ಕೈಕಂಜಿದ ಮಿತ್ತ್ ಗುಂಡು ರಾಪಾದ್ ಕೆರ್ದ್ ಕಲ್ವ ತಾದಿಡ್ ನೆತ್ತ ಮಾಸ ಮಾರೊಂದು ಇತ್ತಿನ ರಡ್ಡ್ ಜನನ್ ಅರೆಸ್ಟ್ ಮಲ್ತಿನ ಘಟನೆ ಹಾಸನ ಜಿಲ್ಲೆ ಸಕಲೇಶಪುರ ತಾಲೂಕ್ ದ ಕ್ಯಾಮನಹಳ್ಳಿ ಗ್ರಾಮಡ್ ನಡತ್ಂಡ್.
ಈ ಘಟನೆದ ಆರೋಪಿಲೆನ ಕೈರ್ದ್ ಬೆಡಿನ್ ವಶಕ್ಕ್ ಪಡೆತೆರ್.
ವಾಷಿಂಗ್ಟನ್: ಕಾಂತಾರ ಪಿಕ್ಚರ್ ರ್ದ್ ಅಂತಾರಾಷ್ಟ್ರೀಯ ಮಟ್ಟಡ್ ಗುರುತಿಸಾಯಿನ ನಟೆ ಬೊಕ್ಕ ನಿರ್ದೇಶಕೆ ರಿಷಬ್ ಶೆಟ್ರೆಗ್ ಅಮೆರಿಕಡ್ ವಿಶ್ವ ಶ್ರೇಷ್ಠ ಕನ್ನಡಿಗ 2023 ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತೆರ್.
ಇಂಚಿಪ್ಪ ರಿಷಬ್ ಶೆಟ್ರ್ ಬೊಡೆದಿ ಪ್ರಗತಿ ಮೆರೆನೊಟ್ಟಿಗೆ ಅಮೆರಿಕದ ಸಿಯಾಟಲ್ ಗ್ ಭೇಟಿ ಕೊರ್ದಿತ್ತೆರ್. ಈ ಪೊರ್ತುಡು ಅಲ್ಪದ ಸಹ್ಯಾದ್ರಿ ಕನ್ನಡ ಸಂಘ ಬೊಕ್ಕ ವಾಷಿಂಗ್ಟನ್ ರಾಜ್ಯದ ಕನ್ನಡಿಗೆರಾಯಿನ ಮನು ಗೌರವ್ ಬೊಕ್ಕ ಕೂಟದಕುಲು ರಿಷಭ್ ಶೆಟ್ರೆಗ್ ಪ್ರಶಸ್ತಿ ಕೊರ್ದು ಗೌರವಿಸಾಯೆರ್.
ಈ ಪೊರ್ತುಡು ಸೆನೆಟರ್ ಡಾ.ದೆರೀಕ್ ಟ್ರಸ್ಫರ್ಡ್ ಇತ್ತೆರ್. ಸುಮಾರ್ ಐನ್ ಕೆಜಿ ತೂಕದ, ಬಂಗಾರ್ ದ ಲೇಪನದ ಟ್ರೋಫಿನ್ ಕೊರಿಯೆರ್. ಈ ಲೇಸ್ ಡ್ 1,800 ಕ್ಕ್ ಎಚ್ಚ ಕನ್ನಡಿಗೆರ್ ಪಾಲ್ ಪಡೆದಿತ್ತೆರ್.
Washington:Rishab Shetty honoured with ” Vishwada Shresta Kannadiga ” award
This honour was conferred on him by Sahyadri Kannada Sangha Seattle,USA and Kannadiga Manu Gaurav and associates from Washington. More than 1800 Kannadigas and Senator Dr Derik Trasford participated in the program
ಅಮೇರಿಕಾದ ಮಹಾ ಮಲ್ಲ ಪೇಂಟೆ ಆಯಿನ ನ್ಯೂಯಾರ್ಕ್ ಡ್ ತುಡರ್ ಪರ್ಬಗ್ ನನ ಮಾತ ಶಾಲೆಗ್ ರಜೆ ಘೋಷಣೆನ್ ಪೇಂಟೆದ ಮೇಯರ್ ಎರಿಕ್ ಆಡಮ್ಸ್ ಸೋಮಾರ ಮಲ್ದೆರ್.
ಈ ಮಸೂದೆಗ್ ರಾಜ್ಯಪಾಲೆರ್ ಕ್ಯಾಥಿ ಹೊಚುಲ್ ನನ ಬರೆದ್ ಕೊರೊಡಾತೆ. ಈ ಇಸಯ ನ್ಯೂಯಾರ್ಕ್ ಡ್ ಇಪ್ಪುನ ಭಾರತೀಯೆರೆಗ್ ಬೊಕ್ಕ ದಕ್ಷಿಣ ಏಷ್ಯಾದಕ್ಲೆಗ್ ಕುಸಿತ್ತ ಇಚಾರ ಆತ್ಂಡ್.
ಈ ಬಗ್ಗೆ ಭಾರತ ಮೂಲದಾರಾಯಿನ ನ್ಯೂಯಾರ್ಕ್ ದ ಸಂಸದೆ ಜೆನ್ನಿಫರ್ ರಾಜ್ ಕುಮಾರ್ ಮೇರ್ ಮಸ್ತ್ ಪ್ರಯತ್ನ ಮಲ್ದೆರ್.
ಈ ವರ್ಷ ನವೆಂಬರ್ 12 ಕ್ಕ್ ಐತಾರ ತುಡರ್ ಪರ್ಬ ಬರ್ಪುಂಡು. ಆಂಚಾದ್ ಈ ರಜೆ ಬರ್ಪಿನ ವರ್ಷರ್ದ್ ಬೊಕ್ಕ ತಿಕ್ಕುಂಡು.
ಭೋಪಾಲ್: ಮದಿಮೆದ ಇಲ್ಲಡೇ ಬಿನ್ನೆರೆನ್ ಲೆತೊಂದು ಪೋವೊಂದು ಇತ್ತಿನ ಟ್ರಕ್ ತುದೆಕ್ಕ್ ಬೂರ್ದು 3 ಜೋಕುಲು ಸೇರಿನಂಚನೆ 5 ಜನ ತೀರ್ ಪೋಯಿನ ಘಟನೆ ಮಧ್ಯಪ್ರದೇಶದ ದಾಟಿಯಾ ಜಿಲ್ಲೆಡ್ ನಡತ್ಂಡ್.
ತೀರ್ ಪೋಯಿನಕುಲು ಮಾತ ಗ್ವಾಲಿಯರ್ ದ ಬಿಲ್ಹೆಟಿ ಗ್ರಾಮದಕುಲು ಪಂದ್ ತೆರಿದ್ ಬೈದ್ಂಡ್. ಮೊಕುಲು ಮಾತ ಟಿಕಮ್ಗರ್ ಡ್ ನಡತೊಂದು ಇತ್ತಿನ ಮದಿಮೆಗ್ ಪೋವೊಂದು ಇತ್ತೆರ್. ಈ ಘಟನೆಡ್ ಸುಮಾರ್ 24 ಜನಕ್ಕ್ ಪೆಟ್ಟಾತ್ಂಡ್. ಸುಮಾರ್ ಜೋಕುಲು ನಾಪತ್ತೆ ಆತೆರ್ ಪಂದ್ ವರದಿ ಆತ್ಂಡ್.
ಈ ಬಗ್ಗೆ ಮಧ್ಯಪ್ರದೇಶದ ಗೃಹಸಚಿವೆರ್ ನರೋತ್ತಮ್ ಮಿಶ್ರಾ ಪಾರೆರ್ದ್, ಬುಹಾರಾ ಗ್ರಾಮಡ್ ಇಪ್ಪುನ ತುದೆತ್ತ ಕೈತಡೇ ಬರೊಂದು ಇಪ್ಪುಲೆಕ್ಕನೇ ಟ್ರಕ್ ದ ಚಕ್ರ ಜಾರ್ ದ್ ತುದೆಕ್ಕ್ ಬೂರ್ದುಂಡು. ನೆರ್ದ್ 2 ಬೊಕ್ಕ 3 ವರ್ಷದ ಜೋಕುಲು ಸೇರಿನಂಚನೆ 65 ವರ್ಷದ ಪೊಂಜೋವ್ ಬೊಕ್ಕ 18 ವರ್ಷದ ಆನ್ ಯೊರಿ ತೀರ್ ಪೋತೆರ್. ಈ ಘಟನೆದ ಜಾಗೆಡ್ ರಕ್ಷಣಾ ಕಾರ್ಯಾಚರಣೆ ನಡತೊಂದು ಉಂಡು ಪಂದ್ ಪಂಡೆರ್.
A truck carrying guests to a wedding falls into a river- 5 people dead
This incident has been reported from Bhopal and the wedding party were from Gwalior. 24 persons were injured in the incident and many children are still missing.
ಬೊಂಬೈ: ಒಂಜೇ ಸ್ಕೂಟರ್ ಡ್ ಏಳ್ ಜೋಕುಲೆನ್ ಲೆತೊಂದು ಪೋಯಿನ ಜನನ್ ಪೊಲೀಸೆರ್ ಅರೆಸ್ಟ್ ಮಲ್ತಿನ ಘಟನೆ ಬೊಂಬೈಡ್ ನಡತ್ಂಡ್.
ಆರೋಪಿ ಮುನವ್ವರ್ ಶಾ ಪಂದ್ ತೆರಿದ್ ಬೈದ್ಂಡ್. ಮೇರ್ ಲೆತೊಂದು ಪೋಯಿನ 7 ಜೋಕುಲೆನೆಟ್ಟ್ 4 ಮೆರೆನ, ಒರಿನಕುಲು ನೆರೆಹೊರೆತ್ತ ಪಂದ್ ತೆರಿದ್ ಬೈದ್ಂಡ್. ನೆತ್ತ ವೀಡಿಯೋನ್ ಕೈತಲ್ ದಕುಲು ತನ್ನ ಮೊಬೈಲ್ಡ್ ವೀಡಿಯೋ ಮಲ್ತ್ ದ್, ಟ್ವಿಟ್ಟರ್ ಡ್ ಅಪ್ಲೋಡ್ ಮಲ್ತ್ ದ್ ಬೊಂಬೈ ಪೊಲೀಸೆರೆಗ್ ಟ್ಯಾಗ್ ಮಲ್ದೆರ್. ಈ ವೀಡಿಯೋ ಸಾಮಾಜಿಕ ಜಾಲತಾಣಡ್ ವೈರಲ್ ಆತ್ಂಡ್.
ಸುರತ್ಕಲ್: ಸುರತ್ಕಲ್ ಬಂಟರ ಸಂಘದ ಮಹಿಳಾ ವೇದಿಕೆಡ್ ಪದಗ್ರಹಣ ಬೊಕ್ಕ ಮಹಿಳಾ ವೇದಿಕೆಗ್ 25 ವರ್ಷ ಆಯಿನ ಲೆಕ್ಕೊಡು ಮಾಜಿ ಅಧ್ಯಕ್ಷೆರೆಗ್ ಅಭಿನಂದನೆ ಲೇಸ್ ನಡತ್ಂಡ್.
ಈ ಲೇಸ್ ದ ಗುರ್ಕಾರ್ಮೆನ್ ಮಹಿಳಾ ವೇದಿಕೆದ ನಿಕಟಪೂರ್ವ ಅಧ್ಯಕ್ಷೆರ್ ಚಿತ್ರಾ ಜೆ. ಶೆಟ್ಟಿ ಮೇರ್ ಒಯಿಸೊಂದಿತ್ತೆರ್. ಬೊಕ್ಕ ಲೇಸ್ ಡ್
ಮಾಜಿ ಅಧ್ಯಕ್ಷೆರ್ ದಿ.ಪುಷ್ಪಾ ಶೇಣವ ಮೇರ್ ಮಹಿಳಾ ವೇದಿಕೆಗ್ ಸಂದಾಯಿನ ಸೇವೆನ್ ನೆಂಪು ಮಲ್ತೆರ್.
ಮಹಿಳಾ ವೇದಿಕೆದ ಮಾಜಿ ಅಧ್ಯಕ್ಷೆರಾಯಿನ ಅಂಜನಾ ಶೆಟ್ಟಿ, ಮಮತಾ ಶೆಟ್ಟಿ, ಆಶಾ ಆರ್ ಶೆಟ್ಟಿ, ಚಂದ್ರಕಲಾ ಬಿ ಶೆಟ್ಟಿ, ಬೇಬಿ ಎನ್ ಶೆಟ್ಟಿ ಮೊಕ್ಲೆಗ್ ಸ್ಮರಣಿಕೆ ಕೊರ್ದು ಮಾನಾದಿಗೆ ಮಲ್ತೆರ್.
ಪುಷ್ಪ ಶೇಣವ ಮೆರೆನ ಸ್ಮರಣಿಕೆನ್ ಮೆರೆನ ಮಗಲ್ ಸರಾಯು ಶೆಟ್ಟಿ ದೆತೊಂಡೆರ್. ಈ ಪೊರ್ತುಡು 2021-23 ನೇ ಸಾಲ್ ಡ್ ಅಧ್ಯಕ್ಷೆರಾದ್ ಎಡ್ಡೆ ಬೇಲೆ ಮಲ್ತಿನ ಚಿತ್ರಾ ಜೆ ಶೆಟ್ಟಿ ಮೆರೆನ ಸಂಘಟನೆ ಕಾರ್ಯನ್ ಗುರ್ತಿಸಾದ್ ಅರೆಗ್ ತಮ್ಮನ ಮಲ್ತೆರ್.
2023-25 ನೇ ಸಾಲ್ ದ ಮಹಿಳಾ ವೇದಿಕೆದ ಅಧ್ಯಕ್ಷೆರ್ ಭವ್ಯಾ ಎ ಶೆಟ್ಟಿ, ಉಪಾಧ್ಯಕ್ಷೆರ್ ಸರೋಜ ಟಿ ಶೆಟ್ಟಿ, ಕಾರ್ಯದರ್ಶಿ ಸುಜಾತ ಶೆಟ್ಟಿ ಕೃಷ್ಣಾಪುರ, ಜತೆ ಕಾರ್ಯದರ್ಶಿ ವಜ್ರಾಕ್ಷಿ ಶೆಟ್ಟಿ ಮದ್ಯ, ಕೋಶಾಧಿಕಾರಿ ಜ್ಯೋತಿ ಪಿ ಶೆಟ್ಟಿ, ಸಂಘಟನಾ ಕಾರ್ಯದರ್ಶಿ ನಾಗಲತಾ ಆರ್ ಶೆಟ್ಟಿ ತೋಕೂರು, ಕ್ರೀಡಾ ಕಾರ್ಯದರ್ಶಿ ಬಬಿತಾ ಶೆಟ್ಟಿ, ಸಾಂಸ್ಕೃತಿಕ ಕಾರ್ಯದರ್ಶಿ ಸುಜಾತ ಶೆಟ್ಟಿ ಕಾಟಿಪಳ್ಳ ಮೊಕ್ಲೆಗ್ ಅಭಿನಂದನೆ ಮಲ್ತೆರ್. ಬೊಕ್ಕ ಪೊಸ ಅಧ್ಯಕ್ಷೆರಾದ್ ಭವ್ಯಾ ಶೆಟ್ಟಿ ಬೊಕ್ಕ ಪದಾಧಿಕಾರಿಲು ಅಧಿಕಾರ ಸ್ವೀಕಾರ ಮಲ್ತೆರ್. ರಾಜೇಶ್ವರಿ ಡಿ ಶೆಟ್ಟಿ ಈ ಲೇಸ್ ದ ಸುಧಾರಿಕೆ ಮಲ್ತೆರ್.
ಕುಡ್ಲ: ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರೆನ ಸಂಘರ್ದ್ ಸೌಹಾರ್ದತೆನ್ ಕಾಪರೆ ಇಂಬು ಕೊರ್ಪಿನ ಪತ್ರಿಕಾ ವರದಿಗ್ ವರ್ಷಲ ಕೊರ್ಪಿನ ಬ್ರ್ಯಾಂಡ್ ಮಂಗಳೂರು ಪ್ರಶಸ್ತಿಗ್ ಹೊಸದಿಗಂತ ವರದಿಗಾರೆ ಸುರೇಶ್ ಡಿ.ಪಳ್ಳಿ ಬೊಕ್ಕ ಏಷ್ಯಾನೆಟ್ ಸುವರ್ಣ ನ್ಯೂಸ್ ವರದಿಗಾರೆ ಭರತ್ರಾಜ್ ಕೆ. ಸನಿಲ್ ಆಯ್ಕೆ ಆತೆರ್.
ಹೊಸದಿಗಂತ ಪತ್ರಿಕೆಡ್ 2022 ತ್ತ ಜೂ.13 ಕ್ಕ್ ಪ್ರಕಟ ಆಯಿನ “ಮತ್ತೆ ಒಂದಾಗಲಿ ಒಡೆದ ಮನಸ್ಸುಗಳು” ಬೊಕ್ಕ ಸುವರ್ಣ ನ್ಯೂಸ್ ಡ್ 2022ತ್ತ ಏ.19 ಕ್ಕ್ ಪ್ರಸಾರ ಆಯಿನ “ಹಿಂದೂ ಕುಶಲಕರ್ಮಿಯ ಕೈಚಳಕ, ಕೋಮು ಸೂಕ್ಷ್ಮ ಮಂಗಳೂರಿನ ಸೌಹಾರ್ದತೆಯ ಕಥೆ” ಪನ್ಪಿನ ಇಸೇಸ ವರದಿಗ್ ಈ ಪ್ರಶಸ್ತಿ ತಿಕ್ ದ್ಂಡ್ ಪಂದ್ ಸಂಘದ ಪ್ರಧಾನ ಕಾರ್ಯದರ್ಶಿ ಜಿತೇಂದ್ರ ಕುಂದೇಶ್ವರ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.
ತೀರ್ಪುಗಾರೆರಾದ್ ಪತ್ರಿಕಾ ವಿಭಾಗದ ಪೆರಿಯ ಪತ್ರಕರ್ತೆ ಹಿಲರಿ ಕ್ರಾಸ್ತ, ರಂಗ ಸಾಹಿತಿ, ನ್ಯಾಯವಾದಿ ಶಶಿರಾಜ್ ಕಾವೂರು, ಕರಾವಳಿ ಲೇಖಕಿ, ವಾಚಕಿಯೆರೆನ ಸಂಘದ ಅಧ್ಯಕ್ಷೆ ಜ್ಯೋತಿ ಚೇಳ್ಯಾರು, ದೃಶ್ಯ ಮಾಧ್ಯಮ ವಿಭಾಗದ ಉಜಿರೆ ಎಸ್ಡಿಎಂ ಪತ್ರಿಕೋದ್ಯಮ ಉಪನ್ಯಾಸಕೆ ಸುನಿಲ್ ಹೆಗ್ಡೆ, ನಮ್ಮ ಕುಡ್ಲ ವಾಹಿನಿದ ಪೆರಿಯ ಪತ್ರಕರ್ತೆ ಲ್ಯಾನ್ಸಿ ಡಿಸೋಜ ಸಹಕಾರ ಮಲ್ತೆರ್.
ಜು.1 ಕ್ಕ್ ಬೊಲ್ಪುಗು 11 ಗಂಟೆಗ್ ಪತ್ರಿಕಾಭವನಡ್ ನಡಪರೆ ಇಪ್ಪುನ ಪತ್ರಿಕಾ ದಿನಾಚರಣೆದ ಪೊರ್ತುಡು
ಪೊಲೀಸ್ ಕಮಿಷನರ್ ಕುಲದೀಪ್ ಜೈನ್, ಆಕಾಶವಾಣಿ ನಿವೃತ್ತ ಅಧಿಕಾರಿ ಸದಾನಂದ ಪೆರ್ಲ ಪ್ರಶಸ್ತಿ ಪ್ರಧಾನ ಮಲ್ಪುವೆರ್.
ಪತ್ರಕರ್ತೆರೆನ ಸಂಘದ ಅಧ್ಯಕ್ಷೆರ್ ಶ್ರೀನಿವಾಸ ನಾಯಕ್ ಇಂದಾಜೆ ಈ ಲೇಸ್ ದ ಗುರ್ಕಾರ್ಮೆನ್ ಒಯಿಸೊನ್ವೆರ್. ಪ್ರೆಸ್ಕ್ಲಬ್ ದ ಅಧ್ಯಕ್ಷೆರ್ ಪಿ.ಬಿ.ಹರೀಶ್ ರೈ, ಪತ್ರಿಕಾಭವನ ಟ್ರಸ್ಟ್ದ ಅಧ್ಯಕ್ಷೆರ್ ರಾಮಕೃಷ್ಣ ಆರ್. ಈ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್.
ಸುರೇಶ್ ಡಿ. ಪಳ್ಳಿ ಮೆರೆನ ಪೊಲಬು:
ಮೂಲತಃ ಒಡಿಪು ಜಿಲ್ಲೆದ ಕಾರ್ಲ ತಾಲೂಕ್ ದ ಪಳ್ಳಿ ಗ್ರಾಮದಾರ್ ಆಯಿನ ಮೇರ್ ಸಮೂಹ ಸಂಹವನ ಬೊಕ್ಕ ಪತ್ರಿಕೋದ್ಯಮ- ಸ್ನಾತಕೋತ್ತರ ಪದವೀಧರೆರ್. 16 ವರ್ಷೊದಿಂಚ ಹೊಸ ದಿಗಂತ ಪತ್ರಿಕೆದ ಕುಡ್ಲ ವಿಭಾಗಡ್ ವರದಿಗಾರೆರಾದ್ ಬೇಲೆ ಮಲ್ದೆರ್. 2013ನೇ ಸಾಲ್ ದ ಪದ್ಯಾಣ ಗೋಪಾಲಕೃಷ್ಣ (ಪ.ಗೋ) ಪ್ರಶಸ್ತಿನ್ ಪಡೆತೆರ್. ಮೆರೆನ ಇಸೇಸ ವರದಿಯೊಂಜಿ ಅಖಿಲ ಭಾರತ ಮಟ್ಟದ-ಜಾಗತಿಕ ಸಮಾಜ ಕಾರ್ಯ ಸಂಸ್ಥೆ ಪ್ರಕಟಿಣೆ ಮಲ್ಪುನ ‘ಹಂಗರ್ ಪ್ರಾಜೆಕ್ಟ್’ದ ಬೂಕುಡು ಆಂಗ್ಲ ಭಾಷೆಗ್ ತರ್ಜುಮೆ ಆದ್ ಪ್ರಕಟ ಆತ್ಂಡ್.
ಭರತ್ರಾಜ್ ಸನಿಲ್ ಮೆರೆನ ಪೊಲಬು:
ಕುಂಪಲದ ಭರತ್ರಾಜ್ ಮೆರೆಗ್ ಪತ್ರಿಕೋದ್ಯಮಡ್ 14 ವರ್ಷದ ಅನುಭವ ಉಂಡು. 18ನೇ ವರ್ಷಡೇ ಜಯಕಿರಣ ಪತ್ರಿಕೆಡ್ ಪತ್ರಿಕೋದ್ಯಮ ಸುರು ಮಲ್ತ್ ದ್ ಬೊಕ್ಕ ದೂರ ಶಿಕ್ಷಣಡ್ ಬಿ.ಎ ಪತ್ರಿಕೋದ್ಯಮ ಪದವಿ ಮಲ್ದೆರ್. ಬಿಟಿವಿ ನ್ಯೂಸ್ ಜಿಲ್ಲಾ ವರದಿಗಾರೆಯಾದ್ ಬೊಕ್ಕ 2017 ರ್ದ್ ಸುವರ್ಣ ನ್ಯೂಸ್ಡ್ ಜಿಲ್ಲಾ ವರದಿಗಾರೆಯಾದ್ ಬೇಲೆ ಮಲ್ದೆರ್.
Suresh Palli, Bharathraj Sanil get ” Brand Mangalore” Prasasthi
Manglore: The award is given by the DK Working Journalists Association to to encourage maintaining harmony.
The two journalists had published respectively ” Matte ondagali Odeda Manasugalu” and ” Hindu Kushalakarmiya Kaichalaka ,Komu Suksma Mangaluruna Sowhardateya Kathe”.
ಬೊಂಬೈ: ಭಾರತಡ್ ನಡಪರೆ ಇಪ್ಪುನ ಈ ಸರ್ತಿದ 2023ತ್ತ ಏಕದಿನ ಕ್ರಿಕೆಟ್ ವಿಶ್ವಕಪ್ ಟೂರ್ನಿದ (ICC ODI World Cup 2023) ದಿನ ಪಟ್ಟಿನ್ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ ಬೊಂಬೈಡ್ ಬುಡುಗಡೆ ಮಲ್ದ್ಂಡ್.
ಈ ಟೂರ್ನಿ ದೇಶದ 10 ಕಡೆಟ್ಟ್ ಅಕ್ಟೋಬರ್ 5 ರ್ದ್ ನವೆಂಬರ್ 19 ಮುಟ್ಟ ನಡಪರೆ ಉಂಡು. ನೆತ್ತ ಉದಿಪನ ಮ್ಯಾಚ್ ಬೊಕ್ಕ ಫೈನಲ್ ಪಂತೊ ಅಹಮದಾಬಾದ್ ಡ್ ಇಪ್ಪುನ ನರೇಂದ್ರ ಮೋದಿ ಕ್ರೀಡಾಂಗಣಡ್ ನಡಪರೆ ಉಂಡು.
ಗೊಬ್ಬುನ ಟೀಮ್
ಅ.8 ಐತಾರ: ಆಸ್ಟ್ರೇಲಿಯಾ-ಚೆನ್ನೈ
ಅ.11 ಬುಧಾರ: ಅಪ್ಫಾನಿಸ್ತಾನ-ಡೆಲ್ಲಿ
ಅ.15 ಐತಾರ: ಪಾಕಿಸ್ತಾನ-ಅಹಮದಾಬಾದ್
ಅ.19 ಗುರುವಾರ: ಬಾಂಗ್ಲಾದೇಶ-ಪುಣೆ
ಅ.22 ಐತಾರ: ನ್ಯೂಜಿಲೆಂಡ್-ಧರ್ಮಶಾಲಾ ಅ.29 ಐತಾರ: ಇಂಗ್ಲೆಂಡ್-ಲಕ್ನೋ
ನ.2 ಗುರುವಾರ: ಕ್ವಾಲಿಫಯರ್ 2-ಬೊಂಬೈ
ನ.5 ಐತಾರ: ದಕ್ಷಿಣ ಆಫ್ರಿಕಾ-ಕೋಲ್ಕತ್ತಾ
ನ.11 ಸನಿಯಾರ ಕ್ವಾಲಿಫಯರ್ 1-ಬೆಂಗ್ಲೂರ್
ಅಮ್ಮನ ಮಡಿಲು ಯೋಜನೆದ ಮುಖೇನ ಇನಿ ಆಂಧ್ರದ ಸಿಎಂ ಜಗನ್ ಮೋಹನ್ ರೆಡ್ಡಿ, ಕಲ್ಪಾರ್ಥಿಲೆನ ಅಪ್ಪೆಲ್ಲೆನ್ನ ಬ್ಯಾಂಕ್ ಎಕೌಂಟ್ ಗ್ 15 ರೂಪಾಯಿ ಪಾಡುವೆರ್.
ಜೋಕುಲೆನ್ ಸರ್ಕಾರಿ ಶಾಲೆಗ್ ಕಡಪಾವುನ ಅಪ್ಪೆಲ್ಲೆಗ್ ವರ್ಷೊಗು 15 ಸಾರ ರೂ. ಕೊರ್ಪಿನ ಯೋಜನೆ ಉಂದಾತ್ಂಡ್.
ಈ ಯೋಜನೆ 1-12 ನೇ ಕ್ಲಾಸ್ ಮುಟ್ಟ ಸರ್ಕಾರಿ ಶಾಲೆಡೇ ತನ್ನ ಜೋಕುಲೆನ್ ಓದಾವುನ ಬಿಪಿಎಲ್ ಕಾರ್ಡ್ ದ ಅಪ್ಪೆಲ್ಲೆಗ್ ಉಂದು ಅನ್ವಯ ಆಪುಂಡು.
ಬಂಟ್ವಾಳ: ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ನೆತ್ತ ಮುತಾಲಿಕೆಡ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯನ್ ಮಲ್ತೆರ್.
ಕರಿನ 7 ವರ್ಷೊರ್ದಿಂಚ ಸಾಮಾಜಿಕ ಸೇವೆ ಮಲ್ತೊಂದು ಬತ್ತಿನ ತುಳುನಾಡ್ ದ ಪುಗರ್ತೆದ ಸಂಸ್ಥೆ ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ದ 82ನೇ ತಿಂಗೊಲ್ದ ಸೇವಾ ಪಯಣಡ್ ಕ್ಯಾನ್ಸರ್ ಸೀಕ್ ರ್ದ್ ನರಲೊಂದು ಇತ್ತಿನ ಬಂಟ್ವಾಳ ತಾಲೂಕ್ ದ ಮಣಿನಾಲ್ಕೂರು ಗ್ರಾಮದ ನೈಬೇಲು ನಿವಾಸಿ ಕುಸುಮಾವತಿ ಮೆರೆನ ಚಿಕಿತ್ಸೆಗ್ 20 ಸಾರ ರೂ. ಪನವುದ ಸಕಾಯನ್ ಇಳಿಯೂರು ಶ್ರೀ ಮಹಾವಿಷ್ಣು ದೇವಲ್ಯಡ್ ಕೊರಿಯೆರ್.
ಈ ಪೊರ್ತುಡು ಕ್ಷೇತ್ರದ ಅರ್ಚಕೆರ್, ಆಡಳಿತ ಟ್ರಸ್ಟಿಲು ಬೊಕ್ಕ ಟ್ರಸ್ಟ್ ದ ದಾನಿಲು ಇತ್ತೆರ್.
