ಮಿಜಾರ್ ತುಳುನಾಡ ಪೊರ್ಲು ಚಾರಿಟೇಬಲ್ ಟ್ರಸ್ಟ್ (ರಿ.) ವತಿರ್ದ್ ಶೈಕ್ಷಣಿಕ ಸೇವಾ ಯೋಜನೆದ ಲೆಕ್ಕೊಡು ಶಾಲೆದ ಜೋಕುಲೆಗ್ ಬೂಕು ಪಟ್ಟಿಯೆರ್.
ಈ ಕೂಟದ ಸಲಹೆಗಾರೆರಾಯಿನ ಅಶ್ವತ್ಥ್ ಶೆಟ್ಟಿ ಸಿದ್ಧಕಟ್ಟೆ ಮೇರ್ ಬೆದ್ರ ತಾಲೂಕ್ ದ ಸರಕಾರಿ ಪ್ರೌಢಶಾಲೆ ಹೊಸಬೆಟ್ಟು ಶಾಲೆದ ಜೋಕುಲೆಗ್ ಬೂಕು ಪಟ್ಟಿಯೆರ್. ಈ ಪೊರ್ತುಡು ಶಾಲೆದ ಅಧ್ಯಾಪಕೆರ್ ಬೊಕ್ಕ ದಾನಿಲು ಇತ್ತೆರ್.
ಜನಸೇವಕೆರ್, ಬೊಲ್ತೇರ್ ಕ್ಷೇತ್ರಡ್ ರಡ್ಡನೇ ಸರ್ತಿ ಶಾಸಕೆರಾದ್ ಅಜತ್ ಬತ್ತಿನ ಹರೀಶ್ ಪೂಂಜ ಬೊಕ್ಕ ಸ್ವೀಕೃತ ಶೆಟ್ಟಿ ಮೊಕ್ಲೆನ ಮದಿಮೆದ ದಿನತ್ತ ಸಂಬುರ್ಮೊದ ಈ ಪೊರ್ತುಡು ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕಾ ಕೂಟದಕಲೆರ್ದ್ ಉಡಲ್ ದಿಂಜಿನ ಎಡ್ಡೆಪ್ಪುಲು.
ರಾಜ್ಯ ಸರ್ಕಾರ “ಡೇರ್ ಡೆವಿಲ್ ಮುಸ್ತಫಾ” ಪಿಚ್ಚರ್ಗ್ ತೆರಿಗೆ ವಿನಾಯಿತಿ ಘೋಷಣೆ ಮಲ್ತ್ದ್ಂಡ್.
ರಡ್ಡ್ ದಿನತ್ತ್ ಪಿರವು ಈ ಪಿಚ್ಚರ್ದ ತಂಡ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೆರೆನ್ ಭೇಟಿ ಮಲ್ತ್ದ್ ಕೋಮುಸಾಮರಸ್ಯ ಬೊಕ್ಕ ಭಾವೈಕ್ಯತೆದ ಸಂದೇಶ ಸಾರುನ ಪಿಚ್ಚರ್ಗ್ ತೆರಿಗೆ ವಿನಾಯಿತಿ ಮಲ್ಪುಲೆ, ಫ್ರೀ ಇಪ್ಪುನಗ ಪಿಚ್ಚರ್ನ್ ತೂಲೆ ಪಂದ್ ಬಿನ್ನಾಪು ಮಲ್ತ್ದಿತ್ತೆರ್. ಈ ಬಿನ್ನಾಪುಗ್ ಸರ್ಕಾರ ಉತ್ತರ ಕೊರ್ತ್ಂಡ್.
ಕುಡ್ಲ: ಆಂಟಿ ಕಮ್ಯುನಲ್ ವಿಂಗ್ ಸ್ಥಾಪನೆಗ್ ಗೃಹ ಸಚಿವೆರ್ ಪರಮೇಶ್ವರ್ ಸೂಚನೆ ಕೊರ್ತಿನ ನಿಲೆಟ್ ಕುಡ್ಲ ಕಮಿಷನರ್ ವ್ಯಾಪ್ತಿಡ್ ಎಸಿಬಿ ಮುತಾಲಿಕೆಡ್ ವಿಂಗ್ ಸ್ಥಾಪನೆ ಮಲ್ತ್ದ ಪಂದ್ ಪೊಲೀಸ್ ಆಯುಕ್ತೆರ್ ಕುಲದೀಪ್ ಜೈನ್ ತೆರಿಪಾದೆರ್.
ಈ ಬಗೆಟ್ ಮಾಹಿತಿ ಕೊರಿನ ಆರ್, ಸಿಎಸ್ಬಿ ಇನ್ಸ್ಪೆಕ್ಟರ್ ಮುತಾಲಿಕೆಡ್ ಕಾರ್ಯಾಚರಣೆ ನಡಪರೆ ಇತ್ತ್ದ್, ಈ ತಂಡರ್ದ್ ಪೇಂಟೆಡ್ ಆಪಿನ ಕೋಮು ಪ್ರೇರಣೆ ಮಿತ್ತ್ ನಿಗ ದಿಯರೆ ಇತ್ತ್ದ್, ಒವ್ವೇ ರೀತಿದ ದ್ವೇಷ ಭಾಷಣ ಅಂಚನೆ ಕೋಮು ಸೂಕ್ಷ್ಮ ವಿಚಾರದ ಬಗೆಟ್ ಗಮನಗ್ ದೆತೊನರೆ ಉಂಡು ಪಂಡೆರ್. ಕರಿನ ರಡ್ಡ್ ದಿನರ್ದ್ ಈ ವಿಂಗ್ ಕಾರ್ಯಾಚರಣೆ ಮಲ್ತ್ದಿತ್ತ್ದ್, ತಂಡಡ್ 5-6 ಪೊಲೀಸ್ ಸಿಬ್ಬಂದಿಲೆನ್ ನೇಮಕ ಮಲ್ತ್ದೆರ್.
ಬೆಂಗ್ಲೂರು: ಶ್ರೀ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಅಪ್ಪೆಗ್ ಭಕ್ತಿ ಸುಗಿಪು ಅರ್ಪಣೆ ಮಲ್ಪುನ ಮುಕೇನ ತುಳುನಾಡ್ದ ಪೆರ್ಮೆದ ಯುವ ಗಾಯಕೆ ನಿರಂಜನ್ ಕುಮಾರ್ ಕಟೀಲ್ ಮೆರೆನ ಸಿರಿ ಕಂಠೊಡು ಜೂನ್ 14 ಬುಧವಾರ ಶ್ರೀ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಅಪ್ಪೆನ “ಭ್ರಮರಾಂಬಿಕೆಗ್ ಪೂತ್ತ ಪೂಜೆ” ಭಕ್ತಿ ಸುಗಿಪು ಬುಡುಗಡೆ ಆಂಡ್.
“ಭ್ರಮರಾಂಬಿಕೆಗ್ ಪೂತ್ತ ಪೂಜೆ” ಸುಗಿಪುದ ಸಾಹಿತ್ಯೊನು ಜಿ.ಎಸ್.ಗುರುಪುರ ಮೇರ್ ಬರೆತೆರ್. ನಿರ್ಮಾಣನೊ ‘ಮಾತೃಚಿತ್ತ’ ವಹಿಸೊಂದುಂಡು.
ಲಾಸ್ಯ ನಿರಂಜನ್ ಬೊಕ ಚೈತ್ರ ಕಲ್ಲಡ್ಕ ಮೊಕೆಲನ ಸಹಕಾರದೊಟ್ಟುಗು ಮಾತೃಚಿತ್ತ ಕ್ರಿಯೇಷನ್ದ ಯೂಟ್ಯೂಬ್ ಚಾನಲ್ ಡ್ ಬುಡುಗಡೆ ಆತ್ಂಡ್.
ಇಲ್ಲದ ಬಾಕಿಲ್ ಹಾಕ್ದ್ ಬಂಗಾರ್, ಬೊಲ್ಲಿ ಬೊಕ್ಕ ಕಾಸ್ನ್ ಕಂಡ್ದಿನ ಕಲ್ವೆರೆನ್ ಕುಡ್ಲ ಸಿಸಿಬಿ ಪೊಲೀಸೆರ್ ನಾಡ್ ಪತ್ತ್ದ್ 1 ಕೆ.ಜಿ ಬಂಗಾರ್ನ್ ವಶಕ್ಕ್ ಪಡೆಯೊನಿನ ಘಟನೆ ಮುಲ್ಕಿ ಪೊಲೀಸ್ ಠಾಣಾ ವ್ಯಾಪ್ತಿಡ್ ನಡತ್ಂಡ್.
ಗಣೇಶ್ ನಾಯ್ಕ್ (26) ಬೊಕ್ಕ ರಂಜಿತ್ ಕೆ.ಆರ್ (26) ಅರೆಸ್ಟ್ ಆಯಿನ ಆರೋಪಿಲು. ಜನವರಿ ೧೫ ಕ್ಕ್ ಕಾಂಡೆ ಕುಡ್ಲ ತಾಲೂಕ್ದ ತಾಳಿಪ್ಪಾಡಿ ಗ್ರಾಮದ ಗುತ್ತಕಾಡು ಪನ್ಪಿನಲ್ಪ ಐಕಳ ಹರೀಶ್ ಮೆರೆನ ಚಂದ್ರಿಕಾ ಪನ್ಪಿನ ಇಲ್ಲದ ಎದುರುದ ಬಾಕಿಲ್ದ ಲಾಕ್ನ್ ಏರಾ ಕಲ್ವೆರ್ ಪೊಲ್ಲಿದ್ ಬಂಗಾರ್ ಬೊಕ್ಕ ಬೊಲ್ಲಿ, ಕಾಸ್ನ್ ಕಂಡ್ದಿತ್ತೆರ್. ಒಟ್ಟು 55 ಲಕ್ಷ ಬಿಲೆತ್ತ ಸ್ವತ್ತೊಲೆನ್ ಕಲ್ವೆರ್ ಕಂಡ್ದಿತ್ತೆರ್.
ಈ ಬಗೆಟ್ ಮುಲ್ಕಿ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆದಿತ್ತ್ಂಡ್. ಈ ಕಲ್ವೆರ್ ಇತ್ತೆ ಕುಡ್ಲ ಸಿಸಿಬಿ ಪೊಲೀಸೆರ್ ಕೈಕ್ ತಿಕ್ಕ್ದ್ ಬೂರ್ದೆರ್.
ಬೆದ್ರ: 2023ನೇ ಸಾಲ್ದ ರಾಷ್ಟ್ರಮಟ್ಟದ ನೀಟ್ ಪರೀಕ್ಷೆಡ್ ಆಳ್ವಾಸ್ ಪದವಿ ಪೂರ್ವ ಕಾಲೇಜ್ದ 1,733 ಕಲ್ಪಾರ್ಥಿಲು ಹಾಜರ್ ಆದಿತ್ತ್ದ್, ರಾಷ್ಟ್ರೀಯ ವೈದ್ಯಕೀಯ ಬೊಕ್ಕ ದಂತ ವೈದ್ಯಕೀಯ ವಿಭಾಗಡ್ 1,525 ಕಲ್ಪಾರ್ಥಿಲು ಪ್ರವೇಶಾತಿ ಅರ್ಹತೆನ್ ಪಡೆತ್ತೆರ್. ಶೇಕಡಾ 87.99 ಫಲಿತಾಂಶ ದಾಖಲ್ ಆತ್ಂಡ್.
ಒಟ್ಟು 720 ಮಾರ್ಕ್ಡ್ 650 ದ ಮಿತ್ತ್ 5 ಜನ ಕಲ್ಪಾರ್ಥಿಲು, 600 ದೆರ್ದ್ ಮಿತ್ತ್ 32 ಕಲ್ಪಾರ್ಥಿಲು, 500 ದೆರ್ದ್ ಎಚ್ಚ 206 ಕಲ್ಪಾರ್ಥಿಲು ಪಡೆದಿತ್ತ್ದ್, 400 ದೆರ್ದ್ ಮಸ್ತ್ ಮಾರ್ಕ್ನ್ 684 ಕಲ್ಪಾರ್ಥಿಲು ಪಡೆತ್ತೆರ್. ಮೊಕುಲು ಮಾತೆರ್ಲಾ ಸರಕಾರಿ ಜನರಲ್ ಕೋಟಾದ ಅಡಿಟ್ ಪ್ರವೇಶಾತಿನ್ ಪಡೆಯರೆ ಅರ್ಹತೆನ್ ಪಡೆತ್ತೆರ್ ಪಂದ್ ಆಳ್ವಾಸ್ ಶಿಕ್ಷಣ ಸಂಸ್ಥೆದ ಅಧ್ಯಕ್ಷೆರ್ ಡಾ ಎಂ ಮೋಹನ್ ಆಳ್ವ ತೆರಿಪಾದೆರ್.
ಒಡಿಪು: 10 ವರ್ಷೊದಿಂಚ ಕೋರ್ಟುಗು ಹಾಜರ್ ಆವಂದೆ ದೆಂಗ್ ದ್ ಕುಲ್ಲುದಿತ್ತಿನ ಆರೋಪಿನ್ ಹೆಬ್ರಿ ಪೊಲೀಸೆರ್ ನಾಡ್ ಪತ್ತ್ ದ್ ಕೋರ್ಟುಗು ಹಾಜರ್ ಮಲ್ದೆರ್.
ಚಿಕ್ಕಮಗಳೂರು ಆಲ್ದೂರು ಹಾಂದಿ ಇಂದಿರಾ ಪೇಂಟೆದ ಸಂತೋಷ್ ಶೆಟ್ಟಿ (38) ಅರೆಸ್ಟ್ ಆಯಿನ ಆರೋಪಿ. ಈ ಜನತ್ತ ಮಿತ್ತ್ 2010ಟ್ಟ್ ಹೆಬ್ರಿ ಠಾಣೆಡ್ ಕೇಸ್ ದಾಖಲ್ ಆದ್ ಕೋರ್ಟುಡು ವಿಚಾರಣೆ ನಡತೊಂದು ಇತ್ತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಅಂಚೆನೆ ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕೆರ್, ಹೆಚ್ಚುವರಿ ಪೊಲೀಸ್ ಅಧೀಕ್ಷಕೆರ್, ಒಡಿಪು ಜಿಲ್ಲೆ ಬೊಕ್ಕ ಪೊಲೀಸ್ ಉಪಾಧೀಕ್ಷಕೆರ್, ಕಾರ್ಲ ಉಪ ವಿಭಾಗ ಬೊಕ್ಕ ವೃತ್ತ ನಿರೀಕ್ಷಕೆರ್, ಕಾರ್ಲ ವೃತ್ತ ನಿರ್ದೇಶನಡ್ ಹೆಬ್ರಿ ಠಾಣಾ ಪಿ ಎಸ್ ಐ ಸುದರ್ಶನ್ ದೊಡಮನಿ ಮೆರೆನ ಮಾರ್ಗದರ್ಶನಡ್ ಸಿ ಎಚ್ ಸಿ ಸುರೇಶ್ ಎಚ್ ಬೊಕ್ಕ ಸಿಪಿಸಿ ಸದಾನಂದ ಕಾರ್ಯಾಚರಣೆಡ್ ಪಾಲ್ ಪಡೆದಿತ್ತೆರ್.
ದಿಲ್ಲಿ: ಬೆಂಗ್ಲೂರ್-ಹುಬ್ಬಳ್ಳಿ ಸೇರ್ದ್ ದೇಶದ 5 ಮಾರ್ಗಲೆಡ್ ಪೊಸ ವಂದೇ ಭಾರತ್ ರೈಲ್ಗ್ ಜೂ.26 ಕ್ಕ್ ಪ್ರಧಾನಿ ನರೇಂದ್ರ ಮೋದಿ ಚಾಲನೆ ಕೊರಿಯರೆ ಉಲ್ಲೆರ್.
ಬೆಂಗ್ಲೂರ್-ಹುಬ್ಬಳ್ಳಿ. ಬೊಂಬಾಯಿ-ಗೋವಾ, ಪಟ್ನಾ-ರಾಂಚಿ, ಭೋಪಾಲ್-ಇಂದೋರ್ ಅಂಚನೆ ಭೋಪಾಲ್-ಜಬ್ಬಲ್ಪುರ ಮಾರ್ಗಡ್ ವಂದೇ ಭಾರತ್ ರೈಲ್ದ ಸವಾರಿಗ್ ಚಾಲನೆ ಕೊರಿಯರೆ ಉಂಡು. ಪ್ರಧಾನಿ ನರೇಂದ್ರ ಮೋದಿ ಮೇರ್ ವಿಡಿಯೋ ಕಾನ್ಫರೆನ್ಸಿಂಗ್ ಮುಕೇನ ಸೆಮಿ ಹೈಸ್ಪೀಡ್ ರೈಲು ಆಯಿನ ವಂದೇ ಭಾರತ್ ರೈಲು ಸೇವೆ ಉದಿಪನ ಮಲ್ಪರೆ ಉಲ್ಲೆರ್.
Five Vande Bharat trains ,including one in Karnataka to start from June 26 th
In Karnataka the Vande Bharat train will run between Bangalore and Hubli. The semi high speed Vande Bharat trains will be inaurated by PM Narendra Modi through tele conferencing.
ಫಿಲಿಪೈನ್ಸ್ ದ ಮಿಂಡೋರೊ ದ್ವೀಪಡ್ ಇನಿ ಬೊಲ್ಪುಗು 6.5 ಬಿರ್ಸ್ ದ ಭೂಕಂಪ ಆತ್ಂಡ್ ಪಂದ್ ಜರ್ಮನ್ ಭೂಕಂಪ ಕೇಂದ್ರ ತೆರಿಪಾದ್ಂಡ್.
ಅತ್ತಂದೆ ಮನಿಲಾಡ್ಲಾ ಭೂಮಿ ನಡ್ಗ್ ದ್ಂಡ್ ಪಂದ್ ಅಂತರಾಷ್ಟ್ರೀಯ ವರದಿ ತೆರಿಪಾದ್ಂಡ್. ಆಂಡ, ನೇರ್ದ್ ತೊಂದರೆ ಆಯಿನ ಬಗ್ಗೆ ನನ ತೆರಿದ್ ಬರೊಡಾತೆ.
