February 19, 2023

ಒರಿಯಗ್ ಬಿಸತ್ತಿ ಪಾಡಿನ ಕುಡೊರಿ

ಬಂಟ್ವಾಳ : ಎಲ್ಯ ವಿಷಯೊಡು ಪಾತೆರೊಗು ಪಾತೆರ ಆದ್ ಒರಿಯಗ್ ಬೊಕ್ಕೊರಿ ಬಿಸತ್ತಿ ಪಾಡ್ದಿನ ಸಂಗತಿ ಸನಿಯಾರ ನಡತ್ಂಡ್.

ಪಾಣೆಮಂಗಳೂರುದ ಅಕ್ಕರಂಗಡಿದ ಸುಲೇಮಾನ್ ಪನ್ಪಿನರೆಗ್ ಬಿಸತ್ತಿ ಪಾಡ್ದ್ ಪೆಟ್ಟಾತಿನೆರ್ದಾವರ ಆರ್ ತುಂಬೆದ ಆಸ್ಪತ್ರೆಡ್ ಚಿಕಿತ್ಸೆ ದೆತೊನೊಂದುಲ್ಲೆರ್.
ಕೈತಲ್ದ ನಿಸಾರ್ ಪನ್ಪಿನಾಯೆ ಬಿಸತ್ತಿ ಪಾಡ್ದೆ ಪಂದ್ ತೆರಿದ್ ಬೈದ್ಂಡ್. ಬಂಟ್ವಾಳ ಪೇಂಟೆದ ಸ್ಟೇಶನ್ ಡ್ ದೂರು ದಾಖಲಾತ್ಂಡ್.

Tulu nameplate on the new entrance door of Sri Subramanya temple, Kattukukke ಕಾಟುಕುಕ್ಕೆ ಶ್ರೀ ಸುಬ್ರಾಯ ದೇವಸ್ಥಾನದ ಆನೆಬಾಕಿಲ್ ಡ್ ಮೆಣ್ಕೊಂದುಂಡು ತುಳು ಲಿಪಿ

ಕಾಸ್ರೋಡುದ ಕಾಟುಕುಕ್ಕೆ ಡ್ ಪಿಲಿಚ್ಚಾಂಡಿನ ಮಣ್ಣ್ , ಚೌಗ್ರಾಮದ ಒಡೆಯೆ ಶ್ರೀ ಸುಬ್ರಾಯ ದೇವೆರೆನ ದೇವಾಲ್ಯದ ಆನೆಬಾಕಿಲ್ ಡ್ (ಪ್ರವೇಶ ದ್ವಾರ) ಇನಿತ ದಿನ ಅಯಿತ್ತಾರೊ ಶ್ರೀ ಕ್ಷೇತ್ರದ ತಂತ್ರಿವರ್ಯೆರಾಯಿನ ಪೂಜ್ಯ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಲೆನ ಕೈಯಿಡ್ದ್ ಲೋಕಾರ್ಪಣೆ ಆಯೆರೆ ಉಂಡು.

ಈ ಮಹಾದ್ವಾರನ್ ಸೇವೆದ ರೂಪೊಡು ಮಲ್ತ್ ಕೊರಿನಾರ್ ಅಡ್ವಕೇಟ್ ಎಸ್. ಜೆ. ಪ್ರಸಾದ್. ತುಳುವೆರೆ ಊರು ಆಯಿನ ಕಾಟುಕುಕ್ಕೆಡ್ ಒಂಜಿ ವರ್ಷ ದುಂಬು ಜೈ ತುಳುನಾಡ್ ಸಂಘಟನೆದಕುಲು ತುಳು ಲಿಪಿ ಕಲ್ಪಾವುನ ಬೇಲೆ ಮಲ್ತ್ ದ್ ಇತ್ತೆರ್. ಊರುದಕಲೆನ ಅಪೇಕ್ಷೆ ಅಂಚೆನೇ ಆಡಳಿತ ಮಂಡಳಿದಕಲೆನ ವಿಶೇಷ ಮುತುವರ್ಜಿಡ್ ಮಹಾದ್ವಾರಡ್ ಕನ್ನಡ, ಇಂಗ್ಲಿಷ್ ದ ಒಟ್ಟುಗು ತುಳು ಲಿಪಿಲಾ ಮೆಣ್ಕೊಂದುಂಡು.

✍️ವರದಿ: ರಾಜಶ್ರೀ ಟಿ.ರೈ ಪೆರ್ಲ

Tulu nameplate on the new entrance door of Sri Subramanya temple, Kattukukke

At Kattukukke in Kasaragod district the entrance door to the temple of Sri Subramanya temple will be inaugurated by revered Ucchalatya Padmanabha Tantri.Basically a traditional Tulunadu,on the request of the population here Tulu nameplate has been added in the new entrance door.