ಸ್ವರ ಮಾಧುರ್ಯ ಬಳಗ ನೆತ್ತ ವತಿರ್ದ್ ಸುದಾನ ಶಾಲೆದ ಸಭಾ ಭವನಡ್ ಜೂನ್ 10 ಕ್ಕ್ ಬಯ್ಯಗ್ 4:00 ಗಂಟೆಗ್ ಪುತ್ತೂರ್ ಶಾಸಕೆರಾಯಿನ ಅಶೋಕ್ ಕುಮಾರ್ ರೈ ಮೆರೆಗ್ ಅಭಿನಂದನೆ ಲೇಸ್ ನಡತ್ಂಡ್.
ಈ ಲೇಸ್ ಡ್ ದ.ಕ.ಜಿಲ್ಲಾ ದಲಿತ್ ಸೇವಾ ಸಮಿತಿ ಸ್ಥಾಪಕಧ್ಯಕ್ಷೆರ್ ಬಿ.ಕೆ. ಸೇಸಪ್ಪ ಬೆದ್ರಕಾಡು ಬೊಕ್ಕ ಸುಮಾರ್ ಗಣ್ಯೆರ್ ಪಾಲ್ ಪಡೆದಿತ್ತೆರ್. ಈ ಪೊರ್ತುಡು ಸುಮಾರ್ ಬೇಡಿಕೆನ್ ಬಿನ್ನಾಪುದ ಮುಖೇನ ಶಾಸಕೆರೆಗ್ ಸಂದಾಯೆರ್.
ಬಂಟ್ವಾಳ: ಬಡವೆರೆಗಾದ್ ಮಸ್ತ್ ಯೋಜನೆಲೆನ್ ಎಡ್ಡೆ ರೀತಿಡ್ ಕಾಂಗ್ರೆಸ್ ಸರ್ಕಾರ ಮಲ್ತೊಂದುಂಡು. ಸಿರಿವಂತೆರ್ನ ಪರ ಇಪ್ಪುನ ಕೇಂದ್ರ ಸರ್ಕಾರ ಬಡವೆರ್ನ ಚಿಂತನೆನ್ ಮಲ್ತೊಂದಿಜ್ಜಿ. ಬಡವೆರೆಗಾದ್ ಅನುಕೂಲ ಆಪಿನ 5 ಗ್ಯಾರೆಂಟಿ ಯೋಜನೆಲೆಡ್ ಒಂಜಿ ಗ್ಯಾರೆಂಟಿ ಯೋಜನೆನ್ ಜಾರಿ ಮಲ್ತಿನ ಪೆರ್ಮೆ ನಮಡ ಉಂಡು ಪಂದ್ ಮಾಜಿ ಸಚಿವೆರ್ ರಮಾನಾಥ ರೈ ಪಂಡೆರ್.
ಆರ್ ಬಿ.ಸಿ.ರೋಡ್ಡ್ ಬಂಟ್ವಾಳ ಬ್ಲಾಕ್ ಮಹಿಳಾ ಕಾಂಗ್ರೆಸ್ ಬೊಕ್ಕ ಪಾಣೆಮಂಗಳೂರು ಬ್ಲಾಕ್ ಮಹಿಳಾ ಕಾಂಗ್ರೆಸ್ ಮುತಾಲಿಕೆಡ್ ನಡತಿನ ಕರ್ನಾಟಕ ರಾಜ್ಯ ಸರ್ಕಾರದ ಯೋಜನೆ ಆಯಿನ ಶಕ್ತಿ ಯೋಜನೆಗ್ ಚಾಲನೆ ಕೊರ್ದು ಪಾತೆರಿಯೆರ್.
ಈ ಪೊರ್ತುಡು ಬಂಟ್ವಾಳ ಮಹಿಳಾ ಕಾಂಗ್ರೆಸ್ ಸಮಿತಿ ಅಧ್ಯಕ್ಷೆರ್ ಲವಿನಾ ವಿಲ್ಮಾ ಮೋರಸ್, ಪಾಣೆಮಂಗಳೂರು ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಸುದೀಪ್ ಕುಮಾರ್ ಶೆಟ್ಟಿ, ಬಂಟ್ವಾಳ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಬೇಬಿ ಕುಂದರ್, ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯೆರ್ ಆಯಿನ ಪದ್ಮಶೇಖರ ಜೈನ್, ಚಂದ್ರಪ್ರಕಾಶ್ ಶೆಟ್ಟಿ, ಅಶ್ವನಿ ಕುಮಾರ್ ರೈ, ಸುದರ್ಶನ್ ಜೈನ್, ಫ್ಲೋಸಿ ಡಿಸೋಜಾ, ಮಂಜುಳಾ ಸದಾನಂದ, ಮಂಜುಳಾ ಕುಶಾಲಪ್ಪ ಗೌಡ, ಮಲ್ಲಿಕಾ ಶೆಟ್ಟಿ, ಜಗದೀಶ್ ಕೊಯ್ಲ, ಪ್ರವೀಣ್ ರೋಡ್ರಿಗಸ್, ಪ್ರವೀಣ್ ಬಂಟ್ವಾಳ, ಅಬ್ಬಾಸ್ ಆಲಿ, ಉಮೇಶ್ ಬೋಳಂತೂರು, ಉಮೇಶ್ ನಾಯಿಲ, ವಿಜಯ ಅಲ್ಲಿಪಾದೆ, ಧನಲಕ್ಷ್ಮೀ ಬಂಗೇರ, ವಿಜಯ ಶೆಟ್ಟಿ, ಭಾರತೀ ರಾಜೇಂದ್ರ, ಧನವಂತಿ ಬಂಗೇರ ಇತ್ತೆರ್.
“Shakthi” yojana Kickstarts in the state–Congress workers celebrate in B C Road
Bantwal: ” With the start of free ride for women in government buses the congress has kept it’s promise of implementation of five guarantee to help the downtrodden in the society ” said former minister Ramanath Rai while inaugurating of the Shakthi yojana at B C Road.Local Congress leaders and party workers were present on the occasion.
ಪ್ರತಿಭಾವಂತ ಕಲ್ಪಾರ್ಥಿ, ತನ್ನ ಭಾಷಣದ ಮುಖೇನ ರಾಷ್ಟೀಯವಾದದ ಚಿಂತನೆನ್ ಸಮಾಜಗ್ ತೆರಿಪಾವೊಂದು ಇತ್ತಿನ ಸಹೋದರಿ ಶ್ರೀದೇವಿ ಪುತ್ತೂರ್ ಮೇರ್ ಮಾರ್ಗ ಆಕ್ಸಿಡೆಂಟ್ ರ್ದ್ ಆಸ್ಪತ್ರೆಗ್ ದಾಖಲ್ ಆದಿತ್ತೆರ್.
ಮೆರೆಗ್ ಸುಮಾರ್ 15 ಲಕ್ಷ ರೂ. ಚಿಕಿತ್ಸೆದ ಕರ್ಚಿ ಆಪುಂಡು ಪಂದ್ ಕುಟುಂಬದ ಸದಸ್ಯೆರ್ ದಾನಿಲೆಡ ಸಮಾಜದ ಸಕಾಯನ್ ಕೇನ್ ದಿತ್ತೆರ್.
ಅಂಚಾದ್ ಕೂಡ್ಲೆ ಕಾರ್ಯಪ್ರವೃತ್ತವಾಯಿನ ಸಾಮಾಜಿಕ ಸೇವಾ ಸಂಸ್ಥೆ ಯುವಶಕ್ತಿ ಸೇವಾಪಥ ಶ್ರೀದೇವಿ ಪುತ್ತೂರ್ ಮೆರೆಗ್ ಆರೋಗ್ಯ ನಿಧಿ ಯೋಜನೆದ ಮುಖೇನ ಕಾಲಿ 24 ಗಂಟೆಡ್ ದಾನಿಲೆರ್ದ್ ಸಾಮಾಜಿಕ ಜಾಲತಾಣದ ಮುಖೇನ 4,34,950 ರೂ. ನ್ ಒಟ್ಟು ಮಲ್ತ್ ದ್ ಶ್ರೀದೇವಿ ಮೆರೆನ ಪೋಷಕೆರೆಗ್ ಯುವಶಕ್ತಿ ಸೇವಾಪಥದ ಸದಸ್ಯೆರ್ ಕುಡ್ಲ ಮಂಗಳಾ ಆಸ್ಪತ್ರೆಗ್ ಪೋದು ಆರೋಗ್ಯ ನಿಧಿನ್ ಕೊರಿಯೆರ್.
ಕರಿನ ಫೆಬ್ರವರಿಡ್ ನಡತಿನ ಯುವಶಕ್ತಿ ಸೇವಾಪಥದ ಸುರುತ್ತ ವರ್ಷದ ಗೌಜಿಡ್ ಪ್ರಮುಖ ಭಾಷಣಗಾರ್ತಿಯಾದ್ ಶ್ರೀದೇವಿ ಪುತ್ತೂರ್ ಮೇರ್ ಪಾಲ್ ಪಡೆದಿತ್ತೆರ್. ಒಂತೆ ಪೊರ್ತುಡು ಮಲ್ಲ ಮನಸ್ಸ್ ಡ್ ಸಹಕಾರ ಮಲ್ತಿನ ಸೇವಾಬಂಧುಲೆಗ್ ಯುವಶಕ್ತಿ ಸೇವಾಪಥ ಸೊಲ್ಮೆ ಸಂದಾಯೆರ್.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 11ನೇ ಸಂಚಿಕೆ ಜೂನ್ 12 ಸೋಮಾರ ಬಯ್ಯಗ್ 4.15ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ ಯೋಗ ವಿದ್ಯಾ ಪ್ರತಿಷ್ಠಾನದ ಯೋಗ ಶಿಕ್ಷಕೆರ್ ಆರ್ ಶಿವಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್. ನನ ಜೂ.13 ಮಧ್ಯಾಹ್ನ 12.15 ಕ್ಕ್ ಕುಡೊರ ಪ್ರಸಾರ ಆಪುಂಡು.
ಚಿಲಿಂಬಿಗುಡ್ಡೆ ಶ್ರೀ ರಾಮಾಂಜನೇಯ ಯುವಕ ಮಂಡಲ (ರಿ.) ನೆತ್ತ ವತಿರ್ದ್ ಜೂನ್ 4 ಕ್ಕ್ ಶ್ರೀ ರಾಮಾಂಜನೇಯ ಯುವಕ ಮಂಡಲದ ಪೊಸ ಸಭಾಗೃಹ ಉದಿಪನ ಬೊಕ್ಕ 10ನೇ ಕ್ಲಾಸ್ ಡ್ ಎಚ್ಚ ಮಾರ್ಕ್ ಪಡೆಯಿನ ಜೋಕುಲೆಗ್ ಪ್ರತಿಭಾ ಪುರಸ್ಕಾರ ಬೊಕ್ಕ ಬೂಕು ಪಟ್ಟುನ ಲೇಸ್ ನಡತ್ಂಡ್.
ಕುಡ್ಲದ ಶಾಸಕೆರ್ ಡಿ. ವೇದವ್ಯಾಸ್ ಕಾಮತ್ ಮೆರೆಗ್ ತಮ್ಮನ ಲೇಸ್ ನಡತ್ಂಡ್. ಅವೆರ್ದ್ ಬೊಕ್ಕ ಕಲ್ಪಾರ್ಥಿಲಾಯಿನ ಸಾಕ್ಷಿ ಸತೀಶ್, ಚೈತ್ರ ಶ್ರೀ, ಸೃಜನ್ ಕುಮಾರ್ ಮೊಕುಲೆಗ್ ಪ್ರತಿಭಾ ಪುರಸ್ಕಾರ ಆದ್, ಜೋಕುಲೆಗ್ ಬೂಕು ಪಟ್ಟಿಯೆರ್.
ಈ ಪೊರ್ತುಡು ಶ್ರೀ ಕ್ಷೇತ್ರ ಕಚ್ಚೂರುದ ಅಧ್ಯಕ್ಷೆರ್ ಶಿವಪ್ಪ ನಂತೂರ್, ಬಿಜೆಪಿ ಉತ್ತರ ಮಹಾಶಕ್ತಿ ಕೇಂದ್ರದ ಉಪಾಧ್ಯಕ್ಷೆರ್ ಚರಿತ್ ಪೂಜಾರಿ, ಕಂಟ್ರಾಕ್ಟರ್ ದಿನೇಶ್ ಯುವಕ ಮಂಡಲ ಉಪಾಧ್ಯಕ್ಷೆರ್ ಪವನ್ ರಾಜ್, ಗೌರವಾಧ್ಯಕ್ಷೆರ್ ಗುರುದತ್ ಕೋಟ್ಯಾನ್, ಮಹಿಳಾ ಉಪಾಧ್ಯಕ್ಷೆರ್ ಆಶಾ ಸುರೇಶ್ ಇತ್ತೆರ್. ಈ ಲೇಸ್ ನ್ ಶಿಕ್ಷಕೆರ್ ರವೀಶ್ ಕೆ ಸುಧಾರಿಕೆ ಮಲ್ತೆರ್.
ಬೆಂಗ್ಲೂರ್: ಬಾತ್ರೂಮ್ಡ್ ಗೀಸರ್ ದ ಗ್ಯಾಸ್ ಪಿದಯಿ ಬತ್ತ್ ದ್ ಸದ್ಯೊಡೇ ಮದಿಮೆ ಆವರೆ ಇತ್ತಿನ ಜೋಡಿಲು ದಂಬು ಕಟ್ ದ್ ತೀರ್ ಪೋಯಿನ ಘಟನೆ ಬೆಂಗ್ಲೂರ್ ದ ಚಿಕ್ಕಜಾಲ ವ್ಯಾಪ್ತಿದ ತರಬನಹಳ್ಳಿಡ್ ನಡತ್ಂಡ್.
ಈ ಘಟನೆಡ್ ಗುಂಡ್ಲುಪೇಟೆ ಮೂಲದ ಚಂದ್ರಶೇಖರ್ ಬೊಕ್ಕ ಗೋಕಾಕ್ದ ಸುಧಾರಾಣಿ ತೀರ್ ಪೋತೆರ್.
ಈ ಇಸಯ ತೆರಿದ್ ಜಾಗೆಗ್ ಬತ್ತಿನ ಪೊಲೀಸೆರ್ ಅಕ್ಲೆನ ಪುನನ್ ಆಸ್ಪತ್ರೆಗ್ ಕೊನೊತೆರ್. ಈ ಬಗೆಟ್ ಚಿಕ್ಕಜಾಲ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
A couple who were to marry shortly die due to geyser gas leakage
Bangalore: In an incident reported from Tarabanahalli in Bangalore a couple die due to breathlessness from a gas geyser leakage.
Chandrasekar from Gundalpet and Sudharani from Gokak were the unfortunate couple.
ಓಂ ರಾವುತ್ ಮೇರ್ ನಿರ್ದೇಶನ ಮಲ್ತಿನ ಆದಿಪುರುಷ್ ಮಹಾಕಾವ್ಯ ರಾಮಾಯಣನ್ ಆಧರಿಸಾಯಿನ ಪೌರಾಣಿಕ ಪಿಚ್ಚರ್ ಆದಿಪುರುಷ್ ಜೂನ್ 16 ಕ್ಕ್ ಬುಡುಗಡೆ ಆಯರೆ ಉಂಡು.
ಉಂದೆಟ್ ಪ್ರಭಾಸ್ ಮೇರ್ ಶ್ರೀರಾಮನ ಪಾತ್ರ , ಕೃತಿ ಸನೋನ್ ಸೀತೆ, ಸನ್ನಿ ಸಿಂಗ್ ಲಕ್ಷ್ಮಣೆಯಾದ್ ಸೈಫ್ ಅಲಿ ಖಾನ್ ರಾವಣನ ಪಾತ್ರೊಡು ನಟನೆ ಮಲ್ತ್ದೆರ್. ಉಂದು ಮಲಯಾಳಂ, ತೆಲುಗು ಬೊಕ್ಕ ತಮಿಳ್ ಭಾಷೆಡ್ಲ ಬುಡುಗಡೆ ಆಯರೆ ಉಂಡು.
ಚಿಕ್ಕಮಗಳೂರ್: ದೇವಲ್ಯಡ್ ಉಂತುದಿನ ಪೊರ್ತುಡು ತೆಡಿಲ್ ಹಾಕ್ದ್ ಜನ ಒರಿ ತೀರ್ ಪೋಯಿನ ಘಟನೆ ಚಿಕ್ಕಮಗಳೂರ್ದ ಕಡೂರ್ ತಾಲೂಕ್ದ ಯಗಟಿಪುರಡ್ ನಡತ್ಂಡ್.
ತರೀಕೆರೆ ತಾಲೂಕ್ದ ಬಾವಿಕೆರೆದ ಗಂಜೀಗೆರೆ ಮೂಲದ ಜನ ಮುಖೇಶ್ (40) ತೀರ್ ಪೋಯಿನಾರ್. ಮೇರ್ ದೇವಲ್ಯದ ಪಿದಯಿಡ್ ಉಂತುದಿನ ಪೊರ್ತುಡು ತೆಡಿಲ್ ಹಾಕ್ದ್ಂಡ್. ಈ ಘಟನೆಡ್ 4 ಜನಕ್ಕ್ ಪೆಟ್ಟಾತ್ಂಡ್. ಅಕುಲು ಕಡೂರು ಸರ್ಕಾರಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆದ್ ಇಲ್ಲಗ್ ವಾಪಸ್ಸ್ ಆತೆರ್.
ಕುಡ್ಲ: ಮುಂಜಾಗೃತೆ ಕ್ರಮ ಬೊಕ್ಕ ಕಾನೂನು ಸುವ್ಯವಸ್ಥೆದ ದಿಟ್ಟಿಡ್ ದಕ್ಷಿಣ ಕನ್ನಡ ಜಿಲ್ಲಾ ಪೊಲೀಸೆರ್ 83 ಜನ ರೌಡಿ ಶೀಟರ್ಸ್ ನ ಇಲ್ಲಗ್ ರೈಡ್ ಮಲ್ದೆರ್.
ಕಾನೂನು ಮೀರ್ದ್ ಹತ್ಯಾರ್ ವಿರೋಧ ಕಾರ್ಯಾಚರಣೆ ಮಲ್ತ್ ದ್, ಒವ್ವೇ ರೌಡಿ ಚಟುವಟಿಕೆ ಮಲ್ಪಂದಿಲೆಕ ಎಚ್ಚರಿಕೆ ಕೊರ್ತೆರ್. ತನಿಖೆದ ಪೊರ್ತುಡು ಒವ್ವೇ ಹತ್ಯಾರ್ ಪತ್ತೆ ಆತಿಜಿ. ಪೊಲೀಸ್ ಇಲಾಖೆ ಒರಾನೇ ಇಂಚಿನ ಕಾರ್ಯಾಚರಣೆ ನಡಪಾವೊಂದುಂಡು. ನೆರ್ದ್ ರೌಡಿಲೆನ ಮಿತ್ತ್ ಏಪಲ ನಿಗಾ ದೀವರೆ ಆಪುಂಡು ಪಂದ್ ಎಸ್ಪಿ ತೆರಿಪಾದೆರ್.
Police raid homes of Rowdysheeters
Mangalore: As a precautionary measure in the maintaince of law and order, the police raided the homes 83 rowdy sheeters in and around Mangalore
ಉಬಾರ್: ಕಾಲೇಜ್ ಕಲ್ಪಾರ್ಥಿಲೆನ ನಡುಟ್ಟು ಎಲ್ಯ ವಿಷಯೊಡು ಗಲಾಟೆ ಆದ್, 8 ಜನತ್ತ ಮಿತ್ತ್ ಎಫ್ ಐ ಆರ್ ದಾಖಲಾಯಿನ ಘಟನೆ ಉಬಾರ್ ಡ್ ನಡತ್ಂಡ್.
ಉಬಾರ್ ದ ಬಸ್ ಸ್ಯಾಂಡ್ ದ ಕೈತಲ್ ರಡ್ಡ್ ಕಲ್ಪಾರ್ಥಿಲೆನ ಗುಂಪು ಲಡಾಯಿ ಮಲ್ತ್ ದ್ಂಡ್. ಅಪಗ ಅಲ್ಪ ಇತ್ತಿನ ಪೊಲೀಸೆರ್ ಅಕ್ಲೆನ್ ಸಮಾಧಾನ ಮಲ್ತ್ಂಡಲ ಗಲಾಟೆ ಉಂತಾದಿಜೆರ್.
ಅಂಚಾದ್ ಉಬಾರ್ ಸರ್ಕಾರಿ ಕಾಲೇಜ್ ದ ಕಲ್ಪಾರ್ಥಿಲಾಯಿನ ಗಿರೀಶ್ (21), ಅಭಿಜಿತ್ (20), ಧನುಷ್ (19), ಮೋಹನ್ (19) ನಂದನ್ (19), ವಿನ್ಯಾಸ್ (18), ರೂಪೇಶ್(20) ಹಿತೇಶ್(19) ಪನ್ಪುನಕ್ಲೆನ್ ಪೊಲೀಸೆರ್ ವಶಕ್ಕ್ ದೆತೊಂದು ಅಕ್ಲೆನ ಮಿತ್ತ್ ಸಾರ್ವಜನಿಕ ಶಾಂತಿಭಂಗ ಮಲ್ತಿನ ಆರೋಪದ ಮಿತ್ತ್ ಕೇಸ್ ದಾಖಲ್ ಮಲ್ತ್ ದ್ ತನಿಖೆ ಮಲ್ತೊಂದು ಉಲ್ಲೆರ್ ಪಂದ್ ಅಧಿಕಾರಿಲು ತೆರಿಪಾದೆರ್.
Students clash at Ubaar, FIR registered against 8 persons
Ubaar: In a skirmish between two group of college students over a small matter , FIR was registered against 8 people.
