February 2023

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

Mangaluru: Kuldeep Kumar R Jain appointed police commissioner, N Shashi Kumar transferred ಕುಡ್ಲಗ್ ಪೊಸ ಕಮಿಷನರ್ ಕುಲದೀಪ್ ಕುಮಾರ್; ವರ್ಗ ಆಯೆರ್ ಎನ್.ಶಶಿಕುಮಾರ್

Feb 23, 2023

ಕುಡ್ಲ ಪೊಲೀಸ್ ಕಮಿಷನರ್ ಎನ್. ಶಶಿಕುಮಾರ್ ಮೆರೆನ್ ರಾಜ್ಯ ಸರ್ಕಾರ ಬೆಂಗಳೂರುಗು ವರ್ಗ ಮಲ್ತ್‌ದ್, ಬೆಂಗ್ಲೂರ್ ಪಶ್ಚಿಮ ಸಂಚಾರ ವಿಭಾಗದ ಡಿಸಿಪಿ ಕುಲದೀಪ್ ಕುಮಾರ್ ಆರ್.ಜೈನ್ ಮೆರೆನ್ ಕುಡ್ಲ ಪೊಲೀಸ್ ಕಮೀಷನರ್ ಆದ್ ನೇಮಕ ಮಲ್ತ್ ದ್ಂಡ್.

ಎನ್. ಶಶಿಕುಮಾರ್ ಮೆರೆನ್ ರೈಲ್ವೇ ಇಲಾಖೆ ಪೊಲೀಸ್ ಡಿಐಜಿಯಾದ್ ವರ್ಗಾವಣೆ ಮಲ್ತ್‌ದ್ ಸರ್ಕಾರ ಆದೇಶ ಮಲ್ದ್ಂಡ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

EPFO ಕಚೇರಿಡ್ 577 ಬೇಲೆ ಕಾಲಿ ಉಂಡು

Feb 23, 2023

ಕೇಂದ್ರ ಸರಕಾರದ ಭವಿಷ್ಯ ನಿಧಿ ಸಂಸ್ಥೆಡ್ ಖಾಲಿ ಇಪ್ಪುನ 577 ಬೇಲೆಗ್ ಅಭ್ಯರ್ಥಿಲು ಅರ್ಜಿ ಸಂದಾವೊಲಿ.

ನೆಟ್ಟ್ 418 ಇಂಪ್ಲಿಮೆಂಟೇಶನ್ ಆಫೇಸರ್ (EO) ಬೊಕ್ಕ ಅಕೌಂಟ್ಸ್ ಆಫೀಸರ್ (AO) ಬೇಲೆ ಉಂಡು. ಒರಿನ 159 ಬೇಲೆಲು ಸಹಾಯಕ ಭವಿಷ್ಯ ನಿಧಿ ಆಯುಕ್ತೆರೆಗ್ (APFC) ಉಂಡು. ಅಂಚೆನೆ www.upsconline.nic.in ಗ್ ಭೇಟಿ ಕೊರ್ಪುನ ಮುಖೇನ ಫೆ.25 ರ್ದ್ ಈ ನೇಮಕಾತಿಗ್ ಅರ್ಜಿ ಸಂದಾವೊಲಿ. ಮಾ.17 ಅರ್ಜಿ ಸಂದಾಯೆರೆ ಅಕೇರಿದ ತಾರೀಕ್ ಆತ್ಂಡ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಇನಿ ರಾಜ್ಯಗ್ ಅಮಿತ್ ಶಾ ಕುಡೊರ ಭೇಟಿ

Feb 23, 2023

ಬಿಜೆಪಿ ಚುನಾವಣಾ ಚಾಣಾಕ್ಯ ಪುಗರ್ತೆದ ಅಮಿತ್ ಶಾ ಇನಿ ಕುಡೊರ ರಾಜ್ಯಗ್ ಬರಿಯೆರೆ ಉಲ್ಲೆರ್.

ಗಣಿನಾಡ್ ಬಳ್ಳಾರಿ ಬೊಕ್ಕ ಬೆಂಗಳೂರುಗ್ ಭೇಟಿ ಕೊರಿಯೆರೆ ಉಲ್ಲೆರ್. ಮಧ್ಯಾಹ್ನ ಬಳ್ಳಾರಿದ ಸಂಡೂರುಗ್ ಬತ್ತ್ ದ್ ಬಿಜೆಪಿ ಬಹಿರಂಗ ಸಭೆಟ್ಟ್ ಪಾತೆರಿಯೆರೆ ಉಲ್ಲೆರ್. ಬಯ್ಯಗ್ ಬೆಂಗ್ಲೂರ್ ಗ್ ಬತ್ತ್ ದ್ ಪುರಭವನಡ್ “ಭಾರತದ ರಾಜಕೀಯಡ್ 65 ವರ್ಷ ಬೊಕ್ಕ ನರೇಂದ್ರ ಮೋದಿನ ಅವಧಿ ಮಾದರಿ ಬದಲಾವಣೆ” ಪನ್ಪುನ ಇಚಾರ ಸಂಕಿರಣಡ್ ಪಾಲ್ ಪಡೆಯೆರೆ ಉಲ್ಲೆರ್. ಬೊಕ್ಕ ಬಿಜೆಪಿ ನಾಯಕೆರೆನ ಸಭೆಟ್ ಪಾಲ್ ಪಡೆಪೆರ್ ಪಂದ್ ತೆರಿಪಾದ್ಂಡ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

Public meeting at Thokur Subramnya Temple regarding Brahmakalasha ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯಡ್ ಬ್ರಹ್ಮಕಲಶ ಉಚ್ಚಯದ ಅಟ್ಟಣೆದ ಸಭೆ

Feb 23, 2023

ಹಳೆಯಂಗಡಿ: ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯಡ್ ಮೇ ತಿಂಗೊಲ್ಡ್ ನಡಪುನ ಶ್ರೀ ದೇವೆರೆನ ಪ್ರತಿಷ್ಠಾ ಉಚ್ಚಯ ಬೊಕ್ಕ ಅಷ್ಟಬಂಧ ಬ್ರಹ್ಮಕಲಶದ ಲೆಕ್ಕೊಡು ಸಾಂಸ್ಕೃತಿಕ ಲೇಸ್ ನಡಪಾವುನ ಬಗೆಟ್ ಇಚಾರ ವಿನಿಮಯ ಮಲ್ಪೆರೆ ಸಂಘ ಸಂಸ್ಥೆಲೆನ ಅಧ್ಯಕ್ಷೆರೆನ, ಪದಾಧಿಕಾರಿಲೆನ ಸಭೆ ಫೆ.22 ಕ್ ರಾತ್ರೆ 7.00 ಗಂಟೆಗ್ ದೇವಲ್ಯದ ಚಾವಡಿಡ್ ನಡತ್ಂಡ್.

ಈ ಸಭೆಟ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್ ಪಾತೆರ್ದ್, ಜೀರ್ಣೋದ್ಧಾರದ ಕಜ್ಜೊದ ಬಗೆಟ್ ಪೊಲಬು ಕೊರಿಯೆರ್. ಅತ್ತಂದೆ ಬ್ರಹ್ಮಕಲಶದ ಪೊರ್ತುಡು ಸಾಂಸ್ಕೃತಿಕ ಲೇಸ್ ಕೊರಿಯೆರೆ ಕೈತಲ್ ಸಂಘ ಸಂಸ್ಥೆಲೆಗ್ ಸುರುತ ಆದ್ಯತೆ ಕೊರ್ಪ ಪಂದ್ ಪಂಡೆರ್. ಇತ್ತೆ 13 ಸಂಘ ಸಂಸ್ಥೆದ ಅಧ್ಯಕ್ಷೆರ್ ನಕುಲು ಸಾಂಸ್ಕೃತಿಕ ಲೇಸ್ ಕೊರ್ಪುನ ಪುದರ್ ಕೊರ್ತೆರ್. ಭಜನಾ ಸೇವೆ ಬೊಕ್ಕ ನಲಿಕೆ ಭಜನೆ ಕೂಟದ ನಿರ್ವಹಣೆದ ಜಬದಾರಿನ್ ಮಹಿಳಾ ಮಂಡಲ (ರಿ.) ತೋಕೂರು ಮೊಕ್ಲೆಗ್ ಕೊರಿಯೆರ್. ಬೊಕ್ಕ ಸಂಘ-ಸಂಸ್ಥೆಲೆನ ಸದಸ್ಯೆರೆನ ಪುದರ್ ಬೊಕ್ಕ ಮೊಬೈಲ್ ನಂಬರ್ ನ್ ಮಾತ ಸಂಘ-ಸಂಸ್ಥೆದ ಅಧ್ಯಕ್ಷೆರ್ ಒಂಜಿ ವಾರದ ಉಲಯಿ ದೇವಲ್ಯಗ್ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್. ಆಯಿನಾತ್ ಬೇಗ ನನದ ಸಭೆಟ್ ಬ್ರಹ್ಮಕಲಶ ಉಚ್ಚಯದ ಮೂರ್ತನ್ ತೆರಿಪಾವ ಬೊಕ್ಕ ಬ್ರಹ್ಮಕಲಶ ಉಚ್ಚಯ ಸಮಿತಿ ಬೊಕ್ಕ ಉಪಸಮಿತಿಲೆನ ರಚನೆ ನಡಪರೆ ಉಂಡು. ಈ ಪೊರ್ತುಡು ಗ್ರಾಮಸ್ಥೆರ್, ಊರುದ ಪರವೂರ ಭಕ್ತೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆವೊಡು ಪಂದ್ ಪಂಡೆರ್. ಈ ಪೊರ್ತುಡು ಜೀರ್ಣೋದ್ಧಾರ ಸಮಿತಿದ ಉಪಾಧ್ಯಕ್ಷೆರ್ ಮೋಹನ್ ದಾಸ್, ಸದಸ್ಯೆರ್ ಸುಗಂಧಿ ಡಿ. ಕೊಂಡಾಣ, ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಮಧುಸೂದನ್ ಆಚಾರ್, ಪುರುಷೋತ್ತಮರಾವ್, ವಿಜಯ್ ಕುಮಾರ್ ರೈ, ಯೋಗೀಶ್ ಕೋಟ್ಯಾನ್, ವಿಶ್ವನಾಥ್, ವಿಪುಲ ಡಿ. ಶೆಟ್ಟಿಗಾರ್, ಶಾರದಾ ಜಿ. ಬಂಗೇರ ಬೊಕ್ಕ ಬೇತೆ ಬೇತೆ ಸಂಘ ಸಂಸ್ಥೆಲೆನ ಅಧ್ಯೆಕ್ಷೆರ್, ಪದಾಧಿಕಾರಿಲು, ಸದಸ್ಯೆರ್ ಇತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಡಿಪುಡು ಮೈಂದ್: ಪುಲ್ಯ ಆಂಡಲ ತಾದಿ ತೋಜುಜಿ.!

Feb 23, 2023

ಒಡಿಪು ಪೇಂಟೆ ಸೇರಿನಂಚನೆ ಮಸ್ತ್ ಕಡೆಟ್ಟ್ ಫೆ.23 ಕ್ಕ್ ಗುರುವಾರದಾನಿ ಮೈಂದ್ ಬೂರ್ದು ಬೇಗ ಬೇಲೆಗ್ ಪೋಪಿನ ಜನಕ್ಲೆಗ್ ಮಾರ್ಗ ತೋಜಂದೆ ಪರಡುಲೆಕ್ಕ ಆತ್ಂಡ್.

ಒಡಿಪು, ಮಲ್ಪೆ, ಮಣಿಪಾಲ, ಕಾಪು ಬೊಕ್ಕ ಮಸ್ತ್ ಕಡೆಟ್ಟ್ ಮೈಂದ್ ಬತ್ತಿತ್ತ್‌ದ್ ಮಾರ್ಗಡ್ ಪೋಪಿನ ಗಾಡಿಲೆಗ್ ತೋಜಂದಿನ ಪರಿಸ್ಥಿತಿ ಆತ್ಂಡ್. ಕಾಂಡೆ ಸುಮಾರ್ 8.30 ಮುಟ್ಟ ಉಂದುವೇ ರೀತಿ ಆದಿತ್ತ್‌ದ್ ಇತ್ತೆ ಸಹಜ ಸ್ಥಿತಿಗ್ ಬೈದ್ಂಡ್.

ಎ.ಐ.ಸಿ.ಸಿ ಸದಸ್ಯೆರಾದ್ ಅಭಯಚಂದ್ರ

Feb 23, 2023

ಅಖಿಲ ಭಾರತ ಕಾಂಗ್ರೆಸ್ ಕಮಿಟಿ ಸದಸ್ಯೆರಾದ್ ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಮೇರ್ ಆಯ್ಕೆ ಆತೆರ್.

ಬೆದ್ರ ವಿಧಾನಸಭಾ ಕ್ಷೇತ್ರದ ಶಾಸಕೆರಾದ್ ನಾಲ್ ಸರ್ತಿ ಆಯ್ಕೆ ಆಯಿನ ಜಿಲ್ಲೆದ ಹಿರಿಯ ಕಾಂಗ್ರೆಸ್‌ದಾರ್ ಆಯಿನ ಮೇರ್ ಸಿದ್ದರಾಮಯ್ಯ ಸರ್ಕಾರಡ್ ಯುವಜನಸೇವೆ ಅಂಚನೆ ಕ್ರೀಡಾ ಸಚಿವೆರ್ ಆದಿತ್ತೆರ್. ಇತ್ತೆ ಕೆಪಿಸಿಸಿ ಉಪಾಧ್ಯಕ್ಷೆರ್ ಆತಿನ ಅಭಯಚಂದ್ರ ಮೇರ್ ಒಡಿಪು ಜಿಲ್ಲಾ ಕಾಂಗ್ರೆಸ್‌ದ ಉಸ್ತುವಾರಿ ಪಕ್ಷದ ಸಂಘಟನೆಡ್ ಉಲ್ಲೆರ್.

Mangaluru: Tulu film ‘Pili’ to release on Feb 24 ಫೆ.24 ಕ್ಕ್ ತುಳುನಾಡ್‌ಡ್ ಬುಡುಗಡೆ ಆಯರೆ ಉಂಡು “ಪಿಲಿ”

Feb 23, 2023

ಎನ್.ಎನ್.ಎಮ್ ಪ್ರೊಡಕ್ಷನ್ ಲಾಂಛನಡ್ ಆತ್ಮಾನಂದ ರೈ ನಿರ್ಮಾಣಡ್ ತಯಾರ್ ಆಯಿನ ತುಳು ಪಿಚ್ಚರ್ ಪಿಲಿ ಫೆ.24 ಕ್ಕ್ ತುಳುನಾಡ್‌ಡ್ ಬುಡುಗಡೆ ಆಯರೆ ಉಂಡು ಪಂದ್ ನಿರ್ದೇಶಕೆರ್ ಮಯೂರ್ ಆರ್ ಶೆಟ್ಟಿ ಪಂಡೆರ್.

ಈ ಬಗೆಟ್ ಕುಡ್ಲಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಫೆ.10 ಕ್ಕ್ ಬುಡುಗಡೆ ಆವೊಡಿತ್ತಿನ ಈ ಪಿಚ್ಚರ್ ಕಾರಣಾಂತರರ್ದಾವರ ಬುಡುಗಡೆ ಆತಿಜಿ. ಬಂಗ ಬತ್ತ್‌ದ್ ತುಳು ಭಾಷೆದ ಅಭಿಮಾನರ್ದ್ ಈ ಪಿಚ್ಚರ್‌ನ್ ತಯಾರ್ ಮಲ್ತ್‌ದ. ದುಬೈಡ್ ಇತ್ತೆ ಪಿಚ್ಚರ್‌ದ ಪ್ರೀಮಿಯರ್ ಶೋ ನಡತ್ತ್‌ದಿತ್ತ್‌ದ್ ಜನಕ್ಲೆನ ಪುಗರ್ತೆ ಪಡೆತ್ಂಡ್. ಈ ಪಿಚ್ಚರ್‌ಡ್ ಯುವ ನಟೆ ಭರತ್ ಭಂಡಾರಿ ಕಥೆ ಬರೆದ್ ಸುರುತ್ತ ಸರ್ತಿ ನಾಯಕೆ ನಟೆಯಾದ್ ಅಂಚನೆ ಸ್ವಾತಿ ಶೆಟ್ಟಿ ನಾಯಕಿ ನಟಿಯಾದ್ ನಟನೆ ಮಲ್ತ್‌ದೆರ್ ಪಂದ್ ಪಂಡೆರ್.

ತುಳುನಾಡ್‌ದ ಸಂಸ್ಕೃತಿ, ಆಚರಣೆ ಬೊಕ್ಕ ನಂಬಿಕೆಡ್ ಒಂಜಾಯಿನ ಪಿಲಿ ನಲಿಕೆದ ಕಥೆ ಇಪ್ಪುನ ಪಿಚ್ಚರ್ ಪಿಲಿ. ತುಳುನಾಡ್‌ಡ್ ಪಿಲಿನಲಿಕೆಗ್ ಅಯ್ತನೆ ಆಯಿನ ಗೌರವ ಅಂಚನೆ ಪರಪೋಕು ಉಂಡು. ಆ ಗೌರವಗ್ ಧಕ್ಕೆ ಬನ್ನಗ ಆಚರಣೆಡ್ ಆಪುನ ಲೋಪ-ದೋಷ ಅಂಚನೆ ಪರಿಣಾಮನ್ ಎದುರಿಸಾವೊಡು ಪನ್ಪಿನವು ಈ ಪಿಚ್ಚರ್‌ದ ಕಥೆ ಆತ್ಂಡ್.

ಈ ಪಿಚ್ಚರ್‌ಡ್ ತುಳುನಾಡ್‌ದ ಪುಗರ್ತೆದ ಕಲಾವಿದೆರ್ ಆಯಿನ ನವೀನ್ ಡಿ.ಪಡೀಲ್, ಅರವಿಂದ ಬೋಳಾರ್, ಭೋಜರಾಜ ವಾಮಂಜೂರು, ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್, ತ್ರಿಷಾ ಶೆಟ್ಟಿ, ಕೃತಿ ಶೆಟ್ಟಿ, ವಿಸ್ಮಯ ವಿನಾಯಕ್, ಸ್ವರಾಜ್ ಶೆಟ್ಟಿ, ಸಂತೋಷ್ ಶೆಟ್ಟಿ, ರೂಪ ಡಿ ಶೆಟ್ಟಿ, ಉಮೇಶ್ ಮಿಜಾರ್, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ದೀಪಕ್ ರೈ ಪಾಣಾಜೆ, ಚೇತನ್ ರೈ ಮಾಣಿ ಸೇರಿನಂಚನೆ ಮಸ್ತ್ ಕಲಾವಿದೆರ್ ಬೇತೆ ಬೇತೆ ರೀತಿದ ಪಾತ್ರಡ್ ನಟನೆ ಮಲ್ತ್‌ದೆರ್.

ಪಿಚ್ಚರ್‌ದ ನಾಯಕೆ ನಟೆ ಭರತ್ ಭಂಡಾರಿ, ತುಳುನಾಡ ರಕ್ಷಣಾ ವೇದಿಕೆದ ಯೋಗಿಶ್ ಶೆಟ್ಟಿ ಜೆಪ್ಪು, ಸಹ ನಿರ್ದೇಶಕೆರ್ ಸತೀಶ್ ಪತ್ರಿಕಾಗೋಷ್ಠಿಡ್ ಇತ್ತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ರೇಡಿಯೊ ಮಣಿಪಾಲ್ ಡ್ ಬಂಜಿನಕ್ಲೆನ ಪಥ್ಯೆ ತೆನಸ್ ದ ಅಗತ್ಯತೆದ ಬಗೆಟ್ ಪೊಲಬು

Feb 22, 2023

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 MHz ಡ್ ಕಸ್ತೂರ್ಬಾ ಆಸ್ಪತ್ರೆ ಮಣಿಪಾಲ ಬೊಕ್ಕ ಮಣಿಪಾಲ್ ಇನ್ಸ್ಟಿಟ್ಯೂಟ್ ಆಫ್ ಕಮ್ಯುನಿಕೇಶನ್ ದ ಒಟ್ಟುಸೇರಿಗೆಡ್ ನಡಪುನ ಆರೋಗ್ಯ ದರ್ಶನ ಲೇಸ್ ಡ್ ಬಂಜಿನಕ್ಲೆಗ್ ಪಥ್ಯೆ ತೆನಸ್ ದ ಅಗತ್ಯತೆದ ಬಗೆಟ್ ಪೊಲಬು ಫೆ.22 ಬುಧಾರ ಬಯ್ಯಗ್ 5 ಗಂಟೆಗ್ ಪ್ರಸಾರ ಆಂಡ್.

ಈ ಲೇಸ್ ಡ್ ಮಣಿಪಾಲದ ಕಸ್ತೂರ್ಬಾ ಹಾಸ್ಪಿಟಲ್ ದ ಕ್ಲಿನಿಕಲ್ ನ್ಯೂಟ್ರಿಷನ್ ಆಂಡ್ ಡಯಟಾಟಿಕ್ಸ್ ವಿಭಾಗಡ್ ಪಥ್ಯಾಹಾರ ತಜ್ಞೆರಾಯಿನ ಸುವಿಧಾ ಎಸ್ ಪಾಲ್ ಪಡೆಯೆರ್. ನನ ಫೆ.23 ಮಧ್ಯಾಹ್ನ 1 ಗಂಟೆಗ್ ಮರುಪ್ರಸಾರ ಆಪುಂಡು.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಕಂಕನಾಡಿ ಶ್ರೀ ಬ್ರಹ್ಮಬೈದರ್ಕಳ ಗರೊಡಿದ 150 ನೇ ವರ್ಷ ಸಂಭ್ರಮದ ಲೆಪ್ಪೋಲೆ ಬುಡುಗಡೆ

Feb 22, 2023

ಕಂಕನಾಡಿ ಶ್ರೀ ಬ್ರಹ್ಮಬೈದರ್ಕಳ ಗರೊಡಿ ಕ್ಷೇತ್ರದ 150 ನೇ ವರ್ಷದ ಸಂಭ್ರಮಾಚರಣೆದ ಲೆಪ್ಪೋಲೆನ್ ದ.ಕ. ಕ್ಯಾಟರಿಂಗ್ ಅಸೋಸಿಯೇಷನ್ ಕುಡ್ಲ ನೆತ್ತ ಅಧ್ಯಕ್ಷೆರ್ ರಾಜಗೋಪಾಲ್ ರೈ ಮೇರ್ ಸಂಘದ ಕಚೇರಿಡ್ ಬುಡುಗಡೆ ಮಲ್ತೆರ್.

ಈ ಪೊರ್ತುಡು ಸಂಘದ ಗೌರವಾಧ್ಯಕ್ಷೆರ್ ಸುಧಾಕರ್ ಕಾಮತ್, ವಿ. ವಿ. ಎನ್. ಲಾಸ್ರದೋ, ಕಾರ್ಯದರ್ಶಿ ಜೆಸ್ಸಿ ಸಿಕ್ವೇರಾ, ಕೋಶಾಧಿಕಾರಿ ರಾಜೇಶ್ ಶೆಟ್ಟಿ, ಮಾಜಿ ಅಧ್ಯಕ್ಷೆರ್ ಸತೀಶ್ ಬೋಳಾರ್, ಅನಿಶ್, ಸಂತೋಷ ಡಿಸೋಜ, ವಿಜಯ ಕುಮಾರ್ ಸುರತ್ಕಲ್, ವಿಜಯ ಕುಮಾರ್ ಎಸ್ ಆರ್, ಪ್ರಸಾದ್ ಅಂಚನ್, ನಾರಾಯಣ ಬಂಟ್ವಾಳ್ ಬೊಕ್ಕ ಬ್ರಹ್ಮ ಬೈದರ್ಕಳ ಗರೊಡಿದ ದಿವರಾಜ್ ಇತ್ತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ