ಬೆದ್ರ: 2023ನೇ ಸಾಲ್ದ ರಾಷ್ಟ್ರಮಟ್ಟದ ನೀಟ್ ಪರೀಕ್ಷೆಡ್ ಆಳ್ವಾಸ್ ಪದವಿ ಪೂರ್ವ ಕಾಲೇಜ್ದ 1,733 ಕಲ್ಪಾರ್ಥಿಲು ಹಾಜರ್ ಆದಿತ್ತ್ದ್, ರಾಷ್ಟ್ರೀಯ ವೈದ್ಯಕೀಯ ಬೊಕ್ಕ ದಂತ ವೈದ್ಯಕೀಯ ವಿಭಾಗಡ್ 1,525 ಕಲ್ಪಾರ್ಥಿಲು ಪ್ರವೇಶಾತಿ ಅರ್ಹತೆನ್ ಪಡೆತ್ತೆರ್. ಶೇಕಡಾ 87.99 ಫಲಿತಾಂಶ ದಾಖಲ್ ಆತ್ಂಡ್.
ಒಟ್ಟು 720 ಮಾರ್ಕ್ಡ್ 650 ದ ಮಿತ್ತ್ 5 ಜನ ಕಲ್ಪಾರ್ಥಿಲು, 600 ದೆರ್ದ್ ಮಿತ್ತ್ 32 ಕಲ್ಪಾರ್ಥಿಲು, 500 ದೆರ್ದ್ ಎಚ್ಚ 206 ಕಲ್ಪಾರ್ಥಿಲು ಪಡೆದಿತ್ತ್ದ್, 400 ದೆರ್ದ್ ಮಸ್ತ್ ಮಾರ್ಕ್ನ್ 684 ಕಲ್ಪಾರ್ಥಿಲು ಪಡೆತ್ತೆರ್. ಮೊಕುಲು ಮಾತೆರ್ಲಾ ಸರಕಾರಿ ಜನರಲ್ ಕೋಟಾದ ಅಡಿಟ್ ಪ್ರವೇಶಾತಿನ್ ಪಡೆಯರೆ ಅರ್ಹತೆನ್ ಪಡೆತ್ತೆರ್ ಪಂದ್ ಆಳ್ವಾಸ್ ಶಿಕ್ಷಣ ಸಂಸ್ಥೆದ ಅಧ್ಯಕ್ಷೆರ್ ಡಾ ಎಂ ಮೋಹನ್ ಆಳ್ವ ತೆರಿಪಾದೆರ್.
pallavi shetty