡತ್ಂಡ್.
ಈ ಘಟನೆಡ್ ತೀರ್ ಪೋಯಿನಾರ್ ನಾಗರಾಜ್ ಪಂದ್ ತೆರಿದ್ ಬೈದ್ಂಡ್. ನೆಟ್ಟ್ ಕುಡೊರಿ ಸಹ ಸವಾರೆ ಮಂಜು ಮೆರೆಗ್ ಮಸ್ತ್ ಪೆಟ್ಟಾದ್ ಮೆರೆನ ಸ್ಥಿತಿ ಗಂಭೀರ ಆತ್ಂಡ್. ಮೆರೆನ್ ಕೈತಲ್ ದಕುಲು ಆ್ಯಂಬುಲೆನ್ಸ್ ಮುಖೇನ ಮಣಿಪಾಲ ಕೆಎಂಸಿ ಆಸ್ಪತ್ರೆಗ್ ಲೆತೊಂದು ಪೋತೆರ್. ಮೇರ್ ಪಳ್ಳಿದ ಕೋಕಾಯಿಕಲ್ ಮದ್ಮಲ್ ಪಾದೆಡ್ ವಾಸ ಇತ್ತಿನ ತಮಿಳುನಾಡ್ ಮೂಲದಾರ್ ಪಂದ್ ತೆರಿದ್ ಬೈದ್ಂಡ್. ಈ ಘಟನೆದ ಜಾಗೆಗ್ ಕಾರ್ಲ ನಗರ ಪೊಲೀಸೆರ್ ಭೇಟಿ ಕೊರ್ದು ಪರಿಶೀಲನೆ ನಡಪಾದೆರ್. ಎಚ್ಚರ ಪೊಲಬು ನನ ತೆರಿದ್ ಬರೊಡಾತೆ.
pallavi shetty