February 27, 2023

Foundation stone laid for a new Moodbidri taluk Panchayat building by MLA Umanath Kotian ಬೆದ್ರ ತಾಲೂಕ್ ಪಂಚಾಯತ್ ದ ಪೊಸ ಕಟ್ವಾಣಗ್ ಕೆಸರ್ ಕಲ್ಲ್ ಪಾಡಿನ ಶಾಸಕೆರ್ ಉಮಾನಾಥ್ ಕೋಟ್ಯಾನ್

ಬೆದ್ರ: ನಾಗರಕಟ್ಟೆದ ಕೈತಲ್ 5 ಕೋಟಿ 39.5 ಲಕ್ಷ ರೂ. ಬಿಲೆಟ್ ನಿರ್ಮಾಣ ಆವೆರೆ ಇಪ್ಪುನ ಬೆದ್ರ ತಾಲೂಕ್ ಪಂಚಾಯತ್ ದ ಪೊಸ ಕಟ್ವಾಣಗ್ ಮುಲ್ಕಿ- ಬೆದ್ರ ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಕೆಸರ್ ಕಲ್ಲ್ ಪಾಡಿಯೆರ್.

ಈ ಪೊರ್ತುಡು ದಕ್ಷಿಣ ಕನ್ನಡ ಹಾಲು ಉತ್ಪಾದಕರ ಸಂಘದ ಅಧ್ಯಕ್ಷೆರ್ ಕೆ.ಪಿ ಸುಚರಿತ ಶೆಟ್ಟಿ, ಮೂಡಾ ಅಧ್ಯಕ್ಷೆರ್ ಮೇಘನಾಥ ಶೆಟ್ಟಿ ಬೊಕ್ಕ ಜನ ಪ್ರತಿನಿಧಿಲು ಇತ್ತೆರ್.

ವರದಿ: ಜಗದೀಶ್ ಪೂಜಾರಿ
ಬೆದ್ರ

Foundation stone laid for a new Moodbidri taluk Panchayat building by MLA Umanath Kotian

Moodbidri: Foundation stone for a new Moodbidri taluk Panchayat building was laid by MLA Umanath Kotian near Nagarkatte. The proposed building is estimated to cost five crore 39.5 lakhs rupees.

Biruvere Kudla (R) Mulki 5th Annual Sneha koota ಸಮಾಜ ಸೇವೆ ಪಂಡ ದೇವೆರ್ನ ಸೇವೆ : ಕಿಶೋರ್ ಸಾಲ್ಯಾನ್

ಬಿರುವೆರ್ ಕುಡ್ಲ (ರಿ) ಮುಲ್ಕಿ ಎಗ್ಗೆದ 5 ನೇ ವರ್ಷದ ದೋಸ್ತಿ ಕೂಟ

ಮುಲ್ಕಿ : ನಮ ದೇವೆರೆಗ್ ಬೇತೆ ಬೇತೆ ಪೂಜೆ ಪರಕೆ ಕೊರ್ಪಿನೆರ್ದ್ ಲ ಸಮಾಜಸೇವೆ ಮಲ್ಪುನೆಟ್ಟ್ ಮಸ್ತ್ ಕುಷಿ ತಿಕ್ಕುಂಡು. ಸಮಾಜಸೇವೆ ಮಲ್ಪುನು ಪಂಡ ದೇವೆರ್ನ ಕೆಲಸ ಮಲ್ತಿಲೆಕ.ಅಯಿಕ್ ದೈವ ದೇವೆರ್ನ ಅನುಗ್ರಹ ಉಂಡು. ಅಂಚಾದ್ ನಮ ಮಾತೆರ್ಲ ಒಟ್ಟು ಸೇರ್ದ್ ಬಿರುವೆರ್ ಕುಡ್ಲ ಸಂಘಟನೆದ ಸಮಾಜಸೇವೆದ ಬೇಲೆನ್ ಮಲ್ಪುಗ ಪಂದ್ ಬಿರುವೆರ್ ಕುಡ್ಲ (ರಿ) ಮುಲ್ಕಿ ಘಟಕದ ಅಧ್ಯಕ್ಷೆರ್ ಕಿಶೋರ್ ಜೆ. ಸಾಲ್ಯಾನ್ ಪಂಡೆರ್.

ಆರ್ ಕೊಳಚಿಕಂಬಳ ಬಪ್ಪತೋಟದ ಮೆರೈನ್ ವ್ಯೂತ್ತ ಜಾಲ್ ಡ್ ಫೆ.26 ಐತಾರ ಬಯ್ಯಡ್ ನಡತಿನ ಬಿರುವೆರ್ ಕುಡ್ಲ (ರಿ) ಮುಲ್ಕಿ ಎಗ್ಗೆದ 5 ನೇ ವರ್ಷದ ಸ್ನೇಹ ಮಿಲನ ಕಾರ್ಯಕ್ರಮೊಡು ಪಾಲ್ ಪಡೆದ್ ಪಾತೆರಿಯೆರ್.

ಈ ಪೊರ್ತುಡು ಬಿರುವೆರ್ ಕುಡ್ಲ ಮುಲ್ಕಿ ಘಟಕದ ಗುರ್ಕಾರೆಯಾದ್ ಯಶಸ್ವಿ 6 ನೇ ವರ್ಷೊಗು ಪಜ್ಜೆ ದೀಯಿನ ಕಿಶೋರ್ ಜೆ.ಸಾಲ್ಯಾನ್ ಮೆರೆಗ್ ಮಾನಾದಿಗೆ ನಡತ್ಂಡ್. ಅವೆರ್ದ್ ಬೊಕ್ಕ ಕೆಲವು ಗೊಬ್ಬುದ ಪಂತೊಡ್ ಗೆಂದಿನಕ್ಲೆಗ್ ಇನಾಮು ಪಟ್ಟುನ ಲೇಸ್ ನಡತ್ಂಡ್. ಅಂಚೆನೆ ಸೇವಾ ಯೋಜನೆದ ಲಕ್ಕಿಡಿಪ್ ದ ಡ್ರಾ ಮಲ್ಪುನ ಕಜ್ಜ ನಡತ್ಂಡ್. ಕೆಲವು ಸದಸ್ಯೆರ್ ಅಕ್ಲೆನ ಅಭಿಪ್ರಾಯೊನು ಪಟ್ಟೊಂದು ಸಂಘಟನೆನ್ ಗಟ್ಟಿ ಮಲ್ಪೊಡು ಪಂಡೆರ್.

ಶಾಂಭವಿ ತುದೆ ಬರಿತ್ತ ಪೊರ್ಲು ಪಸಂತ್ರೊಡು ನಡತಿನ ಈ ಲೇಸ್ ದ ಮಿತ್ತರ್ಮೆಡ್ ಕಾರ್ಯದರ್ಶಿ ಗಿರಿಧರ ಅಮೀನ್ ಬೊಕ್ಕ ಕೋಶಾಧಿಕಾರಿ ಅಶೋಕ್ ಸುವರ್ಣ ಇತ್ತೆರ್. ನೆರ್ದ್ ದುಂಬು ಘಟಕದ ಸದಸ್ಯೆರೆಗ್ ಕೆಲವು ಗೊಬ್ಬುದ ಪಂತೊಲೆನ್ ಮೋಹನ್ ಸುವರ್ಣ ಬೊಕ್ಕ ಸತೀಶ್ ಕಿಲ್ಪಾಡಿ ನಡಪಾದ್ ಕೊರಿಯೆರ್.

ಈ ಲೇಸ್ ಡ್ ಉಪಾಧ್ಯಕ್ಷೆರ್ ಉಮೇಶ್ ಮಾನಂಪಾಡಿ, ಕಿಶೋರ್ ಅಂಚನ್, ಕೇಶವ ಸುವರ್ಣ, ದೀಪಕ್ ಪಡುಬೈಲ್, ಶಂಕರ್ ಪಡುಬೈಲು, ಸುರೇಶ್ ಜನನಿ, ಅಶೋಕ್ ಜನನಿ, ನರಸಿಂಹ ಪೂಜಾರಿ, ರಮಾನಾಥ್ ಸುವರ್ಣ, ತಾರಾನಾಥ್, ಮಾಧವ ಕಿಲ್ಪಾಡಿ, ವಿಶ್ವನಾಥ್, ಕಿರಣ್ ಬರ್ಕೆ, ಕಾರ್ತಿಕ್, ಕೀರ್ತನ್ ಮೊಕುಲು ಮಾತಾ ಇತ್ತೆರ್.

ಮೋಹನ್ ಸುವರ್ಣ ಸಭೆ ಸುಧಾರಿಕೆ ಮಲ್ತೆರ್. ಗಿರಿಧರ ಅಮೀನ್ ಸೊಲ್ಮೆ ಸಂದಾಯೆರ್. ಅವೆರ್ದ್ ಬೊಕ್ಕ ವನಸ್ ತೆನಸ್ ದ ವ್ಯವಸ್ಥೆ ಇತ್ತ್ಂಡ್.

PM Narendra Modi inaugurates Shimoga Airport today ಶಿವಮೊಗ್ಗ ಇಮಾನ ನಿಲ್ದಾಣ ಉದಿಪನ ಮಲ್ತಿನ ಪ್ರಧಾನಿ ಮೋದಿ

ವಾಯುಸೇನೆದ ಇಸೇಸ ಇಮಾನದ ಮುಖೇನ ಪೊಸ ಇಮಾನ ನಿಲ್ದಾಣಗ್ ಬತ್ತ್ ದ್ ಜತ್ತಿನ ಮೆರೆನ್ ತೂಯೆರೆ ಲಕ್ಷರ್ದ್ ಎಚ್ಚ ಜನ ಸೇರ್ದ್ ಇತ್ತೆರ್.

ಈ ನಿಲ್ದಾಣ 449.2 ಕೋಟಿ ರೂ. ಕರ್ಚಿಡ್ ನಿರ್ಮಾಣ ಆತ್ಂಡ್. 3.2 ಕಿ.ಮೀ ರನ್ ವೇ ಉಂಡು. ಎಟಿಆರ್ ಸೇರಿನಂಚನೆ ಮಾತ ರೀತಿದ ಇಮಾನಲು ಲ್ಯಾಂಡಿಂಗ್ ಆವರೆ ಉಂಡು. 4320 ಚದರಡಿ ವಿಸ್ತೀರ್ಣದ ಸುಸಜ್ಜಿತ ಪ್ಯಾಸೆಂಜರ್ ಟರ್ಮಿನಲ್ ಬೊಕ್ಕ ಇಮಾನ ನಿಲ್ದಾಣದ ಸುತ್ತ 15,900 ಮೀಟರ್ ಉದ್ದದ ಕಾಂಪೌಂಡ್ ಉಂಡು. ಒಟ್ಟು 775 ಎಕರೆ ವಿಸ್ತೀರ್ಣಡ್ ರೂ.449.22 ಕೋಟಿ ವೆಚ್ಚಡ್ ಎಟಿಆರ್ 72 ರ್ದ್ ಏರ್ ಬಸ್ 320 ಮುಟ್ಟ ಮಾತ ರೀತಿದ ಇಮಾನಲು ಪಗೆಲ್-ರಾತ್ರೆ ಕಾರ್ಯಾಚರಣೆಗ್ ಅನುಕೂಲ ಆಪುಲೆಕ್ಕ 3.2 ಕಿ.ಮೀ ರನ್ ವೇ ಬೊಕ್ಕ 4320 ಚದರ ಅಡಿ ವಿಸ್ತೀರ್ಣದ ಸುಸಜ್ಜಿತ ಪ್ಯಾಸೆಂಜರ್ ಟರ್ಮಿನಲ್, ಏರ್ ಟ್ರಾಫಿಕಿಂಗ್ ಸೆಂಟರ್ ಸೌಲಭ್ಯಲೆನ್ ಗಳೊಂದಿಗೆ ನಿರ್ಮಾನ ಮಲ್ತಿನ ಇಮಾನ ನಿಲ್ದಾಣ ಉಂದಾತ್ಂಡ್.

PM Narendra Modi inaugurates Shimoga Airport today

The PM Narendra Modii inaugurated the new Airport at Shimoga today.The PM who is on a visit to the state, landed at the new airport on his army aircraft from Delhi . He inspected the new Airport and then layed foundation and inaugurated multiple projects in the district.

The airport has been built at a cost of 449.2 crores with a runway of 3.2 kilometres built on a area of 775 acres of land.
This airport is one built on Modi’s vision of providing air connectivity to smaller cities round the country.

Print Savarkar’s face on Currency notes- Akhila Bharat Hindu Mahasabha ನೋಟುಡು ಗಾಂಧೀಜಿ ಫೊಟೊತ್ತ ಬದಲ್ ಸಾವರ್ಕರ್ ಫೋಟೋ ಅಚ್ಚಿ ಮಲ್ಪರೆ ಅಖಿಲ ಭಾರತ ಹಿಂದೂ ಮಹಾಸಭೆ ಒತ್ತಾಯ

ನನ ನೋಟುಲೆಡ್ ಮಹಾತ್ಮಾಗಾಂಧೀಜಿನ ಪೋಟೋತ್ತ ಬದಲ್ ವಿ.ಡಿ ಸಾವರ್ಕರ್ ಸೇರಿನಂಚನೆ ಸ್ವಾತಂತ್ರ್ಯ ಪೊರ್ಂಬಾಟಗಾರೆರ್ನ ಫೊಟೋನ್ ಪಾಡೊಡು ಪಂದ್ ಉತ್ತರ ಪ್ರದೇಶಡ್ ಅಖಿಲ ಭಾರತ ಹಿಂದೂ ಮಹಾಸಭೆ ಒತ್ತಾಯ ಮಲ್ದ್ಂಡ್.

ಸಾವರ್ಕರ್ ಮೆರೆನ 58 ನೇ ಪುಣ್ಯತಿಥಿದ ಲೇಸ್ ಡ್ ಪಾತೆರಿನ ಮಹಾಸಭಾತ್ತ ರಾಷ್ಟ್ರೀಯ ಉಪಾಧ್ಯಕ್ಷೆರ್ ಪಂಡಿತ್ ಅಶೋಕ್ ಶರ್ಮಾ ಮೇರ್, ಪಾರ್ಲಿಮೆಂಟ್ ಹೌಸ್ ಗ್ ಪೋಪುನ ಮಾರ್ಗಗ್ ಸಾವರ್ಕರ್ ಪುದರ್ ದೀವೊಡು ಪಂದ್ ಲ ಕೇಂದ್ರ ಸರ್ಕಾರಗ್ ಆಗ್ರಹ ಮಲ್ದೆರ್.

Print Savarkar’s face on Currency notes- Akila Bharat Hindu Mahasabha

The UP Akila Bharatha Hindu Mahasabha has urged the government to print the face of V D Savarkar and other lesser known freedom fighters on currency notes instead of Mahatma Gandhi.
The national Vice President of the Mahasabha Ashok Sharma suggested this on the occasion of the 58 th death anniversary of Veer Savarkar.

A fish weighing 280 k.g costs 1.40 lakhs rupees!! 280 ಕೆಜಿದ ಒಂಜಿ ಮೀನ್ ಗ್ 1.40 ಲಕ್ಷ ರೂ. ಬಿಲೆ!

ಮೈಸೂರ್ ಡ್ ಸ್ವೋರ್ಡ್ ಫಿಶ್ ಪನ್ಪುನ ಜಾತಿಗ್ ಸೇರಿನ ಮೀನೊಂಜಿ 280ಕೆಜಿ ಉಂಡು. ಈ ಮೀನ್ ದ ಬಿಲೆ 1.40 ಲಕ್ಷ ರೂ. ಆತ್ಂಡ್.

ಕೇರಳದ ಕ್ಯಾಲಿಕಟ್ ರ್ದ್ ಮೈಸೂರುದ ದೇವರಾಜ ಮಾರ್ಕೆಟ್ ದ ಸೀ ಫಿಶ್ ವರ್ಲ್ಡ್ ಮಳಿಗೆಗ್ ಈ ಮೀನ್ ನ್ ಮಾರಿಯೆರೆ ಪಂದ್ ಕನದಿತ್ತೆರ್. ಈತೊಂಜಿ ಮಲ್ಲ ಗಾತ್ರದ ಮೀನ್ ನ್ ತೂವರೆ ಜನ ರಾಶಿ ಬೂರ್ದೆರ್. ನೆತ್ತ ಇಸೇಸ ದಾದ ಪಂಡ ಈ ಮೀನ್ ದ ಬಾಯಿದ ಎದುರು ಖಡ್ಗ (ಸ್ವೋರ್ಡ್)ದಂಚಿನ ಪರ್ತೆದ ಕೊಂಬು ಉಂಡು.

A fish weighing 280 k.g costs 1.40 lakhs rupees!!

A sword fish weighing 280 kg at Mysore is said to cost 1.40 lakh rupees.

The fish has been brought from Calicut in Kerala to the Devaraj market of Mysore at the Sea Fish world section. People are flocking to see this rare fish that has a sword like sharp growth near it’s mouth.

Toll collection on the Bangalore – Mysore Expressway from today ಇನಿರ್ದ್ ಬೆಂಗ್ಲೂರ್- ಮೈಸೂರ್ ಮಾರ್ಗಡ್ ಟೋಲ್ ಸಂಗ್ರಹ ಸುರು

ರಾಮನಗರ: ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ರಾಜ್ಯ ಮಾರ್ಗ-275 ಭಾಗದ ಕಿ.ಮೀ 18,000 ರ್ದ್ 74,200 ಕಣಿಮೀಣಿಕೆ ಬೊಕ್ಕ ಶೇಷಗಿರಿಹಳ್ಳಿ ಟೋಲ್ ಬೆಂಗ್ಲೂರ್-ನಿಡಘಟ್ಟ ವಿಭಾಗದ 6 ಲೇನ್ ಗಲಸೆಯೆರೆ ಬೋಡಾದ್ ಟೋಲ್ ಶುಲ್ಕ ಇನಿರ್ದ್ (ಫೆ.27)ಜಾರಿ ಆವರೆ ಉಂಡು.

ಬೊಲ್ಪುಗು 8 ಗಂಟೆರ್ದ್ ಟೋಲ್ ಸಂಗ್ರಹ ಅನ್ವಯ ಆಪುಂಡು. ಕಾರ್, ಜೀಪು ಗಾಡಿಲೆನ ಒಂಜಿ ಸೈಡ್ ಸಂಚಾರಗ್ 135/- ರೂ. ಅವ್ವೇ ದಿನ ಕುಡ ಸಂಚಾರಗ್ 205/-ರೂ. ಒಂಜಿ ತಿಂಗೊಲ್ಡ್ 50 ಒಂಜಿ ಸೈಡ್ ಸಂಚಾರಗ್ ತಿಂಗೊಲ್ದ ಪಾಸ್ ಶುಲ್ಕ 4525/- ರೂ. ಬಸ್ ಅತ್ತಂಡ ಟ್ರಕ್ ಒಂಜಿ ಸೈಡ್ ಸಂಚಾರಗ್ 450/- ರೂ. ಅವ್ವೇ ದಿನ ಕುಡ ಸಂಚಾರಗ್ 690/- ರೂ. ಒಂಜಿ ತಿಂಗೊಲ್ಡ್ 50 ಏಕಮುಖ ಸಂಚಾರಗ್ ತಿಂಗೊಲ್ದ ಪಾಸ್ ಶುಲ್ಕ 15325/- ರೂ. ಲಘು ವಾಣಿಜ್ಯ ಗಾಡಿಲು, ಮೂಜಿ ಅಕ್ಸೆಲ್ ವಾಣಿಜ್ಯ ಗಾಡಿಲು ಬೊಕ್ಕ ಭಾರಿ ನಿರ್ಮಾಣ ಯಂತ್ರಲೆಗ್ ಬೇತೆ ಬೇತೆ ಶುಲ್ಕನ್ ನಿಘಂಟ್ ಮಲ್ದ್ಂಡ್ ಪಂದ್ ಅಧಿಕಾರಿಲು ತೆರಿಪಾದೆರ್.

Toll collection on the Bangalore – Mysore Expressway from today

Ramnagar: The National Highway Authority NH- 275 will start collection of toll on the Bangalore – Nidghatta section from February 27 th.
The officials have informed toll will be collected on the vehicles under various different categories from 8 a.m today.

March 5 th – 8th: Annual festival at Kambaru Shri Durgaparameshwari temple ಮಾ.5-8: ಕಂಬಾರು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ವರ್ಷಾಧಿದ ಉಚ್ಚಯ

ಪೆರ್ಮುದೆ: ಕಂಬಾರು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ವರ್ಷಾಧಿದ ಉಚ್ಚಯ ಮಾ.5-8 ಮುಟ್ಟ ನಡಪರೆ ಉಂಡು.

ಮಾ.5 ಐತಾರ ಮಧ್ಯಾಹ್ನ 3 ಗಂಟೆಗ್ ಪುದೆಕಾಣಿಕೆ ಪಿದಾಡಿಯೆರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

” Punchada Punya Prasada” Tulu devotional song series on Shri Kshetra Kukkaje released ಶ್ರೀ ಕ್ಷೇತ್ರ ಕುಕ್ಕಾಜೆಡ್ “ಪುಂಚದ ಪುಣ್ಯೊ ಪುರ್ಸಾದ” ತುಳು ಭಕ್ತಿ ಸುಗಿಪು ಬುಡುಗಡೆ

ವಿಟ್ಲ: ಕುಕ್ಕಾಜೆ ಶ್ರೀ ಕಾಳಿಕಾಂಬ ಆಂಜನೇಯ ಕ್ಷೇತ್ರಡ್ ಮಾ.5-9 ಮುಟ್ಟ ನಡಪರೆ ಇಪ್ಪುನ ಬ್ರಹ್ಮಕಲಶ ಉಚ್ಚಯದ ಈ ಪೊರ್ತುಡು ದಯ ಕ್ರಿಯೇಷನ್ ಮೊಕ್ಲೆನ ಯೂಟ್ಯೂಬ್ ಚಾನಲ್ ಡ್ ಶ್ರೀ ಕ್ಷೇತ್ರ ಕುಕ್ಕಾಜೆದ ಪುಂಚದ ಪುಣ್ಯೊ ಪುರ್ಸಾದ ಪನ್ಪುನ ತುಳು ಭಕ್ತಿ ಸುಗಿಪು ಬುಡುಗಡೆ ಆಂಡ್.

ಈ ಭಕ್ತಿ ಸುಗಿಪುನ್ ಕ್ಷೇತ್ರದ ಧರ್ಮದರ್ಶಿಲಾಯಿನ ಶ್ರೀಕೃಷ್ಣ ಗುರೂಜಿ ಮೇರ್ ಬುಡುಗಡೆ ಮಲ್ತೆರ್. ಬೊಕ್ಕ ಭಕ್ತಿ ಸುಗಿಪುನ್ ಪಂಡ್ ದ್ ಅಭಿನಯ ಮಲ್ತಿನ ಕು. ಸಿಂಚಾನ ಎಂ ಗೌಡ ಮೆರೆನ್ ಗೌರವಿಸಾದ್ ಆಶೀರ್ವಾದ ಮಲ್ತೆರ್. ಈ ಪೊರ್ತುಡು ಕ್ಷೇತ್ರದ ಮೊಕ್ತೇಸರೆರ್ ಎಂ.ಕೆ ಕುಕ್ಕಾಜೆ, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಪುರುಷೋತ್ತಮ ಕಾರಾಜೆ, ಪ್ರಧಾನ ಕಾರ್ಯದರ್ಶಿ ಶ್ರೀಧರ ಬಾಳೆಕಲ್ಲು, ಸಾಹಿತಿ ತೋಡಿಕ್ಕಾನ ಅಬ್ದುಲ, ವಿನಯ ಶೆಟ್ಟಿ ಬಿರ್ಕಪು, ಭಾಸ್ಕರ ಕೆ, ಸುಧಾಕರ ಕೇಪು, ಸಂಕಪ್ಪ ಸುವರ್ಣ, ಬಾಡುರೂ ಮಹಿಳ ಸಂಘದ ಅಧ್ಯಕ್ಷೆರ್ ಅನುರಾಧಾ ಪಳನೀರು, ದಯಾನಂದ ಅಮೀನ್ ಬಾಯರ್ ಇತ್ತೆರ್. ರವಿ ಎಸ್ ಎದ್ಕೊನಿಯೆರ್. ದೇವಿ ಪ್ರಸಾದ್ ಸೊಲ್ಮೆ ಸಂದಾಯೆರ್.