ಪುತ್ತೂರ್ ಸರ್ಕಾರಿ ಬಸ್ ನಿಲ್ದಾಣಗ್ ‘ಕೋಟಿ-ಚೆನ್ನಯ’ ಪುದರ್ ದೀಯೆರೆ ಸರ್ಕಾರ ಗ್ರೀನ್ ಸಿಗ್ನಲ್..!

ಪುತ್ತೂರ್: ಪುತ್ತೂರ್ ಸರಕಾರಿ ಬಸ್ ನಿಲ್ದಾಣಗ್ ತುಳುನಾಡ್ ದ ವೀರ ಪುರುಷೆರಾಯಿನ ಕೋಟಿ-ಚೆನ್ನಯೆರೆನ ಪುದರ್ ದೀಯೆರೆ ಸರಕಾರ ಅನುಮೋದನೆ ಮಲ್ತ್ಂಡ್.

ಪಡುಮಲೆ ಕೋಟಿ-ಚೆನ್ನಯ ಸಂಚಲನ ಟ್ರಸ್ಟ್ ‌ಬಸ್ ನಿಲ್ದಾಣಗ್ ತುಳುನಾಡ್ ದ ಆರಾಧ್ಯ ಪುರುಷೆರೆನ ಪುದರ್ ದೀಯೆರೆ ಶಾಸಕೆರ್ ಸಂಜೀವ ಮಠಂದೂರ್ ಗ್ ಬಿನ್ನಾಪು ಸಂದಾದ್ ಇತ್ತೆರ್.
ಈ ಬಗೆಟ್ ನಾಮಕರಣಗ್ ಬೋಡಾಯಿನ ಮತ ದಾಖಲೆನ್, ಸರಕಾರಗ್ ಸಂಬಂಧಪಟ್ಟಿನ ಇಲಾಖೆಗ್ ಕೊರ್ತೆರ್. ಇತ್ತೆ ಸರಕಾರ ಈ ಬಿನ್ನಾಪುಗ್ ಗ್ರೀನ್ ಸಿಗ್ನಲ್ ಕೊರ್ತುಂಡು.