ಅಂಬಿದ ಗುಂಡಿಗ್ ಬೂರ್ದು ತೀರ್ ಪೋಯಿನ ಬಾಲೆ

ಕಾರ್ಲ: ತೋಟಡ್ ಬೇಲೆ ಮಲ್ತೊಂದು ಇತ್ತಿನ ಪೊರ್ತುಡು ಬಾಲೆವೊಂಜಿ ಅಂಬಿದ ಗುಂಡಿಗ್ ಬೂರ್ದು ತೀರ್ ಪೋಯಿನ ಘಟನೆ ಹೆಬ್ರಿ ತಾಲೂಕ್ ದ ಮುದ್ರಾಡಿ ಬಚ್ಚಪುಡ್ ನಡತ್ಂಡ್.‌

ಜಾರ್ಖಂಡ್ ಮೂಲದ ಮುನೇಶ್ವರ (6) ತೀರ್ ಪೋಯಿನ ಬಾಲೆ. ಜಾರ್ಖಂಡ್ ಮೂಲದ ಸೋಮೇಶ್ವರ ಓಕಾನ್ ದಂಪತಿಲು ಅಂಟೋನಿ ಪನ್ಪುನರೆನ ತೋಟಡ್ ಕರಿನ 6 ವರ್ಷೋರ್ದಿಂಚ ಬೇಲೆ ಮಲ್ತೊಂದು ಉಲ್ಲೆರ್. ಐತಾರ ರಜೆ ದಿನ ಆಯಿನೆರ್ದಾವೆರ ಬಾಲೆ ಗೊಬ್ಬೊಂದು ಇಪ್ಪುನಗ ಈ ಘಟನೆ ನಡತ್ಂಡ್. ಈ ಬಗೆಟ್ ಹೆಬ್ರಿ ಪೋಲಿಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.