ಕುಡ್ಲ: “ಕರಾವಳಿ ಸಿನಿಮಾಸ್ ಲಾಂಛನಡ್, ಸತೀಶ್ ಪೆರ್ನೆ, ಶಿವಪ್ರಸಾದ್ ಇಷ್ಟಾವು ನಿರ್ಮಾಣಡ್, ಹೆಚ್.ಡಿ ಆರ್ಯ ನಿರ್ದೇಶನಡ್, ತಯಾರಾಯಿನ ಪಿರ್ಕಿಲು ತುಳು ಪಿಕ್ಚರ್ ಮೇ26 ಕ್ಕ್ ತುಳುನಾಡ್ ಡ್ ಬುಡುಗಡೆ ಆವರೆ ಉಂಡು.
ಕುಡ್ಲಡ್ ರೂಪವಾಣಿ, ಬಿಗ್ ಸಿನಿಮಾಸ್, ಪಿವಿಆರ್, ಸಿನಿಪೊಲಿಸ್, ಒಡಿಪುಡ್ ಕಲ್ಪನ, ಮಣಿಪಾಲಡ್ ಭಾರತ್ ಸಿನಿಮಾ, ಐನಾಕ್ಸ್, ಪಡ್ಡೆದ್ರಡ್ ಭಾರತ್ ಸಿನಿಮಾ, ಸುರತ್ಕಲ್ ಡ್ ನಟರಾಜ್ ಸಿನಿ ಗ್ಯಾಲಕ್ಸಿ, ಪುತ್ತೂರ್ ಡ್ ಭಾರತ್ ಸಿನಿಮಾ, ಬೆದ್ರಡ್ ಅಮರಶ್ರೀ, ಕಾರ್ಲಡ್ ರಾಧಿಕಾ, ಪ್ಲಾನೆಟ್, ಸುಳ್ಯಡ್ ಸಂತೋಷ್, ಬೊಲ್ತೇರ್ ಡ್ ಭಾರತ್ ಸಿನಿಮಾಡ್ ರಿಲೀಸ್ ಆಪುಂಡು.
ಪಿರ್ಕಿಲು ಪಿಕ್ಚರ್ ಸುಳ್ಯ, ಪುತ್ತೂರ್, ಕುಡ್ಲ, ಉಬಾರ್ ಡ್ 29 ದಿನ ಶೂಟಿಂಗ್ ನಡತ್ಂಡ್. ಅತ್ತಂದೆ ಈ ಪಿಕ್ಚರ್ ಗ್ U/A ಸರ್ಟಿಫಿಕೆಟ್ ತಿಕ್ಕ್ ದ್ಂಡ್. ಈ ಪಿಕ್ಚರ್ ಡ್ ಕಾಮಿಡಿ ಬೊಕ್ಕ ಕೌಟುಂಬಿಕ ಮನರಂಜನೆ ಉಂಡು. ಮಾತ ವರ್ಗದ ಜನಕುಲು ಇಷ್ಟ ಪಡೆಪುನ ಕತೆನ್ ಕಾಮಿಡಿದ ರೂಪಡ್ ನಿರ್ದೇಶಕೆರ್ ತೂಪಾದೆರ್. ನಿರ್ದೇಶಕೆರ್ ಹೆಚ್.ಡಿ ಆರ್ಯ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆತೆರ್. ಬಬಿತ ತುಳು ಸಂಭಾಷಣೆ ತರ್ಜಿಮೆನ್ ಮಲ್ದೆರ್.
ತಾರಾ ಕೂಟಡ್ ತುಳುನಾಡ ಮಾಣಿಕ್ಯ ಅರವಿಂದ ಬೋಳಾರ್, ನವರಸ ರಾಜೆ ಭೋಜರಾಜ ವಾಮಂಜೂರು, ದೀಪಕ್ ರೈ, ಪಾಣಾಜೆ, ರವಿ ರಾಮಕುಂಜ ಉಲ್ಲೆರ್. ನಾಯಕ ನಟೆಯಾದ್ ವರ್ಧನ್ ಬೊಕ್ಕ ಸುದೇಶ್, ನಾಯಕಿಯಾದ್ ಸಲೋಮಿ ಡಿ.ಸೋಜ, ಲತಾ ಅಭಿನಯ ಮಲ್ದೆರ್. ಬೊಕ್ಕ ಸುಮಿತ್ರ, ಅಮಿತ, ನವೀನ್ ಬೋಂದೆಲ್, ಅರ್ಪಣ್, ಅನಿಲ್ ರೈ, ರಂಜಿತ್ ರ, ತಿಮ್ಮಪ್ಪ, ಕುಲಾಲ್, ಪುಭಾಕರ ಶೆಟ್ಟಿ, ಮೊಹನ್, ಸೊನಿ ಉಲ್ಲೆರ್.
pallavi shetty