ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ವತಿರ್ದ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯ

ಬಂಟ್ವಾಳ: ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ನೆತ್ತ ಮುತಾಲಿಕೆಡ್ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯನ್ ಮಲ್ತೆರ್.

ಕರಿನ 7 ವರ್ಷೊರ್ದಿಂಚ ಸಾಮಾಜಿಕ ಸೇವೆ ಮಲ್ತೊಂದು ಬತ್ತಿನ ತುಳುನಾಡ್ ದ ಪುಗರ್ತೆದ ಸಂಸ್ಥೆ ತುಳುನಾಡ ಪೊರ್ಲು ಸೇವಾ ಟ್ರಸ್ಟ್(ರಿ.) ದ 82ನೇ ತಿಂಗೊಲ್ದ ಸೇವಾ ಪಯಣಡ್ ಕ್ಯಾನ್ಸರ್ ಸೀಕ್ ರ್ದ್ ನರಲೊಂದು ಇತ್ತಿನ ಬಂಟ್ವಾಳ ತಾಲೂಕ್ ದ ಮಣಿನಾಲ್ಕೂರು ಗ್ರಾಮದ ನೈಬೇಲು ನಿವಾಸಿ ಕುಸುಮಾವತಿ ಮೆರೆನ ಚಿಕಿತ್ಸೆಗ್ 20 ಸಾರ ರೂ‌. ಪನವುದ ಸಕಾಯನ್ ಇಳಿಯೂರು ಶ್ರೀ ಮಹಾವಿಷ್ಣು ದೇವಲ್ಯಡ್ ಕೊರಿಯೆರ್.

ಈ ಪೊರ್ತುಡು ಕ್ಷೇತ್ರದ ಅರ್ಚಕೆರ್, ಆಡಳಿತ ಟ್ರಸ್ಟಿಲು ಬೊಕ್ಕ ಟ್ರಸ್ಟ್ ದ ದಾನಿಲು ಇತ್ತೆರ್.