June 21, 2023

ಮರ ಕಡ್ಪರೆ ಪೋದು ಮರಟ್ಟೇ ತಿಕೊಂದಿನರೆನ್ ಬಚಾವ್ ಮಲ್ತಿನ ವಿಜಯ ಅಮೀನ್!

ಕಿನ್ನಿಗೋಳಿ: ಮರ ಕಡ್ಪರೆ ಪೋಯಿನಾರೆಗ್ ಮರಟ್ಟೇ ತರೆ ತಿರ್ಗ್ ದ್ ತೊಂದರೆ ಆಪಿನ ಸ್ಥಿತಿಡ್ ಇಪ್ಪುನಗ ಸಾದಿಡ್ ಪೋವೊಂದಿತ್ತಿನ ಜವನೆಯೊರಿ ಬಚಾವ್ ಮಲ್ತಿನ ಘಟನೆ ಕಿನ್ನಿಗೋಳಿ ಚರ್ಚ್ ದಲ್ಪ ನಡತ್ಂಡ್.

ಕಿನ್ನಿಗೋಳಿ ಪಟ್ಟಣ ಪಂಚಾಯತ್ ದ ಬಿನ್ನಾಪುದಂಚ ಅಪಾಯಕಾರಿ ಮರಕ್ಲೆನ್ ಅರಣ್ಯ ಇಲಾಖೆದಕುಲು ಕಡ್ಪಾವೊಂದಿತ್ತೆರ್. ಕೆಮ್ಮಡೆದ ಹರೀಶ್ ಬೊಕ್ಕ ಕುಡೊರಿ ಜವನೆ ಮರಕ್ಕ್ ಮರಟ್ಟಿತ್ತೆರ್. ಹರೀಶ್ ಮೆರೆಗ್ ಮರಟ್ಟೆ ತರೆ ತಿರ್ಗ್ ದ್ ತೊಂದರೆಡ್ ಇತ್ತೆರ್. ಈ ಪೊರ್ತುಡು ಅರಣ್ಯಾಧಿಕಾರಿಲೆಗ್ ಬೊಕ್ಕ ಪಂಚಾಯತ್ ಸಿಬಂದಿಲೆಗ್ ದಾದ ಮಲ್ಪೊಡು ಪಂದ್ ಗೊತ್ತಾಯಿಜಿ. ಆತಾನಗ ಈ ಮಾರ್ಗಡ್ ಪೋವೊಂದು ಇತ್ತಿನ ಏಳಿಂಜೆ ಪಟ್ಟೆ ನಿವಾಸಿ ಎಲೆಕ್ಟ್ರೀಶಿಯನ್ ವಿಜಯ ಅಮೀನ್ ಕೂಡ್ಲೆ ಮರಕ್ಕ್ ಮಿತರ್ದ್ ಹರೀಶೆರ್ನ ಸೊಂಟಗ್ ಬಲ್ಲ್ ಕಟ್ಟ್ ದ್ ತಿರ್ತ್ ಬೂರಂದಿಲೆಕ್ಕ ತೂವೊಂಡೆರ್. ಬೊಕ್ಕ ಅರಣ್ಯಾಧಿಕಾರಿಲು ಕ್ರೈನ್ ಕನತ್ ದ್ ಹರೀಶ್ ಮೆರೆನ್ ತಿರ್ತ್ ಜಪುಡಾಯೆರ್‌. ವಿಜಯ್ ಅಮೀನ್ ಪಟ್ಟೆ ಮೆರೆನ ಸಕಾಯ ಬೊಕ್ಕ ಸಾಹಸನ್ ಮಾತೆರ್ಲಾ ಮೆಚ್ಚ್ ದೆರ್.

Nandini milk and curd likely to be increased by rupees 5 per liter ನಂದಿನಿ ಪೇರ್, ಕೊಜಪುದ ಕಿರಯಿ ಲೀ. ಗ್ 5 ರೂ. ಎಚ್ಚ!

ರಾಜ್ಯಡ್ ಬೇಗಡೇ ನಂದಿನಿ ಪೇರ್ ಬೊಕ್ಕ ಕೊಜಪುದ ಕಿರಯಿ ಎಚ್ಚಾಪಿನ ಅಂದಾಜಿ ಉಂಡು.

ಈ ಬಗೆಟ್ ಸುಳಿವು ಕೊರ್ನ ಕೆಎಮ್ ಎಫ್ ಪೊಸ ಅಧ್ಯಕ್ಷೆರ್ ಭೀಮಾನಾಯ್ಕ್, ‘ಅಗತ್ಯ ಸೊತ್ತುದ ಬಿಲೆ ಎಚ್ಚಾಯಿನೆರ್ದಾವರ ಕಿರಯಿ ಎಚ್ಚ ಮಲ್ಪುನವು ಅನಿವಾರ್ಯ ಆತ್ಂಡ್’ ಪಂದ್ ಪಂಡೆರ್.

ಬೆಂಗ್ಲೂರ್ ಡ್ ಪಾತೆರಿನ ಮೇರ್, ನಂದಿನಿ ಪೇರ್, ಕೊಜಪ್ಪುದ ಕಿರಯಿ ಲೀ.ಗ್ 5 ರೂ. ಎಚ್ಚ ಮಲ್ಪುನ ಬಗೆಟ್ಟ್ ಮಾತ ಪೇರ್ ಒಕ್ಕೂಟದಕುಲು ಬಿನ್ನಾಪು ಮಲ್ದೆರ್. ಈ ಬಗೆಟ್ ಸಿಎಂನೊಟ್ಟಿಗೆ ಚರ್ಚೆ ಮಲ್ತ್ ದ್ ಅಕೇರಿದ ತೀರ್ಮಾನ ದೆತೊನೊವ ಪಂದ್ ಪಂಡೆರ್.

Bheema Naik appointed as president of Karnataka Milk Federation (KMF) ಕೆಎಂಎಫ್‌ ಅಧ್ಯಕ್ಷೆರೆ ತಾನಗ್ ಭೀಮಾ ನಾಯ್ಕ್‌ ಆಯ್ಕೆ

ಬೆಂಗ್ಲೂರ್: ಕರ್ನಾಟಕ ಹಾಲು ಮಾರಾಟ ಮಹಾಮಂಡಳ (KMF) ಅಧ್ಯಕ್ಷೆರೆ ತಾನಗ್ ಕಾಂಗ್ರೆಸ್ ನಾಯಕೆ, ಮಾಜಿ ಶಾಸಕೆರ್ ಭೀಮಾ ನಾಯ್ಕ್ ಅವಿರೋಧ ಆಯ್ಕೆ ಆಯೆರ್. ಅಧಿಕೃತ ಘೋಷಣೆ ಆವರೆ ಬಾಕಿ ಉಂಡು.

ಇನಿ ನಾಮಪತ್ರ ಸಂದಾದ್ ಇನಿಯೇ ವೋಟು ನಡಪೊದಿತ್ತ್ಂಡ್. ಆಂಡ ಪಂತೊಡು ಹಾಲಿ ಅಧ್ಯಕ್ಷೆರ್ ಬಿಜೆಪಿ ಶಾಸಕೆ ಬಾಲಚಂದ್ರ ಜಾರಕಿಹೊಳಿ ಮೆರೆನ ಅಧಿಕಾರಾವಧಿ ಮುಗಿನೆರ್ದಾವೆರ ಭೀಮಾ ನಾಯ್ಕ್‌ ಅವಿರೋಧವಾದ್ ಆಯ್ಕೆ ಆಪಿನ ಖಚಿತ ಆತ್ಂಡ್.

Youth dies on his birthday in a bus bike collision accident ಬಸ್ ಕ್ಕ್ ಬೈಕ್ ಗುದ್ದುದು ಪುಟ್ಟುಪರ್ಬದ ದಿನನೇ ತೀರ್ ಪೋಯಿನ ಜವನೆ

ಬೊಲ್ತೇರ್: ಕೆಎಸ್ ಆರ್ ಟಿಸಿ ಬಸ್ ಕ್ಕ್ ಬೈಕ್ ಗುದ್ದುದು ಬೈಕ್ ಸವಾರೆ ಜಾಗೆಡೇ ತೀರ್ ಪೋಯಿನ ಘಟನೆ ಬುಧಾರ ಬೊಲ್ಪುಗು ಗರ್ಡಾಡಿ ಗ್ರಾಮದ ನಂದಿಬೆಟ್ಟ ಕೈತಲ್ ನಡತ್ಂಡ್.

ಈ ಘಟನೆಡ್ ತೀರ್ ಪೋಯಿನಾರ್ ಓಡೀಲು ನಿವಾಸಿ ಆಯಿನ ದೀಕ್ಷಿತ್ ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ವೇಣೂರು ಠಾಣೆದ ಪೊಲೀಸೆರ್ ಜಾಗೆಗ್ ಬತ್ತ್ ದ್ ಪರಿಶೀಲನೆ ನಡಪಾದೆರ್.

School children to be given eggs,plantains and peanut chikki for lunch- government passes order ಶಾಲೆ ಜೋಕುಲೆಗ್ ತೆತ್ತಿ, ಪರ್ಂದ್, ಚುಕ್ಕಿ ಕೊರ್ರೆ ಆದೇಶ

ಬೆಂಗ್ಲೂರ್: ರಾಜ್ಯದ ಮಾತ ಸರಕಾರಿ ಬೊಕ್ಕ ಅನುದಾನಿತ ಪ್ರಾಥಮಿಕ, ಪ್ರೌಢಶಾಲೆದ 1 ರ್ದ್ 8ನೇ ಕ್ಲಾಸ್ ಮುಟ್ಟದ ಜೋಕುಲೆಗ್ ಬೆಯಿಪಾಯಿನ ತೆತ್ತಿ, ಪರ್ಂದ್, ಕಡ್ಲೆ ಚುಕ್ಕಿನ್ ಮಧ್ಯಾಹ್ನದ ವನಸ್ ದೊಟ್ಟಿಗೆ ವಾರಗ್ ಒಂಜಿ ದಿನ ಕೊರೊಡು ಪಂದ್ ರಾಜ್ಯ ಸರ್ಕಾರ ಆದೇಶ ಮಲ್ದ್ಂಡ್.

ಈ ಆದೇಶನ್ ಜೂ.20 ರ್ದ್ ಜು.15 ಮುಟ್ಟ ಅತ್ತಂಡ ನನದ ಆದೇಶ ಮುಟ್ಟ ಕೊರೊಡು ಪಂದ್ ತೆರಿಪಾದ್ಂಡ್.

ತೆತ್ತಿಗ್ ಒಂಜೆಕ್ಕ್ ಇತ್ತೆ 6 ರೂ. ಮಲ್ದ್ಂಡ್. ಕಲ್ಯಾಣ ಕರ್ನಾಟಕ ವಿಭಾಗದ 8 ಜಿಲ್ಲೆಲಾಯಿನ ಯಾದಗಿರಿ, ಕಲಬುರಗಿ, ಬಳ್ಳಾರಿ, ವಿಜಯಪುರ, ಕೊಪ್ಪಳ, ರಾಯಚೂರು, ಬೀದರ್ ಬೊಕ್ಕ ವಿಜಯಪುರ ಜಿಲ್ಲೆಡ್ ಕೇಂದ್ರ ಬೊಕ್ಕ ರಾಜ್ಯದ ಅನುದಾನಡ್ ಜೋಕುಲೆಗ್ ವಾರಗೊರ ತೆತ್ತಿ ಕೊರ್ಪಿನ ಲೇಸ್ ನ್ ಅನುಷ್ಟಾನ ಮಲ್ಪೆರೆ ಸೂಚನೆ ಕೊರ್ತುಂಡು.

School children to be given eggs,plantains and peanut chikki for lunch- government passes order

Bangalore: The state government has passed an order that school children in government and aided schools upto 8th class be given eggs, plantains and peanut chikki once a week with immediate effect.

905 new counters opened to file application for ” Gruha Jyothi ” Yojana ಗೃಹಜ್ಯೋತಿ ಯೋಜನೆಗ್ ಅರ್ಜಿ ಸಂದಾಯೆರೆ 905 ಪೊಸ ಕೌಂಟರ್

ಗೃಹಜ್ಯೋತಿ ಯೋಜನೆಗ್ ನೊಂದಣಿ ಪ್ರಕಿಯೆ ಸುರು ಆದ್ ಇನಿಕ್ಕ್ ಮೂಜಿ ದಿನ ಆಂಡ್.‌

ಕೆಲವು ಕಡೆಟ್ಟ್ ನೊಂದಣಿದ ಪೊರ್ತುಡು ಸಮಸ್ಯೆ ಇತ್ತ್ಂಡ್. ನೆಕ್ಕ್ ಪರಿಹಾರವಾದ್ ಬೆಸ್ಕಾಂ ತನ್ನ ವ್ಯಾಪ್ತಿಡ್ ಬರ್ಪಿನ 8 ಜಿಲ್ಲೆಡ್ 905 ಕೌಂಟರ್ ಓಪನ್ ದುಂಬಾತ್ಂಡ್.

ನೊಂದಣಿ ಪ್ರಕ್ರಿಯೆ ಸುಲಭವಾದ್ ಆಯೆರೆ ಈ ಈ ನಿರ್ಧಾರನ್ ದೆತೊಂದುಂಡು. ಸಾರ್ವಜನಿಕೆರ್ ಈ ಕೌಂಟರ್ ಗ್ ಭೇಟಿ ಕೊರ್ದು, ಗೃಹ ಜ್ಯೋತಿ ಯೋಜನೆಗ್ ನೊಂದಣಿ ಮಲ್ಪೊಲಿ.

Chief editor of Times Now Rahul Shivshankar resigns ಟೈಮ್ಸ್ ನೌ ಮುಖ್ಯ ಸಂಪಾದಕೆರ್ ರಾಜೀನಾಮೆ

ಟೈಮ್ಸ್ ನೌ ಮುಖ್ಯ ಸಂಪಾದಕೆರ್ ರಾಹುಲ್ ಶಿವಶಂಕರ್ ತನ್ನ ತಾನಗ್ ರಾಜೀನಾಮೆ ಕೊರ್ತೆರ್.

ಈ ಬಗೆಟ್ ಮಾನವ ಸಂಪನ್ಮೂಲ ವಿಭಾಗ ಉದ್ಯೋಗಿಲೆಗ್ ಪೊಲಬು ಕೊರ್ತುಂಡು. ಕೂಡ್ಲೆ ಮೆರೆನ ರಾಜೀನಾಮೆ ಜಾರಿಗ್ ಬರ್ಪುಂಡು. ಚಾನೆಲ್ ದ ಕಾರ್ಯಾಚರಣೆಲು ಸಮೂಹ ಸಂಪಾದಕೆರ್ ನಾವಿಕಾ ಕುಮಾರ್ ಮೆರೆನ ಉಸ್ತುವಾರಿಡ್ ಇಪ್ಪುಂಡು.

A young student still in the tenth standard commits suicide ಬಲ್ಲ್ ದೆತ್ತೊಂದು ತೀರ್ ಪೋಯಿನ ಎಸೆಸೆಲ್ಸಿ ಕಲ್ಪಾರ್ಥಿ

ಕುಡ್ಲ: ಎಲ್ಯ ಕಾರಣಗ್ ಶಾಲೆದ ಕಲ್ಪಾರ್ಥಿಯೊರ್ತಿ ಬಲ್ಲ್ ಪಾಡೊಂದು ತೀರ್ ಪೋಯಿನ ಘಟನೆ ಪಾಲ್ದನೆ ಕೈತಲ್ ಅಂಗಾರೆ ನಡತ್ಂಡ್.

ನೀರುಮಾರ್ಗ ಕೈತಲ್ ದ ಪಾಲ್ದನೆದ ತೇಜತ್ (15) ತೀರ್ ಪೋಯಿನ ಕಲ್ಪಾರ್ಥಿ. ಈ ಬಗೆಟ್ ಕುಡ್ಲ ಗ್ರಾಮಾಂತರ ಪೊಲೀಸೆರ್ ಕೇಸ್ ದಾಖಲ್ ಮಲ್ದೆರ್.

A laptop and passport stolen from a bus plying from Mangalore to Bangalore ಬಸ್ ಟ್ಟ್ ಲ್ಯಾಪ್‌ಟಾಪ್, ಪಾಸ್‌ಪೋರ್ಟ್ ಇತ್ತಿನ ಬ್ಯಾಗ್ ಕಂಡಿನ ಕಲ್ವೆರ್

ಕುಡ್ಲ: ಬೆಂಗ್ಲೂರ್ ರ್ದ್ ಕುಡ್ಲ ಗ್ ಪೋವೊಂದು ಇತ್ತಿನ ಬಸ್‌ ಟ್ಟ್ ಲ್ಯಾಪ್‌ಟಾಪ್ ಬೊಕ್ಕ ಪಾಸ್‌ಪೋರ್ಟ್ ಇತ್ತಿನ ಬ್ಯಾಗ್ ಕಂಡಿನ ಬಗ್ಗೆ ಕದ್ರಿ ಠಾಣೆಗ್ ದೂರು ಕೊರ್ತೆರ್.

ಜೂ.15 ಕ್ಕ್ ರಾತ್ರೆ ಬೆಂಗ್ಲೂರ್ ರ್ದ್ ಕುಡ್ಲಗ್ ಖಾಸಗಿ ಬಸ್‌ ಟ್ಟ್ ರಂಜಿತ್ ಪ್ರಯಾಣ ಮಲ್ತೊಂದು ಇತ್ತಿನಾರ್.

June 23rd: ” Circus” tulu movie to open at the theatres ಜೂ.23 ಕ್ಕ್ “ಸರ್ಕಸ್” ತುಳು ಸಿನಿಮಾ ಜಗತ್ತ್ ಇಡೀ ಬುಡುಗಡೆ

ಕುಡ್ಲ: “ಸರ್ಕಸ್” ತುಳು ಸಿನಿಮಾ ಜೂನ್ 23 ಕ್ಕ್ ಗೌಜಿಡ್ ಜಗತ್ತ್ ಇಡೀ ಬುಡುಗಡೆ ಆಯೆರೆ ಉಂಡು ಪಂದ್ ಬಿಗ್ ಬಾಸ್ ಒಟಿಟಿ ಬೊಕ್ಕ ಸೀಸನ್ 9ತ್ತ ವಿನ್ನರ್ ರೂಪೇಶ್ ಶೆಟ್ಟಿ ತೆರಿಪಾಯೆರ್.

ಕುಡ್ಲಡ್ ಸುದ್ದಿಗೋಷ್ಠಿಡ್ ಪಾತೆರಿನ ಯಶ್ ಶೆಟ್ಟಿ
ಆರ್, ಸರ್ಕಸ್ ಪಿಕ್ಚರ್ ದ ಮುಖೇನ ತುಳು ಚಿತ್ರರಂಗಗ್ ಬರೊಂದುಲ್ಲೆ. ತುಳು ರಂಗಭೂಮಿದ ಪೆರಿಯ ಕಲಾವಿದೆರೆನೊಟ್ಟಿಗೆ ನಟನೆ ಮಲ್ತಿನವು ಮಸ್ತ್ ಖುಷಿ ಕೊರ್ತುಂಡು. ಎಲ್ಯೆಡ್ ಅಕ್ಲೆನ ನಾಟಕನ್ ತೂಯೆರೆ ಕಿಲೋಮೀಟರ್ ಗಟ್ಟಲೆ ನಡತೊಂದು ಇತ್ತೆ, ಇನಿ ಮೆರೆನೊಟ್ಟಿಗೆ ನಟನೆ ಮಲ್ದೆ.” ಪಂದ್ ಪಂಡೆರ್.

ಕುಸೇಲ್ದರಸೆ ನವೀನ್ ಡಿ. ಪಡೀಲ್ ಪಾತೆರ್ದ್, “ಸರ್ಕಸ್ ತುಳು ಪಿಕ್ಚರ್ ಡ್ ಕಾಮಿಡಿಗ್ ಮಸ್ತ್ ಪ್ರಾಧಾನ್ಯತೆ ಉಂಡು. ಉಂದು ತುಳುನಾಡ್ ಮಾತ್ರ ಅತ್ತಂದೆ ಇಡೀ ಜಗತ್ತ್ ಡ್ ಪುಗರ್ತೆ ಪಡೆಯೆರೆ ಉಂಡು. ರೂಪೇಶ್ ಶೆಟ್ಟಿ ಮೇರ್ ಈ ಪಿಕ್ಚರ್ ಡ್ ಬಂಗಬತ್ತ್ ದ್ ಬೆನ್ತೆರ್. ಮೆರೆನ ಶ್ರಮ ಸಾರ್ಥಕ ಆಯೆರೆ ನಿಕುಲು ಮಾತ ಸಿನಿಮಾ ತೊವೊಡು ಪಂದ್ ಪಂಡೆರ್.

ಅರವಿಂದ್ ಬೋಳಾರ್ ಪಾತೆರ್ದ್, “ಸರ್ಕಸ್ ಪಿಕ್ಚರ್ ಡ್ ಹಾಸ್ಯದೊಟ್ಟಿಗೆ ಫ್ಯಾಮಿಲಿ ಕುಲ್ಲುದು ತೂಪುನಂಚಿನ ಪೊರ್ಲುದ ಕಥೆ ಉಂಡು. ಮಾತೆರ್ಲಾ ಸಿನಿಮಾ ಥಿಯೇಟರ್ ಬತ್ತ್ ದ್ ತೂದು ಪಿಕ್ಚರ್ ದ ಪಿಕ್ಚರ್ ನ್ ಗೆಂದಲೆ” ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಮಂಜುನಾಥ ಅತ್ತಾವರ, ರೂಪೇಶ್ ಶೆಟ್ಟಿ, ಯಶ್ ಶೆಟ್ಟಿ, ರಚನಾ ರೈ, ಅರವಿಂದ್ ಬೋಳಾರ್, ನವೀನ್ ಡಿ. ಪಡೀಲ್, ಪ್ರಸನ್ನ ಶೆಟ್ಟಿ ಬೈಲೂರು, ಸಿನಿಮಾ ಹಂಚಿಕೆದಾರ ಸಚಿನ್ ಎ. ಎಸ್. ಉಬಾರ್, ಲೋಯ್ ಸಲ್ದಾನ, ನವೀನ್ ಶೆಟ್ಟಿ ಇತ್ತೆರ್.

ಪಿದಯಿ ದೇಶೊಡ್ಲ 51 ಪ್ರೀಮಿಯರ್ ಶೋ!

ಸರ್ಕಸ್ ಸಿನಿಮಾ ಬುಡುಗಡೆಗ್ ದುಂಬೇ ದೇಶ ವಿದೇಶಡ್ 51 ಪ್ರೀಮಿಯರ್ ಶೋನ್ ಮಲ್ದ್ಂಡ್. ಪಿಕ್ಚರ್ ಗ್ ಎಡ್ಡೆ ಪ್ರತಿಕ್ರಿಯೆ ತಿಕ್ಕ್ ದ್ಂಡ್. ಪಿಕ್ಚರ್ ವಿದೇಶಡ್ಲಾ ಬುಡುಗಡೆ ಆಯೆರೆ ಉಂಡು.

ತುಳು ಸಿನಿಮಾರಂಗಡ್ ಮಸ್ತ್ ಮಲ್ಲ ಹಿಟ್ ಪಿಕ್ಚರ್ ‘ಗಿರಿಗಿಟ್’ ಪಿಕ್ಚರ್ ಯಶಸ್ಸ್ ದ ಬೊಕ್ಕ ರೂಪೇಶ್ ಶೆಟ್ಟಿ ನಿರ್ದೇಶನದ 2ನೇ ಪಿಕ್ಚರ್ ಸರ್ಕಸ್ ಗಿರಿಗಿಟ್ ಗ್ ಸಂಭಾಷಣೆ ಬರೆಯಿನ ಪ್ರಸನ್ನ ಶೆಟ್ಟಿ ಬೈಲೂರು ಈ ಪಿಕ್ಚರ್ ಗ್ ಸಂಭಾಷಣೆ ಬರೆತೆರ್. “ಸಲಗ” ಖ್ಯಾತಿದ ಯಶ್ ಶೆಟ್ಟಿ ಸರ್ಕಸ್ ಮುಖೇನ ತುಳು ಚಿತ್ರರಂಗಗ್ ಪರಿಚಯ ಆವೊಂದುಂಡು. ಅವ್ವೇ ರೀತಿ ರಚನಾ ರೈ ಪನ್ಪುನ ನಟಿನ್ ತುಳು ಸಿನಿಮಾ ರಂಗಕ್ಕೆ ಪರಿಚಯ ಮಲ್ದೆರ್.

‘ಗಿರಿಗಿಟ್’ ತುಳು ಪಿಕ್ಚರ್ ಮಸ್ತ್ ಯಶಸ್ವಿಯಾಯಿನ ಹಾಸ್ಯಮಯ ಪಿಕ್ಚರ್. ಸುಮಾರ್ ದೇಶಡ್ ಗಿರಿಗಿಟ್ ಬುಡುಗಡೆಯಾದ್ ಎಡ್ಡೆ ಪ್ರದರ್ಶನ ಕೊರ್ತುಂಡು. ಇತ್ತೆ ಅವ್ವೇ ಕೂಟ ‘ಸರ್ಕಸ್’ ಪಿಕ್ಚರ್ ಮಲ್ದ್ಂಡ್. ತುಳು ಪಿಕ್ಚರ್ ಲು ಸಾಮಾನ್ಯ ಕಾನ್ಸೆಪ್ಟ್ ಹಾಸ್ಯ ಆತ್ಂಡ್. ‘ಸರ್ಕಸ್‌’ ಡ್ಲಾ ಅವ್ವೇ ಪ್ರಧಾನ ವಸ್ತು.

ತುಳು ಪಿಕ್ಚರ್ ದ ಘಟಾನುಘಟಿ ಕಲಾವಿದೆರಾಯಿನ ನವೀನ್ ಡಿ. ಪಡೀಲ್, ಭೋಜರಾಜ ವಾಮಂಜೂರು, ಅರವಿಂದ ಬೋಳಾರ್, ಸಾಯಿಕೃಷ್ಣ ಕುಡ್ಲ, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಉಮೇಶ್ ಮಿಜಾರ್, ಚಂದ್ರಹಾಸ ಉಳ್ಳಾಲ್, ಪ್ರದೀಪ್ ಆಳ್ವ, ನಿತೇಶ್ ಶೆಟ್ಟಿ ಎಕ್ಕಾರ್, ರೂಪಾ ವರ್ಕಾಡಿ, ಪಂಚಮಿ ಭೋಜರಾಜ್ ತಾರಾಗಣಡ್ ಉಲ್ಲೆರ್. ಶೋವಿನ್ ಫಿಲಂಸ್‌, ಮುಗ್ರೋಡಿ ಫಿಲಂಸ್ ಲಾಂಛನಡ್ ಸರ್ಕಸ್ ಪಿಕ್ಚರ್ ತಯಾರಾತ್ಂಡ್.

ಅನಿಲ್ ಶೆಟ್ಟಿ, ಸುಧಾಕರ ಶೆಟ್ಟಿ, ಮಂಜುನಾಥ ಅತ್ತಾವರ ಈ ಪಿಕ್ಚರ್ ಮ್ ನಿರ್ಮಾಣ ಮಲ್ದೆರ್.
ಕರಾವಳಿದ ಸುತ್ತಮುತ್ತ ನೆತ್ತ ಶೂಟಿಂಗ್ ನಡತ್ ದ್ಂಡ್. ಸಂಭಾಷಣೆ ಪ್ರಸನ್ನ ಶೆಟ್ಟಿ ಬೈಲೂರು, ನವೀನ್ ಶೆಟ್ಟಿ ನೃತ್ಯ ನಿರ್ದೇಶನ, ನಿರಂಜನ ದಾಸ್ ಕ್ಯಾಮರಾ, ರಾಹುಲ್ ವಶಿಷ್ಠ ಸಂಕಲನ, ಲೋಯ್ ಸಲ್ದಾನ ಮೆರೆನ ಸಂಗೀತ ಈ ಪಿಕ್ಚರ್ ಗ್ ಉಂಡು.

June 23rd: ” Circus” tulu movie to open at the theatres

Mangalore: This was announced by Roopesh Shetty winner of Big Boss season 9.