ನಂದಳಿಕೆ ಇಂಚರ ಸೇವಾ ಬಳಗರ್ದ್ ಪನವುದ ಸಕಾಯ

ಕಾರ್ಲ: ನಂದಳಿಕೆ ಇಂಚರ ಸೇವಾ ಬಳಗ (ರಿ.) ದ ಮುತಾಲಿಕೆಡ್ ಒಂಜಿ ಬಡಪತ್ತ್ ಕುಟುಂಬಗ್ ಪನವುದ ಸಕಾಯನ್ ಮಲ್ತೆರ್.

ಮಲ್ಪೆ ಬೆಂಗ್ರೆ ನಿವಾಸಿ ವಿತೇಶ್ ಮೇರ್ ರಡ್ಡ್ ಕಿಡ್ನಿ ಸಮಸ್ಯೆರ್ದ್ ಇತ್ತೆ ಬೆಂಗ್ಲೂರ್ ದ ಫೋರಿಸ್ಟ್ ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದು ಉಲ್ಲೆರ್. ಮೆರೆನ ಚಿಕಿತ್ಸೆಗ್ 16 ಲಕ್ಷದ ಅವಶ್ಯಕತೆ ಉಂಡು ಪಂದ್ ವೈದ್ಯೆರ್ ತೆರಿಪಾದೆರ್. ಅಂಚಾದ್ ಈ ಕುಟುಂಬ ನಂದಳಿಕೆ ಇಂಚರ ಸೇವಾ ಬಳಗಗ್ ಬಿನ್ನಾಪು ಮಲ್ದ್ಂಡ್. ಈ ಬಿನ್ನಾಪುಗ್ ಸ್ಪಂದಿಸಾಯಿನ ಈ ಕೂಟ 15,000/- ರೂ.ದ ಚೆಕ್ಕ್ ನ್ ಅಕ್ಷತಾ ದಿನೇಶ್ ಮೆರೆನ ಮುಖೇನ ಕೊರ್ತುಂಡು.

ಈ ಪೊರ್ತುಡು ಕೂಟದ ಗುರ್ಕಾರೆ ದೀಕ್ಷಿತ್ ದೇವಾಡಿಗ ನಂದಳಿಕೆ, ಒತ್ತು ಗುರ್ಕಾರ್ದಿ ಸಂಯುಕ್ತ ಬಿ. ಪರ್ಕಳ, ಕೈತಲ್ ದಕುಲಾಯಿನ ಕೀರ್ತಿ ಕುಮಾರ್ ಇತ್ತೆರ್.