ಮುಲ್ಕಿ: ಪುಣೆದ ಪುಗರ್ತೆದ ತುಳುಕೂಟದ ಪೊಸ ಸಮಿತಿಡ್ ಸಮಾಜ ಕಲ್ಯಾಣ ಸಮಿತಿದ ಕಾರ್ಯಾಧ್ಯಕ್ಷೆರಾದ್ ಮಹಾಬಲೇಶ್ವರ ದೇವಾಡಿಗ ಬೊಕ್ಕ ತುಳುಕೂಟದ ಮಹಿಳಾ ವಿಭಾಗದ ಗುರ್ಕಾರ್ದಿಯಾದ್ ಪ್ರೀಯಾ ಎಚ್ ದೇವಾಡಿಗ ಆಯ್ಕೆ ಆತೆರ್.
ಪೊಸ ಸಮಾಜ ಕಲ್ಯಾಣ ಸಮಿತಿದ ಕಾರ್ಯಾಧ್ಯಕ್ಷೆರ್ ಬೊಕ್ಕ ಮಹಿಳಾ ವಿಭಾಗದ ಗುರ್ಕಾರೆರೆನ್ ಸಮಿತಿದ ಗುರ್ಕಾರೆ ಬೊಕ್ಕ ಪದುಕೆರ್ ಅಭಿನಂದನೆ ಸಂದಾದೆರ್.
ಹಾಸನ: ಯಾನ್ ಓಟುದ ರಾಜಕಾರಣಡ್ ಇಪ್ಪುಜಿ ಪಂದ್ ತೀರ್ಮಾನ ಮಲ್ದೆ ಪಂದ್ ಮಾಜಿ ಮುಖ್ಯಮಂತ್ರಿ ಡಿ.ವಿ ಸದಾನಂದ ಗೌಡ ಮೇರ್ ನಿವೃತ್ತಿ ಘೋಷಣೆ ಮಲ್ದೆರ್.
ಹಾಸನಡ್ ಸುದ್ದಿಗಾರೆರೆಡ ಪಾತೆರ್ದ್ ಮೇರ್, 30 ವರ್ಷ ಎನ್ನ ಪಕ್ಷ ಎಂಕ್ ಮಾತಲ ಕೊರ್ತುಂಡು. ಯಡಿಯೂರಪ್ಪ ಬುಡ್ನ ಎಂಕ್ಲೆನ ಪಕ್ಷಡ್ ಯಾನೇ ನಂಬರ್ ಒನ್ ಫಲಾನುಭವಿ. 10 ವರ್ಷ ಎಂಎಲ್ಎ, 20 ವರ್ಷ ಎಂಪಿ, 1 ವರ್ಷ ಮುಖ್ಯಮಂತ್ರಿ, ಒಂಜರೆ ವರ್ಷ ವಿರೋಧ ಪಕ್ಷದ ನಾಯಕೆಯಾದ್, 5 ವರ್ಷ ವಿಧಾನಸಭೆಟ್ಟ್ ವಿರೋಧ ಪಕ್ಷದ ಉಪನಾಯಕೆಯಾದ್, ನಾಲರೆ ವರ್ಷ ಪಕ್ಷದ ರಾಜ್ಯಾಧ್ಯಕ್ಷೆರಾದಿತ್ತೆ. ಅತ್ತಂದೆ ಕೇಂದ್ರಡ್ 7 ವರ್ಷ ನರೇಂದ್ರ ಮೋದಿನೊಟ್ಟಿಗೆ ಕ್ಯಾಬಿನೆಟ್ ಮಂತ್ರಿ ಆದ್ ಸಂತೋಷ ಪಡೆಯೆ. ಆತ್ ಇತ್ತ್ ದ್ ಲ ಕುಷಿ ಪಡೆಯಂದಿನಾಯೆ ರಾಜಕಾರಣಿಯೇ ಅತ್ತ್. ಆಯನ್ ಸ್ವಾರ್ಥಿ ಪಂದ್ ಎನ್ನಿವೆ ಪಂದ್ ಪಂಡೆರ್.
ಮಾತ ರಾಜಕೀಯ ಪಕ್ಷಡ್ ಯಾನ್ ಸತ್ಯಹರಿಶ್ಚಂದ್ರ ಪಂದ್ ಪಂಡಲ 10 ಪರ್ಸೆಂಟ್ ಜನ ಅಧಿಕಾರಗಾದ್ ಜಂಪ್ ಮಲ್ಪುನಕುಲು ಉಲ್ಲೆರ್. ಬಿಜೆಪಿ ಅಧಿಕಾರಗ್ ಬತ್ತ್ಂಡ ಕೂಡ್ಲೆ ಬಿಜೆಪಿ, ಕಾಂಗ್ರೆಸ್ ಅಧಿಕಾರಗ್ ಬತ್ತ್ಂಡ ಕೂಡ್ಲೆ ಬಿಜೆಪಿರ್ದ್ ಕಾಂಗ್ರೆಸ್ ದಾಲ ಇಜ್ಜಂದಿನ ಜೆಡಿಎಸ್ ಅಧಿಕಾರಗ್ ಬತ್ತ್ಂಡ ಕೂಡ್ಲೆ ಅಕ್ಲೆನೊಟ್ಟಿಗೆ, ಈ ರೀತಿ ಪೋಪುನಕುಲು ಮತ ಪೊಲಿಟಿಕಲ್ ಪಾರ್ಟಿಡ್ ಉಲ್ಲೆರ್ ಪಂದ್ ಪಂಡೆರ್.
ಮುಂಬಯಿ : “ಅಮೂಲ್ಯ” ಪತ್ರಿಕೆದ 25ನೇ ವರ್ಷದ ಸಂಭ್ರಮಡ್ ನಮ ಮಾತ ಪಾಲ್ ಪಡೆಪುನ ನಮನ ಸೌಭಾಗ್ಯ.ಬೊಂಬೈದ ಮಾತ 20 ಲಕ್ಷ ಕನ್ನಡಿಗರ ಪರವಾದ್ ಅಮೂಲ್ಯ ಪತ್ರಿಕೆಗ್ ಅಭಿನಂದನೆ. ಪತ್ರಿಕೆ ಜನಕ್ಲೆನ್ ಬರಹಗಾರೆ ಆದ್ ಮಲ್ಪುಂಡು. ದಿನಪತ್ರಿಕೆದ ಬೊಕ್ಕ ಮುಖವಾಣಿದ ಮುಖೆನ ಮಸ್ತ್ ಲೇಖಕೆರೆನ್ ನಮ ತೂತ. ಕನ್ನಡ ಪತ್ರಿಕೆ ಬೊಕ್ಕ ಮುಖವಾಣಿರ್ದ್ ಮುಂಬಯಿಡ್ ತಕ್ಕಮಟ್ಟ್ಗ್ ಕನ್ನಡ ಒರಿದ್ಂಡ್ ಪಂದ್ ಮುಂಬಯಿ ವಿಶ್ವವಿದ್ಯಾಲಯದ ಕನ್ನಡ ವಿಭಾಗದ ಪ್ರಮುಖೆರ್ ಡಾ. ಜಿ ಎನ್ ಉಪಾಧ್ಯ ಪಂಡೆರ್.
ಆರ್ ಕುಲಾಲ ಸಂಘ ಮುಂಬಯಿದ ಮುಖವಾಣಿ ಅಮೂಲ್ಯ ತ್ರೈಮಾಸಿಕದ ಬೊಳ್ಳಿ ಪರ್ಬ ಸಮಾರಂಭ ನ.5 ದಾನಿ ಗೋರೆಗಾಂವ್ ಪೂರ್ವದ ನಂದಾದೀಪ ಹೈಸ್ಕೂಲ್ ಸಭಾಗೃಹದ ದಿ.ಪಿ.ಕೆ. ಸಾಲ್ಯಾನ್ ಸ್ಮಾರಕ ವೇದಿಕೆಡ್ ಕುಲಾಲ ಸಂಘದ ಅಧ್ಯಕ್ಷೆರ್ ರಘು ಎ ಮೂಲ್ಯ ಮೇರ್ನ ಅಧ್ಯಕ್ಷತೆಡ್ ಗೌರವ ಅಧ್ಯಕ್ಷೆರಾಯಿನ ಪಿ ದೇವದಾಸ್ ಎಲ್ ಕುಲಾಲ್ ಮೇರೆನ ಗೌರವ ಉಪಸ್ಥಿತಿಡ್ ಸಂಪಾದಕೆರಾಯಿನ ಶಂಕರ್ ವೈ ಮೂಲ್ಯ ರ ಉಪಸ್ಥಿತಿಡ್ ನಡತ್ತಿನ ಲೇಸ್ನ್ ಉದಿಪನ ಮಲ್ತ್ ಪಾತೆರಿಯೆರ್.
ಇತಿಹಾಸದ ಪುಟಕ್ಲೆನ್ ತಿರ್ಗಾದ್ ತೂಂಡ ಕುಂಬಾರೆರ್, ಕುಲಾಲೆರ್ ನಿಜವಾದ್ ಸೌಂದರ್ಯದ ಅನ್ವೇಷಕೆರ್. ಭಾರತೀಯ ಸಂಸ್ಕೃತಿನ್ ರೂಪಿಸಾಯಿನ ಒಂಜಿ ಸಮುದಾಯ. ಮುಂಬಯಿಡ್ ಇತ್ತಿನಾತ್ ಮುಖವಾಣಿಲು ದೇಶದ ಒವ್ವೇ ಭಾಗಡ್ ಇಜ್ಜಿ. ಸರಕಾರದ ನೆರವುನ್ ಈ ಪತ್ರಿಕೆ ಪಡೆಯೊಡು ಪಂದ್ ಪಂಡೆರ್. ಅಧ್ಯಕ್ಷತೆನ್ ವಹಿಸ್ದ್ ಮಾತೆರ್ನ ಕುಲಾಲ ಸಂಘದ ಅಧ್ಯಕ್ಷೆರ್ ರಘು ಎ ಮೂಲ್ಯ ಮೇರ್ , “ಅಮೂಲ್ಯ” ದ ಬೆಳ್ಳಿ ಪರ್ಬ ಮಾತೆರ್ನ ಸಹಾಯ ಬೊಕ್ಕ ಪ್ರೋತ್ಸಾಹರ್ದ್ ವಿಶೇಷ ರೀತಿಡ್ ಅರ್ಥಪೂರ್ಣವಾದ್ ನಡತ್ಂಡ್.
ಪತ್ರಿಕೆಗ್ ಜಾಹೀರಾತ್ ಕೊರ್ದು ಸಹಕರಿಸಾದ್, ಯುವ ಸಾಹಿತಿಲು, ಪೊಸ ಬರಹಗಾರೆರ್ ಪತ್ರಿಕೆ ಲೇಖನ ಬರಹಲೆನ್ ಕಡಪಾದ್ ಕೊರೊಡು. ಅಂತರ್ಜಾಲದ ಈ ಕಾಲಡ್ ಪತ್ರಿಕೆಡ್ ನನಲ ಉನ್ನತ ಮಟ್ಟಡ್ ದುಂಬು ಪೋಯೆರೆ ಮಾತೆರ್ಲ ಕೈಜೋಡಿಸಾವೊಡು ಪಂದ್ ಪಂಡೆರ್. ಬಂಟರ ಸಂಘ ಮುಂಬಯಿದ ಉಪಾಧ್ಯಕ್ಷೆರ್ ರತ್ನಾಕರ ಶೆಟ್ಟಿ ಮುಂಡ್ಕೂರು ಪಾತೆರ್ದ್ ಪತ್ರಿಕೆ ನಡಪಾವುನ ಸುಲಭ ಅತ್ತ್, ಮಾತ ಸಮಾಜ ಬಾಂಧವೆರೆನ್ ಮೋಕೆಡ್ ತೂಪುನ ಸಮಾಜ ಕುಲಾಲ ಸಮಾಜ. ಮುಂಬಯಿಡ್ ಇಪ್ಪುನಾತ್ ಜಾತೀಯ ಸಂಘಟನೆದ ಒಗ್ಗಟ್ಟು ಬೇತೆ ಒಲ್ಲ ತೂವೆರೆ ತಿಕ್ಕುಜಿ ಪಂಡೆರ್. ಕರ್ನಾಟಕ ಮಲ್ಲದ ಸಂಪಾದಕೆರ್ ಚಂದ್ರಶೇಖರ ಪಾಲೆತ್ತಾಡಿ ಪಾತೆರ್ದ್ ಪಿದಾಯಿ ಊರುಡು ಸಮಾಜದ ಪತ್ರಿಕೆ ಒಂಜಿ 25ನೇ ವರ್ಷನ್ ಆಚರಣೆ ಮಲ್ಪುನ ಅಭಿಮಾನದ ಸಂಗತಿ. ಪಿ. ಕೆ. ಸಾಲ್ಯಾನ್ ನಂಚಿನ ಸಾಮಾಜಿಕ ಚಿಂತಕ ಅಮೂಲ್ಯನ್ ಪುಟ್ಟು ಪಾಡೆರೆ ಏತ್ ಕಾರಣನ ಅವೆನ್ ಬುಲೆಪಾವೆರೆ ನಿಕುಲ್ಲ ಆತೆ ಕಾರಣ ಪಂದ್ ಪಂಡೆರ್.
ಮಲ್ಲ ಬಿನ್ನೆರಾದ್ ಭಾರತ್ ಬ್ಯಾಂಕ್ದ ಕಾರ್ಯಾಧ್ಯಕ್ಷೆರ್ ಸೂರ್ಯಕಾಂತ್ ಜಯ ಸುವರ್ಣ, ಕರ್ನಾಟಕ ಸಂಘ ಮುಂಬೈದ ಅಧ್ಯಕ್ಷೆರ್ ಭರತ್ ಕುಮಾರ್ ಪೊಲಿಪು, ಒಕ್ಕಲಿಗ ಸಂಘ ಮಹಾರಾಷ್ಟ್ರದ ಗೌರವ ಕಾರ್ಯದರ್ಶಿ ಸಿಎ ಮಂಜುನಾಥ, ನ್ಯೂರೋ ಸರ್ಜನ್ ಡಾ. ಪುಷ್ಪರಾಜ್ ಕೃಷ್ಣ ಮೂಲ್ಯ, ಭಾರತ್ ಬ್ಯಾಂಕ್ದ ಉಪಾಧ್ಯಕ್ಷೆರ್ ಸೋಮನಾಥ ಬಿ. ಅಮೀನ್, ಜ್ಯೋತಿ ಕ್ರೆಡಿಟ್ ಸೊಸೈಟಿದ ಕಾರ್ಯದರ್ಶಿ ಪಿ ಶೇಖರ ಮೂಲ್ಯ, ಕುಲಾಲ ಸಂಘದ ಗೌ. ಪ್ರ.ಕಾರ್ಯದರ್ಶಿ, ಕರುಣಾಕರ ಬಿ. ಸಾಲ್ಯಾನ್, ಗೌ. ಕೋಶಾಧಿಕಾರಿ ಜಯ ಎಸ್ ಅಂಚನ್, ಮಹಿಳಾ ಕಾರ್ಯಾಧ್ಯಕ್ಷೆ, ಮಮತಾ ಎಸ್. ಗುಜರನ್, ಸಂಘದ ಮೀರಾ ರೋಡ್ ವಿರಾರ್ ಸ್ಥಳೀಯ ಸಮಿತಿದ ಮಾಜಿ ಕಾರ್ಯಾಧ್ಯಕ್ಷೆರ್ ಸದಾನಂದ ಕುಮಾರ್ ಸಾಲಿಯಾನ್, ಸಂಘದ ಸ್ಥಳೀಯ ಸಮಿತಿದ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ಮಮತಾ ಎಸ್. ಕುಲಾಲ್ (ನವಿ ಮುಂಬಯಿ), ಕುಶಲ ಜೆ ಬಂಗೇರ (ಠಾಣೆ ಕಸಾರ ಬಿವಂಡಿ), ಚಂದ್ರಾವತಿ ಎಸ್ ಸಾಲ್ಯಾನ್ (ಮೀರಾ ರೋಡ್ ವಿರಾರ್), ಮಲ್ಲಿಕಾ ಎಸ್ ಮೂಲ್ಯ (ಸಿ ಎಸ್ ಟಿ ಮುಲುಂಡ್ ಮಾನ್ಕುರ್ಡ್), ಆಶಾಲತಾ ಎಸ್ ಮೂಲ್ಯ , ನಾರಾಯನ್ ಸಿ ಪೆರ್ನೆ, ರಘುನಾಥ್ ಕರ್ಕೇರ, ಅಶೋಕ್ ಕುಲಾಲ್ ಈ ಪೊರ್ತುಡು ಇತ್ತೆರ್. ವಿಚಾರ ಗೋಷ್ಥಿ ವಿಚಾರ ಗೋಷ್ಠಿಡ್ “ಮುಂಬಯಿ ಸಂಘ ಸಂಸ್ಥೆದ ಕನ್ನಡ ಪತ್ರಿಕೆಲು ಆನಿ ಇನಿ” ಈ ಬಗ್ಗೆ ಕರ್ನಾಟಕ ಮಲ್ಲದ ಉಪಸಂಪಾದಕೆರ್ ಶ್ರೀನಿವಾಸ ಜೋಕಟ್ಟೆ ವಿಚಾರ ಮಂಡಿಸಾಯೆರ್. ಕವಿ ಗೋಷ್ಠಿ ಹಿರಿಯ ಸಾಹಿತಿ ಸಿಮಂತೂರು ಚಂದ್ರಹಾಸ ಸುವರ್ಣ ಮೇರೆನ ಅಧ್ಯಕ್ಷತೆಡ್ ನಡತ್ತಿನ ಕವಿಗೋಷ್ಠಿಡ್ ಡಾ. ಜಿಪಿ ಕುಸುಮ, ದಯಾ, ಸುಜಾತ ಶೆಟ್ಟಿ, ಶಾರದಾ ಅಂಚನ್, ಉದಯ ಮೂಲ್ಯ, ಗಣೇಶ್ ಕುಮಾರ್ ಮೊಕ್ಲೆರ್ದ್ ಕವನ ವಾಚನ ನಡತ್ಂಡ್.
ಮುಗಿತಲದ ಲೇಸ್ ಕುಲಾಲ ಸಂಘ ಮುಂಬಯಿದ ಅಧ್ಯಕ್ಷೆರಾಯಿನ ರಘು ಎ ಮೂಲ್ಯ ಅಧ್ಯಕ್ಷತೆಡ್, ಗೌ. ಅಧ್ಯಕ್ಷೆರ್ ಪಿ ದೇವದಾಸ್ ಎಲ್ ಕುಲಾಲ್ ಗೌರವ ಉಪಸ್ಥಿತಿಡ್ ಸಂಪಾದಕೆರಾಯಿನ ಶಂಕರ್ ವೈ ಮೂಲ್ಯ ಉಪಸ್ಥಿತಿಡ್ ಬೊಳ್ಳಿ ಪರ್ಬದ ಮುಗಿತಲದ ಲೇಸ್ ನಡತ್ಂಡ್. ಸಂಘದ ಗೌರವ ಕೋಶಾಧಿಕಾರಿ ಜಯ ಎಸ್ ಅಂಚನ್ ಬಿನ್ನೆರೆನ್ ಎದ್ಕೊಂಡೆರ್. ಗೌರವ ಪ್ರಧಾನ ಕಾರ್ಯದರ್ಶಿ, ಕರುಣಾಕರ ಬಿ. ಸಾಲ್ಯಾನ್ ಪ್ರಸ್ತಾವಿಕವಾದ್ ಪಾತೆರಿಯೆರ್. ಸಂಪಾದಕೆರ್ ಶಂಕರ್ ವೈ ಮೂಲ್ಯ ಅಮೂಲ್ಯ ವಿಶೇಷ ಸಂಚಿದ ಬಗೆಟ್ಟ್ ತೆರಿಪಾಯೆರ್.
ಈ ಪೊರ್ತುಡು ದಕ್ಷಿಣ ಕನ್ನಡ ಮೂಲ್ಯರ ಯಾನೆ ಕುಲಾಲರ ಮಾತೃ ಸಂಘ ಕುಡ್ಲ ನೆತ್ತ ಅಧ್ಯಕ್ಷೆರ್ ಮಯೂರ್ ಉಳ್ಳಾಲ್, ಶ್ರೀ ವೀರನಾರಾಯಣ ಸೇವಾ ಟ್ರಸ್ಟ್ ಕುಲಶೇಖರ ಅಧ್ಯಕ್ಷೆರ್ ಪ್ರೇಮಾನಂದ ಕುಲಾಲ್, ಕುಡ್ಲ ಅಬ್ಬಕ್ಕ ಟಿವಿದ ಆಡಳಿತ ನಿರ್ದೇಶಕೆರ್ ಶಶಿಧರ ಪೊಯ್ಯತ್ತ ಬೈಲ್, ಅಯ್ಯ ಪ್ಯಾಕರ್ಸ್ ಆ್ಯಂಡ್ ಮೂವರ್ಸ್ ಮುಂಬೈ ನೆತ್ತ ಸಿಎಂಡಿ ಅಶೋಕ್ ರಾಜು ಮೂಲ್ಯ, ಜ್ಯೋತಿ ಕ್ರೆಡಿಟ್ ಸೊಸೈಟಿದ ಕಾರ್ಯಾಧ್ಯಕ್ಷೆರ್ ಗಿರೀಶ್ ಬಿ ಸಾಲ್ಯಾನ್, ಉದ್ಯಮಿ, ದಾನಿ ಸುನಿಲ್ ಆರ್. ಸಾಲ್ಯಾನ್, ಅಂಬರ್ ನಾಥ್ ಜಯದೀಪ್ ಕನ್ಸ್ಸ್ಟ್ರಕ್ಷನ್ದ ಧಣಿ ಜಗದೀಶ್ ಆರ್ ಬಂಜನ್, ಗೌರವ ಅತಿಥಿಲಾಯಿನ ನಾಸಿಕ್ ಹೋಟೆಲ್ ಉದ್ಯಮಿ ಸಂಜೀವ ಕೆ ಬಂಗೇರ, ಪುಣೆದ ಉದ್ಯಮಿ ಎಸ್, ಅರ್. ಬಂಜನ್, ನೇರುಳ್ ಹರೀಶ್ ಹಾಸ್ಪಿಟಲ್ದ ಆಡಳಿತ ನಿರ್ದೇಶಕೆರ್ ಡಾ.ಹರೀಶ್ ಬಿ. ಸಾಲ್ಯಾನ್, ಕುಲಾಲ ಸಂಘ ಮುಂಬಯಿದ ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಮಮತಾ ಎಸ್ ಗುಜರನ್, ಸದಾನಂದ ಎಸ್. ಕುಲಾಲ್, ಸಂಘದ ಸ್ಥಳೀಯ ಸಮಿತಿದ ಕಾರ್ಯಾಧ್ಯಕ್ಷೆರ್ ಸಂಜೀವ ಬಂಗೇರ (ಸಿ ಎಸ್ ಟಿ ಮುಲುಂಡ್ ಮಾನ್ಕುರ್ಡ್) ಆನಂದ ಕೆ. ಕುಲಾಲ್, (ಚರ್ಚ್ ಗೇಟ್ ದಹಿಸರ್), ಮೋಹನ್ ಎಂ ಬಂಜನ್ (ಮೀರಾ ರೋಡ್ ವಿರಾರ್), ಸದಾನಂದ ಸಾಲ್ಯಾನ್, ಕುಷಾ ಕುಲಾಲ್, ಅಮೂಲ್ಯ ಉಪ ಸಂಪಾದಕೆರ್ ಆನಂದ ಬಿ. ಮೂಲ್ಯ, ಜೊತೆ ಕಾರ್ಯದರ್ಶಿ ಎಲ್ ಅರ್ ಮೂಲ್ಯ ಇತ್ತೆರ್. ಲೇಸ್ಡ್ ಕುಲಾಲ ಸಂಘದ ಅಧ್ಯಕ್ಷೆರ್ ರಘು ಎ ಮೂಲ್ಯ ದಂಪತಿ, ಅಮೂಲ್ಯ ಸಂಪಾದಕೆರ್ ಶಂಕರ್ ವೈ ಮೂಲ್ಯ ದಂಪತಿ, ಮುದ್ರಣ ವಿನ್ಯಾಸಗಾರ ವಾಮನ್ ಡಿ ಮೂಲ್ಯ ಅದ್ಯಪಾಡಿ ದಂಪತಿ, ಪತ್ರಕರ್ತ ಗುರುರಾಜ್ ಪೋಟ್ನಿಸ್, ಬೊಕ್ಕ ಪತ್ರಕರ್ತ ಸಂಘಟಕ ಬಿ. ದಿನೇಶ್ ಕುಲಾಲ್, ದಂಪತಿಲೆಗ್ ಈ ಪೊರ್ತುಡು ಮಾನಾದಿಗೆ ನಡತ್ಂಡ್. ಲೇಸ್ನ್ ಹೆಚ್ ಕೆ ನಯನಾಡು ಸುದಾರಿಕೆ ಮಲ್ತೆರ್.
ಜೊತೆ ಕಾರ್ಯದರ್ಶಿಲಾಯಿನ ಎಲ್ ಆರ್ ಮೂಲ್ಯ ಬೊಕ್ಕ ಲಕ್ಷ್ಮಣ್ ಸಿ ಮೂಲ್ಯ , ಜೊತೆ ಕೋಶಾಧಿಕಾರಿ ಸುನಿಲ್ ಕುಲಾಲ್ , ಅಮೂಲ್ಯ ಉಪ ಸಂಪಾದಕೆರ್ ಆನಂದ ಬಿ. ಮೂಲ್ಯ, ಸಂಪಾದಕ ಮಂಡಳಿದ ರಘು ಎ ಮೂಲ್ಯ, ಗಿರೀಶ್ ಬಿ ಸಾಲಿಯಾನ್, ಡಿ ಐ ಮೂಲ್ಯ .ಪಿ ಶೇಖರ್ ಮೂಲ್ಯ, ರಘುನಾಥ್ ಕರ್ಕೇರ, ವಾಮನ್ ಡಿ ಮೂಲ್ಯ ಅದ್ಯಪಾಡಿ, ಸೂರಜ್ ಹಂಡೆಲ್, ಎಲ್ ಆರ್ ಮೂಲ್ಯ. ಅಶೋಕ್ ಬಿ ಕುಲಾಲ್, ಕುಲಾಲ ಸಂಘದ ಕಾರ್ಯಕಾರಿ ಸಮಿತಿದ ಸದಸ್ಯೆರ್, ಮಹಿಳಾ ವಿಭಾಗ, ಯುವ ವಿಭಾಗ ಬೊಕ್ಕ ಸ್ಥಳೀಯ ಸಮಿತಿದ ಸರ್ವ ಸದಸ್ಯೆರ್ ಕಾರ್ಯಕ್ರಮಗ್ ಸಹಕಾರ ಕೊರಿಯೆರ್.
ಬೋಲ್ತೆರ್: ಪತ್ತೂರುಡ್ ಪುಗರ್ತೆನ್ ಪಡೆನ ಬೋಲ್ತೆರ್ ಮುಳಿಯ ಜ್ಯುವೆಲ್ಸ್ಡ್ ವೆರೈಟಿ ವಿನ್ಯಾಸದ ಚಿನ್ನಾಭರಣದ ಪರ್ಬ- ಮುಳಿಯ ಚಿನ್ನೋತ್ಸವ ನವೆಂಬರ್ 10ರ್ದ್ 30 ಮುಟ್ಟ ನಡಪೆರೆ ಉಂಡು.
ವಿಶೇಷವಾದ್ ಪುತ್ತೂರು ಬೊಕ್ಕ ಬೋಲ್ತೆರ್ಡ್ ಇಪ್ಪುನ ಮುಳಿಯ ಚಿನ್ನಾಭರಣದ ಮಳಿಗೆಡ್ ಈ ಉತ್ಸವ ನಡಪೆರೆ ಉಂಡು. ಮುಳಿಯ ಜ್ಯುವೆಲ್ಸ್ಡ್ ನಮ್ಮ ಆಯ್ಕೆದ ಬಂಗಾರ್ನ್ ದೆತೊನೊಲಿ. ಒಟ್ಟಿಗೆ ಪ್ರತಿದಿನ ವಾಕ್ ಇನ್ ಆದ್ ಇನಾಮುನ್ ಗೆಂದೊಲಿ ಪಂದ್ ಗ್ರಾಹಕೆರೆಗ್ ವಿಶೇಷ ಆಫರ್ನ್ ಮುಳಿಯ ಜ್ಯುವೆಲ್ಸ್ ಪ್ರಕಟ ಮಲ್ತ್ದ್ಂಡ್. ರೂ 1 ಲಕ್ಷರ್ದ್ ಎಚ್ಚ ಬಿಲೆತ್ತ ಖರೀದಿಗ್ ಕರ್ನಾಟಕದ ಕಾಶ್ಮೀರ ಪಂದೆ ಖ್ಯಾತಿ ಪಡೆನ ಮಂಜಿನ ನಗರಿ ಮಡಿಕೇರಿಡ್ ಒಂಜಿ ದಿನ ಉಚಿತ ವಸತಿ ಸಹಿತ ಟೂರು ಇಪ್ಪುಂಡು ಪಂದ್ ಮುಳಿಯ ಜ್ಯುವೆಲ್ಸ್ ವಿಶೇಷ ಆಫರ್ ಕೊರೊದುಂಡು.
ಮದಿಮೆ, ಉಪನಯನ, ಇಲ್ಲೊಕ್ಕೆಲ್, ತೊಟ್ಟಿಲ್ ಪಾಡುನ ಈ ಸಮಾರಂಭಡ್ ಮಾತ ನಮ್ಮ ಸಂಭ್ರಮನ್ ಹೆಚ್ಚ ಮಲ್ಪೆರೆ ಮುಳಿಯ ಜ್ಯುವೆಲ್ಸ್ದ ಚಿನ್ನೋತ್ಸವಡ್ ಪಾಲ್ ಪಡೆದ್ ಆಭರಣನ್ ಆಕರ್ಷಕ ಬಿಲೆಟ್ಟ್ ಖರೀದಿ ಮಲ್ಪುಲೆ ಪಂದ್ ಪ್ರಕಟಣೆಡ್ ತೆರಿಪಾದೆರ್.
ಕಿನ್ನಿಗೋಳಿ: ಶ್ರೀ ವಿನಾಯಕ ಯಕ್ಷ ಕಲಾ ಫೌಂಡೇಶನ್, ಕೆರೆಕಾಡು ನೆತ್ತ ನಿರೆಲ್ಡ್ ನ.11 ಸನಿವಾರ ಬಯ್ಯಗ್ 4.30 ಗು ಎಸ್ಕೋಡಿ ಪದ್ಮಾವತಿ ಲಾನ್ ದ ಚಾವಡಿಡ್ ಶ್ರೀ ವಿನಾಯಕ ಯಕ್ಷ ಕಲೋತ್ಸವ 2023 ಲೇಸ್ ನಡಪರೆ ಉಂಡು ಪಂದ್ ಸಂಚಾಲಕೆರ್ ಅಭಿಜಿತ್ ಕೆರೆಕಾಡು ತೆರಿಪಾಯೆರ್.
ಕಿನ್ನಿಗೋಳಿ ಸ್ವಾಗತ್ ಹೋಟೆಲ್ದ ಸಭಾಂಗಣಡ್ ಅಂಗಾರೆ ನಡತಿನ ಸುದ್ದಿಗೋಷ್ಠಿಡ್ ಪಾತೆರ್ನ ಆರ್, ಬಯ್ಯಡ್ 6.45 ರ್ದ್ ಸಭಾ ಕಾರ್ಯಕ್ರಮ, ಯಕ್ಷ ಕಲಾ ಪ್ರಶಸ್ತಿ ಪಟ್ಟುನ ಲೇಸ್, ಸಾಧಕೆರೆಗ್ ಗೌರವಾರ್ಪಣೆ ಲೇಸ್ ಬೊಕ್ಕ ಪ್ರಬುದ್ಧ ಕಲಾವಿದೆರೆರ್ದ್ ಯಕ್ಷಗಾನ ಪ್ರದರ್ಶನ ನಡಪರೆ ಉಂಡು ಪಂಡೆರ್. ಶಾಸಕೆರ್ ಉಮಾನಾಥ ಕೋಟ್ಯಾನ್ ಲೇಸ್ ಉದಿಪನ ಮಲ್ಪುವೆರ್.
ಮಲ್ಲ ಬಿನ್ನೆರಾದ್ ಮಂಗಳೂರು ಉತ್ತರ ಶಾಸಕೆರ್ ಡಾ.ವೈ.ಭರತ್ ಶೆಟ್ಟಿ, ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಕೆಪಿಸಿಸಿ ಪ್ರ.ಕಾರ್ಯದರ್ಶಿ ಮಿಥುನ್ ರೈ, ಎಸಿಪಿ ಮಹೇಶ್ ಕುಮಾರ್, ಮೆಸ್ಕಾಂ ಅಧಿಕಾರಿ ಸಂತೋಷ್ ನಾಯ್ಕ್, ಪ್ರಿಯದರ್ಶಿನಿ ಸಹಕಾರಿ ಸೊಸೈಟಿದ ಅಧ್ಯಕ್ಷೆರ್ ವಸಂತ ಬೆರ್ನಾಡ್ , ಡಾ|ನಮಿತಾ ಶ್ಯಾಂ, ಭುವನಾಭಿರಾಮ ಉಡುಪ, ಪಿಸಿಎ ಬ್ಯಾಂಕ್ ದ ಶ್ಯಾಮ್ ಪ್ರಸಾದ್, ಉದ್ಯಮಿಲಾಯಿನ ಪ್ರಶಾಂತ್ ಪೂಜಾರಿ ಸರಪಾಡಿ, ಪ್ರವೀಣ್ ಬೊಳ್ಳೂರು, ಹೇಮಂತ್ ಕುಮಾರ್ ಪಾಲ್ ಪಡೆವೆರ್ ಪಂದ್ ತೆರಿಪಾಯೆರ್. ಯಕ್ಷ ಕಲೋತ್ಸವಡ್ ಪೂರ್ವ ರಂಗ, ನಂದ ಮುಕುಂದ, ಕರುಣಾಳು ರಾಘವ, ಸಂಭವಾಮಿ ಯುಗೇ ಯುಗೇ , ವಾಸುದೇವಃ ಸರ್ವಂ ಪನ್ಪಿನ ಐನ್ ಪ್ರಕಾರದ ಯಕ್ಷಗಾನ ಪ್ರಸ್ತುತಿ ನಡಪರೆ ಉಂಡು ಪಂದ್ ಮೇಳದ ನಿರ್ದೇಶಕೆರ್ ಅಜಿತ್ ಕೆರೆಕಾಡು ತೆರಿಪಾಯೆರ್. ಪತ್ರಿಕಾಗೋಷ್ಠಿಡ್ ಅಧ್ಯಕ್ಷೆರ್ ಜಯಂತ್ ಅಮೀನ್, ಉಪಾಧ್ಯಕ್ಷೆರ್ ಉಷಾ ನರೇಂದ್ರ, ಶ್ರೇಯಸ್ ರಾವ್, ದುರ್ಗಾ ಪ್ರಸಾದ್ ಇತ್ತೆರ್.
ಪೊವಾಯಿ ಕನ್ನಡ ಸೇವಾ ಸಂಘದ ಕಚೇರಿ ಡ್ ನವೆಂಬರ್ 5 ಐತಾರ ಕಾಂಡೆ 9.30ಕ್ಕ್ ಸಂಘದ ಮಾಜಿ ಸ್ಥಾಪಕ ಅಧ್ಯಕ್ಷೆರ್ ದಿ.ಡಾ| ಶೇಖರ್ ಅಜೆಕಾರ್ ಮೇರೆಗ್ ಮೌನ ಪ್ರಾರ್ಥನೆ ಮಲ್ತ್ ದ್ ನುಡಿನಮನ ಸಂದಾವುನ ಲೇಸ್ ನಡತ್ಂಡ್.
ಸಂಘದ ಗೌರವಾಧ್ಯಕ್ಷೆರ್ ಮಹೇಶ್ ಎಸ್ ಶೆಟ್ಟಿ ನುಡಿನಮನ ಸಲ್ಲಿಸಾದ್,ಶೇಖರ ಅಜೆಕಾರು ಬಾರಿ ಸಜ್ಜನ ವ್ಯಕ್ತಿ. ಸಂಘದ ವಾರ್ಷಿಕೋತ್ಸವದ ಪೊರ್ತುಡು ಊರುರ್ದ್ ಬತ್ತ್ ದ್ ಲೇಸ್ ನ್ ಯಶಸ್ವಿ ಮಲ್ಪುನೆಟ್ಟ್ ಬಾರಿ ಮುತುವರ್ಜಿ ವಹಿಸ್ ದೆರ್. ಪತ್ರಕರ್ತೆರ್, ಸಾಹಿತಿಲು, ಸಂಘಟಕೆರ್. ಮಾಸ್ತ್ ಸಾಹಿತ್ಯ ಸಮ್ಮೇಳನ್ ಮಲ್ತೊಂದು ಬತ್ತಿನಾರ್. ಅರೆನ ಅಗಲಿಕೆರ್ದ್ ನಮಕ್ಕ್ ಬಾರಿ ಬೇಜಾರ್ ಆತ್ಂಡ್. ಅರೆನ ಪೋಟೋಗ್ ಮಾಲೆ ಪಾರ್ದ್ ನುಡಿನಮನ ಸಲ್ಲಿಸಾವುನ ಒಟ್ಟಿಗೆ ಅರೆನ ಜೋಕ್ಲೆಗ್ ಕಲ್ಪೆರೆ ಸಹಾಯ ಮಲ್ಪುಗ. ನಮ್ಮ ಸಂಘದ ಮಾಜಿ ಸ್ಥಾಪಕ ಅಧ್ಯಕ್ಷೆರ್ ಆದಿತ್ತಿನ ಅರೆನ ಇಲ್ಲದಕ್ಲೆಗ್ ಕಡಿಮೆ ಪಂಡಲ ಐನ್ ಲಕ್ಷ ಕೊರ್ಕ ಪಂದ್ ಪಂಡೆರ್.
ಸಂಘದ ಅಧ್ಯಕ್ಷೆರಾಯಿನ ಸಂದೇಶ್ ಆರ್ ಶೆಟ್ಟಿ ಪಾತೆರ್ದ್, ಶೇಖರ್ ಮೇರ್ ಸುರುಕ್ಕು ಪೊವಾಯಿದ ತುಂಗಾ ವಿಜೇಲ್ ಡ್ ಇತ್ತೆರ್. ಕೆಲವು ಕಾರಣರ್ದ್ ಊರುಗ್ ಬತ್ತಿನ ಬೊಕ್ಕ ಅನೇಕ ಸಾಹಿತ್ಯ ಕಾರ್ಯಕ್ರಮಲೆನ್ ಮಲ್ತೊಂದು, ಇಂಚಿಪಗ್ ಬೆಳದಿಂಗಳ ಸಾಹಿತ್ಯ ಸಮ್ಮೇಳನ ಮಲ್ತ್ ದ್ ಸಾಧಕೆರೆನ್ ಗುರುತಿಸಾದ್ ಅಕ್ಲೆಗ್ ಮಾನಾದಿಗೆ ಮಲ್ತ್ ದೆರ್. ಆರ್ ಬಿತ್ತಿನ ಈ ಸಂಘ ದ ಬೀಜ ಇನಿ ಮರವಾದ್ ಇರ್ವತ್ತಾಜನೆ ವರ್ಷಗ್ ಕಾರ್ ದೀತ್ಂಡ್. ಮಾತ ಕ್ಷೇತ್ರಡ್ ಬೇಲೆ ಮಲ್ತಿನ ಕೀರ್ತಿ ಅರೆಗ್ ಸಂದುಂಡು ಪಂದ್ ಪಂಡೆರ್. ಮಾಜಿ ಅಧ್ಯಕ್ಷೆರ್ ಬೊಕ್ಕ ಸಲಹೆಗಾರ ಸಮಿತಿದ ಕಾರ್ಯಾಧ್ಯಕ್ಷೆರ್ ನ್ಯಾಯವಾದಿ ಆರ್ ಜಿ ಶೆಟ್ಟಿ ಪಾತೆರ್ದ್ ಶೇಖರ್ ಅಜೆಕಾರು ಮಸ್ತ್ ಉತ್ಸಾಹಿ ಬೊಕ್ಕ ಕ್ರಿಯಾಶೀಲ ವ್ಯಕ್ತಿ. ಸಾಹಿತ್ಯದ ಅಭಿಮಾನಿ ಏತ್ ಪಂದ್ ಅರೆನ ಇಲ್ಲಲ್ ಇಪ್ಪುನ ಪುಸ್ತಕದ ಭಂಡಾರನ್ ತೂಂಡ ಗೊತ್ತಾಪುಂಡು. ಅರೆಗ್ ಪೊವಾಯಿ ಕನ್ನಡ ಸೇವಾ ಸಂಘ ಪಂಡ ಭಾರಿ ಮೋಕೆ.
ಸಂಘದ ಎಲ್ಲಾ ಕಾರ್ಯಕ್ರಮಡ್ ತಪ್ಪದೇ ಊರುರ್ದ್ ಬತ್ತ್ ದ್ ಪಾಲ್ ಪಡೆಪೆರ್.ಒರಿ ನಮಕ್ ದಾದಾ ಕೊರ್ತೆರ್ ಪನ್ಪುನ ಮುಖ್ಯ ಅತ್ತ್ , ಅಕ್ಲೆಗ್ ನಮ ದಾದ ಕೊರ್ತ ಪನ್ಪುನವ್ ಮುಖ್ಯ. ಆರ್ ನಮ್ಮ ಸಂಘದ ಮಾಜಿ ಸ್ಥಾಪಕ ಅಧ್ಯಕ್ಷೆರ್ ಅರೆನ ಕಾಯ ಅಳಿಂಡಲ ಅರೆನ ಕಾಯಕ ಮಾತೆರ್ನ ಬಾಯಿಡ್ ಬರೊಂದುಂಡು ಪಂದ್ ಪಂಡೆರ್. ಸಂಘದ ಮಾಜಿ ಅಧ್ಯಕ್ಷೆರ್ ಬೊಕ್ಕ ಸಲಹೆಗಾರ ಸಮಿತಿದ ಸದಸ್ಯೆರ್ ಡಿ ಕೆ ಶೆಟ್ಟಿ ಪಾತೆರ್ದ್, ಅರೆನ ಅಂತ್ಯ ಕಾಲದ ಸಮಯಡ್ ಊರುಡೆ ಇತ್ತೆರ್. ಆ ಕಾರ್ಯಡ್ ಪಾಲ್ ಪಡೆಯೆರೆ ಅಸಾಧ್ಯ ಆಂಡ್. ಅರೆನ ಪೊಪ್ಪ, ಬುಡೆದಿ ಜೋಕುಲು ತುಂಬು ಪರಿವಾರನ್ ತೂದು ಬೇಜಾರ್ ಆಂಡ್. ಅರೆನ ರಡ್ಡ್ ಜೋಕುಲು ಎಲ್ಯಕುಲು. ಅರೆನ ಮಗೆ ಪೊಪ್ಪನ ಪುಸ್ತಕದ ಭಂಡಾರನ್ , ಪ್ರಶಸ್ತಿನ್ ತೊಜಿಪಾಯೆ. ಆರ್ ಕಾಸ್ ಸಂಪಾದನೆ ಮಲ್ಪಂದೆ ಬಡ ಜೋಕ್ಲೆಗ್ ಶಿಕ್ಷಣಗ್, ಸಾಹಿತ್ಯಗ್ ಪೋತ್ಸಾಹ ಕೊರ್ನಾರ್. ಅರೆಗ್ ಕಾಸ್ ದ ಮೋಹರ್ದ್ ಪುಸ್ತಕದ ಮಿತ್ತ್ ಪ್ರೀತಿ ಜಾಸ್ತಿ ಪಂದ್ ತೆರಿಂಡ್. ಅರೆನ ಜೋಕ್ಲೆನ ಭವಿಷ್ಯ ನಮ್ಮ ಕೈಟ್ ಉಂಡು. ಅರೆನ ಜೋಕ್ಲೆನ ಶಿಕ್ಷಣಗ್ ಆರ್ಥಿಕ ಸಹಾಯ ಮಲ್ಪುಗ ಪಂಡೆರ್.
ಬೊಕ್ಕ ಸಂಘದ ಮಾಜಿ ಅಧ್ಯಕ್ಷೆರ್ ಬೊಕ್ಕ ಸಲಹೆಗಾರ ಸಮಿತಿದ ಸದಸ್ಯೆರಾಯಿನ ಸುಧಾಕರ್ ಜಿ ಪೂಜಾರಿ, ದಯಾನಂದ ಬಂಗೇರ, ಸುಲೇಮಾನ್ ಕುಳವೂರು, ನಾನಯರ ಗರಡಿ ಪ್ರಭಾಕರ ಶೆಟ್ಟಿ, ಉಪಾಧ್ಯಕ್ಷೆರ್ ನಾಗರಾಜ್ ಗುರುಪುರ, ಮಹಿಳಾ ಮಾಜಿ ಕಾರ್ಯಾಧ್ಯಕ್ಷೆ ಬೊಕ್ಕ ಸಾಂಸ್ಕೃತಿಕ ವಿಭಾಗದ ಕಾರ್ಯಾಧ್ಯಕ್ಷೆ ಪ್ರಶಾಂತಿ ಡಿ ಶೆಟ್ಟಿ, ಮಹಿಳಾ ಮಾಜಿ ಕಾರ್ಯಾಧ್ಯಕ್ಷೆ ಬೊಕ್ಕ ಶಿಕ್ಷಣ ಸಮಿತಿದ ಕಾರ್ಯಾಧ್ಯಕ್ಷೆ ಯಶೋಧ ಎಸ್ ಪೂಜಾರಿ, ಅರೆನ ಹಿತಚಿಂತಕೆರ್ ದಿನೇಶ್ ಪೂಜಾರಿ ಮೊಕುಲು ಮಾತ ದಿ. ಡಾ. ಶೇಖರ್ ಅಜೆಕಾರು ಅರೆಗ್ ನುಡಿನಮನ ಸಲ್ಲಿಸಾದ್ ಅರೆನ ಆಕಸ್ಮಿಕ ಮರಣ ಸಂಘಗ್ ತುಂಬೆರೆ ಆವಂದಿನ ನಷ್ಟ ಪಂದ್ ಪಂಡೆರ್.
ಸಂಘದ ಪದಾಧಿಕಾರಿಲಾಯಿನ ರಮೇಶ್ ಡಿ ರೈ, ದಿವಾಕರ್ ಎಂ ಶೆಟ್ಟಿ, ಜಗನ್ನಾಥ್ ಎ ಶೆಟ್ಟಿ, ಪ್ರಮೀಳಾ ಡಿ ಶೆಟ್ಟಿ , ಜಗನ್ನಾಥ್ ಶೆಟ್ಟಿ ಎಣ್ಣೆಹೊಳೆ , ಪ್ರವೀಣ್ ಶೆಟ್ಟಿ ಐಐಟಿ, ಸುಗುಣಾ ಕೆ ಶೆಟ್ಟಿ, ಜ್ಯೋತಿ ಆರ್ ಜಿ ಶೆಟ್ಟಿ, ಶೈಲಾ ಎಸ್ ಶೆಟ್ಟಿ, ಸವಿತಾ ಕೆ ಶೆಟ್ಟಿ, ಶೋಭಾ ಆರ್ ರೈ , ಆಶಾ ಎಸ್ ಶೆಟ್ಟಿ,ಉಷಾ ಆರ್ ಸಾಲ್ಯಾನ್ , ಸರೋಜಿನಿ ಎಚ್ ಪೂಜಾರಿ, ಕುಶಾಲ ಎ ಬಂಗೇರ, ವಸಂತಿ ಪೂಜಾರಿ, ಶಕುಂತಳಾ ಪಿ. ಶೆಟ್ಟಿ, ಸಂಗೀತಾ ಜಿ ಶೆಟ್ಟಿ, ಮಾತಾ ಪದಾಧಿಕಾರಿಲು, ಸದಸ್ಯೆರ್ ಬೊಕ್ಕ ಹಿತಚಿಂತಕೆರ್ ಸಭೆಟ್ ಪಾಲ್ ಪಡೆದ್ ಪ್ರಾರ್ಥನೆ ಮಲ್ತೆರ್.
ಗೌ. ಪ್ರ.ಕಾರ್ಯದರ್ಶಿ ಅನಿತಾ ಎಸ್ ಶೆಟ್ಟಿ ಲೇಸ್ ದ ಸುದಾರಿಕೆ ಮಲ್ತ್ ಸೊಲ್ಮೆ ಸಂದಾಯ ಮಲ್ತೆರ್. ಸೂಚನೆ- ದಿ. ಡಾ ಶೇಖರ್ ಅಜೆಕಾರು ಅರೆನ ಜೋಕ್ಲೆಗ್ ಕಲ್ಪೆರೆಗಾದ್ ಐನ್ ಲಕ್ಷ ಸಹಾಯ ಮಲ್ಪೆರೆ ಆಲೋಚನೆ ಮಲ್ತ್ ದ, ಪರಿವಾರದಕ್ಲೆನ ಕಷ್ಟಗ್ ಸ್ಪಂದಿಸಾವೆರೆ ಇಚ್ಚೆ ಇಪ್ಪುನಕುಲ್ ಕನ್ನಡ ಸೇವಾ ಸಂಘ ಪೊವಾಯಿದ ಬ್ಯಾಂಕ್ ಖಾತೆಗ್ ಪನವುದ ಸಕಾಯನ್ ಪಾಡ್ದ್ ಸಹಾಯ ಮಲ್ಪೊಲಿ ಪಂದ್ ಮಂಡಳಿದಕುಲು ತೆರಿಪಾದೆರ್.
KANNADA SEVA SANGHA POWAI (REGD) A/c No. 000810100059996 Bank Name – Bharat Co – op Bank, ( Mumbai) IFS Code : BCBM0000009 Branch: Andheri (east)
ಮುಲ್ಕಿ: ರಾಜ್ಯ ಶಿಕ್ಷಣ ಇಲಾಖೆದ ಮುತಾಲಿಕೆಡ್ ಮೈಸೂರ್ ಡ್ ನಡತಿನ ಝೋನ್ ಮಟ್ಟದ ಕ್ವಿಜ್ ಪಂತೊಡು ಮುಲ್ಕಿದ ಕಿಲ್ಪಾಡಿ ಶ್ರೀ ವ್ಯಾಸ ಮಹರ್ಷಿ ವಿದ್ಯಾಪೀಠದ 10ನೇ ಕ್ಲಾಸ್ ದ ಕಲ್ಪಾರ್ಥಿ ಮಾಧವ ಕಾಮತ್ ಕೆಂಚನಕೆರೆ ಮೇರ್ ಪ್ರಶಸ್ತಿ ಪಡೆದ್ ತುಮಕೂರುಡು ನಡಪುನ ರಾಜ್ಯ ಮಟ್ಟದ ಕ್ವಿಜ್ ಪಂತೊಗು ಆಯ್ಕೆ ಆತೆರ್.
ಆಯ್ಕೆ ಆಯಿನ ಮೆರೆಗ್ ಶಾಲೆದ ಸಂಚಾಲಕೆರ್, ಮುಖ್ಯೋಪಾಧ್ಯಾಯೆರ್ ಬೊಕ್ಕ ಸಿಬ್ಬಂದಿ ವರ್ಗದಕುಲು ಅಭಿನಂದನೆ ಸಂದಾದೆರ್.
ಸುಳ್ಯ ಚಂದನ ಸಾಹಿತ್ಯ ವೇದಿಕೆದ ಮುತಾಲಿಕೆಡ್ ಸುಳ್ಯದ ಶಾರದಾ ವಿದ್ಯಾಲಯಡ್ ಸಾಹಿತಿ, ಜ್ಯೋತಿಷಿ ಎಚ್. ಭೀಮರಾವ್ ವಾಷ್ಠರ್ ಸುಳ್ಯ ಮೆರೆನ ಸಭಾಧ್ಯಕ್ಷತೆಡ್ ನ.9 ಗುರುವಾರ ನಡಪುನ ದೀಪಾವಳಿ ಕವಿಗೋಷ್ಠಿದ ಗುರ್ಕಾರ್ಮೆನ್, ಶಿಕ್ಷಣಡ್ ಹಿರಿಮೆಗ್ ರಾಜ್ಯ ಪುರಸ್ಕೃತೆರ್, ಪುತ್ತೂರುದ ನಿವೃತ್ತ ಶಿಕ್ಷಕೆರ್, ದ.ಕ.ಜಿಲ್ಲಾ ಜೇನು ವ್ಯವಸಾಯಗಾರೆರೆನ ಮಧುಪ್ರಪಂಚ ಸಂಚಿಕೆದ ಪ್ರಧಾನ ಸಂಪಾದಕೆರ್ ಪುತ್ತೂರು ಸುದ್ದಿ ಬುಡುಗಡೆದ ಪ್ರತಿಭಾರಂಗದ ಅಂಕಣಕಾರೆ, ಕವಿ ಲೇಖಕೆ ನಾರಾಯಣ ರೈ ಕುಕ್ಕುವಳ್ಳಿ ಒಯಿಸೊನ್ವೆರ್.
ಲೇಸ್ ದ ಉದಿಪನನ್ ಶಾರದಾ ವಿದ್ಯಾಲಯದ ಪ್ರಾಂಶುಪಾಲೆರ್, ಶಾರದಾ ಸುಳ್ಯ ಒಯಿಸೊನ್ವೆರ್. ನೃತ್ಯ ನಿರ್ದೇಶಕೆರ್ ವಸಂತ್ ಕಾಯರ್ತೋಡಿ, ಬ್ರಹ್ಮಕುಮಾರಿ ಈಶ್ವರಿದ ವಿಶ್ವ ವಿದ್ಯಾಲಯದ ಸಂಚಾಲಕೆರ್ ರಾಜಯೋಗಿನಿ ಉಮಾ ಬೊಕ್ಕ ಬಿ. ಕೆ. ಉಮೇಶ್ ಆಚಾರ್ಯ ಜಟ್ಟಿಪಳ್ಳ ಮಲ್ಲ ಬಿನ್ನೆರಾದ್ ಪಾಲ್ ಪಡೆಪೆರ್.
ಈ ಪೊರ್ತುಡು ಚಂದನ ಸಾಹಿತ್ಯ ವೇದಿಕೆದ ಕ್ರಿಯಾಶೀಲ ಕವಿ ಕುಸುಮಾಕರ್ ಅಂಬೆಕಲ್ಲು ಚೆಂಬು, ಮೆರೆನ ಚೊಚ್ಚಲ ಸಾಹಿತ್ಯ ಬೂಕು ಅರಳು ಮಲ್ಲಿಗೆ ಬುಡುಗಡೆ ಆಯೆರೆ ಉಂಡು ಪಂದ್ ಸುಳ್ಯ ಚಂದನ ಸಾಹಿತ್ಯ ವೇದಿಕೆದ ಗುರ್ಕಾರೆ, ಕವಿ, ಚಲನಚಿತ್ರ ನಿರ್ದೇಶಕೆರ್, ನಟೆ ಜ್ಯೋತಿಷಿ ಎಚ್. ಭೀಮರಾವ್ ವಾಷ್ಟರ್ ತನ್ನ ಪ್ರಕಟಣೆಡ್ ತೆರಿಪಾದೆರ್.
ಬೆಂಗ್ಲೂರ್ ಡ್ ಇನಿ ಬೊಲ್ಪುಗು NIA ಮಲ್ಲ ಕಾರ್ಯಾಚರಣೆ ಮಲ್ತ್ ದ್, ಅಕ್ರಮ ಬಾಂಗ್ಲಾ ವಲಸಿಗೆರೆನ ಮಿತ್ತ್ ದಾಳಿ ಮಲ್ದ್ಂಡ್.
ಸೋಲದೇವನಹಳ್ಳಿ, ಕೆಆರ್ ಪುರಂ, ಬೆಳ್ಳಂದೂರು ಸೇರಿನಂಚೆನೆ 15 ಕಡೆಟ್ಟ್ NIA ಅಧಿಕಾರಿಲು ಕಾರ್ಯಾಚರಣೆ ನಡಪಾದೆರ್. 8 ಜನನ್ ವಶಕ್ಕ್ ಪಡೆತೆರ್. ನರಮಾನಿನ್ ಕಂಡ್ ದ್ ಸಾಗಸವೊಂದು ಉಲ್ಲೆರ್ ಪಂದ್ ಆರೋಪ ಕೇಂದ್ ಬತ್ತಿರ್ನೆದಾವೆರ NIA ಈ ದಾಳಿ ನಡಪಾದ್ಂಡ್. ಎಚ್ಚದ ಪೊಲಬು ನನ ತೆರಿವೊಡಾತೆ.
ಪರ್ತಿದ ಗೋದಾಮು ಒಂಜೇಟ್ ತೂ ಪೊತ್ತ್ ದ್ 2 ಜನ ಜುವಪ್ಪ ಸೈತಿನ ಘಟನೆ ಬೊಂಬೈದ ಬಿವಾಂಡಿ ಪ್ರದೇಶಡ್ ನಡತ್ಂಡ್.
ಜಾಗೆಗ್ ಅಗ್ನಿಶಾಮಕ ದಳತ್ತ ಸಿಬ್ಬಂದಿ ಬತ್ತ್ ದ್ ತೂ ತೆಕ್ಕಾದೆರ್. ಈ ಬಗೆಟ್ಟ್ ಎಚ್ಚದ ಪೊಲಬು ನನ ಗೊತ್ತಾವೊಡಾತೆ.
