ಅಮೆರಿಕಡ್ ಐಸ್ ದ ಬರ್ಸ: ಸೈತಿನಕ್ಲೆನ ಸಂಖ್ಯೆ 31ಕ್ ಹೆಚ್ಚಾತ್ಂಡ್

ವಾಷಿಂಗ್ಟನ್: ಅಮೆರಿಕಡ್ ಸೈಕ್ಲೋನ್ ಬೊಕ್ಕ ಐಸ್ ದ ಬರ್ಸ ಬೊಕ್ಕ ಗಾಳಿರ್ದ್ ಜನಕ್ಲೆಗ್ ಮಸ್ತ್ ಬಂಙ ಆತ್ಂಡ್. ನೆರ್ದಾವರ ಸೈತಿನಕ್ಲೆನ ಸಂಖ್ಯೆ 31ಕ್ ಹೆಚ್ಚಾತ್ಂಡ್.

ಕೊಲರಾಡೊಡು 4 ಬೊಕ್ಕ ನ್ಯೂಯಾರ್ಕ್‌ಡ್ 12 ಜನ ಸೇರ್ದ್ 9 ರಾಜ್ಯಡ್ ಈ ಸಾವು‌ ನಡತ್ಂಡ್. ಶೀತ ಗಾಳಿರ್ದ್ ಲಕ್ಷಾಂತರ ಜನ ಸಂಕಷ್ಟಡ್ ಉಲ್ಲೆರ್. ಪೂರ್ವ ಅಮೆರಿಕದ ಕೆಲವು ಭಾಗಲೆಡ್ ಹಿಮ ಬೊಕ್ಕ ಚಳಿ ಉಂಡು‌. ಪಶ್ಚಿಮ ನ್ಯೂಯಾರ್ಕ್‌ದ ಬಫೆಲೊ ನಗರಡ್ ಹಿಮ ಹೆಚ್ಚಾದ್, ನಗರನೇ ಮುಚ್ಚಿದ್ಂಡ್. ಎಣ್ಮ ಅಡಿ (2.4-ಮೀಟರ್) ಐಸ್ ದ ರಾಶಿ ಬೂರ್ದುಂಡು. ನೇರ್ದ್ ಕರೆಂಟ್ ಇಜ್ಜಂದೆ ರಡ್ಡ್ ಲಕ್ಷರ್ದ್ ಹೆಚ್ಚ ಜನ ಕತ್ತಲೆಡೇ ಕ್ರಿಸ್‌ಮಸ್ ಆಚರಣೆ ಮಲ್ತೆರ್ ಪಂದ್ ವರದಿ ತೆರಿಪಾದ್ಂಡ್. ಅಮೆರಿಕದ 48 ರಾಜ್ಯಡ್ ಚಳಿರ್ದ್ ತಾಪಮಾನ ಮೈನಸ್ ಡಿಗ್ರಿಗ್ ಬೈದ್ಂಡ್. ಸಾರ ಸಾರ ವಿಮಾನಲೆನ್ ಉಂತಾದೆರ್. ಇಲ್ಲ್ ಲು ಐಸ್ ರ್ದ್ ದಿಂಜಿದ್ಂಡ್.