June 2023

July 11 th: GST council meeting ಜುಲೈ 11: ಜಿಎಸ್ ಟಿ ಕೌನ್ಸಿಲ್ ಸಭೆ

ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಮೆರೆನ ಗುರ್ಕಾರ್ಮೆಡ್ ಜುಲೈ 11 ಕ್ಕ್ ಜಿಎಸ್ ಟಿ ಕೌನ್ಸಿಲ್ ಸಭೆ ನಡಪರೆ ಉಂಡು.

50 ನೇ ಜಿಎಸ್ ಟಿ ಸಭೆಟ್ಟ್ ಮಾತ ರಾಜ್ಯದ ಹಣಕಾಸು ಸಚಿವೆರ್ ಪಾಲ್ ಪಡೆಪುನ ನಿರೀಕ್ಷೆ ಉಂಡು. ಸಿಮೆಂಟ್, ಆನ್ ಲೈನ್ ಗೇಮ್ ದ ಮಿತ್ತ್, ಜಿಎಸ್ ಟಿ ಎಚ್ಚ, ಬಹುಪಯೋಗಿ ಗಾಡಿದ ಮಿತ್ತ್ ಜಿಎಸ್ ಟಿ ಪರಿಶೀಲನೆ ಸೇರಿನಂಚನೆ ಸುಮಾರ್ ಮಹತ್ವದ ನಿರ್ಧಾರನ್ ದೆತೊನುನ ನಿರೀಕ್ಷೆ ಉಂಡು. ಕರ್ನಾಟಕರ್ದ್ ಕಂದಾಯ ಸಚಿವೆರ್ ಕೃಷ್ಣ ಭೈರೇಗೌಡ ಪಾಲ್ ಪಡೆಯೆರೆ ಉಲ್ಲೆರ್.

July 11 th: GST council meeting

Central finance minister will preside over the GST council meeting on July 11th. Finance ministers from all states are expected to take part in the meeting.Minister Krishna Byregowda is expected to take part in the meeting.

Egypt to preserve the body of the killer shark responsible for the death of a Russian tourist in the Red sea waters ಜವನನ್ ಅಗ್ಗಿದ್ ತಿಂದಿನ ಶಾರ್ಕ್ ದ ದೇಹ ಮ್ಯೂಸಿಯಂಗ್!

ಈಜಿಪ್ಟ್ ದ ಹುರ್ಘಡಾದ ಕೆಂಪು ಕಡಲ್ ಡ್ ಜೂ. 8 ಕ್ಕ್ ನೀಂದೊಂದಿತ್ತಿನ ರಷ್ಯಾದ 23 ವರ್ಷದ ಪ್ರವಾಸಿ ವ್ಲಾದಿಮಿರ್ ಪೊಪೊವ್ ನ್ ಅಗ್ಗಿದ್ ತಿಂದ್ ದ್ ಪಾಡಿನ 10 ಅಡಿ ಉದ್ದದ ಟೈಗರ್ ಶಾರ್ಕ್ ದ ಮೃತದೇಹನ್ ವಸ್ತು ಸಂಗ್ರಹಾಲಯಡ್ ಸಂರಕ್ಷಣೆ ಮಲ್ಪೆರೆ ಈಜಿಪ್ಟ್ ತೀರ್ಮಾನ ಮಲ್ದ್ಂಡ್.

ಈ ಶಾರ್ಕ್ ದಾಳಿ ಮಲ್ತಿನ ಬೊಕ್ಕ ಶಾರ್ಕ್ ನ್ ಪತ್ತ್ ದ್ ನೆತ್ತ ಪರೀಕ್ಷೆಗ್ ಬೊಕ್ಕ ದಾಳಿದ ಕಾರಣನ ತೆರಿಯರೆ ಪ್ರಯೋಗಾಲಯಗ್ ಕಡಪಾದಿತ್ತೆರ್. ನೆತ್ತ ಬಂಜಿಡ್ ಸೈತಿನ ಪ್ರವಾಸಿನ ಕೆಲವೊಂಜಿ ದೇಹದ ಗುರ್ತ ಪತ್ತೆ ಆತ್ಂಡ್ ಪಂದ್ ಅಧಿಕಾರಿಲು ತೆರಿಪಾದೆರ್.

ಇನ್ಸಿಟ್ಯೂಟ್ ಆಫ್ ಮರೈನ್ ಸೈನ್ಸ್ ಬೊಕ್ಕ ರೆಡ್ ಸೀ ರಿಸರ್ವ್ ದ ತಂತ್ರಜ್ಞೆರ್ ಇತ್ತೆ ಶಾರ್ಕ್ ದ ದೇಹ ಸಂರಕ್ಷಣೆ ಮಲ್ಪುನ ಬೇಲೆ ಸುರು ಮಲ್ದೆರ್ ಎಂದು ವರದಿ ತೆರಿಪಾದ್ಂಡ್. ಪ್ರಕ್ರಿಯೆ ಮತ ಮುಗಿನ ಬೊಕ್ಕ ವಸ್ತು ಸಂಗ್ರಹಾಲಯಡ್ ಶಾರ್ಕ್ ದ ದೇಹನ್ ಪ್ರದರ್ಶನಗ್ ದೀಪೆರ್ ಪಂದ್ ತೆರಿದ್ ಬೈದ್ಂಡ್.

ಈ ಬಗೆಟ್ ವ್ಲಾದಿಮಿರ್ ಪೊಪೊವ್ ಮೆರೆನ ಅಪ್ಪ ಯರ್ರೆ ಪೊಪೊವ್ ಪಾತೆರ್ದ್, ”ವಿಶ್ರಾಂತಿ ಪಡೆಯೆರೆ ಕಡಲ್ ದ ಬರಿಕ್ಕ್ ಪೋದಿತ್ತ, ಮಿಂದೊಂದು ಇತ್ತಿನ ಮಗನ ಮಿತ್ತ್ ಶಾರ್ಕ್ ದಾಳಿ ಮಲ್ದ್ಂಡ್. ಮಾತಲ ಕೇವಲ 20 ಸೆಕೆಂಡ್ ಡ್ ನಡತ್ಂಡ್. ಎಂಕ್ ದಾಲ ಮಲ್ಪೆರೆ ಆಯಿಜಿ. ನಿಜವಾದ್ಲಾ ಉಂದು ಸುರಕ್ಷಿತ ಬೀಚ್. ಮುಲ್ಪ ನೇರ್ದ್ ದುಂಬು ಇಂಚಿನ ಘಟನೆ ಏಪಲ ನಡತಿಜಿ. ಆಂಡ ಇತ್ತೆ ಸುತ್ತಲ ಹಡಗು, ನೌಕೆ ಇತ್ತ್ಂಡಲ ಈ ಘಟನೆ ನಡತ್ಂಡ್ ಪಂದ್ ಪಂಡೆರ್.

No electricity in Puttur section tomorrow due to repair work on the lines ಎಲ್ಲೆ ಪುತ್ತೂರ್ ಕೇಂದ್ರದ ಲೈನ್ ದಕ್ಲೆಗ್ ಕರೆಂಟ್ ಇಜ್ಜಿ

ಪುತ್ತೂರ್: ತುರ್ತು ಕಾಮಗಾರಿ ಇಪ್ಪುರ್ನೆದಾವೆರ 110/33/11ಕೆವಿ ಪುತ್ತೂರ್ ಕರೆಂಟ್ ಕೇಂದ್ರ ಲೈನ್ ದ ಕಬಕ, ಕೆದಿಲ ಬೊಕ್ಕ ನಗರ ಫೀಡರ್‌ ಡ್ (ಜೂ.17) ಎಲ್ಲೆ ಬೊಲ್ಪುಗು 10 ಗಂಟೆರ್ದ್ ಮಧ್ಯಾಹ್ನ 2 ಮುಟ್ಟ ಕರೆಂಟ್ ಇಪ್ಪುಜಿ.

ಅಂಚಾದ್ 110/33/11 ಕೆ.ವಿ ಪುತ್ತೂರು ಕರೆಂಟ್ ಕೇಂದ್ರದ ಲೈನ್ ದ ಫೀಡರ್‌ ರ್ದ್ ಕರೆಂಟ್ ಸರಬರಾಜು ಆಪಿನ ನಗರ, ಕಬಕ, ಕೊಡಿಪ್ಪಾಡಿ, ಬನ್ನೂರು, ಬಲ್ನಾಡು, ನವನಗರ, ವಿವೇಕಾನಂದ ಕಾಲೇಜ್ ಪರಿಸರ, ಪಡ್ಡಾಯೂರು ಗ್ರಾಮದ ಕರೆಂಟ್ ಗಲಸುನಕುಲು ಸಹಕಾರ ಮಲ್ಪೊಡು ಪಂದ್ ಮೆಸ್ಕಾಂ, ನಗರ ಉಪವಿಭಾಗದ ಸಹಾಯಕ ಕಾರ್ಯನಿರ್ವಾಹಕ ಇಂಜಿನಿಯರ್ ತೆರಿಪಾದೆರ್.

Clash between two youth in Suratkal – one person sustains knife injury ಸುರತ್ಕಲ್ ಡ್ ರಡ್ಡ್ ಜವನೆರೆನ ಲಡಾಯಿ; ಒರಿಯಗ್ ಬಿಸತ್ತಿದ ಪೆಟ್ಟ್

ಸುರತ್ಕಲ್ ದ ಜನತಾ ಕಾಲನಿದ ಪಲ್ಲಿದ ಕೈತಲ್ ಗುರುವಾರ ರಾತ್ರಿ ರಡ್ಡ್ ಜವನೆರೆನ ನಡುಟ್ಟು ಲಡಾಯಿ ಆದ್ ಒರಿ ಕುಡೊರಿಯಗ್ ಬಿಸತ್ತಿ ಪಾಡಿನ ಘಟನೆ ನಡತ್ಂಡ್.

ಸುರತ್ಕಲ್ ಕಾನ ಕಾಲನಿ ನಿವಾಸಿ ಮುಹಮ್ಮದ್ ಶಾಫಿ (35) ಮೆರೆಗ್ ಕಾನ ಕಾಲನಿ ಪರಿಸರದ ಮುಹಮ್ಮದ್ ತ್ವಾಹಿರ್ (24) ಬಿಸತ್ತಿ ಪಾಡ್ ದ್ ಬಲಿತ್ ದೆರ್ ಪಂದ್ ತೆರಿದ್ ಬೈದ್ಂಡ್.

ಮುಹಮ್ಮದ್ ಶಾಫಿ ಮೆರೆನ ಬೆರಿ ಬೊಕ್ಕ ಕೈಕ್ಕ್ ಪೆಟ್ಟಾದ್, ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದು ಉಲ್ಲೆರ್. ಈ ಬಗೆಟ್ ಸುರತ್ಕಲ್ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

Radio Manipal to air ” Sangeetha Patha” series program ರೇಡಿಯೊ ಮಣಿಪಾಲಡ್ ‘ಸಂಗೀತ ಪಾಠ’ ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ ಡ್ ಸಂಗೀತ ಶಿಕ್ಷಕೆರ್ ಕಾವ್ಯಶ್ರೀ ಸೀತಾರಾಮ ಆಚಾರ್ಯ ಕೊಡವೂರು ನಡಪಾದ್ ಕೊರ್ಪಿನ “ಕಾವ್ಯಗಾನ-ಸಂಗೀತ ಪಾಠ” ಲೇಸ್ ದ 12ನೇ ಸಂಚಿಕೆ ಜೂನ್ 16 ಸುಕ್ರಾರ ಬಯ್ಯಗ್ 5.30 ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಕಲ್ಪಾರ್ಥಿಯಾದ್ ಪುಟಾಣಿ ಅನಘ ಪಾಲ್ ಪಡೆಯೆರೆ ಉಲ್ಲೆರ್. ಬೊಕ್ಕ ಜೂನ್ 17 ಸನಿಯಾರ ಮಧ್ಯಾಹ್ನ 1.30ಕ್ಕ್ ಕುಡೊರ ಪ್ರಸಾರ ಆಪುಂಡು.

Mega movie “Adipurush” to be released today ಇನಿ ಆದಿಪುರುಷ್ ಪಿಕ್ಚರ್ ಬುಡುಗಡೆ

ಪ್ರಭಾಸ್ ಅಭಿನಯದ ಪಿಕ್ಚರ್ ಆದಿಪುರುಷ್ ಇನಿ ದೇಶ ಇಡೀ ಬುಡುಗಡೆ ಆಯೆರೆ ಉಂಡು.

ರಾಮಾಯಣದ ಅರಣ್ಯಕಾಂಡ ಬೊಕ್ಕ ಉತ್ತರಕಾಂಡಗ್ ಆಧೆರಿತ್ ದ್ ಈ ಪಿಕ್ಚರ್ ನ್ ಮಲ್ದೆರ್. ಪ್ರಭಾಸ್ ರಾಮೆಯಾದ್, ಕೃತಿ ಸೆನಾನ್ ಸೀತೆಯಾದ್, ದೇವದತ್ ನಾಗರೆ ಹನುಮಂತೆಯಾದ್, ಸನ್ನಿ ಸಿಂಗ್ ಲಕ್ಷ್ಮಣೆಯಾದ್ ನಟನೆ ಮಲ್ದೆರ್. ಓಂ ರಾವತ್ ನಿರ್ದೇಶನಡ್ ಮಲ್ತಿನ ಈ ಪಿಕ್ಚರ್ ಗ್ ಅಜಯ್-ಅತುಲ್ ಸಂಗೀತ ಕೊರ್ತೆರ್.

Reshma Shetty Goruru selected as President of “Akhila Karnataka 2 nd Mahila Yuva Sammelana” ಅಖಿಲ ಕರ್ನಾಟಕದ 2ನೇ ಮಹಿಳಾ ಯುವ ಸಮ್ಮೇಳನ ಅಧ್ಯಕ್ಷೆರಾದ್ ರೇಷ್ಮಾ ಶೆಟ್ಟಿ ಗೊರೂರು ಆಯ್ಕೆ

ಹಾಸನ: ಕನಕಶ್ರೀ ಪ್ರಕಾಶನ ಬ್ಯಾಕೋಡ ಮೆರೆನ ಆಯೋಜನೆಡ್, ಕರ್ನಾಟಕ ರಕ್ಷಣಾ ವೇದಿಕೆ ಸ್ವಾಭಿಮಾನಿ ಸೇನೆ ದಾವಣಗೆರೆ ಮೆರೆನ ಸಹಕಾರಡ್ ಜೂನ್ 18 ಕ್ಕ್ ದಾವಣಗೆರೆತ್ತ ರಂಗಮಹಲ್ ಡ್ ನಡಪರೆ ಇಪ್ಪುನ ಲೇಸ್ ಡ್ ಅಖಿಲ ಕರ್ನಾಟಕದ ರಡ್ಡನೇ ಮಹಿಳಾ ಯುವ ಸಮ್ಮೇಳನದ ಅಧ್ಯಕ್ಷೆರಾದ್ ಕಾರ್ಲ ತಾಲೂಕ್ ದ ಎಣ್ಣೆ ಹೊಳೆತ್ತ ರೇಷ್ಮಾ ಶೆಟ್ಟಿ ಗೊರೂರು ಮೆರೆನ್ ಆಯ್ಕೆ ಮಲ್ದ್ಂಡ್ ಪಂದ್ ಕನಕಶ್ರೀ ಪ್ರಕಾಶನ ಬ್ಯಾಕೋಡದ ಮುಖ್ಯಸ್ಥೆರ್ ಸಿದ್ದರಾಮ ನೀಲಜಗಿ ಮೇರ್ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.

ರೇಷ್ಮಾ ಶೆಟ್ಟಿ ಗೊರೂರು ಮೇರ್ ಯುವ ಸಾಹಿತಿ ಆದ್ ಇತ್ತೆ ಮೆರೆನ ರಡ್ಡ್ ಕೃತಿಲು ಬುಡುಗಡೆ ಆತ್ಂಡ್. ಕುಡ ರಡ್ಡ್ ಕೃತಿ ತಯಾರ್ ಆವೊಂದು ಉಂಡು. ಮೇರ್ ಜನಮಿಡಿತ ಪತ್ರಿಕೆದ ಹಾಸನ ಜಿಲ್ಲೆದ ಪ್ರತಿನಿಧಿ ಆತೆರ್. ಅತ್ತಂದೆ ತನ್ನ ಬರವು, ಲೇಸ್ ದ ಸುಧಾರಿಕೆ, ಪತ್ರಿಕಾ ಮಾಧ್ಯಮದ ಮುಖೇನ ಗುರುತಿಸಾಯಿನ ಮೇರ್ ಸುಮಾರ್ ರಾಜ್ಯ ಬೊಕ್ಕ ರಾಷ್ಟ್ರಮಟ್ಟದ ಪುರಸ್ಕಾರನ್ ಪಡೆತೆರ್.

ಅತ್ತಂದೆ ಅಖಿಲ ಕರ್ನಾಟಕ ಸಾಹಿತ್ಯ ಸಮ್ಮೇಳನ ಸಮಿತಿದ ರಾಜ್ಯ ಕಾರ್ಯದರ್ಶಿ, ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ ಗೊರೂರು ಘಟಕದ ಸಂಚಾಲಕೆರಾದ್, ಇಂಚ ಸುಮಾರ್ ಸಂಘಟನೆಡ್ ಉಲ್ಲೆರ್. ಮೆರೆನ ಈ ಬಹುಮುಖ ಪ್ರತಿಭೆನ್ ಗುರುತಿಸಾದ್ ಮೆರೆನ್ ಮಹಿಳಾ ಯುವ ಸಮ್ಮೇಳನ ಅಧ್ಯಕ್ಷೆರಾದ್ ಆಯ್ಕೆ ಮಲ್ದೆರ್.

Boat capsizes in Greece, hundreds missing ಗ್ರೀಸ್ ಡ್ ಓಡ ಮುರ್ಕುದು ನೂದೆರ್ದ್ ಎಚ್ಚ ಜನ ನಾಪತ್ತೆ

ಗ್ರೀಸ್ ದ ಕರಾವಳಿಡ್ ಓಡ ಮುರ್ಕುದು ನೂದೆರ್ದ್ ಎಚ್ಚ ಜನ ನಾಪತ್ತೆ ಆತೆರ್ ಪಂದ್ ಕೋಸ್ಟ್ ಗಾರ್ಡ್ ಅಧಿಕಾರಿಲು ಪಂತೆರ್.

ಅಕ್ಲೆಗಾದ್ ರಕ್ಷಣಾ ಕಾರ್ಯಾಚರಣೆ ನಡತೊಂದು ಪಂದ್ ತೆರಿದ್ ಬೈದ್ಂಡ್. ಲಿಬಿಯಾರ್ದ್ ಇಟಲಿಗ್ ಪ್ರಯಾಣಿಕೆರೆಗ್ ಲೆತೊಂದು ಪೋನಗ ಈ ಘಟನೆ ನಡತ್ಂಡ್. ನೆಟ್ಟ್ 79 ಜನ ತೀರ್ ಪೋತೆರ್, 104 ಜನನ್ ರಕ್ಷಣೆ ಮಲ್ದೆರ್. ಈ ಓಡಡ್ ಸುಮಾರ್ 600-700 ಜನ ಇತ್ತೆರ್ ಪಂದ್ ವರದಿ ಆತ್ಂಡ್.

Boat capsizes in Greece, hundreds missing

In a boat disaster on the coasts of Greece hundreds were missing informed coast guard officers.Rescue operations are in progress to pull out survivors on this boat ferrying illegal migrants from Libiya to Italy.

Agitation against the Congress government from today in connection with taking back of ” Matantara Nisheda Kayde” ಕಾಂಗ್ರೆಸ್ ಸರ್ಕಾರದ ವಿರುದ್ಧ ಇನಿರ್ದ್ ಪೊರ್ಂಬಾಟ

ಮತಾಂತರ ನಿಷೇಧ ಕಾಯ್ದೆನ್ ಪಿರ ದೆತೊನಿಯೆರೆ ಕಾಂಗ್ರೆಸ್ ಸರ್ಕಾರ ನಿರ್ಧಾರ ಮಲ್ತಿನ ಬಗೆಟ್ ಹಿಂದೂ ಸಂಘಟನೆಲು ಇನಿರ್ದ್ ರಾಜ್ಯ ಇಡೀ ಪೊರ್ಂಬಾಟ ಮಲ್ಪೆರೆ ದುಂಬಾತೆರ್.

ವಿಶ್ವ ಹಿಂದೂ ಪರಿಷತ್ ಮುತಾಲಿಕೆಡ್ ಬೆಂಗ್ಲೂರ್ ದ ಫ್ರೀಡಂ ಪಾರ್ಕ್ ಡ್ ಇನಿ ಬಯ್ಯಗ್ 5 ಗಂಟೆಗ್ ಮಲ್ಲ ಪೊರ್ಂಬಾಟ ನಡಪರೆ ಉಂಡು.

ಮತಾಂತರ ನಿಷೇಧ ಕಾಯ್ದೆನ್ ಪಿರ ದೆತೊನಿಯೆರೆ ನಿರ್ಧಾರ ಮಲ್ತಿನೆಕ್ಕ್ ಬಿಜೆಪಿಲ ಬೆಚ್ಚ ಆತ್ಂಡ್. ಅತ್ತಂದೆ ಮತ ಜಿಲ್ಲೆಡ್ ಪೊರ್ಂಬಾಟ ಮಲ್ಪುವ ಪಂದ್ ಪಂತ್ಂಡ್.