ಪೊಸೊಡಿದ ಶ್ರೀ ಕ್ಷೇತ್ರ ಈಶ್ವರಗೋಳಿಡ್ ಗೌಜಿಡ್ ನಡತ್ಂಡ್ ನೇಮ
ಪೊಸೊಡಿದ (ಹೊಸಬೆಟ್ಟು) ಶ್ರೀ ಕ್ಷೇತ್ರ ಈಶ್ವರಗೋಳಿದ ಮಣ್ಣ್ ಡ್ ನೇಮ ಫೆ.17-19 ಮುಟ್ಟ ನಡತ್ಂಡ್.
ಈ ಲೇಸ್ ಭಾರೀ ಪೊರ್ಲುಡೇ ಗೌಜಿಡ್ ನಡತ್ಂಡ್. ಭಕ್ತಾದಿಲು ಎಚ್ಚದ ಸಂಖ್ಯೆಡ್ ಸೇರ್ದ್ ದೈವೊಲೆನ ಕೃಪೆಗ್ ಪಾತ್ರರಾಯೆರ್.
February 2023
ವಾಟ್ಸಾಪ್ ಡಿಪಿ ಪಾಡರೆ ಇಜ್ಜಿ: ಪೊಸ ರೂಲ್ಸ್..!
ನನ ದುಂಬಗ್ ಪೊಲೀಸ್ ದಕುಲು ಅಕ್ಲೆನ್ ವಾಟ್ಸಾಪ್ ಡಿಪಿಡ್ ವೈಯಕ್ತಿಕ ಫೋಟೋ ಪಾಡಿಯೆರೆ ಇಜ್ಜಿ ಪನ್ಪುನ ಪೊಸ ರೂಲ್ಸ್ ಜಾರಿಗ್ ಬೈದ್ಂಡ್.
ಬೆಂಗ್ಲೂರ್ ಆಗ್ನೇಯ ವಿಭಾಗ ವ್ಯಾಪ್ತಿದ ಪೊಲೀಸೆರ್ ಗೆ ಈ ರೂಲ್ಸ್ ಬೈದ್ಂಡ್. ಡಿಪಿದ ಬದಲ್ ಗ್ ಇಲಾಖೆದ ಲೋಕಸ್ಪಂದನ ಪನ್ಪುನ QR ಕೋಡ್ ಪಾಡೊಡು. DCP CK ಬಾಬಾ ಈ ಪ್ರಯೋಗಗ್ ದುಂಬಾತೆರ್. ಅತ್ತಂದೆ ಸಾರ್ವಜನಿಕೆರೆರ್ದ್ ಬರ್ಪಿನ ಫೋನ್ ಕಾಲ್ ನ್ ಕಡ್ಡಾಯವಾದ್ ದೆಪ್ಪೊಡು. ಎಲ್ಲೆರ್ದೆ ಈ ನಿಯಮ ಜಾರಿಗ್ ಬರ್ಪುಂಡು. ನಿಯಮ ತತ್ತ್ ನಕ್ಲೆನ ಮಿತ್ತ್ ಜೋರ್ದ ಕ್ರಮ ದೆತೊನಿಯೆರೆ ಉಂಡು ಪಂದ್ ತೆರಿಪಾದೆರ್.
ದಿಲ್ಲಿ-ಬೊಂಬಾಯಿ ಎಕ್ಸ್ಪ್ರೆಸ್ ಹೈವೇಡ್ ರಡ್ಡ್ ಚಕ್ರದ ಗಾಡಿ ತೋಜಿದ್ ಬತ್ತ್ಂಡ 5 ಸಾರ ರೂ. ದಂಡ
ದಿಲ್ಲಿ: ದೇಶದ ಮಾಮಲ್ಲ ಉದ್ದದ ದಿಲ್ಲಿ-ಬೊಂಬೈ ಎಕ್ಸ್ಪ್ರೆಸ್ ಹೈವೇಡ್ ರಡ್ಡ್ ಚಕ್ರದ ಗಾಡಿ ತೋಜಿದ್ ಬತ್ತ್ಂಡ 5 ಸಾರ ರೂ. ದಂಡನ್ ಪಾಡಿಯರೆ ಉಲ್ಲೆರ್.
ಫೆ.15 ಕ್ಕ್ ಪ್ರಧಾನಿ ಮೋದಿ 246 ಕಿ.ಮೀ ದಿಲ್ಲಿ-ಬೊಂಬಾಯಿ ಎಕ್ಸ್ಪ್ರೆಸ್ನ್ ಉದಿಪನ ಮಲ್ತ್ದಿತ್ತೆರ್. ಲೋಕಾರ್ಪಣೆ ಆಯಿಬೊಕ್ಕ ಬೈಕ್ ಸವಾರೆರ್ ಬೊಕ್ಕ ಸೈಕಲ್ ಸವಾರೆರ್ ಈ ಮಾರ್ಗಡ್ ಪೋವೊಂದುಲ್ಲೆರ್. ಈ ಮಾರ್ಗಡ್ 120 ಕಿ.ಮೀ ಬಿರ್ಸ್ಡ್ ಸವಾರಿ ಮಲ್ಪರೆ ಅನುಮತಿ ಕೊರ್ಂಡಲ ಗಾಡಿಲು ಅಯಿರ್ದ್ ಎಚ್ಚದ ಬಿರ್ಸ್ಡ್ ಪೋವೊಂದುಲ್ಲೆರ್. ಈ ಹೈವೇಡ್ 4 ಚಕ್ರ ಬೊಕ್ಕ ಅಯಿರ್ದ್ ಎಚ್ಚ ಚಕ್ರದ ಗಾಡಿಲೆಗ್ ಮಾತ್ರ ಪೋಯರೆ ಅವಕಾಶ. ಅಂಚಾದ್ ರಡ್ಡ್ ಚಕ್ರದ ಗಾಡಿ ತೋಜಿದ್ ಬತ್ತ್ಂಡ ಪೊಲೀಸೆರ್ 5 ಸಾರ ದಂಡ ಪಾಡಿಯೆರ ಉಲ್ಲೆರ್.
Uncategorized
ಉಡುಪಿದ ಸುದ್ದಿ | Udupi News
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಮಿಷಿನ್ ದ ಓಡಗ್ 25,000 ಕಿ.ಲೀ ಡೀಸೆಲ್ ಎಚ್ಚ ಕೊರಿಯರೆ ಸರ್ಕಾರ ಆದೇಶ
ಒಡಿಪು: ಮೀನುಗಾರಿಕೆ ಮಲ್ಪುನ ಮಿಷಿನ್ ದ ಓಡಲೆಗ್ ತೆರಿಗೆ ದಾಂತಿನ 25,000 ಕಿಲೋ ಲೀಟರ್ ಡೀಸೆಲ್ 2022-23 ನೇ ಸಾಲ್ಗ್ ಎಚ್ಚ ಆದ್ ಕೊರಿಯರೆ ಸರ್ಕಾರ ಆದೇಶ ಮಲ್ತ್ಂದ್ಂಡ್.
ಈ ಪಿರವು ಸರ್ಕಾರ ಕರರಹಿತ ಡೀಸೆಲ್ನ್ ಡೆಲಿವೆರಿ ಪಾಯಿಂಟ್ಡ್ ದೀಯರೆ ಆದೇಶಿಸಾದಿತ್ತ್ದ್, 2022-23 ನೇ ಸಾಲ್ದ ಆರ್ಥಿಕ ವರ್ಷ ಏಪ್ರಿಲ್ರ್ದ್ ಅನ್ವಯ ಆಪಿಲೆಕ್ಕ ಓಡಲೆಗ್ ವಾರ್ಷಿಕ ಕರರಹಿತ ಡೀಸೆಲ್ದ ಮಿತಿನ್ 1.50 ಲಕ್ಷ ಕಿಲೋ ಲೀಟರ್ ದೀತೆರ್.
ಮೀನುಗಾರೆರ್ನ ಈ ಪ್ರಮುಖ ಬೇಡಿಕೆನ್ ಈಡೇರಿಸಾಯಿನ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಮೆರೆಗ್ ಅಂಚನೆ ಕೇಂದ್ರ ಕೃಷಿ ಬೊಕ್ಕ ರೈತರ ಕಲ್ಯಾಣ ರಾಜ್ಯ ಸಚಿವೆರ್ ಆಯಿನ ಶೋಭಾ ಕರಂದ್ಲಾಜೆ ಮೆರೆಗ್ ಬೊಕ್ಕ ಮೀನುಗಾರಿಕೆ ಬಂದರು ಬೊಕ್ಕ ಒಳನಾಡು ಜಲ ಸಾರಿಗೆ ಸಚಿವೆರ್ ಎಸ್. ಅಂಗಾರ ಮೆರೆಗ್ ಶಾಸಕೆರ್ ಕೆ ರಘುಪತಿ ಭಟ್ ಸೊಲ್ಮೆ ಸಂದೈತ ಮಲ್ತೆರ್.
ಅಭಯಚಂದ್ರೆರ್ ನಮಕ್ ಮಾತೆರೆಗ್ಲಾ ಮಾದರಿ: ವಸಂತ ಬೆರ್ನಾಡ್
ಬೆದ್ರ : ಕರಿನ ಐನ್ ವರ್ಷೊರ್ದಿಂಚಿ ಮುಲ್ಕಿ -ಬೆದ್ರ ವಿಧಾನಸಭೆ ಕ್ಷೇತ್ರಡ್ ಕಾಂಗ್ರೆಸ್ ಪಕ್ಷದ ಪ್ರಶ್ನಾತೀತ ನಾಯಕೆರಾದ್ ಕೆ. ಅಭಯ ಚಂದ್ರ ಮೇರ್ ಇಪ್ಪುನಗ ಮೇರ್ ಕಾರ್ಯಕರ್ತೆರೆಗ್ ಕೊರ್ಪಿನ ಪ್ರೀತಿಯೇ ಅರೆಗ್ ತಿಕ್ಕುನ ಮಲ್ಲ ಗೌರವಗ್ ಕಾರಣ ಪಂದ್ ಕೆಪಿಸಿಸಿ ಸದಸ್ಯೆರ್ ಎಚ್ ವಸಂತ್ ಬೆರ್ನಾಡ್ ಪಂಡೆರ್.
ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷದ ರಾಷ್ಟ್ರೀಯ ಕಾರ್ಯಕಾರಣಿ ಸಮಿತಿ (ಎಐಸಿಸಿ) ಸದಸ್ಯೆರಾದ್ ನೇಮಕ ಆಯಿನ ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಮೆರೆನ್ ಅರೆನ ಇಲ್ಲಡ್ ಭೇಟಿ ಮಲ್ತ್ ದ್ ಮಾನಾದಿಗೆ ಮಲ್ತ್ ದ್ ಆರ್ ಪಾತೆರಿಯೆರ್. ಈ ಪೊರ್ತುಡು ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಪ್ರಧಾನ ಕಾರ್ಯದರ್ಶಿ ಮಂಜುನಾಥ ಕಂಬಾರ, ಬ್ಲಾಕ್ ಪದಾಧಿಕಾರಿ ಶಮೀರ್ ಕೆ ಎಸ್ ರಾವ್ ನಗರ, ಸೇವಾದಳದ ರಾಜ್ಯ ಸದಸ್ಯೆರ್ ಧರ್ಮಾನಂದ ಶೆಟ್ಟಿಗಾರ್ ಇತ್ತೆರ್.
ಮಾ.24-25: ಚೆಂಬುಗುಡ್ಡೆ ಶ್ರೀ ಕೊರಗ ತನಿಯ ಸೇವಾ ಸಮಿತಿದ ಮುತಾಲಿಕೆಡ್ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ, 46 ನೇ ವರ್ಷದ ಕೋಲ
ಕೆರೆಬೈಲ್ ಗುಡ್ಡೆ: ಚೆಂಬುಗುಡ್ಡೆ ಶ್ರೀ ಕೊರಗ ತನಿಯ ಸೇವಾ ಸಮಿತಿದ ಮುತಾಲಿಕೆಡ್ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ಬೊಕ್ಕ 46 ನೇ ವರ್ಷದ ಕೋಲ ಮಾ.24-25 ಮುಟ್ಟ ನಡಪರೆ ಉಂಡು.
ಮಾ.24 ಸುಕ್ರಾರ ಬೊಲ್ಪುಗು ಗಣಹೋಮ, ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ, ಮಧ್ಯಾಹ್ನ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ಕೈತಲ್ ದ ಯುವ ಪ್ರತಿಭೆಲೆರ್ದ್ ಜಾನಪದ ನೃತ್ಯ, ರಾತ್ರೆ ಧಾರ್ಮಿಕ ಸಭಾ ಲೇಸ್ ಆದ್ ಅವು ದಾಲಾ ಆಪುಜಿ ತುಳು ನಾಟಕ ನಡಪರೆ ಉಂಡು. ಮಾ.25 ಸನಿಯಾರ ರಾತ್ರೆ ಗುಳಿಗ, ಕೊರಗ ತನಿಯ ದೈವೊದ ಕೋಲ ನಡಪರೆ ಉಂಡು ಪಂದ್ ಚೆಂಬುಗುಡ್ಡೆ ಶ್ರೀ ಕೊರಗ ತನಿಯ ಸೇವಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಮಾ.4-7: ಸೂಟರ್ ಪೇಟೆ ಶ್ರೀ ಕೋರ್ದಬ್ಬು ದೈವೊಲ್ಯಡ್ ವರ್ಷಾಧಿದ ನೇಮ
ಕುಡ್ಲ: ಸೂಟರ್ ಪೇಟೆ ಶ್ರೀ ಕೋರ್ದಬ್ಬು ದೈವೊಲ್ಯಡ್ ಶ್ರೀ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವೊಲೆನ ವರ್ಷಾಧಿದ ನೇಮ ಮಾ.4-7 ಮುಟ್ಟ ನಡಪರೆ ಉಂಡು.
ಮಾ.1 ಬುಧಾರ ನಾಗದೇವೆರೆನ ಪ್ರತಿಷ್ಠೆ ಬೊಕ್ಕ ನಾಗ ದರ್ಶನ ನಡಪರೆ ಉಂಡು. ಮಾ.3 ಶುಕ್ರಾರ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
ಫೆ.27-ಮಾ.2: ಕೊಂಡಪ್ಪಾಡಿ ಶ್ರೀ ಅನಂತಪದ್ಮನಾಭ ದೇವಲ್ಯಡ್ ಬ್ರಹ್ಮಕಲಶ ಉಚ್ಚಯ
ಕಡಬ: ಕೊಂಡಪ್ಪಾಡಿ ಶ್ರೀ ಅನಂತಪದ್ಮನಾಭ ದೇವಲ್ಯಡ್ ಬ್ರಹ್ಮಕಲಶ ಉಚ್ಚಯ ಬೊಕ್ಕ ಪ್ರತಿಷ್ಠಾ ದಿನಾಚರಣೆ ಫೆ.27-ಮಾ.2 ಮುಟ್ಟ ನಡಪರೆ ಉಂಡು.
ಕಾಣಿಯೂರು ಮಠತ ಕುಲಗುರು ಶ್ರೀ ವಿದ್ಯಾವಲ್ಲಭ ತೀರ್ಥ ಸಾಮೀಜಿನ ಆಶೀರ್ವಾದೊಟ್ಟಿಗೆ, ಕೆಮ್ಮಿಂಜೆ ನಾಗೇಶ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ ವಿಧಿ ವಿಧಾನ ನಡಪರೆ ಉಂಡು. ಫೆ.27 ಕ್ ಬೊಲ್ಪುಗು ಉಗ್ರಾಣ ಮೂರ್ತ, ಪುದೆಕಾಣಿಕೆ ಸಮರ್ಪಣೆ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ಶ್ರೀ ಕ್ಷೇತ್ರದ ತಂತ್ರಿಲೆಗ್ ಬೊಕ್ಕ ಋತ್ವಿಜರೆಗ್ ಪೂರ್ಣಕುಂಭ ಸ್ವಾಗತ, ರಾತ್ರೆ ವಾಸ್ತುಹೋಮ, ವಾಸ್ತುಬಲಿ, ಮಹಾಪೂಜೆ ನಡಪರೆ ಉಂಡು. ಫೆ.28 ಕ್ ಬಯ್ಯಗ್ ಧಾರ್ಮಿಕ ಸಭೆ ನಡಪರೆ ಉಂಡು. ರಾತ್ರೆ ಸಾಂಸ್ಕೃತಿಕ ಲೇಸ್ ನೃತ್ಯ ಸಂಭ್ರಮ ನಡಪರೆ ಉಂಡು. ಮಾ.1 ಕ್ಕ್ ಬ್ರಹ್ಮಕಲಶ ಸೇವೆ, ಚಂಡಿಕಾಯಾಗ ಸೇವೆ, ವಿಷ್ಣುಯಾಗ ಸೇವೆ ನಡಪರೆ ಉಂಡು. ಮಾ.2 ಕ್ ಬೊಲ್ಪುಗು ಪ್ರತಿಷ್ಠಾ ದಿನಾಚರಣೆ, ಮಧ್ಯಾಹ್ನ ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು. ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ದುರ್ಗಾಪೂಜೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಪರ್ಲತ್ತಾಯ ಪ್ರತಿಷ್ಠಾನದ ಅಧ್ಯಕ್ಷೆರ್ ವೆಂಕಟರಾಜ ನಗರಿ, ಮೊಕ್ತೇಸರೆರ್ ಗೋಕುಲ ಪಿ. ಎಸ್ ಲೆಪ್ಪೋಲೆಡ್ ತೆರಿಪಾದೆರ್.
ಮಾ.3-7: ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರಡಿಡ್ ಸಹಸ್ರ ಕುಂಭಾಭಿಷೇಕ, ನಾಗಬ್ರಹ್ಮ ಮಂಡಲ ಉಚ್ಚಯ
ಕುಡ್ಲ: ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರಡಿದ 150 ನೇ ವರ್ಷದ ಸಂಬುರ್ಮದ ನಿಲೆಟ್ಟ್ ಶ್ರೀ ಕ್ಷೇತ್ರೊಡು ಮಾ.3-7 ಮುಟ್ಟ ಒಂಜಿ ಸಾರ ತಾರಾಯಿದ ಗಣಯಾಗ, ಸಹಸ್ರ ಕುಂಭಾಭಿಷೇಕ, ನಾಗಬ್ರಹ್ಮ ಮಂಡಲ ಉಚ್ಚಯ ನಡಪರೆ ಉಂಡು.
ಕ್ಷೇತ್ರದ ಪ್ರಧಾನ ಅರ್ಚಕೆರ್ ಕೆ. ವಾಸುದೇವ ಶಾಂತಿ ಮೆರೆನ ತಮೇರಿಡ್ ಬಿ. ಗಂಗಾಧರ ಶಾಂತಿ ಮೆರೆನ ಮುತಾಲಿಕೆಡ್ ಬೊಕ್ಕ ಶ್ರೀ ನಾರಾಯಣ ವೈದಿಕ ಸಮಿತಿ ಕುಡ್ಲ ಮೊಕ್ಲೆನ ಒಟ್ಟುಸೇರಿಗೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಅಂಚೆನೆ ಪ್ರತಿದಿನಲ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರೊಡಿದ ಅಧ್ಯಕ್ಷೆರ್ ಕೆ. ಚಿತ್ತರಂಜನ್, ಮೆನೇಜರ್ ಜೆ. ಕಿಶೋರ್ ಕುಮಾರ್, ಕಂಕನಾಡಿ ಗರಡಿ 150ನೇ ವರ್ಷದ ಸಂಭ್ರಮ ಸಮಿತಿದ ಎಂ. ಮೋಹನ್ ಉಜ್ಜೋಡಿ, ಆಡಳಿತ ಮೊಕ್ತೇಸರೆರ್, ಪ್ರತಿನಿಧಿ ಸದಸ್ಯೆರ್ ಬೊಕ್ಕ ಬೇತೆ ಬೇತೆ ಸಮಿತಿಲೆನ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಮಾ.3-7: ಬೆಳಾಲು ಶ್ರೀ ಮಾಯ ಮಹಾದೇವ ದೇವಲ್ಯಡ್ ವರ್ಷಾಧಿದ ಜಾತ್ರೆ
ಬೊಲ್ತೇರ್: ಬೆಳಾಲು ಶ್ರೀ ಮಾಯ ಮಹಾದೇವ ದೇವಲ್ಯಡ್ ವರ್ಷಾಧಿದ ಜಾತ್ರೆ ಮಾರ್ಚ್ 3-7 ಮುಟ್ಟ ನಡಪರೆ ಉಂಡು.
ಅಂಬಾಡಿ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ ವಿಧಿ ವಿಧಾನ ನಡಪರೆ ಉಂಡು.
ಮಾ.3 ಸುಕ್ರಾರ ಬೊಲ್ಪುಗು ಗಣ ಓಮ, ಮಾಯಗುತ್ತುದ ಇಲ್ಲಡ್ ಶಾರಿ ಪಾಡ್ದ್ ಕೈಲ್ ಕಡ್ಪರೆ, ಗ್ರಾಮಸ್ಥೆರೆರ್ದ್ ಪುದೆ ಕಾಣಿಕೆ ಸಮರ್ಪಣೆ, ಬಾಲೆ ಮುಟ್ಟಿಕಲ್ಲ್ ಪಾದಪೂಜೆ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ತೋರಣ ಮೂರ್ತ, ಸಾಂಸ್ಕೃತಿಕ ಲೇಸ್, ಕೊಡಿ ಏರಿಯೆರೆ, ಉಗ್ರಾಣ ದಿಂಜಾಯೆರೆ, ಪೂಜೆ ಬಲಿ, ಭಕ್ತಿ-ಭಾವ-ಸಂಗೀತ, ಬೊಕ್ಕ ಅಮ್ಮ ಕಲಾವಿದೆರ್ ಕುಡ್ಲ ಅಭಿನಯದ ಅಲೆ…ಬುಡಿಯೆರ್ ಗೇ ತುಳು ನಾಟಕ ನಡಪರೆ ಉಂಡು. ಮಾ.4 ಬೊಲ್ಪುಗು ಗಣ ಓಮ, ಕಲಶಪೂಜೆ, ಭಜನೆ, ಮಧ್ಯಾಹ್ನ ಮಹಾಪೂಜೆ, ಸಾರ್ವಜನಿಕ ಅನ್ನಸಂತರ್ಪಣೆ, ರಾತ್ರೆ ದುರ್ಗಾಪೂಜೆ, ಕೈತಲ್ ದ ಜೋಕುಲೆರ್ದ್ ಸಾಂಸ್ಕೃತಿಕ ಲೇಸ್, ನಮ್ಮ ಜವನೆರ್ ಕಲಾತಂಡ ಮಾಯ ಫ್ರೆಂಡ್ಸ್ ಮೊಕ್ಲೆರ್ದ್ ರಾಂಪನ ಗಮ್ಮತ್ತ್, ನೃತ್ಯ ವೈಭವ ಬೊಕ್ಕ ಶಿವಲೀಲಾ ಯಕ್ಷಗಾನ ನಡಪರೆ ಉಂಡು. ಮಾ.5 ಕ್ ಬೊಲ್ಪುಗು ಗಣ ಓಮ, ಸುಡರ ಬಲಿ ಉಚ್ಚಯ, ಭಜನೆ, ರಾತ್ರೆ ಪೂಜೆ, ಚಂದ್ರಮಂಡಲ ಉಚ್ಚಯ, ವಸಂತ ಕಟ್ಟೆ ಪೂಜೆ, ನೃತ್ಯ ವೈಭವ, ಶ್ರೀ ವಿಷ್ಣು ಕಲಾವಿದೆರ್ ಮದ್ದಡ್ಕ ಮೊಕ್ಲೆರ್ದ್ ಆಯೆ ಏರಾದಿಪ್ಪು ತುಳು ನಾಟಕ ನಡಪರೆ ಉಂಡು. ಮಾ.6 ಬೊಲ್ಪುಗು ಗಣ ಓಮ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಪಲ್ಲಪೂಜೆ, ಬಯ್ಯಗ್ ಭಕ್ತಿ-ಗಾನ-ಸುಧೆ, ರಾತ್ರೆ ಮಾಯ ಗುತ್ತು ಇಲ್ಲರ್ದ್ ಕೊಡಮಣಿತ್ತಾಯ ಬೊಕ್ಕ ಪರಿವಾರ ದೈವೊಲೆನ ಭಂಡಾರ ಬರಿಯೆರೆ ಉಂಡು. ರಾತ್ರೆ ಪೂಜೆ, ತೇರ್ ಒಯಿಪೆರೆ, ಶ್ರೀ ಭೂತ ಬಲಿ ಬೊಕ್ಕ ಶಯನ ಉಚ್ಚಯ ನಡಪರೆ ಉಂಡು. ಮಾ.7 ಬಯ್ಯಗ್ ಕೊಡಿ ಜಾದ್ ರಾತ್ರೆ ರಂಗಪೂಜೆ, ಕೊಡಮಣಿತ್ತಾಯ ಬೊಕ್ಕ ಪರಿವಾರ ದೈವೊಲೆನ ನೇಮಬಲಿ, ಗುತ್ತುದ ಇಲ್ಲಗ್ ಭಂಡಾರ ಪೋವೆರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ದೈವ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಉಜಿರೆ ಶ್ರೀ ಜನಾರ್ದನ ಸ್ವಾಮಿ ದೇವಲ್ಯದ ಅಧ್ಯಕ್ಷೆರ್ ಆಡಳಿತ ಮೊಕ್ತೇಸರೆರ್ ಯು. ವಿಜಯರಾಘವ ಪಡ್ವೆಟ್ನಾಯ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಎಚ್ ಪದ್ಮಗೌಡ, ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್, ಗೌರವ ಮಾರ್ಗದರ್ಶಕೆರ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಡಿ. ಹರ್ಷೇಂದ್ರ ಕುಮಾರ್ ಬೊಕ್ಕ ಮಾತ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.