February 16, 2023

Balipa Narayana Bhagavatha is no more ದೇವೆರೆ ಪಾದ ಸೇರಿಯೆರ್ ಬಲಿಪ ನಾರಾಯಣ ಭಾಗವತೆರ್

ಬೆದ್ರ : ಬಲಿಪ ಪರಂಪರೆದ, ತೆಂಕುತಿಟ್ಟುದ ಪೆರಿಯ ಭಾಗವತೆರ್, ಬಲಿಪ ಶೈಲಿನ್ ಲೋಕೊರ್ಮೆ ಪಸೆರಾದಿನ ಬಲಿಪ ನಾರಾಯಣ ಭಾಗವತೆರ್ ಇನಿ ದೇವೆರೆ ಪಾದೊ ಸೇರಿಯೆರ್.

ಕರಿನ 15 ದಿನೊರ್ದು ಹುಷಾರ್ ದಾಂತೆ ಇತ್ತಿನ ಮೇರ್ ಬೆದ್ರದ ಆಸ್ಪತ್ರೆಡ್ ಗುರುವಾರ ಈ ಲೋಕ ಬುಡ್ದು ಪೋಯೆರ್ ಪಂದ್ ತೆರಿದ್ ಬೈದ್ಂಡ್.
ಮೆರೆನ ನಿಧನೊರ್ದು ಬಲಿಪ ಪರಂಪರೆದ ಮಲ್ಲ ಒಂಜಿ ಕೊಲಿಕೆ ತತ್ತ್ ದ್ ಪೋಯಿ ಲೆಕ್ಕಾತ್ಂಡ್.
ಮೆರೆನ ನಿಧನೊಗು ಯಕ್ಷಗಾನ ಕ್ಷೇತ್ರದ ಮಾತಾ ಕಲಾವಿದೆರ್, ವಿದ್ವಾಂಸೆರ್ ಕಣ್ಣನೀರ ಪನಿ ಪಾಡ್ದೆರ್.

Balipa Narayana Bhagavatha is no more

Moodbidri: Senior Bagahavatar who advocated “Balipa” style expired today.
His death is a great loss to the Balipa tradition.

Former Footballer Tulasidas Balram no more ಫುಟ್ಬಾಲ್ ಮಾಜಿ ಆಟಗಾರೆ ತುಳಸೀದಾಸ್ ಬಲರಾಮ್ ನನ ನೆಂಪು ಮಾತ್ರ

ಏಷ್ಯನ್ ಗೇಮ್ಸ್ ಬಂಗಾರ್ ದ ಪದಕ ಗೆಂದಿನ ಫುಟ್ಬಾಲ್ ಆಟಗಾರೆ ಬೊಕ್ಕ ಒಲಿಂಪಿಯನ್ ತುಳಸೀದಾಸ್ ಬಲರಾಮ್ (87) ಹುಷಾರ್ ದಾಂತೆ ಫೆ.16 ಕ್ ಮಧ್ಯಾಹ್ನ 2 ಗಂಟೆಗ್ ತೀರ್ ಪೋಯೆರ್.

ಮೇರ್ ಉತ್ತರಪಾರಾದ ಹೂಗ್ಲಿ ತುದೆತ ಬರಿಟ್ಟ್ ಇಪ್ಪುನ ಫ್ಲ್ಯಾಟ್‌ಡ್ ಇತ್ತೆರ್. ಕರಿನ ವರ್ಷ ಡಿಸೆಂಬರ್ 26 ಕ್ ಆಸ್ಪತ್ರೆಗ್ ದಾಖಲ್ ಆದ್ ಚಿಕಿತ್ಸೆ ಪಡೆವೊಂದು ಇತ್ತೆರ್. ಆಂಡ ಆರೋಗ್ಯ ಸುಧಾರಿಸಂದೆ ಇನಿ ತೀರ್ ಪೋತೆರ್ ಪಂದ್ ಕುಟುಂಬದ ಕೈತಲ್ ದ ಮೂಲಲು ತೆರಿಪಾದ್ಂಡ್ ಪಂದ್ ಪಿಟಿಐ ವರದಿ ಮಲ್ದ್ಂಡ್. 1950 ಬೊಕ್ಕ 60 ನೇ ದಶಕಡ್ ಭಾರತದ ಫುಟ್‌ಬಾಲ್‌ದ ಸುವರ್ಣ ಪೀಳಿಗೆಗ್ ಸೇರಿನಾರ್. ಅಲ್ಪ ಚುನಿ ಗೋಸ್ವಾಮಿ ಬೊಕ್ಕ ಪಿಕೆ ಬ್ಯಾನರ್ಜಿನಂಚಿನ ದಿಗ್ಗಜೆರೆಗ್ ಜೋಡಿ ಆದಿತ್ತೆರ್. ಬೊಕ್ಕ ದೇಶದ ಫುಟ್‌ಬಾಲ್‌ದ ‘ಹೋಲಿ ಟ್ರಿನಿಟಿ’ ಪಂದೇ ಪುದರ್ ಪಡೆಯಿನಾರ್ ಆದಿತ್ತೆರ್.

Former Footballer Tulasidas Balram no more

Former Footballer Tulasidas Balram (87) who had won gold in the Asian games and also an Olympian expired on February 16 th.

Bangalore second slowest city in the world!! ಟ್ರಾಫಿಕ್ ಜಾಮ್ ಡ್ ಬೆಂಗ್ಲೂರ್ ಗ್ ಜಗತ್ತ್ ಡೇ ರಡ್ಡನೇ ತಾನ!

ಬೆಂಗ್ಲೂರ್ ಭಾರತದ ಸಿಲಿಕಾನ್ ವ್ಯಾಲಿ ಆಂಡಲ, ದುರದೃಷ್ಟರ್ದ್ ಟ್ರಾಫಿಕ್ ಜಾಮ್ ಇಪ್ಪುನೆರ್ದಾವರ ಎಡ್ಡೆ ಪುದರ್ ಪಡೆತಿಜಿ.

ಜಿಯೋಲೊಕೇಶನ್ ತಂತ್ರಜ್ಞಾನ ಸಂಸ್ಥೆ ಟಾಮ್ ಟಾಮ್ ನಡಪಾಯಿನ ಸಮೀಕ್ಷೆಡ್ ಜಗತ್ತ್ ಡ್ ಗಾಡಿನ್ ಮೆಲ್ಲ ಕೊನೊಪುನ ಪೇಂಟೆಲೆಡ್ ಬೆಂಗ್ಲೂರ್ ರಡ್ಡನೇ ತಾನ ಪಡೆತ್ಂಡ್. ಸುರುತ ತಾನಡ್ ಲಂಡನ್ ಉಂಡು. ಟ್ರಾಫಿಕ್ ದ ಪೊರ್ತುಡು ಕೇವಲ 10 ಕಿ.ಮೀ ಪೋವೆರೆ ಅರ್ಧ ಗಂಟೆರ್ದ್ ಎಚ್ಚ ಪೊರ್ತು ದೆತೊಂಡು ಪಂದ್ ಸಮೀಕ್ಷೆ ತೆರಿಪಾದ್ಂಡ್. ಕರಿನ ಸರ್ತಿ ಬೆಂಗ್ಲೂರ್ ಒಂಜಿನೇ ತಾನಡ್ ಇತ್ತ್ಂಡ್.

Bangalore second slowest city in the world!!

A multi national developer of traffic based technologies Tom Tom researched on traffic trends and declared that Banglore is the second slowest city in the world for drivers, following London that took the first place.
It took 29 minutes and 10 seconds to travel ten kms in Bangalore City.

Social worker Dinesh DVD returns back the gold found to its rightful owner ತಿಕಿನ ಬಂಗಾರ್ ನ್ ವಾರಸ್ದಾರೆರೆಗ್ ಮುಟ್ಟಾಯಿನ ಸಮಾಜ ಸೇವಕೆ ದಿನೇಶ್ ಡಿವಿಡಿ

ದಕ್ ದ್ ಪೋಯಿನ ಬಂಗಾರ್ದ್ ಬ್ರಾಸ್ ಲೆಟ್ ನ್ ಅಯಿತ್ತ ವಾರಸ್ದಾರೆರೆಗ್ ಮುಟ್ಟಾಯಿನ ರಿಕ್ಷಾ ಚಾಲಕೆರ್ ಅಂಚೆನೆ ಸಮಾಜ ಸೇವಕೆರ್ ಒರಿ ಮಾತೆರ್ನಲ ಮೆಚ್ಚಿಗೆ ಪಡೆತೆರ್.

ಪ್ರಸಾದ್ ಆಚಾರ್ಯ, ರಾಗಿಂದೊಡಿ ಪನ್ಪುನಾರ್ ಇನಿ ಕಡಂದಲೆ ಸುಬ್ರಮಣ್ಯ ದೇವಲ್ಯದ ಮಾರ್ಗವಾದ್ ಒಡಿಪುಗ್ ಪೋನಗ ತಾದಿಡ್ ಮೆರೆನ 13 ಗ್ರಾಮ್ ದ ಬಂಗಾರದ ಬ್ರಾಸೆಲೆಟ್ ದಕ್ಕ್ ದ್ ಪೋದು ಇತ್ಂಡ್. ಈ ಬ್ರಾಸೆಲೆಟ್ ಕಡಂದಲೆ ಸುಬ್ರಮಣ್ಯ ದೇವಲ್ಯ ಬೊಕ್ಕ ಪಲ್ಕೆ ತಾದಿ ನಡುಟ್ ರಿಕ್ಷಾ ಡ್ರೈವರ್ ಬೊಕ್ಕ ಸಮಾಜ ಸೇವಕೆರಾಯಿನ ದಿನೇಶ್ ಡಿವಿಡಿ ಮೆರೆಗ್ ತಿಕ್ ದ್ಂಡ್. ಮೇರ್ ಈ ಬಗೆಟ್ ಇಸಯ ತೆರಿದ್ ಈ ಬಂಗಾರ್ ನ್ ದಕ್ ದ್ ಪೋಯಿನಾರೆಗ್ ಕೊರ್ತೆರ್. “ದಕ್ ದ್ ಪೋಯಿನ ಸೊತ್ತು ನನ ತಿಕಿಯೆರೆ ಸಾಧ್ಯನೇ ಇಜ್ಜಿ ಪಂದ್ ಎನ್ನಿನಗ ಕುಡ ತಿಕಿನವು ಎಂಕ್ ಮಸ್ತ್ ಕುಸಿ ಆತ್ಂಡ್. ನೆಕ್ಕ್ ಕಾರಣ ಆಯಿನ ದಿನೇಶ್ ಡಿವಿಡಿ‌ ಮೆರೆನ ಸಮಾಜ ಸೇವೆ, ಸಾಮಾಜಿಕ ವೈವಾಟ್ ದ ಬಗ್ಗೆ ಎನ್ ದುಂಬೇ ತೆರಿದ್ ಇತ್ತೆ. ಆಂಡ ಇತ್ತೆ ಪ್ರತ್ಯಕ್ಷವಾದ್ ತೂವೊಂದು ಉಲ್ಲೆ. ದೇವೆರ್ ಮೆರೆಗ್ ಏಪಲ ಅನುಗ್ರಹ ಮಲ್ಪಡ್, ನನಾತ್ ಸಮಾಜ ಸೇವೆನ್ ಮಲ್ಪುನ‌ ಶಕ್ತಿನ್ ಕೊರಡ್” ಪಂದ್ ಪ್ರಸಾದ್ ಆಚಾರ್ಯ ರಾಗಿಂದೊಡಿ ತೆರಿಪಾದೆರ್.

Social worker Dinesh DVD returns back the gold found to its rightful owner

Auto driver and social worker Dinesh DVD has earned praise by returning a gold bracelet which was found by him to its rightful owner.

A person named Prasad Acharya had lost his bracelet near Kadandale Subramanya temple, which was found by Dinesh who handed it over to the police who were able to trace and hand it back to the rightful owner.

Mangalore: Swathi Gadiyar takes the first place at a bridal makeup compitition ಕುಡ್ಲ: ಮದಿಮಾಲೆನ ಮೇಕಪ್ ಪಂತೊಡು ಸ್ವಾತಿ ಗಡಿಯಾರ್ ಗ್ ಸುರುತ ಇನಾಮು

ಕುಡ್ಲ: ಆಲ್ ಇಂಡಿಯಾ ಹೇರ್ ಆ್ಯಂಡ್ ಬ್ಯೂಟಿ ಅಸೋಸಿಯೇಶನ್ ಕುಡ್ಲ ಆರ್‌ಸಿಒ ಪ್ರೊಫೆಷನಲ್, ಒಲಿವಿಯಾ ಬೊಕ್ಕ ಸಿವಿ ಪ್ರೊಫೆಷನಲ್ ದ ಒಟ್ಟುಸೇರಿಗೆಡ್ ಅಟ್ಟಣೆ ಮಲ್ತಿನ ಮದಿಮಾಲೆನ ಮೇಕಪ್ ಪಂತೊಡು ಸುರುತ ಇನಾಮುನ್ ಸ್ವಾತಿ ಗಡಿಯಾರ್ ಪಡೆತೆರ್.

ಮೇರ್ ಯುವ ಪ್ರತಿಭಾವಂತ ಮೇಕಪ್ ಕಲಾವಿದೆ ಬೊಕ್ಕ “ಫೈನ್ ಟಚ್ ಗ್ಲಾಮ್ ಸ್ಟುಡಿಯೋ” ಅನಂತೇಶ್ ಕಾಂಪ್ಲೆಕ್ಸ್ ಕಾರ್ ಸ್ಟ್ರೀಟ್ ಕುಡ್ಲ ನೆತ್ತ ಧಣಿ ಆದುಲ್ಲೆರ್. ಈ ಪಂತೊ ಬೆಂದೂರ್ ವೆಲ್ ದ ಮಾಯಾ ಇಂಟರ್ ನ್ಯಾಷನಲ್ ಹೋಟೆಲ್ ಡ್ ನಡತ್ಂಡ್. ನೆಟ್ಟ್ ಕುಡ್ಲ, ಕಾಸ್ರೋಡು, ಒಡಿಪು, ಮಡಿಕೇರಿ, ಕಾರವಾರದ 45ಕ್ ಎಚ್ಚ ಮೇಕಪ್ ಕಲಾವಿದೆರ್ ಪಾಲ್ ಪಡೆದಿತ್ತೆರ್.

Mangalore: Swathi Gadiyar takes the first place at a bridal makeup compitition

Mangalore : The All India Hair and Beauty Association, Mangalore, RCO Professional, Olivia and CV professional came together to organise A bridal makeup compitition in which Swathi Gadiyar won the first place.

Shi is a young , talented makeup artist and runs the ” Fine Touch Glam Studio ” in Mangalore.

Biruver Kudla(R) ; Mulki unit 68th Seva Yojan program ಬಿರುವೆರ್ ಕುಡ್ಲ (ರಿ) ಮುಲ್ಕಿ ಘಟಕದ 68ನೇ ಸೇವಾ ಯೋಜನೆ ಪಟ್ಟುನ ಲೇಸ್

ಮುಲ್ಕಿ : ಬಿರುವೆರ್ ಕುಡ್ಲ (ರಿ) ಮುಲ್ಕಿ ಘಟಕದ ಅಧ್ಯಕ್ಷೆರ್ ಕಿಶೋರ್ ಜೆ. ಸಾಲ್ಯಾನ್ ಮೆರೆನ ಮುತಾಲಿಕೆಡ್ ನಡಪುನ 68 ನೇ ಸೇವಾ ಯೋಜನೆದ ಪನವುದ ಸಕಾಯ ಪಟ್ಟುನ ಲೇಸ್ ಇಂಚೊಗು ನಡತ್ಂಡ್.

ಫೆಬ್ರವರಿ ತಿಂಗೊಲ್ದ 68ನೇ ಸೇವಾ ಯೋಜನೆನ್ ಚಿತ್ರಾಪು ಗ್ರಾಮದ ಗಂಗಾಧರ್ ಪೂಜಾರಿ ಮೆರೆನ ಹೃದಯ ಕಾಯಿಲೆ ಚಿಕಿತ್ಸೆಗ್ ಪನವುದ ಸಕಾಯದ ಚೆಕ್ ನ್ ಕೊರಿಯೆರ್. ಈ ಪೊರ್ತುಡು ಅಧ್ಯಕ್ಷೆರ್ ಕಿಶೋರ್ ಜೆ ಸಾಲ್ಯಾನ್, ಕಾರ್ಯದರ್ಶಿ ಗಿರಿಧರ್ ಅಮೀನ್, ಕೋಶಾಧಿಕಾರಿ ಅಶೋಕ್ ಸುವರ್, ಉಪಾಧ್ಯಕ್ಷೆರಾಯಿನ ಉಮೇಶ್ ಮಾನಂಪಾಡಿ, ಜೊತೆ ಕಾರ್ಯದರ್ಶಿ ಕೇಶವ ಸುವರ್ಣ, ನವೇಶ್ ಮೊಕುಲು ಮಾತ ಇತ್ತೆರ್.

American Edwin Castro wins 16,500 crores in a lottery 16,500 ರೂ. ಕೋಟಿ ಲಾಟರಿ ಗೆಂದಿನ ಅಮೆರಿಕದ ಎಡ್ವಿನ್ ಕ್ಯಾಸ್ಟ್ರೋ..!

ಅಮೆರಿಕದ ಎಡ್ವಿನ್ ಕ್ಯಾಸ್ಟ್ರೋ ಪನ್ಪುನ ಜನ ಪವರ್ ಬಾಲ್ ಜಾಕ್ ಪಾಟ್ ಲಾಟರಿಡ್ 16,500 ರೂ. ಕೋಟಿ ಗೆಂದ್ ದೆರ್.

ಉಂದು ಅಮೆರಿಕದ ಇತಿಹಾಸಡೇ ಮಲ್ಲ ಕಾಸ್ ಆತ್ಂಡ್. ಕರಿನ ನವೆಂಬರ್ ಡ್ 180 ರೂ. ಕೊರ್ದು ಲಾಟರಿ ದೆತೊಂದು ಇತ್ತೆರ್. ಗೆಂದಿನ ಬೊಕ್ಕ ಪ್ರತಿಕ್ರಿಯೆ ಕೊರ್ನ ಎಡ್ವಿನ್, ಈತೊಂಜಿ ಕಾಸ್ ಗೆಂದಿನೆಕ್ಕ್ ಶಾಕ್ ಆತ್ಂಡ್ ಪಂದ್ ಪಂಡೆರ್. ನಿಯಮದ ಪ್ರಕಾರ ಆರೆಗ್ 8 ಸಾರ ಕೋಟಿ ಮಾತ್ರ ತಿಕಿಯೆರೆ ಉಂಡು. ಒರಿನ ಕಾಸ್ ಹಂತ ಹಂತವಾದ್ ತಿಕ್ಕುಂಡು.

American Edwin Castro wins 16,500 crores in a lottery

American Edwin Castro has won 16,500 crores in Powerball Jackpot lottery.This is said to be the largest amount in American history.He had bought this lottery ticket last November and said he was shocked and ecstatic when he got the news.

PM Narandra Modi to inaugurate Aadhi Mahotsav in New Delhi ಇನಿ ಡೆಲ್ಲಿಡ್ ಆದಿ ಉಚ್ಚಯದ ಉದಿಪನ ಮಲ್ಪೆರೆ ಉಲ್ಲೆರ್ ಪ್ರಧಾನಿ ಮೋದಿ

ಇನಿ ಡೆಲ್ಲಿದ ಮೇಜರ್ ಧ್ಯಾನ್ ಚಂದ್ ರಾಷ್ಟ್ರೀಯ ಕ್ರೀಡಾಂಗಣಡ್ ಪ್ರಧಾನಿ ಮೋದಿ ಆದಿ ಉಚ್ಚಯನ್ ಉದಿಪನ ಮಲ್ಪೆರೆ ಉಲ್ಲೆರ್.

ಈ ಲೇಸ್ ದ ಬುಡಕಟ್ಟು ಸಂಸ್ಕೃತಿ, ಕರಕುಶಲ, ಅಟಿಲ್ ದ ಪದ್ಧತಿ, ವಾಣಿಜ್ಯ ಬೊಕ್ಕ ಸಾಂಪ್ರದಾಯಿಕ ಕಲೆನ್ ಪ್ರದರ್ಶನ ಮಲ್ಪೆರೆ ಆಪುಂಡು. ಫೆ.16 ರ್ದ್ 27 ಮುಟ್ಟ ಆಯೋಜನೆ ಮಲ್ತಿನ ಈ ಲೇಸ್ ಡ್ 200 ಮಳಿಗೆಲೆನ ಮುಖೇನ ಬುಡಕಟ್ಟು ಪರಂಪರೆ ಬುಡುಗಡೆ ಆಪುಂಡು. ಸುಮಾರ್ 1 ಸಾರ ಬುಡಕಟ್ಟು ಕುಶಲಕರ್ಮಿಲು ಪಾಲ್ ಪಡೆಯೆರೆ ಉಲ್ಲೆರ್.

PM Narandra Modi to inaugurate Aadhi Mahotsav in New Delhi

The PM will inaugurate the Aadi Mahotsav in Major Gyanchand National Grounds in New Delhi today.
It is a celebration of Tribal crafts, culture,cuisine and commerce.The fair will continue till 27th February.

39 refugees die in an accident in Panama ಅಮೆರಿಕದ ಪನಾಮಡ್ ಬಸ್ ಆಕ್ಸಿಡೆಂಟ್ ಆದ್ ತೀರ್ ಪೋಯೆರ್ 39 ಜನ

ಡ್ರೈವರ್ ನ ಕೈ ತತ್ತ್ ದ್ ಬಸ್ ಗುಡ್ಡೆರ್ದ್ ತಿರ್ತ್ ಬೂರ್ದು 39 ಜನ ತೀರ್ ಪೋಯಿನ ಘಟನೆ ಅಮೆರಿಕದ ಪನಾಮಡ್ ನಡತ್ಂಡ್.

20 ಜನಕ್ ಮಸ್ತ್ ಪೆಟ್ಟಾದ್ ಆಸ್ಪತ್ರೆಡ್ ಚಿಕಿತ್ಸೆ ಪಡೆವೊಂದು ಉಲ್ಲೆರ್. ಕೊಲಂಬಿಯಾರ್ದ್ ಕಲ್ವ ತಾದಿಡೆ ಪನಾಮಗ್ ಬತ್ತಿನ ಜನನ್ ಶಿಬಿರಗ್ ಲೆತೊಂದು ಪೋನಗ ಈ ಆಕ್ಸಿಡೆಂಟ್ ಆತ್ಂಡ್ ಪಂದ್ ಅಧಿಕಾರಿಲು ತೆರಿಪಾದೆರ್.

39 refugees die in an accident in Panama

Refugees from Columbia who had smuggled into Panama were being taken to a camp when the bus they were travelling in, met with an accident. 20 persons were seriously injured and are being treated.

Aero india – 80,000 crores worth deal signed ಏರೋ ಇಂಡಿಯಾಡ್ 80,000 ಕೋಟಿ ರೂ.ದ ಒಪ್ಪಂದ

ಏರೋ ಇಂಡಿಯಾಗ್ ಈ ಸರ್ತಿ ಮಲ್ಲ ಯಶಸ್ಸ್ ತಿಕ್ ದ್ಂಡ್.

ಲಡಾಯಿದ ಇಮಾನಲೆನ ಪ್ರದರ್ಶನದ ಪೊರ್ತುಡು ಬೇತೆ ಬೇತೆ ಕಂಪೆನಿದ ನಡುಟ್ಟು 266 ಸಹಭಾಗಿತ್ವ, 201 ಒಪ್ಪಂದ ಬೊಕ್ಕ 53 ಘೋಷಣೆ ಸೇರಿನಂಚನೆ ಸುಮಾರ್ 80000 ಕೋಟಿ ರೂ. ದ ಒಪ್ಪಂದ ಆತ್ಂಡ್. ಕರಿನ ಸರ್ತಿ ಉಂದು 55000 ಕೋಟಿ ರೂ. ಆತ್ಂಡ್. 2900 ಕೋಟಿಗ್ ಎಚ್ಚ 32 ಒಪ್ಪಂದಲೆಗ್ ಕರ್ನಾಟಕದ ಸಾರ್ವಜನಿಕ ವಲಯದ ಉದ್ದಿಮೆಲು ಸೈನ್ ಮಲ್ದ್ಂಡ್.

Aero india – 80,000 crores worth deal signed

Aero India 2023 has been a roaring success.Deals have been signed, partnership declared and many new projects have been announced.Sources say deals worth 80,000 crore have been signed while it was 55,000 crore at the previous show.
32 deals are in the Karnataka public sector.