November 2023

ಕೇಂದ್ರ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆಡ್ 487 ಬೇಲೆ

ಕೇಂದ್ರ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ 487 ಗ್ರೂಪ್-ಬಿ ಬೊಕ್ಕ ಸಿ ಬೇಲೆಗ್ ಅಧಿಸೂಚನೆ ಬುಡುಗಡೆ ಮಲ್ದ್ಂಡ್. ‌

ನೆಟ್ಟ್ ತಂತ್ರಜ್ಞೆರ್, ಪ್ರಯೋಗಾಲಯದ ಅಟೆಂಡೆಂಟ್, ಸಂಶೋಧನಾ ಸಹಾಯಕ, ಆರೋಗ್ಯ ನಿರೀಕ್ಷಕೆರ್, ಫೀಲ್ಡ್ ವರ್ಕರ್, ಲೈಬ್ರರಿ ಕ್ಲರ್ಕ್ ಬೇಲೆ ಉಂಡು.

ಈ ತಿಂಗೊಲ್ದ 30 ತ್ತೊಲಯಿ ಅರ್ಜಿ ಸಂದಾವೊಡು, CBT ಮುಖೇನ ಅಭ್ಯರ್ಥಿಲೆನ್ ಆಯ್ಕೆ ಮಲ್ಪರೆ ಆಪುಂಡು. ಸಂಬಳ 18 ಸಾರರ್ದ್ 1.42 ಲಕ್ಷ ಮುಟ್ಟ ಉಂಡು.‌

ಉತ್ತರಕಾಶಿಡ್ ಭೂಕಂಪ

ಉತ್ತರಾಖಂಡದ ಉತ್ತರಕಾಶಿಡ್ ನಡುರಾತ್ರೆ 3.1 ಬಿರ್ಸ್ ದ ಭೂಕಂಪ ನಡತ್ಂಡ್.

ಭೂಕಂಪದ ಕೇಂದ್ರ ಬಿಂದು ಡೆಹ್ರಾಡೂನ್ ರ್ದ್ 140 ಕಿಮೀ ದೂರ, ನೆಲರ್ದ್ 5 ಕಿಮೀ ಅಡಿಟ್ಟ್ ಉಂಡು. ‌ನೆರ್ದ್ ಜನಕುಲೆಡ ಪೋಡಿಗೆದ ವಾತಾವರಣ ನಿರ್ಮಾಣ ಆತ್ಂಡ್.

ರೇಡಿಯೊ ಮಣಿಪಾಲಡ್ ಬನ್ನಂಜೆ ಬತ್ತೆರ್ ತುಳು ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲಡ್ ಬನ್ನಂಜೆ ಬತ್ತೆರ್ ರೇಡಿಯೊ ಮಣಿಪಾಲ್ 90.4 Mhz ಡ್ ಬನ್ನಂಜೆ ಬತ್ತೆರ್ ತುಳು ಸರಣಿ ಲೇಸ್ ದ ಸಂಚಿಕೆ ನ.16 ಕ್ಕ್ ಗುರುವಾರ ಬಯ್ಯಗ್ 5‌ ಗಂಟೆಗ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಜಾನಪದ ವಿದ್ವಾಂಸೆರ್ ಬನ್ನಂಜೆ ಬಾಬು ಅಮೀನ್ ಪಾಲ್ ಪಡೆಯೆರೆ ಉಲ್ಲೆರ್. ನ.17 ಕ್ಕ್ ಮಧ್ಯಾಹ್ನ 1 ಗಂಟೆಗ್ ಕುಡೊರ ಪ್ರಸಾರ ಆಪುಂಡು. ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದೆರ್.

ಯುವಶಕ್ತಿ ಸೇವಾಪಥ ಮಹಾಯೋಜನೆ ಮುಗಿತಲದ ಲೇಸ್

ಎಡ್ಡೆ ಉಡಲ್ ದ ದಾನಿಲೆನ ಸಕಾಯರ್ದ್ ಯುವಶಕ್ತಿ ಸೇವಾಪಥ ಯೋಜನೆಡ್ ಒಟ್ಟು ಮಲ್ತಿನ 3,01,560 ರೂ.ನ್ ಬಡಪತ್ತ್ ದ ಕುಟುಂಬಲೆಗ್ ಪಟ್ಟುನ ಬೇಲೆ ಇಂಚೊಗು ನಡತ್ಂಡ್.

ನೆಟ್ಟ್ ಸಂಗ್ರಹ ಆಯಿನ 3,01,560 ರೂ. ಡ್ ಮಹಾಯೋಜನೆಯಾದ್ ಪೂರ್ಣಿಮಾ ಬಂಟ್ವಾಳ ಮೆರೆಗ್ 30 ಸಾರ ರೂ. ಪೂಜಾಶ್ರೀ ಕರಾಯಗ್ 45 ಸಾರ ರೂ. ರಾಜೀವ ಕಲ್ಲಡ್ಕಗ್ 30 ಸಾರ ರೂ. ಈಶ್ವರ ಕಲ್ಲಡ್ಕಗ್ 30 ಸಾರ ರೂ. ನಿರೀಕ್ಷ ಅಮ್ಮುಂಜೆಗ್ 45 ಸಾರ ರೂ. ಹರಿಪ್ರಸಾದ್ ಬಾಳೆಪುಣಿಗ್ 30 ಸಾರ ರೂ. ವಿಜಯ್ ಉಲ್ಲಾಳಬೈಲ್ ಗ್ 30 ಸಾರ ರೂ. ಬೊಕ್ಕ ತುರ್ತು ಯೋಜನೆಯಾದ್ ಗೌರವ್ ಕೆ ಪುತ್ತೂರ್ ಮೆರೆಗ್ 10 ಸಾರ ರೂ. ಸುಧಾಕರ ಧರ್ಮಸ್ಥಳಗ್ 10 ಸಾರ ರೂ. ಆಕಾಶ್ ಗೌಡಗ್ 10 ಸಾರ ರೂ. ನ್ ಬೊಕ್ಕ ಕಾರ್ಯಕರ್ತೆರ್ನ ಕ್ಷೇಮನಿಧಿ 31560 ರೂ. ಪನವುದ ಸಕಾಯನ್ ಮಲ್ತೆರ್.