ವಿಶ್ವಕಪ್ಡ್ ಭಾರತ ಸೋತಿನೆಕ್ಕ್ ಬೇಜಾರ್ ಆದ್ ಅಭಿಮಾನಿ ಒರಿ ಆತ್ಮಹತ್ಯೆ ಮಲ್ತೊನ್ನ ಘಟನೆ ವರದಿ ಆತ್ಂಡ್. ಪಶ್ಚಿಮ ಬಂಗಾಳದ ಬಂಕುರಾ ಜಿಲ್ಲೆದ ರಾಹುಲ್ ಲೋಹರ್ 23 ವರ್ಷದ ಜವನೆ ತೀರ್ಪೋಯಿನಾಯೆ.
ಫೈನಲ್ ಪಂದ್ಯದ ಬೊಕ್ಕ ಐತಾರ ರಾತ್ರೆ ಬಂಕುರಾದ ಬೆಲಿಯತೋರ್ ಥಿಯೇಟರ್ದ ಕೈತಲ್ ಈ ಘಟನೆ ನಡತ್ಂಡ್. ಕಟ್ಟಾ ಕ್ರಿಕೆಟ್ ಅಭಿಮಾನಿಯಾಯಿನ ರಾಹುಲ್ ಫೈನಲ್ ಪಂದ್ಯ ತೂವೆರೆ ಬೇಲೆಗ್ ರಜೆ ಪಾರ್ದ್ ಇತ್ತೆ. ಫೈನಲ್ಡ್ ಸೋತಿನ ಬೊಕ್ಕ ರಾಹುಲ್ ತನ್ನ ಕೋಣೆಗ್ ಪೋದು ಬಲ್ಲ ಪಾಡೊಂನ ಸ್ಥಿತಿಟ್ ಇತ್ತೆ. ಪೊಲೀಸೆರ್ ಕೇಸ್ ದಾಖಲ್ ಮಲ್ತೊಂದು ತನಿಖೆ ಮಲ್ತೊಂದು ಉಲ್ಲೆರ್.
pallavi shetty