ಪಡುಬಿದ್ರೆ : ಬೊಂಬೈದ ಪುಗರ್ತೆದ ಸಮಾಜ ಸೇವಾ ಸಂಘಟನೆ ಶಿವಾಯ ಫೌಂಡೇಶನ್ (ರಿ) ಮುಂಬೈ ವತಿರ್ದ್ ಈ ವರ್ಷದ ಶೈಕ್ಷಣಿಕ ಸಹಾಯ, ಪ್ರತಿಭಾ ಪುರಸ್ಕಾರ, ವಿದ್ಯಾರ್ಥಿ ವೇತನ ಪಟ್ಟುನ “ವಿದ್ಯಾ ಪ್ರೇರಣಾ 2026” ಲೇಸ್ ಸೆ.27 ಐತಾರ ಮದ್ಯಾನ 12.30 ಗಂಟೆರ್ದ್ ಪಡ್ಡೆದ್ರದ ಬಂಟರ ಭವನದ ಕೃಷ್ಣ ಸುಧಾಮ ಸಭಾಂಗಣಡ್ ನಡಪರೆ ಉಂಡು.
ಮದ್ಯಾನ 2 ಗಂಟೆಗ್ ಸಭಾ ಕಾರ್ಯಕ್ರಮ ನಡಪರೆ ಉಂಡು. ಪಡ್ಡೆದ್ರ ಬಂಟರ ಸಂಘದ ಬಂಟ್ಸ್ ವೆಲ್ಫೇರ್ ಟ್ರಸ್ಟ್ ದ ಅಧ್ಯಕ್ಷೆರ್ ಡಾ.ವೈ.ಎನ್.ಶೆಟ್ಟಿ ಮೇರ್ ಲೇಸ್ ಉದಿಪನ ಮಲ್ಪುವೆರ್. ಒಡಿಯೂರು ಶ್ರೀ ಗುರು ದೇವಾನಂದ ಸ್ವಾಮೀಜಿ ಆಶೀರ್ವಚನ ಮಲ್ಪುವೆರ್. ಶಿವಾಯ ಫೌಂಡೇಶನ್ ದ ಗೌರವಾಧ್ಯಕ್ಷೆರ್ ನವೀನ್ಚಂದ್ರ ಜೆ ಶೆಟ್ಟಿ ಅಧ್ಯಕ್ಷತೆ ವಹಿಸೊನ್ವೆರ್.
ಮಲ್ಲ ಬಿನ್ನೆರಾದ್ ಡಾ. ದೇವಿ ಪ್ರಸಾದ್ ಶೆಟ್ಟಿ, ಯತಾರ್ಥ ಫೌಂಡರ್ ಈಶ್ವರ್ ಶೆಟ್ಟಿ, ಶಿವಾಯ ಫೌಂಡೇಶನ್ ಅಧ್ಯಕ್ಷೆರ್ ಪ್ರಶಾಂತ್ ಶೆಟ್ಟಿ ಪಲಿಮಾರು, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ಮಟ್ಟಾರ್ ರತ್ನಾಕರ ಶೆಟ್ಟಿ ಮೊಕುಲು ಮಾತ ಲೇಸ್ಡ್ ಪಾಲ್ ಪಡೆವೆರ್.
ಈ ಪೊರ್ತುಡು ನಿವೃತ್ತ ಶಿಕ್ಷಣಾಧಿಕಾರಿ ಬಿ. ವಿಠಲ ಶೆಟ್ಟಿ, ಹೋಟೆಲ್ ಉದ್ಯಮಿ ಸಂತೋಷ್ ಕುಮಾರ್ ಶೆಟ್ಟಿ ಮೊಕ್ಲೆಗ್ ಮಾನಾದಿಗೆ ನಡಪರೆ ಉಂಡು.
ಮನರಂಜನೆಗಾದ್ ಮದ್ಯಾನ 12.30 ಗಂಟೆರ್ದ್ ಡ್ರೀಮ್ ಬಾಯ್ಸ್ ಡ್ಯಾನ್ಸ್ ಗ್ಯಾಲರಿ ಕಾವೂರು ಮೊಕ್ಲೆರ್ದ್ ಗಾನ ನೃತ್ಯ ವೈಭವ ನಡಪರೆ ಉಂಡು. ಅಯಿರ್ದ್ ಬೊಕ್ಕ ವನಸ್ದ ವ್ಯವಸ್ಥೆ ಉಂಡು ಪಂದ್ ಶಿವಾಯ ಫೌಂಡೇಶನ್ ಪ್ರಕಟಣೆಡ್ ತೆರಿಪಾದ್ಂಡ್.