ಉತ್ತರಾಖಂಡದ ಸಿಲ್ಕ್ಯಾರ್ ಸುರಂಗೊಡು ತಿಕೊಂದು ಬೂರ್ದಿನ 41 ಜನ ಕಾರ್ಮಿಕೆರೆನ್ ಪದಿನೇಳ್ ದಿನತ್ತ ಬಿರ್ಸಾದಿಗೆದ ರಕ್ಷಣಾ ಕಾರ್ಯಾಚರಣೆಡ್ ಬಚಾವ್ ಮಲ್ದೆರ್.
ಅವೆರ್ದ ಬೊಕ್ಕ ಈ ಕಾರ್ಮಿಕೆರೆನೊಟ್ಟುಗು ಪ್ರಧಾನಿ ನರೇಂದ್ರ ಮೋದಿ ಪಾತೆರಿಯೆರ್. ಸುರಂಗೊರ್ದು ಬಚಾವ್ ಆದ್ ಬತ್ತಿನ ಬೇಲೆದಕ್ಲೆಗ್ ಉತ್ತರಾಖಂಡದ ಮುಖ್ಯಮಂತ್ರಿ ತಲಾ 1 ಲಕ್ಷ ರೂಪಾಯಿ ಸಕಾಯ ಘೋಷಣೆ ಮಲ್ದೆರ್.
ಜಮ್ಮು ಬೊಕ್ಕ ಕಾಶ್ಮೀರದ ವಿಶ್ವವಿದ್ಯಾಲಯ ಒಂಜೆತ್ತ 7 ಜನ ಜೋಕುಲೆನ್ ಕಾನೂನು ಮೀರ್ದ್ ನಡತೊನಿನ ಲೆಕ್ಕೊಡು ಭಾರತ ವಿರೋಧಿ ಘೋಷಣೆ ಮಲ್ತಿನೆಕ್ಕ್ ಬೊಕ್ಕ ವಿಶ್ವಕಪ್ ಮ್ಯಾಚ್ಡ್ ಭಾರತ ಸೋತಿನೆಕ್ಕ್ ಗರ್ದಿ ಗಮ್ಮತ್ತ್ ಮಲ್ತಿನ ವಿಷಯೊಡು ಬಂಧನ ಮಲ್ದ್ಂಡ್ ಪನ್ದ್ ಅಧಿಕಾರಿಲು ತೆರಿಪಾದೆರ್.
ಮೊಕುಲು ಶೇರ್-ಎ-ಕಾಶ್ಮೀರ್ ಕೃಷಿ ವಿಜ್ಞಾನ ಬೊಕ್ಕ ತಂತ್ರಜ್ಞಾನ ವಿಶ್ವವಿದ್ಯಾಲಯೊಡು ಕಲ್ತೊಂದುಲ್ಲೆರ್. UAPA ಬೊಕ್ಕ IPC ಸೆಕ್ಷನ್ದ ಅಡಿಟ್ ಕೇಸ್ ದಾಕಲಾತ್ಂಡ್. ಉಂದೆತ ನಡುಟು ಜಮ್ಮು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಮೆಹಬೂಬಾ ಮುಫ್ತಿ ವಿಶ್ವವಿದ್ಯಾಲಯದ ವಿದ್ಯಾರ್ಥಿಲೆನ್ ಅರೆಸ್ಟ್ ಮಲ್ದಿನವು “Shocking” ಪನ್ದ್ ಪನ್ತೆರ್. ಕೆಲವು ಜೋಕುಲು ಆಸ್ಟ್ರೇಲಿಯಾ ಗೆಂದಿನೆಕ್ಕ್ ಸಂತೊಸ ಮಲ್ತೊಂಡೆರ್ಡ ಅವೆಟ್ ತಪ್ಪು ದಾದ ಉಂಡು ಪನ್ದ್ ಪ್ರಶ್ನೆ ಮಲ್ದೆರ್.
ಶಿವಮೊಗ್ಗ : ಗೋಪೂಜೆ ಪೊರ್ತುಡು ಪೂಜೆಗ್ ದೀದ್ ಇತ್ತಿನ ಬಂಗಾರ್ದ ಚೈನ್ನ್ ಪೆತ್ತ ದಿಂಗ್ ದಿತ್ತ್ ದ್ ಪಶುವೈದ್ಯೆರ್ ಶಸ್ತ್ರಚಿಕಿತ್ಸೆ ಮಲ್ತ್ದ್ ಬಂಗಾರ್ದ ಚೈನ್ನ್ ಪಿದಾಯಿ ದೆತ್ತಿನ ಘಟನೆ ಶಿವಮೊಗ್ಗ ಜಿಲ್ಲೆ ಹೊಸನಗರ ತಾಲೂಕ್ದ ಮತ್ತಿಮನೆಟ್ ನಡತ್ಂಡ್. ಪೆತ್ತ ಬಂಗಾರ್ದ ಚೈನ್ನ್ ದಿಂಗಿನ ಬಗ್ಗೆ ತಡವಾದ್ ಗೊತ್ತಾತ್ಂಡ್.
ಗೋಪೂಜೆದ ಪೊರ್ತುಡು ದೀದ್ ಇತ್ತಿನ ಚೈನ್ ನಾಪತ್ತೆ ಆನಗ ಕುಟುಂಬಸ್ಥೆರ್ ನಾಡ್ದೆರ್. ಬೊಕ್ಕ ಪ್ರಸಾದದ ಒಟ್ಟಿಗೆ ಬಂಗಾರ್ದ ಚೈನ್ನ್ ಪೆತ್ತ ದಿಂಗಿನ ಬಗ್ಗೆ ಗೊತ್ತಾತ್ಂಡ್. ವಿಷಯ ತೆರಿನ ಕೂಡ್ಲೆ ಡಾಕ್ಟರ್ಗ್ ಪಂದ್ ಶಸ್ತ್ರಚಿಕಿತ್ಸೆನ್ ಮಲ್ತ್ದೆರ್. ಸದ್ಯಗ್ ಪೆತ್ತ ಹುಷಾರ್ ಆದ್ ಉಂಡು.
ಕುಂಬ್ರ: ಪುತ್ತೂರ್ ಜೈ ತುಳುನಾಡ್ (ರಿ.) ವಲಯದ ಮುತಾಲಿಕೆಡ್ ಬಲೆ ತುಳು ಲಿಪಿ ಕಲ್ಪುಗ ಲೇಸ್ ದ ಉದಿಪನ ಕುಂಬ್ರ ಅಂಗನವಾಡಿ ಕೇಂದ್ರಡ್ ನಡತ್ಂಡ್.
ನೆತ್ತ ಗುರ್ಕಾರ್ಮೆನ್ ಕುಂಬ್ರ ಅಂಗನವಾಡಿ ಕೇಂದ್ರದ ಕಾರ್ಯಕರ್ತೆರ್ ಆಶಾಲತಾ ರೈ ಒಯಿಸ್ ದಿತ್ತೆರ್. ಈ ಪೊರ್ತುಡು ಅಂಗನವಾಡಿ ಕೇಂದ್ರದ ಸಹಾಯಕಿ ರಾಜೀವಿ, ಜೈ ತುಳುನಾಡ್ (ರಿ.) ದ ಸಹ ಕಾರ್ಯದರ್ಶಿ ಪೂರ್ಣಿಮಾ ಬಂಟ್ವಾಳ, ಬೊಕ್ಕ ಸದಸ್ಯೆರಾಯಿನ ಸುಕೇಶ್ ಗೌಡ, ಕಬಕ ಪ್ರಾಥಮಿಕ ಶಾಲೆದ ಮುಖ್ಯ ಗುರು ಬಾಬು ಮಾಸ್ಟರ್ ತೆಗ್ಗು ಪಾಲ್ ಪಡೆದಿತ್ತೆರ್.
ತೃಷಾ ಕುಂಬ್ರ ಮೇರ್ ಪ್ರಾರ್ತನೆ ಮಲ್ತೆರ್. ಕೀರ್ತನಾ ಕುಂಬ್ರ ಎದ್ಕೊನಿಯೆರ್. ತುಳು ಲಿಪಿ ಶಿಕ್ಷಕಿ ಚಿತ್ರಾಕ್ಷಿ.ಟಿ ತೆಗ್ಗು ಲೇಸ್ ನ್ ಸುಧಾರಿಕೆ ಮಲ್ತೆರ್. ಬೊಕ್ಕ 25 ಜೋಕುಲೆನೊಟ್ಟಿಗೆ 4 ಜನ ಪೋಷಕೆರ್ ತುಳು ಲಿಪಿ ಬರೆಯೆರ್. ನನ 5 ಐತಾರ ಏಪಲ ಕ್ಲಾಸ್ ನಡಪರೆ ಉಂಡು. ಆಸಕ್ತೆರ್ ಬತ್ತ್ ದ್ ಪಾಲ್ ಪಡೆವೊಲಿ ಪಂದ್ ಆಯೋಜಕೆರ್ ತೆರಿಪಾದೆರ್.
ಕುಡ್ಲ: ಬಜಪೆ ಶ್ರೀ ವಿಶ್ವಕರ್ಮ ಸಮಾಜ ಸೇವಾ ಸಂಘ (ರಿ.) ದ ಮುತಾಲಿಕೆಡ್ ಡಿ.3 ಐತಾರ ಬಜಪೆ ಶ್ರೀ ವಿಶ್ವಕರ್ಮ ಕಲಾಮಂದಿರಡ್ ಸುರುತ್ತ ವರ್ಷದ ವರ್ಧಂತಿ ಉಚ್ಚಯದ ಲೆಕ್ಕೊಡು ನವಕ ಪ್ರಧಾನ ಕಲಶಾಭಿಷೇಕ ಬೊಕ್ಕ ಆಶ್ಲೇಷಾಬಲಿ ಸೇವೆ ನಡಪರೆ ಉಂಡು.
ಬೊಲ್ಪುಗು ಸಾಮೂಹಿಕ ಪ್ರಾರ್ತನೆ, ಸಂಕಲ್ಪ, ಪುಣ್ಯಾಹವಾಚನ, ತತ್ವಹೋಮ, ಕಲಾಹೋಮ, ಸರ್ಪಶಾಂತಿ, ಕುಂಭಾಭಿಷೇಕ, ಅಲಂಕಾರ ಪೂಜೆ, ಆಶ್ಲೇಷಾಬಲಿ, ಮಧ್ಯಾಹ್ನ ಮಹಾಪೂಜೆ, ಪ್ರಸಾದ ಪಟ್ಟಿ ಬೊಕ್ಕ ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಬತ್ತ್ ದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ನಾಗದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಬಜಿಪೆ ಶ್ರೀ ವಿಶ್ವ ಬ್ರಾಹ್ಮಣ ಸಮಾಜ ಸೇವಾ ಸಂಘ (ರಿ.) ಬೊಕ್ಕ ವಿಶ್ವಬ್ರಾಹ್ಮಣ ಶ್ರೀ ಯಶಸ್ವಿನಿ ಮಹಿಳಾ ಮಂಡಳಿದ ಗುರ್ಕಾರೆ, ಒತ್ತು ಗುರ್ಕಾರೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಯುವ ಬ್ರಿಗೇಡ್ ಮೀರಾ ಭಯಂದರ್ ಮುತಾಲಿಕೆಡ್, ತ್ರಿರಂಗ ಸಂಗಮದ ಒಟ್ಟುಸೇರಿಗೆಡ್, ಪಟ್ಲ ಸತೀಶ್ ಶೆಟ್ಟಿ ಮೆರೆನ ಸಾರಥ್ಯಡ್, ಪಾವಂಜೆ ಜ್ಞಾನ ಶಕ್ತಿ ಸುಬ್ರಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿದ ಕಲಾವಿದೆರೆರ್ದ್ ಶ್ರೀ ದೇವಿ ಮಹಾತ್ಮೆ ಆಟದ ಯಶಸ್ಸಿಗ್ ಸೇವೆ ಮಲ್ತಿನ ಮತ ಸೇವಕೆರೆಗ್ ಸೊಲ್ಮೆ ಸಂದಾವುನ ಧನ್ಯೋಸ್ಮಿ ಲೇಸ್ ಮೀರಾ ಭಯಂದರ್ ದ ಹೋಟೆಲ್ ಕ್ರೌನ್ ಸಭಾಂಗಣಡ್ ನಡತ್ಂಡ್.
ಈ ಪೊರ್ತುಡು ಅರುಣ್ ಶೆಟ್ಟಿ ಪಣಿಯೂರು, ಸಚ್ಚಿದಾನಂದ ಶೆಟ್ಟಿ ಮುನ್ನಲಾಯಿ ಗುತ್ತು, ಭಾಸ್ಕರ್ ಶೆಟ್ಟಿ, ಉದಯ್ ಶೆಟ್ಟಿ ಪೆಲತ್ತೂರು, ಅರುಣೋದಯ ರೈ, ರಮೇಶ್ ಶೆಟ್ಟಿ ಸಿದ್ದಕಟ್ಟೆ, ಶಿವರಾಮ್ ಶೆಟ್ಟಿ ಡೆಲ್ಟ, ದಿನೇಶ್ ಶೆಟ್ಟಿ, ಸುರೇಶ್ ಶೆಟ್ಟಿ ಗಂಧರ್ವ ಪಾಲ್ ಪಡೆದಿತ್ತೆರ್.
ಯುವ ಬ್ರಿಗೇಡ್ ಮೀರಾ ಭಯಂದರ್ ಮುತಾಲಿಕೆಡ್, ತ್ರಿರಂಗ ಸಂಗಮದ ಒಟ್ಟುಸೇರಿಗೆಡ್, ಪಟ್ಲ ಸತೀಶ್ ಶೆಟ್ಟಿ ಮೆರೆನ ಸಾರಥ್ಯಡ್, ಪಾವಂಜೆ ಜ್ಞಾನ ಶಕ್ತಿ ಸುಬ್ರಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿದ ಕಲಾವಿದೆರೆರ್ದ್ ಶ್ರೀ ದೇವಿ ಮಹಾತ್ಮೆ ಆಟ ಮೀರಾ ಭಯಂದರ್ ದ ಹೋಟೆಲ್ ಕ್ರೌನ್ ಸಭಾಂಗಣಡ್ ನಡತ್ಂಡ್.
ಅಂಚೆನೆ ಬೊಕ್ಕ ಲೇಸ್ ದ ಯಶಸ್ಸಿಗ್ ಸೇವೆ ಮಲ್ತಿನ ಮತ ಸೇವಕೆರೆಗ್ ಸೊಲ್ಮೆ ಸಂದಾವುನ ಧನ್ಯೋಸ್ಮಿ ಲೇಸ್ ನಡತ್ಂಡ್. ಈ ಪೊರ್ತುಡು ಅರುಣ್ ಶೆಟ್ಟಿ ಪಣಿಯೂರು, ಸಚ್ಚಿದಾನಂದ ಶೆಟ್ಟಿ ಮುನ್ನಲಾಯಿ ಗುತ್ತು, ಭಾಸ್ಕರ್ ಶೆಟ್ಟಿ, ಉದಯ್ ಶೆಟ್ಟಿ ಪೆಲತ್ತೂರು, ಅರುಣೋದಯ ರೈ, ರಮೇಶ್ ಶೆಟ್ಟಿ ಸಿದ್ದಕಟ್ಟೆ, ಶಿವರಾಮ್ ಶೆಟ್ಟಿ ಡೆಲ್ಟ, ದಿನೇಶ್ ಶೆಟ್ಟಿ, ಸುರೇಶ್ ಶೆಟ್ಟಿ ಗಂಧರ್ವ ಪಾಲ್ ಪಡೆದಿತ್ತೆರ್.
ಕಳೆಂಜ ಮುಲ್ಪದ ಶಿಬರಾಜೆ ಅಂಗನವಾಡಿ ಕೇಂದ್ರಡ್ ನ.27 ತಾನಿ ಜೋಕ್ಲೆನ ದಿನಾಚರಣೆ ಕಾರ್ಯಕ್ರಮ ನಡತ್ಂಡ್. ಕಾರ್ಯಕ್ರಮ ಗ್ರಾಮಾಭ್ಯುದಯ ಅನುಷ್ಠಾನ ಸಮಿತಿ ಶಿಬರಾಜೆ, ಪಾದೆ ಕಚೇರಿದ ಎದುರುಡು ನಡತ್ಂಡ್. ಲೇಸ್ ದ ಗುರ್ಕಾರ್ಮೆನ್ ಅಂಗನವಾಡಿದ ಬಾಲೆ ವೈಷ್ಣವಿ ವಹಿಸ್ ದ್ ಇತ್ತೆರ್. ಜೋಕುಲು ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್.
ಕಳೆಂಜ ಗ್ರಾ.ಪಂ ಸದಸ್ಯೆರ್ ಟಿ.ಎಸ್ ನಿತ್ಯಾನಂದ ರೈ, ಪ್ರೇಮಾ ಬಿ.ಎಸ್, ಗ್ರಾಮಾಭ್ಯುದಯ ಕಾರ್ಯಕ್ರಮ ಅನುಷ್ಠಾನ ಸಮಿತಿದ ಗುರ್ಕಾರ್ಲು ಪಿ.ಟಿ ಸೆಬಾಸ್ಟಿನ್, ಶಾಲೆತ್ತಡ್ಕ ಶಾಲೆದ ಹೆಚ್.ಎಮ್ ರತ್ನಾ, ನಿಖಿತಾ ಸಿ.ಹೆಚ್.ಓ, ಮಾಜಿ ಅಂಗನವಾಡಿ ಕಾರ್ಯಕರ್ತೆ ಪಿ.ಟಿ ಏಲಿಯಮ್ಮ, ಬಾಲವಿಕಾಸ ಸಮಿತಿದ ಗುರ್ಕಾರ್ದಿ ಪ್ರತಿಮಾ ಈ ಪೊರ್ತುಡು ಇತ್ತೆರ್. ಹರೀಶ್ ಒಳಗುಡ್ಡೆ ಅಂಗನವಾಡಿಗ್ ಪೂತ ದೈ ಕೊಡುಗೆಯಾದ್ ಕೊರಿಯೆರ್. ಜೋಕ್ಲೆನ ಆಟೋಟ, ಸಾಂಸ್ಕೃತಿಕ ಚಟುವಟಿಕೆದ ಇನಾಮುನು ಈ ಪೊರ್ತುಡು ವಿತರಣೆ ಮಲ್ತೆರ್.
ಅಂಗನವಾಡಿ ಜೋಕ್ಲೆರ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್. ಅಂಗನವಾಡಿ ಕಾರ್ಯಕರ್ತೆ ಪ್ರಿಯಾ ಲೇಸ್ ದ ಸುದಾರಿಕೆ ಮಲ್ತೆರ್, ಸಹಾಯಕಿ ಅನ್ಸಿಲ್ಲಾ ಸೊಲ್ಮೆ ಸಂದಾಯ ಮಲ್ತೆರ್.
ಕಳೆಂಜ ಮುಲ್ಪದ ಶಿಬರಾಜೆ ಅಂಗನವಾಡಿ ಕೇಂದ್ರಡ್ ನ.27 ತಾನಿ ಜೋಕ್ಲೆನ ದಿನಾಚರಣೆ ಕಾರ್ಯಕ್ರಮ ನಡತ್ಂಡ್. ಕಾರ್ಯಕ್ರಮ ಗ್ರಾಮಾಭ್ಯುದಯ ಅನುಷ್ಠಾನ ಸಮಿತಿ ಶಿಬರಾಜೆ, ಪಾದೆ ಕಚೇರಿದ ಎದುರುಡು ನಡತ್ಂಡ್. ಲೇಸ್ ದ ಗುರ್ಕಾರ್ಮೆನ್ ಅಂಗನವಾಡಿದ ಬಾಲೆ ವೈಷ್ಣವಿ ವಹಿಸ್ ದ್ ಇತ್ತೆರ್.
ಜೋಕುಲು ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್. ಕಳೆಂಜ ಗ್ರಾ.ಪಂ ಸದಸ್ಯೆರ್ ಟಿ.ಎಸ್ ನಿತ್ಯಾನಂದ ರೈ, ಪ್ರೇಮಾ ಬಿ.ಎಸ್, ಗ್ರಾಮಾಭ್ಯುದಯ ಕಾರ್ಯಕ್ರಮ ಅನುಷ್ಠಾನ ಸಮಿತಿದ ಗುರ್ಕಾರ್ಲು ಪಿ.ಟಿ ಸೆಬಾಸ್ಟಿನ್, ಶಾಲೆತ್ತಡ್ಕ ಶಾಲೆದ ಹೆಚ್.ಎಮ್ ರತ್ನಾ, ನಿಖಿತಾ ಸಿ.ಹೆಚ್.ಓ, ಮಾಜಿ ಅಂಗನವಾಡಿ ಕಾರ್ಯಕರ್ತೆ ಪಿ.ಟಿ ಏಲಿಯಮ್ಮ, ಬಾಲವಿಕಾಸ ಸಮಿತಿದ ಗುರ್ಕಾರ್ದಿ ಪ್ರತಿಮಾ ಈ ಪೊರ್ತುಡು ಇತ್ತೆರ್.
ಹರೀಶ್ ಒಳಗುಡ್ಡೆ ಅಂಗನವಾಡಿಗ್ ಪೂತ ದೈ ಕೊಡುಗೆಯಾದ್ ಕೊರಿಯೆರ್. ಜೋಕ್ಲೆನ ಆಟೋಟ, ಸಾಂಸ್ಕೃತಿಕ ಚಟುವಟಿಕೆದ ಇನಾಮುನು ಈ ಪೊರ್ತುಡು ವಿತರಣೆ ಮಲ್ತೆರ್. ಅಂಗನವಾಡಿ ಜೋಕ್ಲೆರ್ದ್ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್. ಅಂಗನವಾಡಿ ಕಾರ್ಯಕರ್ತೆ ಪ್ರಿಯಾ ಲೇಸ್ ದ ಸುದಾರಿಕೆ ಮಲ್ತೆರ್, ಸಹಾಯಕಿ ಅನ್ಸಿಲ್ಲಾ ಸೊಲ್ಮೆ ಸಂದಾಯ ಮಲ್ತೆರ್.
ಕತಾರ್: ಭಾರತದ ರಾಯಭಾರಿ ಕಚೇರಿದ ಅಡಿಟ್ಟ್ ಇಂಡಿಯನ್ ಕಲ್ಚರಲ್ ಸೆಂಟರ್ ಸಹವರ್ತಿ ಸಂಘಲೆಡ್ ಒಂಜಾಯಿನ ಬಂಟ್ಸ್ ಕತಾರ್ ದ ವಾರ್ಷಿಕ ಸಾಮಾನ್ಯ ಸಭೆ ಇಂಚಿಪ್ಪ ನಡತ್ಂಡ್.
ಈ ಸಭೆಟ್ಟ್ 2023-25 ನೇ ಸಾಲ್ ದ ಪೊಸ ಆಡಳಿತ ಸಮಿತಿನ್ ಆಯ್ಕೆ ಮಲ್ತೆರ್. ಪೊಸ ಗುರ್ಕಾರೆಯಾದ್ ನವೀನ್ ಶೆಟ್ಟಿ ಇರುವೈಲ್ ಅವಿರೋಧವಾದ್ ಆಯ್ಕೆ ಆಯೆರ್.
ನವೀನ್ ಶೆಟ್ಟಿ ಮೇರ್ ದಕ್ಷಿಣ ಕನ್ನಡ ಜಿಲ್ಲೆದ ಬೆದ್ರ ಕೈತಲ್ ದ ಇರುವೈಲ್ ಮೂಲದಾರ್. ಕತಾರ್ ಬೊಕ್ಕ ಬಹರೈನ್ ಡ್ ಬೇತೆ ಬೇತೆ ಸಂಸ್ಥೆಲೆಡ್ ಏಪಲ ಸೇವೆ ಸಂದಾವೊಂದು ಇತ್ತೆರ್. ಮೇರ್ ಭಾಷಣಕಾರೆ ಬೊಕ್ಕ ನಿರೂಪಕೆ ಆದಿತ್ತೆರ್. ಅತ್ತಂದೆ ಕತಾರ್ ಬೊಕ್ಕ ಬಹರೈನ್ ದ ಬೇತೆ ಬೇತೆ ಸಂಘಲೆನ ಚಾವಡಿಡ್ ನಾಟಕ ಬೊಕ್ಕ ಯಕ್ಷಗಾನಡ್ ಪ್ರದರ್ಶನ ಕೊರ್ತೆರ್.
ಅಂಚೆನೆ ಒತ್ತು ಗುರ್ಕಾರೆಯಾದ್ ಸುಬೋಧ ಶೆಟ್ಟಿ, ಕೋಶಾಧಿಕಾರಿಯಾದ್ ಸುನೀಲ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿಯಾದ್ ಸುಕರಾಮ ಶೆಟ್ಟಿ, ಕ್ರೀಡಾ ಕಾರ್ಯದರ್ಶಿಯಾದ್ ನವೀನ್ ಶೆಟ್ಟಿ ಮಡಂತ್ಯಾರು, ವಿಶೇಷ ಅಗತ್ಯಲಾದ್ ಪ್ರೀತಮ್ ರೈ, ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಅಕ್ಷಿಣಿ ವಿಘ್ನೇಶ್ ಶೆಟ್ಟಿ, ಜಂಟಿ ಪ್ರಧಾನ ಕಾರ್ಯದರ್ಶಿಯಾದ್ ಚಿದಾನಂದ ರೈ ಈಶ್ವರಮಂಗಲ, ಜಂಟಿ ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಪೂಜಾ ಆದರ್ಶ ಶೇಣವ,
ಲಾಜಿಸ್ಟಿಕ್ ಬೊಕ್ಕ ಯುವ ಸಂಯೋಜಕೆರಾದ್ ದಿನೇಶ್ ಶೆಟ್ಟಿ, ಸದಸ್ಯತ್ವ ಬೊಕ್ಕ ಪರಿಸರ ಸಂಯೋಜಕೆರ್ ಮನೋಜ್ ಶೆಟ್ಟಿ ಆಯ್ಕೆ ಆತೆರ್.
ನಿರ್ಗಮಿತ ಪ್ರಧಾನ ಕಾರ್ಯದರ್ಶಿ ಮಾನಸ ಶೆಟ್ಟಿ ದುಂಬುದ ಅವಧಿದ ವರದಿ ಓದಿಯೆರ್. ಕೋಶಾಧಿಕಾರಿ ಮನೋಹರ ಶೆಟ್ಟಿ ದುಂಬುದ ವರ್ಷದ ಲೆಕ್ಕ ಪರಿಶೋಧಕ ಆಯವ್ಯಯ ಪತ್ರನ್ ಓದಿಯೆರ್. ಬಂಟ್ಸ್ ಕತಾರ್ ದ ನಿರ್ಗಮಿತ ಗುರ್ಕಾರ್ದಿ ಡಾ.ಪದ್ಮಶ್ರೀ ಶೆಟ್ಟಿ ತನ್ನ ಗುರ್ಕಾರ್ದಿ ಭಾಷಣಡ್ ಸಂಘದ ಉದ್ದೇಶನ್ ತೆರಿಪಾಯೆರ್.
ಈ ಪೊರ್ತುಡು ಸ್ಥಾಪಕಾಧ್ಯಕ್ಷೆರ್ ರವಿ ಶೆಟ್ಟಿ, ಮಾಜಿ ಗುರ್ಕಾರೆ ನವನೀತ ಶೆಟ್ಟಿ, ಹಿರಿಯ ಸದಸ್ಯೆರ್ ರಾಮ್ ಮೋಹನ್ ರೈ, ರಾಮಚಂದ್ರ ಶೆಟ್ಟಿ, ಮಾಜಿ ಗುರ್ಕಾರೆ, ನಿರ್ಗಮಿತ ಸಲಹಾ ಸಮಿತಿ ಛೇರ್ಮನ್ ದೀಪಕ್ ಶೆಟ್ಟಿ, ಸಮಿತಿದ ಸದಸ್ಯೆರ್ ಬೊಕ್ಕ ಬಂಟ್ಸ್ ಕತಾರ್ ದ ಸದಸ್ಯೆರ್ ಪಾಲ್ ಪಡೆದಿತ್ತೆರ್.
