Tue. Jun 30th, 2026

February 18, 2023

ಫೆ.21-28: ಸಚ್ಚೇರಿಪೇಟೆ ಶ್ರೀ ಮಹಾಮ್ಮಾಯೀ ಸಾಂಸ್ಕೃತಿಕ ಸೇವಾ ಸಮಿತಿದ ಮುತಾಲಿಕೆಡ್ ಸಾಂಸ್ಕೃತಿಕ ಲೇಸ್

ಸಚ್ಚೇರಿಪೇಟೆ ಶ್ರೀ ಮಹಾಮ್ಮಾಯೀ ಸಾಂಸ್ಕೃತಿಕ ಸೇವಾ ಸಮಿತಿದ ಮುತಾಲಿಕೆಡ್ ಮುಂಡ್ಕೂರು ಕಜೆ ಶ್ರೀ ಮಹಮ್ಮಾಯೀ ಅಮ್ಮನ ವರ್ಷದ ಮಾರಿಪೂಜೆದ ಲೆಕ್ಕೊಡು ಸಾಂಸ್ಕೃತಿಕ ಲೇಸ್ ಫೆ.21-28 ಮುಟ್ಟ ನಡಪರೆ ಉಂಡು.

ಫೆ.21 ಅಂಗಾರೆ ಬಯ್ಯಗ್ ಪ್ರಸನ್ನ ಶೆಟ್ಟಿ ಸಾರಥ್ಯಡ್ ಚೈತನ್ಯ ಕಲಾವಿದೆರ್ ಬೈಲೂರು ಮೊಕ್ಲೆರ್ದ್ ವಾರ್ಡ್ ನಂಬರ್-2 ತುಳು ನಾಟಕ ನಡಪರೆ ಉಂಡು. ಫೆ.22 ಬುಧಾರ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ನಾಗವೃಜ ಕ್ಷೇತ್ರ ಪಾವಂಜೆ ಮೊಕ್ಲೆರ್ದ್ ಕೃಷ್ಣಲೀಲೆ ಕಂಸವಧೆ ಚೂಡಾಮಣಿ ಆಟ ನಡಪರೆ ಉಂಡು. ಫೆ.23 ಗುರುವಾರ ಶಾರದ ಆರ್ಟ್ಸ್ ಕಲಾವಿದೆರ್ ಮಂಜೇಶ್ವರ ಕಲಾವಿದೆರ್ದ್ ತುಳುನಾಡ ದೀಪಕ್ ರೈ ಪಾಣಾಜೆ ಅಭಿನಯದ ನಿತ್ಯೆ ಬನ್ನಗ ತುಳು ನಾಟಕ ನಡಪರೆ ಉಂಡು. ‌ಫೆ.24 ಸುಕ್ರಾರ ಥಂಡರ್ ಗೈಸ್ ಬಜಪೆ ಮೊಕ್ಲೆರ್ದ್ ನೃತ್ಯ ವೈವಿಧ್ಯ ನಡಪರೆ ಉಂಡು. ಫೆ.25 ಸನಿಯಾರ ಬಯ್ಯಗ್ ಸಚ್ಚೇರಿಪೇಟೆದ ಶ್ರೀ ಮಹಾಮ್ಮಾಯೀ ಅಮ್ಮನ ಅಶ್ವತ್ಥಕಟ್ಟೆಡ್ 19ನೇ ವರ್ಷದ ಸಾರ್ವಜನಿಕ ಶ್ರೀ ಶನೈಶ್ವರ ಪೂಜೆ ಆದ್ ರಾತ್ರೆ ಅನ್ನಸಂತರ್ಪಣೆ ನಡಪರೆ ಉಂಡು. ಈ ಲೇಸ್ ಮುಂಡ್ಕೂರು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಪ್ರಧಾನ ಅರ್ಚಕೆರಾಯಿನ ರಾಮದಾಸ ಆಚಾರ್ಯ ಮೆರೆನ ಉಪಸ್ಥಿತಿಡ್ ನಡಪರೆ ಉಂಡು. ಕೆ. ಕೃಷ್ಣಮೂರ್ತಿ ಆಚಾರ್ಯ ಕಿನ್ನಿಮುಲ್ಕಿ ಒಡಿಪು ಸಾರಥ್ಯಡ್ ಶ್ರೀ ಕೃಷ್ಣ ಕಲಾವಿದೆರ್ ಒಡಿಪು ಮೊಕ್ಲೆರ್ದ್ ಆ ಇಲ್ಲಡ್ ತುಳು ನಾಟಕ ನಡಪರೆ ಉಂಡು. ‌ಫೆ.26 ಐತಾರ ಬೊಳ್ಳಿ ಬೊಲ್ಪು ಕಲಾವಿದೆರ್ ಸಚ್ಚೇರಿಪೇಟೆ ಮೊಕ್ಕೆರ್ದ್, ರಮೇಶ್ ಆಚಾರ್ಯ ನೂರಲ್ ಬೆಟ್ಟು ರಚನೆ ಮಲ್ತಿನ ಶರತ್ ಶೆಟ್ಟಿ ಸಚ್ಚೇರಿಪೇಟೆ ನಿರ್ದೇಶನದ ಗಳಿಗೆದುಲಾಯಿ ತುಳು ನಾಟಕ ನಡಪರೆ ಉಂಡು. ಫೆ.27 ಸೋಮಾರ ಯಕ್ಷಗಾನ ತಾಳಮದ್ದಳೆ ಶ್ರೀ ಶನೈಶ್ವರ ಮಹಾತ್ಮೆ ನಡಪರೆ ಉಂಡು. ಫೆ.28 ಅಂಗಾರೆ ಬಯ್ಯಗ್ ಕ್ಷೇತ್ರರ್ದ್ ಸಚ್ಚೇರಿಪೇಟೆದ ಅಶ್ವತ್ಥ ಕಟ್ಟೆಗ್ ಶ್ರೀ ಮಹಾಮ್ಮಾಯೀ ಅಮ್ಮನ ಶೋಭಾಯಾತ್ರೆ ಬರಿಯೆರೆ ಉಂಡು. ಬೊಕ್ಕ ಸ್ವರಾಧ್ಯ ಮ್ಯೂಸಿಕಲ್ ಮೊಕ್ಲೆರ್ದ್ ಸಂಗೀತ ರಸಮಂಜರಿ, ಕೈತಲ್ ದ ಪ್ರತಿಭೆಲೆರ್ದ್ ನೃತ್ಯ ವೈವಿಧ್ಯ, ಸ್ವಾತಿ ಕೃಷ್ಣಾನಂದ ಭಟ್ ಬೊಕ್ಕ ಶ್ರುತಿಪ್ರಿಯಾ ಮಂಡ್ಯ ಕೂಟದಕ್ಲೆರ್ದ್ ನಾಟ್ಯಾಂಜಲಿ ನಡಪರೆ ಉಂಡು. ಬೊಕ್ಕ ಪೊಸ್ರಾಲು ಶ್ರೀ ಮಹಾಲಿಂಗೇಶ್ವರ ಯಕ್ಷಗಾನ ಕಲಾಮಂಡಳಿ ಸಚ್ಚೇರಿಪೇಟೆ ಮೊಕ್ಲೆರ್ದ್ ಯಕ್ಷಗಾನ ಬಯಲಾಟ ಅತೀ ನೂತನ ಪ್ರಸಂಗ ನಡಪರೆ ಉಂಡು. ಈ ಮಾತ ಲೇಸ್ ಗ್ ಮಾತೆರ್ಲಾ ಎಚ್ಚ ಸಂಖ್ಯೆಡ್ ಪಾಲ್ ಪಡೆವೊಡು ಪಂದ್ ಸಚ್ಚೇರಿಪೇಟೆ ಶ್ರೀ ಮಹಾಮ್ಮಾಯೀ ಸಾಂಸ್ಕೃತಿಕ ಸೇವಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್, ಸಚ್ಚೇರಿಪೇಟೆ ಸಾರ್ವಜನಿಕ ಶ್ರೀ ಶನೈಶ್ವರ ಪೂಜಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

February 27th: The 28th annual program of Matru Friends , Bellarpadi(R) ಫೆ.27:ಮಾತೃ ಫ್ರೆಂಡ್ಸ್ ಬೆಳ್ಳರ್ಪಾಡಿ (ರಿ.) ನೆತ್ತ 28 ನೇ ವರ್ಷದ ಉಚ್ಚಯ

ಒಡಿಪು: ಮಾತೃ ಫ್ರೆಂಡ್ಸ್ ಬೆಳ್ಳರ್ಪಾಡಿ (ರಿ.) ನೆತ್ತ 28 ನೇ ವರ್ಷದ ಉಚ್ಚಯ ಫೆ.27 ಸೋಮಾರ ಬಯ್ಯಗ್ 6:30 ಕ್ ಬೆಳ್ಳರ್ಪಾಡಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಮೈದಾನಡ್ ನಡಪರೆ ಉಂಡು.

ಸುರುಕು ಪ್ರಾರ್ತನೆ, ಬೊಕ್ಕ ನೃತ್ಯ ಲೇಸ್ ನಡಪರೆ ಉಂಡು. ಅವೆರ್ದ್ ಬೊಕ್ಕ ಸಭಾ ಲೇಸ್ ನಡಪುಂಡು. ಈ ಲೇಸ್ ಡ್ ಕೇಮಾರು ಮಠತ ಶ್ರೀ ಈಶವಿಠಲದಾಸ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಸಭಾಧ್ಯಕ್ಷತೆನ್ ಮಾಜಿ ಸಚಿವೆರ್ ವಿನಯ್ ಕುಮಾರ್ ಸೊರಕೆ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಮುನಿಯಾಲು ಉದಯ ಕೃಷ್ಣಯ್ಯ ಶೆಟ್ಟಿ ಚಾರಿಟೇಬಲ್ ಟ್ರಸ್ಟ್ ದ ಅಧ್ಯಕ್ಷೆರ್ ಮುನಿಯಾಲು ಉದಯ ಕುಮಾರ್ ಶೆಟ್ಟಿ, ಉದ್ಯಮಿ, ಪ್ರವೀಣ್ ಪೂಜಾರಿ, ಸಂತೋಷ್ ಕುಲಾಲ್ ಪಕ್ಕಾಲ್, ಚರಣ್ ವಿಠಲ್ ಕುದಿ, ದೀಪಕ್ ಕೋಟ್ಯಾನ್, ಶಶಿಧರ್ ಜತ್ತನ್, ಹಿರಿಯಡ್ಕ ಠಾಣಾಧಿಕಾರಿ ಅನಿಲ್, ಪೆರ್ಡೂರು ಬಂಟರ ಸಂಘದ ಅಧ್ಯಕ್ಷೆರ್ ಶಾಂತರಾಮ ಸೂಡ, ಕುಕ್ಕೆಹಳ್ಳಿ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಸುಧಾಕರ ಶೆಟ್ಟಿ ತಂಗಣ, ಕಿರಣ್ ಕುಮಾರ್ ಹೆಗ್ಡೆ, ಹಿಂದೂ ಜನಸೇವಾ ಟ್ರಸ್ಟ್ ದ ಅಧ್ಯಕ್ಷೆರ್ ಶಿವಕುಮಾರ್ ಕರ್ಜೆ, ಬೆಳ್ಳರ್ಪಾಡಿ ಸಮಗ್ರ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಶಿವರಾಮ ಶೆಟ್ಟಿ, ಬೆಳ್ಳರ್ಪಾಡಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಮುಖ್ಯೋಪಾಧ್ಯಾಯೆರ್ ಸುರೇಶ್ ನಾಯ್ಕ್, ಒಡಿಪು ಜಿಲ್ಲೆದ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಶಬರೀಶ್ ಸುವರ್ಣ ಬರಿಯೆರೆ ಉಲ್ಲೆರ್ ಪಂದ್ ಅಧ್ಯಕ್ಷೆರ್ ಅಜೇಯ ಕುಲಾಲ್, ಪ್ರಧಾನ ಕಾರ್ಯದರ್ಶಿ ರಘುರಾಮ ಪ್ರಭು, ಕೋಶಾಧಿಕಾರಿ ದಯೇಶ್ ಭಂಡಾರಿ ಲೆಪ್ಪೋಲೆಡ್ ತೆರಿಪಾದೆರ್. ‌

ಫೆ.19: ತಲಪಾಡಿ ರಾಮ ಮಂದಿರಡ್ ಸ್ವರ್ಗೀಯ ಜ್ಯೋತಿಷ್ಯ್ ಶ್ರದ್ಧಾಂಜಲಿ ಪುಷ್ಪಾರ್ಚನ ಲೇಸ್

ಹಿಂದೂ ಜಾಗರಣ ವೇದಿಕೆ ತಲಪಾಡಿ ಘಟಕ ಬೊಕ್ಕ ಜೋ ಟೀಮ್ ತಲಪಾಡಿ ನೆತ್ತ ಒಟ್ಟುಸೇರಿಗೆಡ್ ಸ್ವರ್ಗೀಯ ಜ್ಯೋತಿಷ್ಯ್ ಶದ್ಧಾಂಜಲಿ ಅಂಚೆನೆ ಪುಷ್ಪಾರ್ಚನೆ ಲೇಸ್ ಫೆ.19 (ಎಲ್ಲೆ) ಬೊಲ್ಪುಗು 8:30 ಕ್ ತಲಪಾಡಿ ರಾಮ ಮಂದಿರಡ್ ನಡಪರೆ ಉಂಡು.


ಈ ಲೇಸ್ ಗ್ ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಪಾಲ್ ಪಡೆವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

12 cheetahs brought down to Madhya Pradesh from South Africa ದಕ್ಷಿಣ ಆಫ್ರಿಕಾರ್ದ್ ಮಧ್ಯಪ್ರದೇಶಗ್ ಬತ್ತ್ಂಡ್ 12 ಚೀತಾ

ಗ್ವಾಲಿಯರ್: ದಕ್ಷಿಣ ಆಫ್ರಿಕಾರ್ದ್ 12 ಚೀತಾಲೆನ್ ವಾಯುಪಡೆತ್ತ ವಿಮಾನ ಮಧ್ಯಪ್ರದೇಶಗ್ ಕನದ್ಂಡ್.

ನೆಟ್ಟ್ ಏಳ್ ಆಣ್ ಬೊಕ್ಕ ಐನ್ ಪೊಣ್ಣು ಚೀತಾ ಉಂಡು. ಉಂದು ಮಧ್ಯಪ್ರದೇಶದ ಕುನೊ ರಾಷ್ಟ್ರೀಯ ಉದ್ಯಾನವನಡ್ ಕೆಲವು ದಿನ ಕ್ವಾರಂಟೈನ್ ಡ್ ಇಪ್ಪುಂಡು. ನೆರ್ದ್ ದುಂಬು ನಮೀಬಿಯಾರ್ದ್ ಎಡ್ಮ ಚೀತಾಲೆನ್ ಕನದ್ಂಡ್.

12 cheetahs brought down to Madhya Pradesh from South Africa

Gwalior: 12 cheetahs were brought down to Madhya Pradesh from South Africa in an Airforce Aircraft. They were released into the Kuno wildlife sanctuary in Madhya Pradesh.

Padmashree awardee singer Pandit Vijaya Kumar no more ಪದ್ಮಶ್ರೀ ಪುರಸ್ಕೃತೆರ್ ಗಾಯಕೆ ಪಂಡಿತ್ ವಿಜಯ್ ಕುಮಾರ್ ನನ ನೆಂಪು ಮಾತ್ರ

ಪದ್ಮಶ್ರೀ ಪುರಸ್ಕೃತೆರ್ ಪುಗರ್ತೆದ ಶಾಸ್ತ್ರೀಯ ಸಂಗೀತ ಗಾಯಕೆ ಪಂಡಿತ್ ವಿಜಯ್ ಕುಮಾರ್ ಕಿಚ್ಲು (93) ಕೋಲ್ಕತ್ತಾದ ಆಸ್ಪತ್ರೆಡ್ ತೀರ್ ಪೋಯೆರ್.

ಮೆರೆನ ಉಸುಲ್ ದ ತೊಂದರೆ ಉಂಡು ಪಂದ್ ಆಸ್ಪತ್ರೆಗ್ ಲೆತೊಂದು ಬೈದೆರ್. ಈ ಪೊರ್ತುಡು ತಿಗಲೆ ಬೇನೆಡ್ ತೀರ್ ಪೋತೆರ್ ಪಂದ್ ವೈದ್ಯೆರ್ ತೆರಿಪಾದೆರ್. 1930 ಟ್ ಪುಟ್ಟಿನ ಮೇರ್ ಸಹೋದರೆ ರವಿ ಕಿಚ್ಲುನೊಟ್ಟಿಗೆ ಸಂಗೀತ ಕಚೇರಿ ಕೊರೊಂದು ಇತ್ತೆರ್. ITC ಸಂಗೀತ ಸಂಶೋಧನಾ ಅಕಾಡೆಮಿದ ಸಂಸ್ಥಾಪಕೆರಾಯಿನ ಕಿಚ್ಲುಗ್ 2018 ಟ್ ಪದ್ಮಶ್ರೀ ಪ್ರಶಸ್ತಿ ಬೈದ್ಂಡ್.

Padmashree awardee singer Pandit Vijaya Kumar no more

Padmashree awardee Classical music singer Pandit Vijaya Kumar Kichula (93) died in Kolkata today.He was the founder of ITC Music research akademi and was awarded the Padma award in 2018.

Bulgaria: 18 dead bodies found in a truck ಬಲ್ಗೇರಿಯಾ: ಟ್ರಕ್ ಡ್ 18 ಪುನ ಪತ್ತೆ!

ಬಲ್ಗೇರಿಯಾ ರಾಜಬೂಡು ಸೋಫಿಯಾರ್ದ್ ಪಿದಯಿದ ಜಾಗೆಡ್ 18 ವಲಸೆ ಕಾರ್ಮಿಕೆರ್ನ ಪುನ ಇತ್ತಿನ ಟ್ರಕ್ ನ್ ಅಧಿಕಾರಿಲು ಪತ್ತೆ ಮಲ್ದೆರ್.

ಈ ಟ್ರಕ್ ಡ್ ಇತ್ತಿನ 40 ಜನಟ್ 18 ಜನ ತೆನಸ್, ಆಮ್ಲಜನಕ ಇಜ್ಜಂದೆ ಪ್ರಾಣ ಕಳೆವೊಂದೆರ್ ಪಂದ್ ಅಧಿಕಾರಿಲು ತೆರಿಪಾದೆರ್. ಒರಿನಕ್ಲೆನ ಸ್ಥಿತಿ ಮಸ್ತ್ ಗಂಭೀರ ಆತ್ಂಡ್. ಮೊಕುಲು ಮಾತ ಅಫ್ಘಾನಿಸ್ತಾನರ್ದ್ ವಲಸೆ ಬತ್ತಿನ ಕಾರ್ಮಿಕೆರ್ ಪಂದ್ ಕೈತಲ್ ದ ಮಾಧ್ಯಮ ತೆರಿಪಾದ್ಂಡ್.

Bulgaria: 18 dead bodies found in a truck

Bulgaria: In the outskirts of capital city of Bulgaria, Sophia official traced a truck with dead bodies of 18 migrant workers.More than 40 persons were in the truck and were migrant workers from Afghanistan.The condition of others is also not stable said sources.

Cine actor Shahnawaz Pradhan dies of a heart attack ತಿಗಲೆ ಬೇನೆಡ್ ತೀರ್ ಪೋಯೆರ್ ಚಿತ್ರ ನಟೆ ಶಹನವಾಜ್ ಪ್ರಧಾನ್

ಬೊಂಬೈ: ಮಿರ್ಜಾಪುರ ಪಿಚ್ಚರ್ ದ ಪುಗರ್ತೆದ ನಟೆ ಶಹನವಾಜ್ ಪ್ರಧಾನ್ ತಿಗಲೆ ಬೇನೆಡ್ ತೀರ್ ಪೋಯೆರ್.

ಮೇರ್ ಪಿಚ್ಚರ್ ಬೊಕ್ಕ ಧಾರಾವಾಹಿಡ್ ಅಭಿನಯ ಮಲ್ದೆರ್. ಇಲ್ಲಲ್ ಇತ್ತಿನ ಮೆರೆನ್ ತಿಗಲೆ ಬೇನೆ ಬತ್ಂಡ್ ಪಂದ್ ಕೂಡ್ಲೆ ಬೊಂಬೈದ ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ‌ಆಂಡ ಚಿಕಿತ್ಸೆ ಫಲಕಾರಿ ಅವಂದೆ ಆಸ್ವತ್ರೆಡೇ ತೀರ್ ಪೋಯೆರ್ ಪಂದ್ ತೆರಿದ್ ಬೈದ್ಂಡ್.

Cine actor Shahnawaz Pradhan dies of a heart attack

Mumbai: Cine star Shahnawaz Pradhan died of a heart attack today.
He was well known on the small screen as well as films.He shot to fame for his role in the movie Mirzapur .

Radio Manipal to air a story telling series ರೇಡಿಯೊ ಮಣಿಪಾಲ್ ಡ್ ಕಥೆ ಕೇಳೋಣ ಕೂಪೆ

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ಒಡಿಪು ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 42ನೇ ಸಂಚಿಕೆ ಫೆ.18 ಸನಿಯಾರ ಬಯ್ಯಗ್ 4.30ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಸಾಹಿತ್ಯಾಸಕ್ತೆರ್ ಬೊಕ್ಕ ಚೆಂಡೆವಾದಕೆರ್ ಮಾಲತಿ ರಮೇಶ್ ಭಂಡಾರಿ ಕೆಮ್ಮಣ್ಣು ಪಾಲ್ ಪಡೆಯೆರೆ ಉಲ್ಲೆರ್. ನನ ಫೆ.19 ಮಧ್ಯಾಹ್ನ 12.30ಕ್ ಮರುಪ್ರಸಾರ ಆಪುಂಡು.

Radio Manipal to air a story telling series

Manipal Radio Manipal and Kannada Sahitya Parishad, Udupi division will air the 42 nd episode of story telling series on Saturday evening 4.30 p.m.

Kedarnath temple to open on April 25th ಎಪ್ರಿಲ್ 25ಕ್ ಕೇದಾರನಾಥ ದೇವಲ್ಯದ ಬಾಕಿಲ್ ಜಪ್ಪರೆ

ಡೆಹ್ರಾಡೂನ್: ಕೇದರನಾಥ ದೇವಲ್ಯದ ಬಾಕಿಲ್ ಎಪ್ರಿಲ್ 25ಕ್ ಜಪ್ಪರೆ ಉಂಡು ಪಂದ್ ಕೇದರನಾಥ ದೇವಲ್ಯ ಸಮಿತಿದ ಅಧ್ಯಕ್ಷೆರ್ ಅಜಯ್ ತೆರಿಪಾದೆರ್.

ಚಳಿಗಾಲದ ಪೊರ್ತುಡು ಈ ದೇವಲ್ಯದ ಬಾಕಿಲ್ ನ್ ಮುಚ್ಚುವೆರ್. ಭಾರತದ ಮಾತ ರಾಜ್ಯರ್ದ್ ಲಕ್ಷರ್ದ್ ಎಚ್ಚ ಭಕ್ತೆರ್ ಈ ಪವಿತ್ರ ಕೇದಾರನಾಥ ದೇವಲ್ಯಗ್ ಭೇಟಿ ಕೊರ್ಪೆರ್. ಪ್ರಕೃತಿ ರಮಣೀಯ ಜಾಗೆಡ್ ಈ ದೇವಲ್ಯ ಉಂಡು. ಇಡೇಗ್ ಬರ್ಪುನ ಭಕ್ತೆರ್ ನಡತೊಂದೇ ಬರೊಡು.

Kedarnath temple to open on April 25th

Dehradun: The doors of the holy shrine of Kedarnath will reopen on April 25th announced president of the Kedarnath Samithi Ajay .

The temple doors close down during the winter season due to hostile weather conditions.Lakhs of devotees visit the temple during summer.

February 17 th -19th: Nema at Shri Kshetra-Eshwaragoli ಫೆ.17-19: ಶ್ರೀ ಕ್ಷೇತ್ರ ಈಶ್ವರಗೋಳಿದ ನೇಮ

ಕುಳಾಯಿ: ಹೊಸಬೆಟ್ಟು ಶ್ರೀ ಕ್ಷೇತ್ರ ಈಶ್ವರಗೋಳಿದ ನೇಮ ಫೆ.17-19 ಮುಟ್ಟ ನಡಪರೆ ಉಂಡು.

ಫೆ.17 ಕ್ಕ್ ರಾತ್ರೆ 8 ಗಂಟೆಗ್ ಧರ್ಮರಸು ಉಳ್ಳಾಯ ದೈವೊದ ನೇಮ ಬೊಕ್ಕ ಬ್ರಹ್ಮ ಮುಗೇರ, ತನ್ನಿಮಾನಿಗ ದೈವೊದ ನೇಮ ನಡತ್ಂಡ್. ಫೆ.18 ಕ್ಕ್ ರಾತ್ರೆ ಮಹಾಂಕಾಳಿ ದೈವೊದ ನೇಮ ನಡಪುಂಡು. ಫೆ.19 ಕ್ಕ್ ಮಧ್ಯಾಹ್ನ ಮಂತ್ರಗುಳಿಗ ದೈವೊದ ನೇಮ, ರಾತ್ರೆ ಅಲೆರ ಪಂಜುರ್ಲಿ ದೈವೊದ ನೇಮ ನಡಪರೆ ಉಂಡು. ಅಂಚೆನೆ ಫೆ.10 ಕ್ಕ್ ಕೊರಗ ತನಿಯ ದೈವೊದ ನೇಮ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

February 17 th -19th: Nema at Shri Kshetra-Eshwaragoli

Kulai: Hosabettu Shri Kshetra-Eshwaragoli will conduct Nema rituals from Feb 17 -19 th.