ಜಾಗತಿಕ ಬಂಟರ ಸಂಘಗಳ ಒಕ್ಕೂಟಗ್ ರೂ.2 ಕೋಟಿ ದೇಣಿಗೆ ಕೊರ್ನ ಉದ್ಯಮಿ ತೋನ್ಸೆ ಆನಂದ್ ಎಂ. ಶೆಟ್ಟಿ

ಕುಡ್ಲ : ಪುಗರ್ತೆದ ಉದ್ಯಮಿ, ಸಾಮಾಜಿಕ ಕಳಕಳಿದ ದಾನಿ, ಆರ್ಗ್ಯಾನಿಕ್ ಗ್ರೂಪ್ ಆಫ್ ಕಂಪೆನೀಸ್‌ದ ಸಿಎಂಡಿ ತೋನ್ಸೆ ಆನಂದ ಶೆಟ್ಟಿ ಮುಂಬೈ ಮೇರ್ ಜಾಗತಿಕ ಬಂಟರ ಸಂಘಗಳ ಒಕ್ಕೂಟಗ್ ಹಂತ ಹಂತವಾದ್ ಒಟ್ಟು 2 ಕೋಟಿ ರೂ. ದೇಣಿಗೆ ಕೊರ್ತೆರ್.
2018 ನೇ ಇಸ್ವಿಡ್ ಕಡೀರ್‌ದ ಕೊಡುಗೆ 25 ಲಕ್ಷ ರೂ. ಕೊರ್ಪಿನ ಮುಕೇನ ದೇಣಿಗೆಗ್ ಚಾಲನೆ ಕೊರ್ದಿತ್ತೆರ್. ಅವೆರ್ದ್ ಬೊಕ್ಕ 8 ವರ್ಷದ ಅವಧಿಡ್ ಕಾಲ ಒಕ್ಕೂಟಗ್ ಸುಮಾರ್ 1.65 ಕೋಟಿ ದೇಣಿಗೆ ಕೊರ್ದಿತ್ತೆರ್. ಇತ್ತೆ ಸಭಾಭವನದ ಮುಖ್ಯ ವೇದಿಕೆಗ್ ಅರೆನ ಧರ್ಮಪತ್ನಿ ತೋನ್ಸೆ ಶಶಿರೇಖಾ ಆನಂದ್ ಶೆಟ್ರೆನ ಪುದರ್ ದೀಪಿನ ನಿಲೆಟ್ಟ್ ಬಾಕಿ ರೂ. 35 ಲಕ್ಷದ ಚೆಕ್ಕನ್ ಅಧ್ಯಕ್ಷೆರಾಯಿನ ಐಕಳ ಹರೀಶ್ ಶೆಟ್ರೆಗ್ ಹಸ್ತಾಂತರ ಮಲ್ತೆರ್. ಇಂಚ ಒಟ್ಟು ರೂ. 2 ಕೋಟಿ ದೇಣಿಗೆ ಕೊರ್ದು ಸಹಕಾರ ಮಲ್ದೆರ್.
ಈ ಸಂದರ್ಭಡ್ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಮೇರ್ ತೋನ್ಸೆ ಆನಂದ್ ಶೆಟ್ರೆಗ್ ಅಭಿನಂದನೆ ಮಲ್ತೆರ್. ಕೋಶಾಧಿಕಾರಿ ಉಳ್ತೂರು ಮೋಹನದಾಸ್ ಶೆಟ್ಟಿ ಬೊಕ್ಕ ಯುವ ವಿಭಾಗದ ಕಾರ್ಯಾಧ್ಯಕ್ಷೆರ್ ಗಿರೀಶ್ ಶೆಟ್ಟಿ ತೆಳ್ಳಾರ್ ಇತ್ತೆರ್.