June 3, 2023

June 9 th: Billavas Qutar to organise – ” Billavaotsava” ಜೂ.9: ಬಿಲ್ಲವಾಸ್ ಕತಾರ್ ಮುತಾಲಿಕೆಡ್ ಬಿಲ್ಲವೋತ್ಸವ 2023

ಬಿಲ್ಲವಾಸ್ ಕತಾರ್ ಮುತಾಲಿಕೆಡ್ ಬಿಲ್ಲವೋತ್ಸವ 2023 ಲೇಸ್ ಜೂನ್ 9 ಕ್ಕ್ ವಕ್ರಾ ಡಿಪಿಎಸ್ ಆಡಿಟೋರಿಯಂಡ್ ಬಯ್ಯಗ್ ನಡಪರೆ ಉಂಡು.‌

ಈ ಲೇಸ್ ಡ್ ಗೌರವ ಬಿನ್ನೆರಾದ್ ಕರ್ನಾಟಕದ ಮಾಜಿ ಇಂಧನ ಸಚಿವೆರ್ ವಿ.ಸುನೀಲ್ ಕುಮಾರ್, ಮಲ್ಲ ಬಿನ್ನೆರಾದ್ ದೋಹಾ ಕತಾರ್ ಭಾರತೀಯ ಸಾಂಸ್ಕೃತಿಕ ಕೇಂದ್ರದ ಅಧ್ಯಕ್ಷೆರ್ ಮಣಿಕಂಠನ್ ಎಪಿ, ಅತಿಥಿ ಉಪನ್ಯಾಸಕೆರಾದ್, ಕುಡ್ಲ ಬ್ರಹ್ಮಶ್ರೀ ನಾರಾಯಣ ಗುರು ಧರ್ಮ ಶಿಕ್ಷಣ ಕೇಂದ್ರದ ಸಂಚಾಲಕೆರ್, ಪ್ರೊ.‌ ಡಾ. ಅರುಣ್ ಉಲ್ಲಾಳ್, ಕುಡ್ಲದ ಪುಗರ್ತೆದ ಗಾಯಕೆರಾಯಿನ ವಿದ್ಯಾ ಸುವರ್ಣ, ರಾಮಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್.

ಬೊಕ್ಕ ಕೋಸ್ಟಲ್ ವುಡ್ ಕಾಮಿಡಿ ಸ್ಟಾರ್ ಉಮೇಶ್ ಮಿಜಾರ್ ಮೆರೆನ “ನಮ್ಮ ಕಲಾವಿದೆರ್” ಬೆದ್ರ ಮೊಕ್ಲೆರ್ದ್ ತೆಲಿಕೆದ ಗೊಂಚಿಲ್ ಲೇಸ್ ಬೊಕ್ಕ ಬಿಲ್ಲವಾಸ್ ಕತಾರ್ ಪ್ರತಿಭೆಲೆರ್ದ್ ಯಕ್ಷಗಾನ ಬೊಕ್ಕ ನಾಟ್ಯ ವೈಭವ ಲೇಸ್ ನಡಪರೆ ಉಂಡು.

ಅಂಚೆನೆ ಈ ಲೇಸ್ ನ್ ದಿನೇಶ್ ಸುವರ್ಣ ರಾಯಿ ಮೇರ್ ಸುಧಾರಿಕೆ ಮಲ್ಪುವೆರ್ ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

June 9 th: Billavas Qutar to organise —
” Billavaotsava”

The Billavas Qutar will organise ” Billavaotsava” at Wakrah on 9 th June 2023 at DPS Auditorium.

Former minister for Power from Karnataka, Sunil Kumar, president of Indian Cultural centre Doha , Qutar Manikantan AP, Prof D Arun Kumar will be the guests of honour. Convener of Brahmashree Narayan Guru Dharma Sikshana Kendra Dr Arun Uallal will be the guest speaker.

Well known singers Vidya Suvarna and Ramkumar will also participate. There will be stand up comedy by Coastal wood comedy star Umesh Mijar and his team” Namma Kalaveder” Bedra and talents from Billavas Qutar will give a Yakshagana and dance performance.
Dinesh Suvarna Rayee will be the master of ceremonies.

Kadaba: Case registered against two officials in connection with the death of a lineman due to electric shock ಕಡಬ: ಕರೆಂಟ್ ಶಾಕ್ ತಾಗ್ ದ್ ಲೈನ್ ಮ್ಯಾನ್ ಸೈತಿನ ಕೇಸ್ ಡ್ ರಡ್ಡ್ ಜನ ಅಧಿಕಾರಿಲೆನ ಮಿತ್ತ್ ಕೇಸ್ ದಾಖಲ್

ಕಡಬ: ವಿದ್ಯುತ್ ಶಾಕ್ ತಾಗ್ ದ್ ಲೈನ್ ಮ್ಯಾನ್ ತೀರ್ ಪೋಯಿನ ಕೇಸ್ ಗ್ ಸಂಬಂಧಪಟ್ಟಿನಂಚೆನೆ ರಡ್ಡ್ ಜನ ಮೆಸ್ಕಾಂ ಅಧಿಕಾರಿಲೆನ ಮಿತ್ತ್ ಕಡಬ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

ಕುಟ್ರುಪ್ಪಾಡಿ ಗ್ರಾಮದ ತಲೆಕ್ಕಿ ಕೈತಲ್ ದ ಮುಳಿಮಜಲು ಪನ್ಪುನಲ್ಪ ಗುರುವಾರ ಬಾಗಲಕೋಟೆ ಮೂಲದ ದ್ಯಾವಣ್ಣ ದೊಡ್ಡಮನಿ ಪನ್ಪುನಾರ್ ಬೇಲೆ ಮಲ್ತೊಂದು ಇತ್ತಿನ ಪೊರ್ತುಡು ಕರೆಂಟ್ ಶಾಕ್ ಹಾಕ್ ದ್ ತೀರ್ ಪೋಯೆರ್.

ಕರೆಂಟ್ ಸರಿ ಮಲ್ಪುನ ಜಾಗೆಡ್ ರಡ್ಡ್ ಟ್ರಾನ್ಸಫಾರ್ಮ್ ದ ರಡ್ಡ್ ಲೈನ್‌ ಉಂಡು. ಅಯಿಟ್ಟ್ ಒಂಜಿ ಲೈನ್‌ ನ್ ಬಂದ್ ಮಲ್ದೆರ್. ಕುಡೊಂಜಿ ಲೈನ್‌ ನ್ ಬಂದ್ ಮಲ್ಪಂದೆ ಇತ್ತಿನೆರ್ದಾವರ ಈ ಘಟನೆ ನಡತ್ ದ್ಂಡ್ ಪಂದ್ ದೂರುಡು ಪಂತೆರ್.

ಅತ್ತಂದೆ ತೀರ್ ಪೋಯಿನ ಲೈನ್ ಮ್ಯಾನ್ ನೊಟ್ಟಿಗೆ ಹಿರಿಯ ಅಧಿಕಾರಿ ಆವಡ್, ಸಹಾಯಗ್ ಏರೆನಾಂಡಲ ಕಡಪಾದಿಜೆರ್. ಅವ್ವತ್ತಂದೆ ಹೆಲ್ಮೆಟ್ ಹ್ಯಾಂಡ್‌ಗ್ಲೌಸ್‌, ಶೂ ಇಂಚಿನ ಒವ್ವೇ ಸೇಫ್ಟಿದ ಸೊತ್ತುಲೆನ್ ಕೊರಂದೆ ಕರೆಂಟ್ ಕಂಬ ಬರ್ತರೆ ಪಂದ್ ಮಗನ ಸಾವುಗ್ ಕಾರಣ ಆತೆರ್ ಪಂದ್ ತೀರ್ ಪೋಯಿನಾರೆನ ಅಮ್ಮೆರ್ ರೇವಣಪ್ಪ ದೊಡಮನಿ ಪನ್ಪುನಾರ್ ಮೆಸ್ಕಾಂ ಕಡಬದ ಸಹಾಯಕ ಇಂಜಿನಿಯರ್‌ ಆಯಿನ ಸತ್ಯನಾರಾಯಣ ಸಿ.ಕೆ. ಬೊಕ್ಕ ಕಿರಿಯ ಇಂಜಿನಿಯರ್‌ ವಸಂತ ಮೆರೆನ ಮಿತ್ತ್ ಕಡಬ ಠಾಣೆಗ್ ದೂರು ಕೊರ್ತೆರ್. ಅಂಚೆನೆ ಮೊಕ್ಲೆನ ರಡ್ಡ್ ಜನತ್ತ ಮಿತ್ತ್ ಕೇಸ್ ದಾಖಲ್ ಆತ್ಂಡ್.

Kadaba: Case registered against two officials in connection with the death of a lineman due to electric shock

Case has been registered against two mescom officers in connection with the death of a lineman due to electric shock.
The deceased is Davyanna Doddamani of Bagalkot district. It has been noticed that the incident happened due to the negligence of the officials who did not switch off the electricity lines and no safety equipment were given to the lineman.

ಕಾಪು ಪೊಸ ಮಾರಿಗುಡಿತ್ತ ಬಾಲಾಲಯೊಗು ದೇವಿನ ಸಾನಿಧ್ಯ

ಒಡಿಪು: ಕಾಪುದ ಪೊಸ ಮಾರಿಗುಡಿ ದೇವಲ್ಯ ಜೀರ್ಣೋದ್ಧಾರ ಆಪಿನ ನಿಲೆಟ್ಟ್ ಅಪ್ಪೆನ ಅಭಯ ನುಡಿ ಬೊಕ್ಕ ಪ್ರಶ್ನೆ ಚಿಂತನೆದಂಚೆನೆ ತಾತ್ಕಾಲಿಕ ಬಾಲಾಲಯೊದ ಗುಡಿಕ್ಕ್ ಶ್ರೀ ದೇವಿನ ಸಾನಿಧ್ಯನ್ ಕೊನೊಪಿನ ಲೇಸ್ ನಡಪರೆ ಉಂಡು.

ಜೂನ್ 11 ಐತಾರ ಬೊಲ್ಪುಗು ಚಂಡಿಕಾಯಾಗ, ಪೂರ್ಣಾಹುತಿ ಬೊಕ್ಕ ಪ್ರಸಾದ ಕೊರಿಯೆರೆ ಉಂಡು. ‌ಬಯ್ಯಗ್ ವಾಸ್ತು ವಿದ್ಯಾ ಕಲಾಪ ಬೊಕ್ಕ ಅಘೋರ ರಕ್ಷಯಾಗ ನಡಪರೆ ಉಂಡು.

ಜೂನ್ 12 ಸೋಮಾರ ಬೊಲ್ಪುಗು ಸಾನಿಧ್ಯ ಚಲನಾ ವಿಧಿ, ಶ್ರೀ ಅಮ್ಮನ ಬಾಲಾಲಯ ಪ್ರತಿಷ್ಠೆ, ಧರ್ಮಸಭೆ ನಡಪರೆ ಉಂಡು.

ಜೂನ್ 13 ಅಂಗಾರೆ ಬೊಲ್ಪುಗು ಶ್ರೀ ಮಾರಿಯಮ್ಮ, ಉಚ್ಚಂಗಿ ದೇವಿನ ತಾತ್ಕಾಲಿಕ ಗುಡಿಟ್ಟ್ ದರ್ಶನ ಸುರು ಆಪುಂಡು. ‌

ಈ ಲೇಸ್ ಗ್ ಮಾತೆರ್ಲಾ ಕುಟುಂಬ ಸಮೇತೆರಾದ್ ಬತ್ತ್ ದ್ ಅಮ್ಮನ ಕೃಪೆಗ್ ಪಾತ್ರರಾವೊಡು ಪಂದ್ ಕಾಪು ಶ್ರೀ ಪೊಸ ಮಾರಿಗುಡಿ ದೇವಲ್ಯದ ಅಭಿವೃದ್ಧಿ ಸಮಿತಿ, ವ್ಯವಸ್ಥಾಪನಾ ಸಮಿತಿ, ಕಾರ್ಯನಿರ್ವಾಹಣಾದಿಕಾರಿ ಬೊಕ್ಕ ನೌಕರೆರೆನ ಕೂಟ ಲೆಪ್ಪೋಲೆಡ್ ತೆರಿಪಾದ್ಂಡ್.

Doctor commits suicide unable to bear the demise of his sister!! ಮೆಗ್ದಿನ ಸಾವುದ ಬೇನೆಡ್ ಬಲ್ಲ್ ಪಾಡೊಂದು ತೀರ್ ಪೋಯಿನ ಡಾಕ್ಟರ್!

ಮಂಡ್ಯ: ಡಾಕ್ಟರ್ ಒರಿ ಮೆಗ್ದಿನ ಸಾವುದ ಬೇನೆಡ್ ಬಲ್ಲ್ ದೆತ್ತೊಂದು ತೀರ್ ಪೋಯಿನ ಘಟನೆ ಮಂಡ್ಯ ಜಿಲ್ಲೆದ ಮದ್ದೂರು ತಾಲೂಕ್ ದ ಕುದುರುಗುಂಡಿ ಗ್ರಾಮಡ್ ನಡತ್ಂಡ್.

ಡಾ.ವೇಣುಗೋಪಾಲ್ (58) ತೀರ್ ಪೋಯಿನಾರ್ ಪಂದ್ ತೆರಿದ್ ಬೈದ್ಂಡ್. ವೃತ್ತಿಡ್ ಮೇರ್ ವೈದ್ಯೆರಾದಿತ್ತೆರ್. ಕರಿನ 1 ವರ್ಷದ ಪಿರವು ತಿಗಲೆ ಬೇನೆರ್ದ್ ಮೆಗ್ದಿ ಗಾಯತ್ರಿ ತೀರ್ ಪೋದಿತ್ತೆರ್. 3 ದಿನತ್ತ ಪಿರವು ಗಾಯತ್ರಿನ ಸುರುತ್ತ ವರ್ಷದ ತಿಥಿ ಕಾರ್ಯ ಮಲ್ದೆರ್. ಆ ದಿನ ಮೆಗ್ದಿನ ಸಮಾಧಿದ ಕೈತಲ್ ಕುಲ್ಲುದು ಡಾ.ವೇಣುಗೋಪಾಲ್ ಬುಲಿತ್ತೊಂದಿತ್ತೆರ್ ಪಂದ್ ತೆರಿದ್ ಬೈದ್ಂಡ್.

ಗುರುವಾರ ಬಯ್ಯಗ್ ಕುದುರುಗುಂಡಿದ ಮೆಗ್ದಿನ ಇಲ್ಲಗ್ ಪೋಯಿನ ವೇಣುಗೋಪಾಲ್ ಬೊಕ್ಕ ಮೈಸೂರ್ ಗ್ ಪೋಪೆ ಪಂದ್ ಕಂಡಗ್ ಪೋದು ಬಲ್ಲ್ ಪಾಡೊಂದು ಸೈದೆರ್. ಈ ಬಗೆಟ್ ಮದ್ದೂರು ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

A college student goes missing in Mangalore ಕುಡ್ಲದ ಕಾಲೇಜ್ ಕಲ್ಪಾರ್ಥಿ ನಾಪತ್ತೆ

ಕುಡ್ಲ: ಕಾಲೇಜ್ ಕಲ್ಪಾರ್ಥಿಯೊರ್ತಿ ನಾಪತ್ತೆ ಆಯಿನ ಘಟನೆ ಕುಡ್ಲಡ್ ನಡತ್ ದ್ಂಡ್.

ಪೇಂಟೆದ ಕಾಲೇಜೊಂಜೇಟ್ ಓದೊಂದಿತ್ತಿನ ಮೂಲತಃ ಮೂಡಿಗೆರೆತ್ತ ಶರೀನ್ ಭಾನು (19) ಪನ್ಪಿನ ಪೊಣ್ಣು ನಾಪತ್ತೆ ಆಯಿನಾರ್.

ಈ ಬಗೆಟ್ ಪಾಂಡೇಶ್ವರ ಪೊಲೀಸೆರೆಗ್ ದೂರು ಕೊರ್ತೆರ್.

ಈ ಪೊಣ್ಣು ಕೆಫೆಯೊಂಜೇಟ್ ಪಾರ್ಟ್ ಟೈಮ್ ಬೇಲೆ ಮಲ್ತೊಂದು ಇತ್ತಲ್. ಜೂ.1 ಕ್ಕ್ ಮೂಡಿಗೆರೆಕ್ಕ್ ಬರ್ಪೆ ಪಂದ್ ಸಹೋದರಿಡ್ ತೆರಿಪಾದೆರ್. ಆಂಡ ಮೂಡಿಗೆರೆಕ್ಕ್ ಪೋವಂದೆ ನಾಪತ್ತೆ ಆತೆರ್ ಪಂದ್ ದೂರುಡ್ ತೆರಿಪಾದೆರ್.

A college student goes missing in Mangalore

Shareen Banu (19) hailing from Mudigere and studying at a college in Mangalore is missing. A case has been filed with the Pandeshwara police station.

“Rajshree” in Rajya Sabha Book release function ರಾಜ್ಯಸಭೆಟ್ಟ್ “ರಾಜರ್ಷಿ”ಬೂಕು ಬುಡುಗಡೆ

ಧರ್ಮಸ್ಥಳ: ನಮ್ಮ ದೇಶದ ಭವ್ಯ ಇತಿಹಾಸ, ಪರಂಪರೆ, ಸಂಸ್ಕೃತಿದ ಬಗೆಟ್ ವರ್ತಮಾನದ ಸ್ಥಿತಿನ್ ತೂದು ರಾಷ್ಟ್ರದ ಉಜ್ವಲ ಭವಿಷ್ಯನ್ ರೂಪಿಸಾವೊಡಾಪುಂಡು ಪಂದ್ ಧರ್ಮಸ್ಥಳದ ಧರ್ಮಾಧಿಕಾರಿಲು, ರಾಜ್ಯಸಭೆ ಸದಸ್ಯೆರ್ ಡಿ. ವೀರೇಂದ್ರ ಹೆಗ್ಗಡೆ ಪಂಡೆರ್.

ಮೇರ್ ಸುಕ್ರಾರ ಧರ್ಮಸ್ಥಳದ ಬೂಡುಡು “ರಾಜ್ಯಸಭೆಟ್ಟ್ ರಾಜರ್ಷಿ” ಪನ್ಪಿನ ಬೂಕುನ್ ಬುಡುಗಡೆ ಮಲ್ತ್ ದ್ ಪಾತೆರಿಯೆರ್.

ಮೆರೆನ ಧರ್ಮಪತ್ನಿ ಹೇಮಾವತಿ ವೀ. ಹೆಗ್ಗಡೆ ಮೇರ್ ಪಾಲ್ ಪಡೆದಿತ್ತೆರ್.

ಈ ಪೊರ್ತುಡು ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ, ಸಿರಿ ಗ್ರಾಮೋದ್ಯೋಗ ಸಂಸ್ಥೆ, ಮಂಜುಶ್ರೀ ಪ್ರಿಂಟರ್ಸ್ ಬೊಕ್ಕ ಬೇತೆ ಬೇತೆ ಶಾಲೆ-ಕಾಲೇಜ್ ದ ಪ್ರಾಂಶುಪಾಲೆರ್ ಬೊಕ್ಕ ಸಿಬ್ಬಂದಿಲು ಇತ್ತೆರ್.

ರಾಜ್ಯಸಭೆ ಸದಸ್ಯೆರೆನ ಆಪ್ತ ಕಾರ್ಯದರ್ಶಿ ಕೆ.ಎನ್. ಜನಾರ್ದನ್ ಪ್ರಾಸ್ತಾವಿಕ ಪಾತೆರದೊಟ್ಟಿಗೆ ಮಾತೆರೆನ್ಲಾ ಎದ್ಕೊನಿಯೆರ್.

Mudambailu School- Welcome program for students of the academic year 2023-24 ಮೂಡಂಬೈಲ್ ಶಾಲೆಡ್ 2023-24ನೇ ಶೈಕ್ಷಣಿಕ ವರ್ಷದ ಶಾಲಾ ಪ್ರವೇಶ ಉಚ್ಚಯ

ಮೂಡಂಬೈಲು: ಮೂಡಂಬೈಲ್ ಶಾಲೆಡ್ 2023-24ನೇ ಶೈಕ್ಷಣಿಕ ವರ್ಷದ ಶಾಲಾ ಪ್ರವೇಶ ಉಚ್ಚಯ ಬೇತೆ ಬೇತೆ ಲೇಸ್ ದೊಟ್ಟಿಗೆ ನಡತ್ಂಡ್.

ಮಿಾಂಜ ಪಂಚಾಯತ್ ಉಪಾಧ್ಯಕ್ಷೆರ್ ಜಯರಾಮ ಬಲ್ಲಂಗುಡೇಲು ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್. ಬೆಜ್ಜ ರಾಮಚಂದ್ರ ವೇದಿಕೆ ವತಿರ್ದ್ ಉದ್ಯಮಿ ಮೋಹನ್ ಹೆಗ್ಡೆ ಬೊಂಬೈ ಮೇರ್ ಪ್ರತೀ ವರ್ಷದಲೆಕ್ಕನೇ ಈ ವರ್ಷಲ ಒಂಜಿನೇ ಕ್ಲಾಸ್ ದ ಕಲ್ಪಾರ್ಥಿಲೆಗ್ ಕಲ್ಪುನ ಸೊತ್ತುಲೆನ್ ಕೊರ್ದು ಅಭಿನಂದನೆ ಮಲ್ತೆರ್. ಬೊಕ್ಕ ಮಜಿಬೈಲ್ ಸರ್ವಿಸ್ ಕೋಆಪರೇಟಿವ್ ಬ್ಯಾಂಕ್ ದಕುಲು ಶಾಲೆದ ಪ್ರಾಥಮಿಕ ಜೋಕುಲೆಗ್ ಧರ್ಮಾರ್ಥ ಶಾಲೆದ ಬ್ಯಾಗ್ ಲೆನ್ ಪಟ್ಟಿಯೆರ್.

ಈ ಲೇಸ್ ದ ಸುರುಕ್ಕು ಬೆಂಗಳೂರುಡು ಮಾನ್ಯ ಮುಖ್ಯಮಂತ್ರಿಲು ಉದಿಪನ ಮಲ್ತ್ ದ್ ರಾಜ್ಯಮಟ್ಟಡ್ ನಡತಿನ ಶಾಲಾ ಪ್ರವೇಶ ಉಚ್ಚಯನ್ ಪರದೆಡ್ ತೂಪಾಯೆರ್.

ಈ ಪೊರ್ತುಡು ಶಾಲೆದ ಪಿ.ಟಿ.ಎ ಅಧ್ಯಕ್ಷೆರ್ ಭರತ್ ಕುಮಾರ್, ಎಂ.ಪಿ.ಟಿ.ಎ. ಅಧ್ಯಕ್ಷೆರ್ ಬೀಫಾತಿಮ, ರಮೇಶ್ ಸುವರ್ಣ, ಐರಿನ್ ಜೋಸ್ಪಿನ್, ಜಗದೀಶ್ ಮೂಡಂಬೈಲು ಇತ್ತೆರ್. ಶಾಲೆದ ಮುಖ್ಯೋಪಾಧ್ಯಾಯೆರಾಯಿನ ಜಾರ್ಜ್ ಕಾಸ್ತ ಸರ್ ಎದ್ಕೊನಿಯೆರ್. ಮೋಹಿನಿ ಟೀಚರ್ ಸೊಲ್ಮೆ ಸಂದಾಯೆರ್. ದಯಾವತಿ ಟೀಚರ್ ಲೇಸ್ ದ ಸುಧಾರಿಕೆ ಮಲ್ತೆರ್.

Dubai – Sharjah: world premiere of Tulu movie ” Circus” -housefull ದುಬೈ, ಶಾರ್ಜಾಡ್ ‘ಸರ್ಕಸ್’ ಪಿಕ್ಚರ್ ವರ್ಲ್ಡ್ ಪ್ರೀಮಿಯರ್‌ಗ್ ಹೌಸ್‌ಫುಲ್

ದುಬೈ/ಶಾರ್ಜಾ: ರೂಪೇಶ್ ಶೆಟ್ಟಿ ಮೆರೆನ ತುಳು ಪಿಕ್ಚರ್ ‘ಸರ್ಕಸ್’ದ ಅದ್ಧೂರಿ ಸುರುತ್ತ ಪ್ರದರ್ಶನ ದುಬೈ ಬೊಕ್ಕ ಶಾರ್ಜಾಡ್ ಬೇತೆ ಬೇತೆ ಚಿತ್ರಮಂದಿರಡ್ ನಡತ್ ದ್ಂಡ್. ಲೇಸ್ ಹೌಸ್‌ಫುಲ್ ಪ್ರೇಕ್ಷಕೆರೆಗ್ ಸಾಕ್ಷಿ ಆಂಡ್. ಅಬುಧಾಬಿ ಪ್ರೀಮಿಯರ್ ಜೂನ್ 3 (ಇನಿ) ನಡಪರೆ ಉಂಡು.

ಬಿಗ್ ಬಾಸ್ OTT ಬೊಕ್ಕ ಸೀಸನ್ 9 ಟ್ಟ್ ಗೆಂದಿನ ಬೊಕ್ಕ ಬ್ಲಾಕ್ ಬಸ್ಟರ್ ‘ಗಿರ್ಗಿಟ್’ ನಿರ್ದೇಶಕೆರ್ ಆಯಿನ ರೂಪೇಶ್ ಶೆಟ್ಟಿ ಮೇರ್ ‘ಸರ್ಕಸ್’ದ ನಾಯಕೆ ಬೊಕ್ಕ ನಿರ್ದೇಶಕೆರಾತೆರ್. ಪಿಕ್ಚರ್ ದುಬೈ ಬೊಕ್ಕ ಶಾರ್ಜಾ ಪ್ರೇಕ್ಷಕೆರೆರ್ದ್ ಮಸ್ತ್ ಮೆಚ್ಚುಗೆ ಪಡೆತ್ಂಡ್.

ಒಂತೆ ಪೊರ್ತುದುಲಯಿ, ಶೋಧನ್ ಪ್ರಸಾದ್ ಮುತಾಲಿಕೆದ ಸಂಧ್ಯಾ ಕ್ರಿಯೇಷನ್ಸ್ ಓವರ್‌ಸೀಸ್ ಮೂವೀಸ್ ಬೊಕ್ಕ ಮೆರೆನ ಕೂಟ ಗ್ರ್ಯಾಂಡ್ ವರ್ಲ್ಡ್ ಪ್ರೀಮಿಯರ್‌ಗ್ ವೇದಿಕೆನ್ ಯಶಸ್ವಿಯಾದ್ ರಚನೆ ಮಲ್ಪೆರೆ ಸಾಧ್ಯ ಆಂಡ್. 1,000 ರ್ದ್ ಎಚ್ಚ ತುಳುವ ಪ್ರೇಕ್ಷಕೆರ್ ಯುಎಇ ಇಡೀ ಥಿಯೇಟರ್‌ಡ್ ಪ್ರದರ್ಶನನ್ ಕುಷಿಟ್ಟ್ ತೂಯೆರ್.

ಇಬ್ನ್ ಬಟುಟಾ ಮಾಲ್‌ದ ನೊವೊ ಮೆಗಾಪ್ಲೆಕ್ಸ್ ಚಿತ್ರಮಂದಿರಡ್ ಸುರುತ್ತ ಪ್ರೀಮಿಯರ್ ನಡತ್ಂಡ್. ನೆಟ್ಟ್ ನಟೆ, ಗಾಯಕೆ, ಉದ್ಯಮಿ ಜೋಸೆಫ್ ಮಥಿಯಾಸ್ ಬೊಕ್ಕ ನಟೆ-ನಿರ್ದೇಶಕೆ ರೂಪೇಶ್ ಶೆಟ್ಟಿ ಬಿನ್ನೆರೆನೊಟ್ಟಿಗೆ ಸಾಂಪ್ರದಾಯಿಕವಾದ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್. ಬೊಕ್ಕ ಸಂಧ್ಯಾ ಕ್ರಿಯೇಷನ್ಸ್‌ದ ಶೋಧನ್‌ ಪ್ರಸಾದ್‌ ಮೇರ್ ಉದಿಪನ ಮಲ್ತಿನ ಉದಿಪನ ಲೇಸ್ ಡ್ ನಟೆ-ನೃತ್ಯ ನಿರ್ದೇಶಕೆರ್ ನವೀನ್‌ ಶೆಟ್ಟಿ, ನಟೆ ರೋಷನ್‌ ಶೆಟ್ಟಿ ಬೊಕ್ಕ ಕೆಲವು ಗಣ್ಯೆರ್ ಇತ್ತೆರ್.

ಪ್ರದರ್ಶನದ ಬೊಕ್ಕ ಇಬ್ನ್ ಬಟುಟಾರ್ದ್, ಕೂಟ ಶಿಂಡಗಾದ ಹಯಾತ್ ರೀಜೆನ್ಸಿಡ್ ಇಪ್ಪುನ ಗ್ಯಾಲೇರಿಯಾ ಚಿತ್ರಮಂದಿರಗ್ ಪ್ರಯಾಣ ಮಲ್ತ್ಂಡ್. ಬೊಕ್ಕ ಬಿನ್ನೆರ್, ಉದ್ಯಮಿ, ಬೇತೆ ಬೇತೆ ತುಳು, ಕನ್ನಡ, ಕೊಂಕಣಿ ಪಿಕ್ಚರ್ ದ ನಿರ್ಮಾಪಕೆರ್ ಡಾ ಫ್ರಾಂಕ್ ಫೆರ್ನಾಂಡಿಸ್ ಮೇರ್ ಬೇತೆ ಬಿನ್ನೆರೆನೊಟ್ಟಿಗೆ ಸಾಂಪ್ರದಾಯಿಕವಾದ್ ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್.

ಗಲೇರಿಯಾರ್ದ್, ಉದಿಪನ ನಡತಿನ ಸಹಾರಾ ಸೆಂಟರ್ ನೋವೋ ಚಿತ್ರಮಂದಿರಗ್ ಕೂಟ ಬತ್ತ್ಂಡ್. ಬೊಕ್ಕ ಬೇತೆ ಬೇತೆ ಗಣ್ಯೆರ್ ಲೇಸ್ ನ್ ಉದಿಪನ ಮಲ್ತೆರ್.

ಸಹರಾ ಕೇಂದ್ರಡ್ ಸುರು ಆಯಿನ ಬೊಕ್ಕ, ಕೂಟ ಡ್ರ್ಯಾಗನ್ ಮಾರ್ಟ್, ಇಂಟರ್ನ್ಯಾಷನಲ್ ಸಿಟಿದ ಕಡೆಕ್ಕ್ ಅಕೇರಿದ ಬುಡುಗಡೆಗಾದ್ ಪಿದಾಡ್ಂಡ್. ರೂಪೇಶ್ ಶೆಟ್ಟಿ ಮೆರೆನ್ ಭೇಟಿ ಮಲ್ಪೆರೆ ಬೊಕ್ಕ ಎದ್ಕೊನಿಯೆರೆ ಹೌಸ್‌ಫುಲ್ ಪ್ರೇಕ್ಷಕೆರ್ ಅಲ್ಪ ಇತ್ತೆರ್.

ಇಂಟರ್ ನ್ಯಾಷನಲ್ ಸಿಟಿದ ಡ್ರ್ಯಾಗನ್ ಮಾರ್ಟ್‌ಡ್ ದಿನತ್ತ ಅಕೇರಿದ ಬುಡುಗಡೆಡ್ ಮಸ್ತ್ ಸಂಖ್ಯೆದ ತುಳುವೆರ್ ಇತ್ತೆರ್. ಸಂಧ್ಯಾ ಕ್ರಿಯೇಷನ್ಸ್ ಸಾಗರೋತ್ತರ ಪಿಕ್ಚರ್ ಲೇಸ್ ನ್ ಗೌಜಿಡ್ ಮಲ್ಪೆರೆ ಪ್ರಯತ್ನ ಮಲ್ತ್ಂಡ್.

ಶೂಲಿನ್ ಫಿಲಂಸ್, ಮಂಜುನಾಥ್ ಅತ್ತಾವರ ಬೊಕ್ಕ ಮುಗ್ರೋಡಿ ಫಿಲಂಸ್ ನಿರ್ಮಾಣಡ್ ‘ಸರ್ಕಸ್’ ನಿರ್ಮಾಣ ಆತ್ಂಡ್. ನಿರ್ದೇಶನದೊಟ್ಟಿಗೆ ರಚನಾ ರೈ, ಅರವಿಂದ್ ಬೋಳಾರ್, ಭೋಜರಾಜ್ ವಾಮಂಜೂರು, ನವೀನ್ ಡಿ ಪಡೀಲ್, ಸಾಯಿ ಕೃಷ್ಣ, ಉಮೇಶ್ ಮಿಜಾರ್, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಬೊಕ್ಕ ಕನ್ನಡ ಚಲನಚಿತ್ರ ನಟೆ ಯಶ್ ಶೆಟ್ಟಿ, ಮುಖ್ಯ ಪಾತ್ರಡ್ ರೂಪೇಶ್ ಶೆಟ್ಟಿ ನಟನೆ ಮಲ್ದೆರ್.

ಲಾಯ್ ವ್ಯಾಲೆಂಟೈನ್ ಸಲ್ಡಾನ್ಹಾ ಸಂಗೀತ ಸಂಯೋಜನೆ ಮಲ್ದೆರ್. ಗಿರ್ಗಿಟ್ ಪಿಕ್ಚರ್ ದ ಮುಖೇನ ಪುಗರ್ತೆ ಪಡೆಯಿನ ಪ್ರಸನ್ನ ಶೆಟ್ಟಿ ಬೈಲೂರು ಸಂಭಾಷಣೆ ಬರೆತೆರ್. ನವೀನ್ ಶೆಟ್ಟಿ ನೃತ್ಯ ನಿರ್ದೇಶನ, ನಿರಂಜನ್ ದಾಸ್ ಚಿತ್ರ ಶೂಟಿಂಗ್ ಮಲ್ತ್ಂಡ, ರಾಹುಲ್ ವಶಿಷ್ಟ ಸಂಕಲನ ಮಲ್ದೆರ್.

ಶೋಧನ್ ಪ್ರಸಾದ್ ಮುತಾಲಿಕೆದ ಸಂಧ್ಯಾ ಕ್ರಿಯೇಷನ್ಸ್ ಓವರ್ ಸೀಸ್ ಮೂವೀಸ್ ಬೊಕ್ಕ ಅಕ್ಲೆನ ಕೂಟ ಯುಎಇಡ್ ತುಳು ಪಿಕ್ಚರ್ ಗ್ ಎಡ್ಡೆ ವೇದಿಕೆನ್ ಕೊರೊಂದು ಉಂಡು.

Dubai – Sharjah: world premiere of Tulu movie ” Circus” –housefull

The first show of Roopesh Shetty’s movie recorded a houseful in various theatres in Dubai and Sharjah.

Roopesh Shetty winner of Big Boss season 9 and director of the block buster ‘Girgit’ plays the lead and is also the director.