ಕುಡ್ಲ: ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರಡಿದ 150 ನೇ ವರ್ಷದ ಸಂಬುರ್ಮದ ನಿಲೆಟ್ಟ್ ಶ್ರೀ ಕ್ಷೇತ್ರೊಡು ಮಾ.3-7 ಮುಟ್ಟ ಒಂಜಿ ಸಾರ ತಾರಾಯಿದ ಗಣಯಾಗ, ಸಹಸ್ರ ಕುಂಭಾಭಿಷೇಕ, ನಾಗಬ್ರಹ್ಮ ಮಂಡಲ ಉಚ್ಚಯ ನಡಪರೆ ಉಂಡು.
ಕ್ಷೇತ್ರದ ಪ್ರಧಾನ ಅರ್ಚಕೆರ್ ಕೆ. ವಾಸುದೇವ ಶಾಂತಿ ಮೆರೆನ ತಮೇರಿಡ್ ಬಿ. ಗಂಗಾಧರ ಶಾಂತಿ ಮೆರೆನ ಮುತಾಲಿಕೆಡ್ ಬೊಕ್ಕ ಶ್ರೀ ನಾರಾಯಣ ವೈದಿಕ ಸಮಿತಿ ಕುಡ್ಲ ಮೊಕ್ಲೆನ ಒಟ್ಟುಸೇರಿಗೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಅಂಚೆನೆ ಪ್ರತಿದಿನಲ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರೊಡಿದ ಅಧ್ಯಕ್ಷೆರ್ ಕೆ. ಚಿತ್ತರಂಜನ್, ಮೆನೇಜರ್ ಜೆ. ಕಿಶೋರ್ ಕುಮಾರ್, ಕಂಕನಾಡಿ ಗರಡಿ 150ನೇ ವರ್ಷದ ಸಂಭ್ರಮ ಸಮಿತಿದ ಎಂ. ಮೋಹನ್ ಉಜ್ಜೋಡಿ, ಆಡಳಿತ ಮೊಕ್ತೇಸರೆರ್, ಪ್ರತಿನಿಧಿ ಸದಸ್ಯೆರ್ ಬೊಕ್ಕ ಬೇತೆ ಬೇತೆ ಸಮಿತಿಲೆನ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
Editorial