June 10, 2023

388 vacancies in NHPC NHPC ಡ್ 388 ಬೇಲೆ

NHPC ಡ್ 388 ಜೂನಿಯರ್ ಇಂಜಿನಿಯರ್, ಮೇಲ್ವಿಚಾರಕೆರ್, ಹಿರಿಯ ಅಕೌಂಟೆಂಟ್, ಭಾಷಾಂತರಕಾರ ಬೊಕ್ಕ ಡ್ರಾಫ್ಟ್ ಸ್ಮೆನ್ ಬೇಲೆಗ್ ನೇಮಕಾತಿ ಅಧಿಸೂಚನೆ ಕೊರ್ತುಂಡು.

ಅರ್ಜಿ ಸಂದಾಯೆರೆ ಜೂನ್ 9 ರ್ದ್ ಸುರು ಆದ್ ಜೂನ್ 31 ಕ್ಕೆ ಮುಗಿಪುಂಡು. ಆಸಕ್ತ ಬೊಕ್ಕ ಅರ್ಹ ಅಭ್ಯರ್ಥಿಲು ಅಧಿಕೃತ ವೆಬ್‌ಸೈಟ್‌ www.nhpcindia.com ಗ್ ಭೇಟಿ ಕೊರ್ಪಿನ ಮುಖೇನ ಅರ್ಜಿ ಸಂದಾವೊಲಿ. ಶೈಕ್ಷಣಿಕ ಅರ್ಹತೆ, ಆಯ್ಕೆ ಪ್ರಕ್ರಿಯೆ ಬೊಕ್ಕ ಅರ್ಹತಾ ಮಾನದಂಡದ ಬಗೆಟ್ ಪೊಲಬುಗಾದ್ ಇಲಾಖೆ ಕೊರಿನ ಅಧಿಸೂಚನೆನ್ ತೂವೊಡು.

Former British PM Boris Johnson resigns as Member of Parliament ಸಂಸದೆರೆನ ತಾನಗ್ ಬ್ರಿಟನ್ ಮಾಜಿ ಪ್ರಧಾನಿ ರಾಜೀನಾಮೆ

ಸಂಸದೆರೆನ ತಾನಗ್ ರಾಜೀನಾಮೆ ಕೊರ್ತೆ ಪಂದ್ ಬ್ರಿಟನ್ ಮಾಜಿ ಪ್ರಧಾನಿ ಬೋರಿಸ್ ಜಾನ್ಸನ್ ಘೋಷಣೆ ಮಲ್ದೆರ್.

ಪಾರ್ಟಿ ಗೇಟ್ ಹಗರಣಡ್ ಸಂಸತ್ತ್ ನ್ ತಪ್ಪು ತಾದಿಗ್ ಕೊನೊಯರ್ ಪಂದ್ ವಿಶೇಷಾಧಿಕಾರ ಸಮಿತಿ ಎನ್ನ ಮಿತ್ತ್ ಆರೋಪ ಮಲ್ತ್ ದ್ ಇತ್ಂಡ್. ಈ ಬೆರಿಕ್ಕೆ ಎನನ್ ಸಂಸತ್ತ್ ರ್ದ್ ಪಿದಯಿ ಪಾಡುನ ಮಾತ ಪ್ರಯತ್ನ ನಡತೊಂದು ಇತ್ತ್ಂಡ್.

ಈ ಇಸಯ ತೆರಿನ ಕೂಡ್ಲೆ ಯಾನೆ ರಾಜೀನಾಮೆ ಕೊರಿಯೆರೆ ನಿರ್ಧಾರ ದೆತೊಂದೆ ಪಂದ್ ಪಂಡೆರ್. ಬೊಕ್ಕ ಸಮಿತಿದ ಶಿಫಾರಸ್ ಡ್ ದಾದ ಉಂಡು ಪಂದ್ ಗೊತ್ತುಜಿಂದ್ ಪಂಡೆರ್.

Former British PM Boris Johnson resigns as Member of Parliament

He tenders his resignation on charges of misleading the house in the Party Gate issue.

Mangos that cost 2.75 lakh rupees per kg!! ಒಂಜಿ ಕೆಜಿ ಕುಕ್ಕುಗು 2.75 ಲಕ್ಷ ರೂ.!

ಜಗತ್ತ್ ಡೇ ಭಾರಿ ಬಿಲೆತ್ತ ಕುಕ್ಕುದ ಬಿದೆ (ತಳಿ) ಪನ್ಪಿನ ಪುಗರ್ತೆದ ಮಿಯಾಝಾಕಿ ಕುಕ್ಕುನು ಪಶ್ಚಿಮ ಬಂಗಾಳದ ಸಿಲಿಗುರಿಟ್ಟ್ ಮೂಜಿ ದಿನ ನಡತಿನ ಕುಕ್ಕು ಮೇಳದ ಪ್ರದರ್ಶನಡ್ ದೀದಿತ್ತೆರ್.

ನೆತ್ತ ಬಿಲೆ ಅಂತಾರಾಷ್ಟ್ರೀಯ ಮಾರ್ಕೆಟ್ ಡ್ ಕೆಜಿಗ್ 2.75 ಲಕ್ಷ ರೂ. ಉಂಡು. ಪ್ರತಿ ಕುಕ್ಕುದ ತೂಕ 900 ಗ್ರಾಮ್ ಉಂಡು. ಜಪಾನ್ ಡ್ ಈ ಕುಕ್ಕುನ್ ಸುರುತ್ತ ಸರ್ತಿ ಬುಲೆಪಾದೆರ್.

A medical representative from Mangalore goes missing!! ಕುಡ್ಲದ ಮೆಡಿಕಲ್ ರೆಪ್ರೆಸೆಂಟೇಟಿವ್ ನಾಪತ್ತೆ

ಕುಡ್ಲ: ಮೂಲು ಮೆಡಿಕಲ್ ರೆಪ್ ಆದ್ ಬೇಲೆ ಮಲ್ತೊಂದಿತ್ತಿನ ಬಿಕರ್ನಕಟ್ಟೆ ಕಂಡೆಟ್ಟು ನಿವಾಸಿ ತೇಜ ಕುಮಾರ್ (26) ಪನ್ಪುನಾರ್ ನಾಪತ್ತೆ ಆಯಿನ ಬಗ್ಗೆ ಕಂಕನಾಡಿ ನಗರ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

ಮೇರ್ ಜೂ.6 ಕ್ಕ್ ತನ್ನ ಅಪ್ಪೆಗ್ ಫೋನ್ ಮಲ್ತ್ ದ್ ಮೀಟಿಂಗ್ ಇಪ್ಪುರ್ನೆದಾವೆರ ಜೂ.7 ಕ್ಕ್ ಬೆಂಗ್ಲೂರ್ ಪೋಪೆ ಪಂದ್ ಪೋಯಿನಾರ್ ನಾಪತ್ತೆ ಆತೆರ್ ಪಂದ್ ದೂರುಡು ಉಂಡು.‌

Radio Manipal to air ” Kathe Kelona’ series programme ರೇಡಿಯೊ ಮಣಿಪಾಲ್ ಡ್ ಕಥೆ ಕೇಳೋಣ ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 58ನೇ ಸಂಚಿಕೆ ಜೂನ್ 10 ಸನಿಯಾರ ಬಯ್ಯಗ್ 4.30ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಸಾಹಿತ್ಯಾಸಕ್ತೆರ್ ಬೊಕ್ಕ ಜೀವನ ಶಿಕ್ಷಣ ತರಬೇತುದಾರೆರ್ ಆಯಿನ ರಾಘವೇಂದ್ರ ಆಚಾರ್ಯ ಕೆದೂರು ಪಾಲ್ ಪಡೆಯೆರೆ ಉಲ್ಲೆರ್. ಜೂನ್ 11 ಮಧ್ಯಾಹ್ನ 12.30ಕ್ಕ್ ಕುಡೊರ ಪ್ರಸಾರ ಆಪುಂಡು.

Police officer of Subramanya police station and Dalit Seva Sangha come together to procure water connection facility for a downtrodden family ಬಡಪತ್ತ್ ದ ಕುಟುಂಬಗ್ ಪರ್ಪಿನ ನೀರ್ ದ ಪೈಪ್ ಪಾಡ್ಪಾದ್ ಕೊರಿನ ಸುಬ್ರಮಣ್ಯ ಠಾಣಾಧಿಕಾರಿ, ದಲಿತ್ ಸೇವಾ ಸಮಿತಿ

ಬಡಪತ್ತ್ ದ ಕುಟುಂಬಗ್ ನ್ಯಾಯ ಕೊರ್ಪಿನ ನಿಲೆಟ್ಟ್ ದ. ಕ. ಜಿಲ್ಲಾ ದಲಿತ್ ಸೇವಾ ಸಮಿತಿದಕುಲು ಸುಳ್ಯ ತಾಲೂಕ್ ದ ಪಂಬೆತ್ತಾಡಿ ಗ್ರಾಮದ ಕಲ್ಚಾರ್ ಡ್ ಇಪ್ಪುನ ಬಡ ಕುಟುಂಬದ ಗೀತಾ ಅಜಿಲ ಮೇರ್ ದಿನೊಲ ಗಲಸೊಂದು ಇತ್ತಿನ ಪರ್ಪಿನ ನೀರ್ ದ ಪೈಪ್ ನ್ ಕೈತಲ್ ದಾರ್ ದೆತ್ತ್ ದ್ ದಕ್ಕ್ ದಿತ್ತ್ ದಿತ್ತೆರ್.

ಅಂಚಾದ್ (ಜೂನ್ 9) ಕೋಡೆ ಸುಬ್ರಮಣ್ಯ ಠಾಣಾಧಿಕಾರಿ ಮಂಜುನಾಥ್ ಬೊಕ್ಕ ದ.ಕ.ಜಿಲ್ಲಾ ದಲಿತ್ ಸೇವಾ ಸಮಿತಿದ ಸಂಘಟನೆದ ಸ್ಥಾಪಕಾಧ್ಯಕ್ಷೆರ್ ಬಿ. ಕೆ. ಸೇಸಪ್ಪ ಬೆದ್ರಕಾಡು ಜಾಗೆಗ್ ಭೇಟಿ ಕೊರ್ದು ನೀರ್ ದ ಪೈಪ್ ದ್ ವ್ಯವಸ್ಥೆನ್ ಪಾಡಾದ್ ಕೊರ್ತೆರ್. ಅಂಚೆನೆ ಈ ಕುಟುಂಬಗ್ ಇಂಚಿನ ಅನ್ಯಾಯ ಆವಂದಿಲೆಕ್ಕ ಸರಿಯಾಯಿನ ಕ್ರಮ ದೆತೊಂದ್ ಪೈಪ್ ದೆಯಿದಿನಾರೆಗ್ ಎಚ್ಚರಿಕೆ ಕೊರಿಯೆರ್.

ಈ ಪೊರ್ತುಡು ಜಿಲ್ಲಾ ಉಪಾಧ್ಯಕ್ಷೆರ್ ಪ್ರಸಾದ್ ಬೋಲ್ಮಾರ್, ಗಣೇಶ್ ಕರಿಕಳ, ಪದ್ಮನಾಭ ಕರಿಕಳ ಇತ್ತೆರ್.

Sri Kshetra Kudroli – “Bondabisheka” rituals conducted ಶ್ರೀ ಕ್ಷೇತ್ರ ಕುದ್ರೋಳಿಡ್ 100 ಬೊಂಡ ಅಭಿಷೇಕ

ಕುಡ್ಲ: ಲೋಕದ ಸುಭಿಕ್ಷೆ ಬೊಕ್ಕ ಎಡ್ಡೆಗ್ ಬೋಡಾದ್ ಬರ್ಸ ಬರಿಯರೆ ಬೋಡಾದ್ ಸುಕ್ರಾರ ಕಾಂಗ್ರೆಸ್ ಪಕ್ಷದ ವತಿರ್ದ್ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಡ್ ನೂದು ಬೊಂಡದ ಅಭಿಷೇಕ, ಇಸೇಸ ಪ್ರಾರ್ತನೆ ನಡತ್ಂಡ್.

ಬರ್ಸ ದಾಂತೆ ತುಳುನಾಡ್ ಡ್ ಸುಮಾರ್ ತುದೆ, ಗುವೆಲ್, ಕೆದು, ಬೋರ್‌ವೆಲ್ ನೀರ್ ಆಜಿದ್ಂಡ್. ಕೃಷಿ ಚಟುವಟಿಕೆದೊಟ್ಟಿಗೆ ಪರ್ಪಿನ ನೀರ್ ಗ್ ತೊಂದರೆ ಆತ್ಂಡ್. ಆಯಿನಾತ್ ಬೇಗ ಬರ್ಸ ಬರೊಡು ಪಂದ್ ದೇವೆರೆಗ್ ಪ್ರಾರ್ತನೆ ಸಂದಾಯೆರ್.

ಈ ಪೊರ್ತುಡು ಕುದ್ರೋಳಿ ಕ್ಷೇತ್ರದ ಅಧ್ಯಕ್ಷೆರ್ ಎಚ್.ಎಸ್. ಸಾಯಿರಾಂ, ದ.ಕ. ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷೆರ್ ಹರೀಶ್ ಕುಮಾರ್, ಕ್ಷೇತ್ರದ ಕೋಶಾಧಿಕಾರಿ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಪದ್ಮರಾಜ್ ಆರ್., ಕುಡ್ಲ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಪ್ರಕಾಶ್ ಸಾಲ್ಯಾನ್, ಮಹಿಳಾ ಘಟಕದ ನಾಯಕಿ ಶಾಲೆಟ್ ಪಿಂಟೋ, ಕಾರ್ಪೊರೇಟರ್‌ ಭಾಸರ್ ಮೊಯ್ಲಿ, ಶಶಿಧರ ಹೆಗ್ಡೆ, ಮಾಜಿ ಕಾರ್ಪೊರೇಟರ್‌ ಡಿ.ಕೆ.ಅಶೋಕ್, ಅಪ್ಪಿ, ಕಾಂಗ್ರೆಸ್ ಮುಖಂಡೆರ್ ಸತೀಶ್ ಪ್ರಭು, ಗೆಜ್ಜೆಗಿರಿ‌ ಕ್ಷೇತ್ರದ ಉಪಾಧ್ಯಕ್ಷೆರ್ ರವಿ ಚಿಲಿಂಬಿ, ವಕ್ತಾರೆರ್ ರಾಜೇಂದ್ರ ಚಿಲಿಂಬಿ ಇತ್ತೆರ್.