February 25, 2023

March 11 th: Bangalore Mysore Express way to be declared open by PM Narendra Modi ಮಾ.11: ಬೆಂಗ್ಲೂರ್- ಮೈಸೂರ್ ಮಾರ್ಗದ ಉದಿಪನ ಮಲ್ಪೆರೆ ಉಲ್ಲೆರ್ ಪ್ರಧಾನಿ ಮೋದಿ

ಬೆಂಗ್ಲೂರ್: ರಾಜಬೂಡು ಬೆಂಗ್ಲೂರ್ ಬೊಕ್ಕ ಮೈಸೂರ್ ಗ್ ಸಂಪರ್ಕ ಇಪ್ಪುನ ಪೊಸ ಮಾರ್ಗನ್ ಪ್ರಧಾನಿ ನರೇಂದ್ರ ಮೋದಿ ಮಾರ್ಚ್ 11 ಕ್ ಉದಿಪನ ಮಲ್ಪೆರೆ ಉಲ್ಲೆರ್.

ಪೊಸ ಮಾರ್ಗದ ನಿರ್ಮಾಣರ್ದ್ ಕೆಂಗೇರಿರ್ದ್ ಮೈಸೂರ್ ಗ್ ಬೇಗನೇ ಎತ್ತಿಯೆರೆ ಆಪುಂಡು. ಮಾರ್ಗ ಉದಿಪನದ ಬೊಕ್ಕ ಮೋದಿ ಬಿಡದಿರ್ದ್ ಮದ್ದೂರು ಮುಟ್ಟ ರೋಡ್ ಶೋ ಮಲ್ಪೆರೆ ಉಲ್ಲೆರ್. ಬೊಕ್ಕ ನಿಢಘಟ್ಟಡ್ ಆಯೋಜನೆ ಮಲ್ತಿನ ಸಾರ್ವಜನಿಕ ಸಭೆತ ಬಗೆಟ್ ಪಾತೆರಿಯೆರೆ ಉಲ್ಲೆರ್. ಬೆಂಗ್ಲೂರ್ ಮೈಸೂರ್ ಮಾರ್ಗರ್ದ್ ಎಚ್ಚದ ಸಂಖ್ಯೆಡ್ ಮೈಸೂರ್ ದ ನಾಗರಿಕೆರ್ ಬೆಂಗ್ಲೂರ್ ಗ್ ಬರಿಯೆರೆ ಉಲ್ಲೆರ್ ಪಂದ್ ವರದಿ ಆತ್ಂಡ್.

March 11 th: Bangalore Mysore Express way to be declared open by PM Narendra Modi

Bangalore: The new Bangalore Mysore Expressway will be declared open by the PM Narendra Modi on March 11 th .Modi will hold a road show between Bidadi to Maddur and will address a public meeting at Nidalgatta.

CM Basavaraj Bommai unveils a statue of the first CM of Karnataka ಕರ್ನಾಟಕದ ಸುರುತ ಸಿಎಂ ನ ಮೈರ್ತಿ ಉದಿಪನ ಮಲ್ತಿನ ಸಿಎಂ ಬೊಮ್ಮಾಯಿ

ಕರ್ನಾಟಕದ ಸುರುತ ಸಿಎಂ ಕೆ.ಸಿ ರೆಡ್ಡಿನ ಕಂಚಿದ ಮೂರ್ತಿನ್ ವಿಧಾನಸೌಧದ ಚಾವಡಿಡ್ ಸಿಎಂ ಬೊಮ್ಮಾಯಿ ಅನಾವರಣ ಮಲ್ದೆರ್.

ಕರ್ನಾಟಕನ್ ಕಟ್ಟಿನ ಧೀಮಂತ ನಾಯಕನ್ ಯುವ ಜನತೆ ಏಪಲ ಮದಪೆರೆ ಬಲ್ಲಿ. ಇಂಚಿನ ಶ್ರೇಷ್ಠ ನಾಯಕಗ್ ಗೌರವ ಸಂದಾವುನ ಮಸ್ತ್ ಅವಶ್ಯಕ. ಭವಿಷ್ಯದ ನಾಡ್ ಕಟ್ಟೆರೆ ದಕ್ಷ ಪ್ರಾಮಾಣಿಕ ಆಡಳಿತ ಇಪ್ಪುನ ಕೆ ಸಿ ರೆಡ್ಡಿ ಬದ್ ಕ್ ಪ್ರತಿಯೊರಿಯಾಗ್ಲಾ ಪ್ರೇರಣೆ ಆತ್ಂಡ್. ಇಂಚಾದ್ ಯುವಪೀಳಿಗೆ ಏಪಲ ಅರೆನ್ ನೆಂಪು ಮಲ್ಪುಲೆಕ್ಕ ಆವೊಡು ಪಂದ್ ಬೊಮ್ಮಾಯಿ ಪಂಡೆರ್.

CM Basavaraj Bommai unveils a statue of the first CM of Karnataka

An statue of the first CM of Karnataka Sri J C Reddy was unveiled by the CM at Vidhana Soudha today.
Speaking after unveiling the statue he said this is in honour of the person who helped in building and developing the state of Karnataka and it would also act as a role model for the younger generation and inspire them of his exceptional governance.

Farmer dies of giant bee bite ಕುಂಡೇಲ್ ತುಚ್ಚಿದ್ ಮರ್ದ್ ತಾಗಂದೆ ತೀರ್ ಪೋಯಿನ ಕೃಷಿಕೆ

ಕಿನ್ನಿಗೋಳಿ: ಕರಿನ ಕೆಲವು ದಿನತ್ತ ಪಿರವು ಕುಂಡೇಲ್ ತುಚ್ಚಿದ್ ಆಸ್ಪತ್ರೆಗ್ ದಾಖಲ್ ಆದಿತ್ತಿನ ಪ್ರಗತಿಪರ ಕೃಷಿಕೆ, ಎಕ್ಕಾರ್ ನಿವಾಸಿ ಅಂಡೋ ಮಿಸ್ಕಿಟ್ (64) ಮೇರ್ ಚಿಕಿತ್ಸೆ ಫಲಕಾರಿ ಆವಂದೆ ತೀರ್ ಪೋಯೆರ್.

ತೋಟಡ್ ಬೇಲೆ ಮಲ್ತೊಂದು ಇತ್ತಿನ ಪೊರ್ತುಡು ಮೆರೆಗ್ ಕುಂಡೇಲ್ ತುಚ್ಚಿದ್ಂಡ್. ಮೇರ್ ಐಕಳ ಪೊಂಪೈ ಪಿಯು ಕಾಲೇಜ್ ದ ವಾಣಿಜ್ಯ ವಿಭಾಗದ ಲ್ಯಾಬ್ ಅಸಿಸ್ಟೆಂಟ್ ಆದ್ ಬೇಲೆ ಮಲ್ತೊಂದಿತ್ತೆರ್. ಕಟೀಲ್ ಸಂತ ಜಾಕೋಬ್ ಇಂಗ್ರೇಜಿದ ಉಪಾಧ್ಯಕ್ಷೆರಾದ್ ಸೇವೆ ಸಂದಾವೊಂದು ಇತ್ತೆರ್. ಮೆರೆಗ್ ಬೊಡೆದಿ ಬೊಕ್ಕ ರಡ್ಡ್ ಜೋಕುಲು ಉಲ್ಲೆರ್.

Farmer dies of giant bee bite

Kinnigoli: A progressive farmer Ando Miscut (64) from Ekkar near Kinnigoli was attacked by bees a few days back. He was hospitalized but could not be saved.
He was vice president of St Jacob Church Kateel.He leaves behind his wife and two children.

Person swallows tablet along with the aluminium foil – gets admitted to a hospital as it blocks his intestine ಅಲ್ಯೂಮಿನಿಯಂ ಫಾಯಿಲ್ ದೆಪ್ಪಂದೆ ದಿಂಗಿನ ಮಾತ್ರೆ ಕರ್ಲ್ ಡ್ ತಿಕೊಂದು ಆಸ್ಪತ್ರೆಗ್ ದಾಖಲ್

ಡೆಲ್ಲಿ: 61 ವರ್ಷದ ಒಂಜಿ ಜನ ಆಕಸ್ಮಿಕವಾದ್ ಅಲ್ಯೂಮಿನಿಯಂ ಬ್ಲಿಸ್ಟರ್ ಫಾಯಿಲ್ ದೆಪ್ಪಂದೆ ಮಾತ್ರೆ ದಿಂಗ್ ದ್ ಆಸ್ಪತ್ರೆಗ್ ದಾಖಲ್ ಆಯಿನ ಘಟನೆ ನಡತ್ಂಡ್.

ಮೇರ್ ದಿಂಗಿನ ಮಾತ್ರೆ ಕರ್ಲ್ ಡ್ ತಿಕೊಂದು, ಮೆರೆನ ಸ್ಥಿತಿ ಸೀರಿಯಸ್ ಆದಿತ್ತ್ಂಡ್. ಕೂಡ್ಲೆ ಡೆಲ್ಲಿದ ಸರ್ ಗಂಗಾರಾಮ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಮುಲ್ಪ ಡಾಕ್ಟರ್ ನಕುಲು ಶಸ್ತ್ರಚಿಕಿತ್ಸೆ ಮಲ್ತ್ ದ್ ಮೆರೆನ್ ಬಚಾವು ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.

Person swallows tablet along with the aluminium foil – gets admitted to a hospital as it blocks his intestine

Delhi : A 61 year old man accidentally swallows a tablet along with the foil and is admitted to the hospital as it blocks his intestine.Noting the severity of his condition doctors at Sir Gangaram hospital operated on him and he is now out of danger.

March 5 th – 11th: New Brahmaratha to be offered at Shri Mrityunjaya Rudhra Somanatheswara temple, Bola ಮಾ.5-11: ಬೋಳ ಶ್ರೀ ಮೃತ್ಯುಂಜಯ ರುದ್ರ ಸೋಮನಾಥೇಶ್ವರ ದೇವಲ್ಯಡ್ ಪೊಸ ಬ್ರಹ್ಮತೇರ್ ಸಂಪ್ರೋಕ್ಷಣೆ

ಕಾರ್ಲ: ಬೋಳ ಶ್ರೀ ಮೃತ್ಯುಂಜಯ ರುದ್ರ ಸೋಮನಾಥೇಶ್ವರ ದೇವಲ್ಯಡ್ ಪೊಸ ಬ್ರಹ್ಮತೇರ್ (ಬ್ರಹ್ಮರಥ) ಸಂಪ್ರೋಕ್ಷಣೆ, ಬ್ರಹ್ಮತೇರ್ ಉಚ್ಚಯ ಬೊಕ್ಕ ಬೋಳದ ಆಯನ ಮಾ.5-11 ಮುಟ್ಟ ನಡಪರೆ ಉಂಡು.

ಬೆಳ್ಮಣ್ಣು ದೊಡ್ಡಮನೆ ಗುರುರಾಜ ತಂತ್ರಿ ಬೊಕ್ಕ ಸರ್ವೇಶ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಅಂಚನೆ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಬ್ರಹ್ಮರಥ ನಿರ್ಮಾಣ ಸಮಿತಿದ ಅಧ್ಯಕ್ಷೆರ್ ಬಿ. ರಾಘರಾಮ್ ಕೆ ಶೆಟ್ಟಿ, ಗೌರವಾಧ್ಯಕ್ಷೆರ್ ಸಚಿವೆರ್ ವಿ ಸುನಿಲ್ ಕುಮಾರ್, ಪರ್ತಿಮಾರಗುತ್ತು ಬಿ. ಸುಬ್ಬಯ್ಯ ವಿ. ಶೆಟ್ಟಿ, ಮರಿಮಾರಗುತ್ತು ಬಿ. ರಾಮಚಂದ್ರ ಹೆಗ್ಡೆ, ಕುಕ್ಕೆರಪರಾರಿ ನಾರಾಯಣ ಶೆಟ್ಟಿ, ಅನುವಂಶಿಕ ಆಡಳಿತ ಮೊಕ್ತೇಸರೆರ್ ವಿನಯ ಪಿ. ಶೆಟ್ಟಿ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

” Hasiru Bettada Odhaya” devotional song series released ಕಲಾವಿದೆ ಸೂರಿ ಮಾರ್ನಾಡ್ ಸಾಹಿತ್ಯದ ‘ಹಸಿರು ಬೆಟ್ಟದ ಒಡೆಯ’ ಭಕ್ತಿ ಸುಗಿಪು ಬುಡುಗಡೆ

ಬೊಂಬೈ: ವರ್ಲಿದ ಮಧುಸೂದನ್ ಮಿಲ್ ಕಾಂಪೌಂಡ್ ಡ್ ಉಪ್ಪುನ ಅಪ್ಪಾಜಿ ಬೀಡು ಫೌಂಡೇಶನ್‌ (ರಿ.) ಬೊಕ್ಕ ಐ ಲೇಸಾ ದಿ ವಾಯ್ಸ್‌ ಆಫ್‌ ಓಷನ್‌ (ರಿ.) ಸಂಸ್ಥೆದ ಒಟ್ಟುಸೇರಿಗೆಡ್ ಕಲಾವಿದೆರ್ ಸೂರಿ ಮಾರ್ನಾಡ್‌ ಸಾಹಿತ್ಯದ ಹಸಿರು ಬೆಟ್ಟದ ಒಡೆಯ ಭಕ್ತಿ ಸುಗಿಪುನ್ ಬುಡುಗಡೆ ಲೇಸ್ ನಡತ್ಂಡ್.

ಮಲ್ಲ ಬಿನ್ನೆರಾದ್ ಟೀಂ ಐಲೇಸಾದ ಕಬಿ, ಸಾಹಿತಿ ಶಾಂತಾರಾಮ ಶೆಟ್ಟಿ ಮೇರ್ ಪಾತೆರ್ದ್, ಕೊರೊನಾದ ಪೊರ್ತುಡು ಕಬಿತೆ ಒಂಜೆನ್ ಬರೆದಿತ್ತೆ, ಅವೆನ್ ಆತ್ಮೀಯೆರಾಯಿನ ಕೆಲವೆರ್ ಓದುದು ಅಯಿಕೊಂಜಿ ಗಟ್ಟಿತನದ ಶಕ್ತಿ ಕೊರಿಯೆರ್. ಅತ್ತಂದೆ ಕಡಲಾಯೆರೆ ದೇಶದ ದೋಸ್ತಿಲು ಅಯಿಕ್ ಸಹಕಾರ ಮಲ್ತೆರ್. ಆ ಶಕ್ತಿಯೇ ಐ ಲೇಸಾ ಕೂಟವಾದ್ ಬುಲೆಂಡ್. ಸೂರಿ ಮಾರ್ನಾಡ್ ಒರಿ ಅದ್ಭುತ ಕಲಾವಿದೆರ್, ಅಯ್ಯಪ್ಪ ಸ್ವಾಮಿ ಭಕ್ತೆರಾಯಿನ ಆರ್ ಭಕ್ತಿದ ಅನುಭವನ್ ಸಾಹಿತ್ಯಡ್ ತೂಪಾಯೆರ್. ಭಕ್ತಿ ಸುಗಿಪುನ್ ಜನಸಾಮಾನ್ಯರೆಗ್ ಎತ್ತುನವು ಬೇಲೆ ನಮ್ಮ ಮಾತೆರ್ನಾಲ ಆತ್ಂಡ್, ಅವು ಅರೆನ್ ನಮ ಕೊರ್ಪುನ ಕೊಡುಗೆ ಪಂದ್ ಪಂಡೆರ್.

ಅಂಧೇರಿ ಅಯ್ಯಪ್ಪ ಭಕ್ತ ವೃಂದದ ಸಂಸ್ಥಾಪಕೆರ್ ಚಂದ್ರಹಾಸ್ ಗುರುಸ್ವಾಮಿ ಇನ್ನಂಜೆ ಆಶೀರ್ವಚನದ ಪಾತೆರನ್ ಪಾತೆರ್ದ್, ಕಲಿಯುಗಡ್ ತೋಜುನ ದೇವೆರ್ ಪಂಡ ಅವು ಅಯ್ಯಪ್ಪ ಸ್ವಾಮಿ. ಆರೆನ್ ಭಕ್ತಿಡ್ ಸ್ಮರಣೆ ಮಲ್ತ್ಂಡ ನಮಕ್ ಆಶೀರ್ವಾದ ಮಲ್ಪುವೆರ್. ಇನಿ ಬುಡುಗಡೆ ಆಯಿನ ಈ ಭಕ್ತಿ ಸುಗಿಪುನ್ ಕೇನುನ ಮುಖೇನ ನನಾತ್ ಜನ ಆಧ್ಯಾತ್ಮಿಕದ ತಾದಿಡ್ ನಡಪಾಡ್ ಪಂದ್ ಪಂಡೆರ್.

ಭಕ್ತಿ ಸುಗಿಪುನ್ ಬುಡುಗಡೆ ಮಲ್ತಿನ ಅಪ್ಪಾಜಿ ಬೀಡುದ ಸಂಸ್ಥಾಪಕೆರ್ ರಮೇಶ್ ಗುರುಸ್ವಾಮಿ ಆಶೀರ್ವಚನ ಕೊರ್ದು, ಟೀಂ ಐಲೇಸಾದ ಕೂಟದಕ್ಲೆಗ್ ಈ ಭಕ್ತಿ ಸುಗಿಪುನ್ ವಿದೇಶಡ್ ಬುಡುಗಡೆ ಮಲ್ಪುನಾತ್ ಸಾಮರ್ಥ್ಯ ಇತ್ತ್ಂಡ್. ಆಂಡ ಅಪ್ಪಾಜಿ ಬೀಡುದ ಪುಣ್ಯ ಭೂಮಿಡ್ ಬುಡುಗಡೆ ಆವೊಡು ಪನ್ಪುನ ಅಕ್ಲೆನ ಮಾತೆರ್ನಾಲ ಭಕ್ತಿಗ್ ಕಲಿಯುಗ ವರದೆ ಅಯ್ಯಪ್ಪೆ ಏಪಲ ಮಾತೆರೆಗ್ಲ ಅನುಗ್ರಹ ಮಲ್ಪುವೆ, ಈ ಭಕ್ತಿ ಸುಗಿಪುಡ್ ಅಯ್ಯಪ್ಪ ಚಿಂತನೆ ಉಂಡು. ಸೂರಿ ಮಾರ್ನಾಡ್‌ ಸಹೋದರೆರ್ ಮಾತ ಕ್ಷೇತ್ರಡ್ಲಾ ಪರಿನಿತೆರ್. ನಮ್ಮ ಕ್ಷೇತ್ರದ ಮಿತ್ತ್ ದೀನ ಭಕ್ತಿಗ್ ಈ ಲೇಸ್ ಕೊಡುಗೆ ಆತ್ಂಡ್. ಈ ಭಕ್ತಿ ಸುಗಿಪು ಲೋಕ ಪ್ರಸಿದ್ಧಿ ಆವಡ್, ಅಯ್ಯಪ್ಪ ಸ್ವಾಮಿನ ಸ್ಮರಣೆಡ್ ದಿವ್ಯ ಶಕ್ತಿ ಉಂಡು ಪಂದ್ ಪಂಡೆರ್.

ಗೌರವ ಬಿನ್ನೆರಾದ್ ಗೋಪಾಲ್‌ ಪಟ್ಟೆ ಬೊಕ್ಕ ಯುಕೆದ ವಿವೇಕಾನಂದ ಮಂಡೆಕರ ಮೊಕ್ಲೆನ ಉಪಸ್ಥಿತಿದೊಟ್ಟಿಗೆ ಬೊಂಬೈದ ಶ್ರೇಷ್ಠ ಗುರುಸ್ವಾಮಿಲಾಯಿನ ರಮೇಶ್‌ ಗುರುಸ್ವಾಮಿ, ಶಾಂಭವಿ ಗುರುಸ್ವಾಮಿ, ರಾಜಮಣಿ ಸ್ವಾಮಿ, ಚಂದ್ರಹಾಸ ಸ್ವಾಮಿ ಬೊಕ್ಕ ರೇರೋಡಿದ ಶ್ರೀ ಅಯ್ಯಪ್ಪ ಭಕ್ತ ವೃಂದದ ಸಂಸ್ಥಾಪಕೆರ್ ಸತೀಶ್‌ ಗುರು ಸ್ವಾಮಿ, ಅಪ್ಪಾಜೀ ಬೀಡುದ ಟ್ರಸ್ಟಿ, ಮಹಿಳಾ ವಿಭಾಗ ಕಾರ್ಯಾಧ್ಯಕ್ಷೆರ್ ಕವಿತಾ ಶೆಟ್ಟಿ ಮೊಕುಲು ಮಾತ ಸೇರ್ದ್ ತುಡರ್ ಅರ್ಲಾದ್, ಭಕ್ತಿ ಸುಗಿಪು ಬುಡುಗಡೆ ಮಲ್ತ್ ದ್, ಆಶಿರ್ವಾದ ಮಲ್ತೆರ್.

ಈ ಲೇಸ್ ಡ್ ಪಾಲ್ ಪಡೆಯಿನ ಸ್ವಾಮೀಜಿ ನಕ್ಲೆಗ್ ಗುರುಕಾಣಿಕೆ ಕೊರ್ದು ಸೂರಿ ಮಾರ್ನಾಡು ದಂಪತಿಲು ಗೌರವಿಸಾಯೆರ್. ಭಕ್ತಿ ಸುಗಿಪು ಪದ ಪಂಡಿನಕ್ಲೆಗ್ ತಾಂತ್ರಿಕ ವರ್ಗದಕ್ಲೆಗ್ ಪಲಕ ಕೊರ್ದು ಮಾನಾದಿಗೆ ಮಲ್ತೆರ್. ಶಕುಂತಲಾ ಶೆಟ್ಟಿ ಮೇರ್ ಹಸಿರು ಬೆಟ್ಟದ ಸಾಹಿತ್ಯ, ಸಂಗೀತ, ಪದ ಪಂಡಿನಕ್ಲೆನ ಬಗ್ಗೆ ತೆರಿಪಾಯೆರ್.

ಭಕ್ತಿ ಸುಗಿಪುದ ಸಾಹಿತ್ಯ ಬರೆಯಿನ ಸೂರಿ ಬೊಕ್ಕ ಆರೆನ ಪರಿವಾರಗ್ ತಮ್ಮನ ಮಲ್ತೆರ್. ಬೊಕ್ಕ ಈ ಲೇಸ್ ಗ್ ಅನು ಕೊರ್ನ ಅಪ್ಪಾಜಿ ಬೀಡು ಫೌಂಡೇಶನ್ ದ ಸ್ಥಾಪಕೆರ್, ಅಧ್ಯಕ್ಷೆರ್ ಸುರೇಶ್‌ ಶೆಟ್ಟಿ ಕೇದಗೆ ಮೆರೆನ್ ಮಾನಾದಿಗೆ ಮಲ್ತೆರ್.

ಭಕ್ತಿ ಸುಗಿಪು ಬುಡುಗಡೆ ಆಯಿ ಬೊಕ್ಕ ರಮೇಶ್‌ ಗುರುಸ್ವಾಮಿನ ಅಮರ್ ಜೋಕುಲು ರಾಣಿ ಬೊಕ್ಕ ರಾಗಿಣಿ ಪದ ಪಂಡಿನ ಅಪ್ಪಾಜಿ ಬೀಡುದ ಪದನ್ ಉಂದುವೇ ಪೊರ್ತುಡು ಬಿಡುಗಡೆ ಮಲ್ತೆರ್. ಅಪ್ಪಾಜಿ ಬೀಡುದ ಅಧ್ಯಕ್ಷೆರ್ ಸಂತೋಷ್‌ ಶೆಟ್ಟಿ ಲೇಸ್ ದ ಯಶಸ್ಸಗ್ ಸಹಕಾರ ಮಲ್ತಿನ ಭಕ್ತೆರೆಗ್ ಮಾತೆರೆಗ್ಲಾ ನನದ ದಿನಟ್ಲಾ ಕ್ಷೇತ್ರಡ್ ನಡಪುನ ಸೇವಾ ಕಾರ್ಯಲೆಡ್ ಪಾಲ್ ಪಡೆಯೆರೆ ಬಿನ್ನಾಪು ಮಲ್ತ್ ದ್ ಸೊಲ್ಮೆ ಸಂದಾಯೆರ್. ರಘುನಾಥ್‌ ಶೆಟ್ಟಿ ಕಾಂದಿವಲಿ ಮೇರ್ ಲೇಸ್ ದ ಸುಧಾರಿಕೆ ಮಲ್ತೆರ್. ಅಪ್ಪಾಜೀ ಬೀಡುದ ಮಹಿಳಾ ವಿಭಾಗದಕುಲು ಪ್ರಾರ್ತನೆ ಮಲ್ತ್ ದ್ ಲೇಸ್ ದ ಉದಿಪನ ಮಲ್ತೆರ್.

ಈ ಪೊರ್ತುಡು ಅಪ್ಪಾಜಿ ಬೀಡುದ ಮಾತ ಕಾರ್ಯಕರ್ತೆರ್, ಕಾರ್ಯಕಾರಿ ಸಮಿತಿದ ಸದಸ್ಯೆರ್, ಕರ್ನಾಟಕ ಸಂಘದ ಭರತ್‌ಕುಮಾರ್‌ ಪೊಲಿಪು, ಓಂದಾಸ್‌ ಕಣ್ಣಂಗಾರ್‌, ಕವಿ ವಿಶ್ವನಾಥ್‌ ಪೇತ್ರಿ, ರಂಗನಟೆ ಮೋಹನ್‌ ಮಾರ್ನಾಡ್‌, ಅಹಲ್ಯ ಬಲ್ಲಾಳ್‌, ಮನೋಹರ ನಂದಳಿಕೆ, ಅವಿನಾಶ್‌ ಕಾಮತ್‌, ರಮೇಶ್‌ ಶಿವಪುರ್‌, ನಮನ ಫ್ರೆಂಡ್ಸ್‌ದ ಪ್ರಭಾಕರ್‌ ದಿವಾಕರ್‌, ಬಂಟರ ಸಂಘ ಸಿಟಿ ರೀಜನ್‌ದ ಅಧ್ಯಕ್ಷೆರ್ ಶಿವರಾಮ್‌ ಶೆಟ್ಟಿ, ಆಶೋಕ್‌ ಪಕ್ಕಳ, ವಿಶ್ವನಾಥ್‌ ಶೆಟ್ಟಿ, ಸುಚಿತ್ರಾ ಶೆಟ್ಟಿ, ಐಲೇಸಾದ ಪದಗಾರೆರ್ ಡಾ .ಪಲ್ಲವಿ, ರಾಶಿ, ರಮೇಶ್‌ ನಾರಾಯಣ, ವಿಜಯರಾಘವನ್‌, ಸುವಿದ್‌ ಸೂರಿ ಮಾರ್ನಾಡ್‌ ಇತ್ತೆರ್. ಅಪ್ಪಾಜೀ ಬೀಡುದ ಸದಸ್ಯೆರ್ ಸಹಕಾರ ಕೊರಿಯೆರ್. ಅಪ್ಪಾಜೀ ಬೀಡುದ ಅಧ್ಯಕ್ಷೆರ್ ಸದಸ್ಯೆರೆನ್ ಐಲೇಸಾದ ಪರವಾದ್ ಮಾನಾದಿಗೆ ಮಲ್ತೆರ್. ಬೊಕ್ಕ ಶಿವರಾತ್ರಿದ ಲೆಕ್ಕೊಡು ಭಜನೆ ಬೊಲ್ಪು ಮುಟ್ಟ ನಡತ್ಂಡ್.

ಚಿತ್ರ, ವರದಿ: ದಿನೇಶ್ ಕುಲಾಲ್

” Hasiru Bettada Odhaya” devotional song series released

Mumbai: Appaji Beedu foundation Worli;” Ilaysa the voice of the Ocean”, organization together released a devotional songs series “Hasiru Bettada Odhaya” the lyrics of which has been composed by Suri Marnad.

March 8 th: 31 st annual program of Ballamgudeleu Gelayara Balaga ಮಾ.8: ಬಲ್ಲಂಗುಡೇಲು ಗೆಳೆಯರ ಬಳಗ ಮುತಾಲಿಕೆಡ್ 31ನೇ ವರ್ಷದ ಉಚ್ಚಯ

ಮಂಜೇಶ್ವರ: ಬಲ್ಲಂಗುಡೇಲು ಗೆಳೆಯರ ಬಳಗದ ಮುತಾಲಿಕೆಡ್ 31 ನೇ ವರ್ಷದ ಉಚ್ಚಯ ಮಾ.8 ಕ್ ನಡಪರೆ ಉಂಡು.

ಬಲ್ಲಂಗುಡೇಲು ಶ್ರೀ ಪಾಡಂಗರೆ ಭಗವತಿ ಕ್ಷೇತ್ರದ ವರ್ಷಾಧಿದ ಕಳಿಯಾಟ ಉಚ್ಚಯದ ಪೊರ್ತುಡು ಗೆಳೆಯರ ಬಳಗದ ವಾರ್ಷಿಕ ಉಚ್ಚಯನ್ ಆಚರಣೆ ಮಲ್ತೊಂದು ಬರೊಂದು ಇತ್ತ್ಂಡ, ಈ ವರ್ಷ ಕ್ಷೇತ್ರದ ಚಾವಡಿಡ್ ನಡಪರೆ ಉಂಡು. ನೆತ್ತ ಅಂಗವಾದ್ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ಕೃಪಾ ಪೋಷಿತ ಯಕ್ಷಗಾನ ಮಂಡಳಿ ಮುಲ್ಕಿ ಮೊಕ್ಲೆರ್ದ್ ” ಕಾರ್ಣಿಕದ ಪಂಚ ದೈವೊಲು” ಪನ್ಪುನ ತುಳು ಆಟ ನಡಪರೆ ಉಂಡು.

*ಗೆಳೆಯರ ಬಳಗದ ಎಲ್ಯ ಪೊಲಬು:* 1992 ನೇ ಇಸವಿಡ್ ಸೆಪ್ಟೆಂಬರ್ ತಿಂಗೊಲ್ಡ್ ಸ್ಥಾಪನೆ ಆಯಿನ ಗೆಳೆಯರ ಬಳಗ ಇನಿಕ್ಕಾನಗ 60 ಜನ ಸದಸ್ಯೆರೆನ ಸೇರಿಗೆಡ್ 31ನೇ ವರ್ಷದ ವಾರ್ಷಿಕ ಉಚ್ಚಯನ್ ಆಚರಣೆ ಮಲ್ತೊಂದುಂಡು.

ಮಾಜಿ ಗುರಿಕಾರೆ ರವೀಂದ್ರ ಶೆಟ್ಟಿ ಕರಿಬೈಲ್ ಮೆರೆನ ಕಾಲಡ್ ಪೆರಿಯ ಸದಸ್ಯೆರೆನ ಶ್ರಮೊಟ್ಟು, ಮೇ 6, 2000 ಇಸವಿಡ್ ಸಂಘಗ್ ಒಂಜಿ ಸ್ವಂತ ಕಟ್ವಾಣ ಬೋಡು ಪನ್ಪಿನ ಉದ್ದೇಶಡ್, ಕುಞಹಿತ್ತುಲು ದಿ.ಕಂಡಪ್ಪ ಬೆಳ್ಚಾಪಡೆರ್ನ ಜಾಗೆದ ಸಕಾಯಡ್, ಊರು, ಪರವೂರುದಕ್ಲೆನ ಸಾಕಾರಡ್ ಕಟ್ವಾಣ ಕಟ್ಟ್ ದ್ ಉದಿಪನ ಆಂಡ್. ಪ್ರತಿ ವರ್ಷ ಬಲ್ಲಂಗುಡೇಲ್ ದ ಅಪ್ಪೆ ಶ್ರಿ ಪಾಡಂಗರೆ ಭಗವತಿ ಕ್ಷೇತ್ರದ ಕಳಿಯಾಟದ ಪೊರ್ತುಡು “ವಾರ್ಷಿಕ ಉಚ್ಚಯ” ಬೊಕ್ಕ ಶ್ರಿಕೃಷ್ಣ ಪುಟ್ಟಿನ ಪರ್ಬದ ದಿನ ಶ್ರೀ ಕೃಷ್ಣ ಜನ್ಮಾಷ್ಟಮಿದ ಲೆಕ್ಕೊಡು “ಮೊಸರು ಕುಡಿಕೆ” ಉಚ್ಚಯ ಬೊಕ್ಕ “ಸ್ವಾತಂತ್ರ ದಿನಾಚರಣೆನ್” ಮಲ್ತೊಂದುಲ್ಲೆರ್.

2002 ನೇ ಇಸವಿಡ್ ಸಂಘದ 10ನೇ ವರ್ಷದ ಪರ್ಬ ಬೊಕ್ಕ 2017 ನೇ ಇಸವಿಡ್ 25 ನೇ ವರ್ಷದ ಪರ್ಬ ಗೌಜಿಡ್ ನಡತ್ಂಡ್. ಮಾಜಿ ಗುರಿಕಾರೆ ಹರಿಜೀವನ್ ದಾಸ್ ಮೂಡಂಬೈಲ್ ಮೆರೆನ ಕಾಲಡ್ 26ನೇ ವರ್ಷದ ಪರ್ಬಗ್ ಶ್ರೀ ಕ್ಷೇತ್ರದ ಕಳಿಯಾಟದ ಪೊರ್ತುಡು ಕಟೀಲ್ ಮೇಳ ಕಲಾವಿದೆರೆರ್ದ್ “ಶ್ರೀ ದೇವಿ ಮಹಾತ್ಮೆ” ಪನ್ಪಿನ ಪುಣ್ಯ ಕತೆನ್ ಗೊಬ್ಬವುನಂಚಿನ ಭಾಗ್ಯಲ ಬಳಗದ ಪಾಲ್ ಗ್ ಒದಗ್ ದ್ ಬತ್ತ್ಂಡ್.

ಬಳಗದ ಮಾಜಿ ಗುರಿಕಾರೆ ಉದಯ ಕುಮಾರ್ ಶೆಟ್ಟಿ ಕರಿಬೈಲ್ ಮೆರೆನ ಗುರ್ಕಾರ್ಮೆದ ಪೊರ್ತುಡು ಕರಿದ್ ಪೋಯಿನ ಸಂಘದ ಸದಸ್ಯೆ ದಿ. ಜಯನಂದ ಕುಂಞ ಹಿತ್ತಿಲು ಮೆರೆನ ನೆಂಪುಗು ಜ.19, 2020 ನೇ ಇಸವಿಡ್ ಕೆ.ಎಸ್ ಹೆಗ್ಡೆ ಮೆಡಿಕಲ್ ಕಾಲೇಜ್ ದೇರಳಕಟ್ಟೆ ಮೊಕ್ಲೆನ ಒಟ್ಟು ಸೆರಿಗೆಡ್ ಮೂಡಂಬೈಲ್ ಶಾಲೆಡ್ “ಮೆಗಾ ಮೆಡಿಕಲ್ ಕ್ಯಾಂಪ್” ಮಲ್ತ್ ದ್ 100 ಜನಕ್ ಹೆಲ್ತ್ ಕಾರ್ಡ್ (1ವರ್ಷ ಅವಧಿ), 50 ಜನಕ್ ಧರ್ಮಗ್ ಕನ್ನಡಕ ಬೊಕ್ಕ 5 ಜನಕ್ ಧರ್ಮಗ್ ಕಣ್ಣ್ ದ ಚಿಕಿತ್ಸೆನ್ ಬಳಗ ಮಲ್ತ್ ದ್ ಊರುದಕ್ಲೆನ ಪುಗರ್ತೆಗ್ ಪಾತ್ರರಾತ್ಂಡ್.

2020 ಮಾರ್ಚ್ ಡ್ ಕೊರೊನಾದ ಪೊರ್ತುಡು ಸಮಾಜಗ್ ದಾದಂಡಲ ಸಕಾಯ ಮನ್ಪೊಡು ಪನ್ಪಿನ ಧ್ಯೇಯ ಡ್ ಕೆಲವು ಕುಟುಂಬಗ್ “ವನಸ್ ತೆನಸ್ ದ ಕಿಟ್ಟ್” ನ್ ಕೊರ್ದು ಜನಕುಲೆನ ಪ್ರೀತಿಗ್ ಪಾತ್ರರಾತೆರ್.

ಇತ್ತೆದ ಗುರಿಕಾರೆ ಆಯಿನ ಮಾದವ ಉಳಿಯ ಮೆರೆನ ಮುತಾಲಿಕೆಡ್ ಮೂಡಂಬೈಲ್ ಸರಕಾರಿ ಪ್ರೌಢ ಶಾಲೆಡ್ ಇಂಚಿಪ್ಪ ನಡತಿನ ಮಂಜೇಶ್ವರ ಗೋವಿಂದ ಪೈ ಕಾಲೇಜ್ ಜೊಕುಲೆನ N.S.S ಶಿಬಿರದ ಪೊರ್ತುಡು ಜೊಕುಲೆಗ್ ಒಂಜಿ ಪೊರ್ತುದ “ವನಸ್ ದ ವ್ಯವಸ್ಥೆ” ಲ (100 ಜನತ) ಮಲ್ದೆರ್. 75ನೇ ವರ್ಷದ ಸ್ವಾತಂತ್ರ್ಯ ಉಚ್ಚಯದ ಪೊರ್ತುಡು ಮೂಡಂಬೈಲ್ ಶಾಲೆದ ಜೋಕುಲೆಗ್ “ಚೀಪೆ ತಿಂಡಿ” (ಪಾಯಿಸ)ದ ವ್ಯವಸ್ಥೆನ್ ಮಲ್ದೆರ್. ಅತ್ತಂದೆ ಊರುಡು ಶ್ರಮದಾನ ಬೊಕ್ಕ ಸಂಘದ ಜವನೆರ್ ಅಕುಲು ಬೆನ್ಪಿನ ಊರುಡು (ರಕ್ತದಾನ) ನೆತ್ತೆರ್ ಕೊರ್ದು ಪುಗರ್ತೆ ಪಡೆತೆರ್.

*ಬಳಗದ 2022-23 ನೇ ವರ್ಷದ ಪದುಕೆರೆನ ಪೊಲಬು:* ಮಾದವ ಉಳಿಯ (ಗುರಿಕಾರೆರ್), ಪ್ರದೀಪ್ ಶೆಟ್ಟಿ ಬಲ್ಲಂಗುಡೇಲ್ (ಕಾರ್ಯಂತೆರ್), ಆನಂದ ಮಜಿಬೈಲ್ (ಕೋಶಾಧಿಕಾರಿ), ಜತೆ ಗುರಿಕಾರೆನಕುಲು ಪ್ರವೀಣ್ ಶೆಟ್ಟಿ ಕರಿಬೈಲು, ರಾಜೇಶ್ ಬಲ್ಲಂಗುಡೇಲ್, ಜತೆ ಕಾರ್ಯಂತೆರ್ ಮಿಥುನ್ ಉಳಿಯ, ಶೇಖರ ಕಂಗುಮೆ, ಜಯಕುಮಾರ್ ಕರಿಬೈಲ್, ರಾಮ್ ಪ್ರಕಾಶ್ ಆಳ್ವ ಪಟ್ಟತಮೊಗರು (ಲೆಕ್ಕ ತೂಪಿನಾರ್) ಇತ್ತೆರ್.

ಈ ಬಳಗದ ಸದಸ್ಯೆರಾದ್ ಉದಯಕುಮಾರ್ ಶೆಟ್ಟಿ ಕರಿಬೈಲು, ಕಾರ್ತಿಕ್ ಶೆಟ್ಟಿ ಮಜಿಬೈಲು, ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ (ದುಬೈ), ಸಂಜೀವ ಚುಳ್ಳಿ, ಪ್ರಭಾಕರ ಶೆಟ್ಟಿ ಪನಂಬೆ, ಅರುಣ್ ಮುಗುಳಿ, ಬಶೀರ್ ಮೂಡಂಬೈಲ್, ಅರ್ಪಿತ್ ಪನಂಬೆ (ದುಬೈ), ಅರುಣ್ ಆಳ್ವ ಪಟ್ಟತ್ತಮೊಗರು (ದುಬೈ), ಚಂದ್ರಹಾಸ ಅಜ್ಜಿಹಿತ್ಲು, ಚಂದ್ರಹಾಸ ಶೆಟ್ಟಿ ಕರಿಬೈಲು, ಕೆ.ಜಯರಾಮ ಬಲ್ಲಂಗುಡೇಲು, ಡಾ. ಪ್ರಜ್ವಲ್ ಶೆಟ್ಟಿ ಮಜಿಬೈಲು, ಪಿ. ಮೂಸ ಅಜ್ಜಿಹಿತ್ಲು, ರವಿಂದ್ರ ಶೆಟ್ಟಿ ಕರಿಬೈಲು, ಮೋಹನ ದಾಸ್ ಚಿಗುರುಪಾದೆ, ನವೀನ್ ಶೆಟ್ಟಿ ಮಾಯಿಪ್ಪಾಡಿ, ಕುಞಿಮೋನು ಪಾನಂಗಡಿ (ದುಬೈ), ಹರಿಜೀವನದಾಸ್ ನೀರಹಳ್ಳಿ ಮೂಡಂಬೈಲ್, ಯತೀಶ್ ಕರಿಬೈಲು (ದುಬೈ), ಸುಧಾಕರ ಸಸಿಹಿತ್ಲು (ದುಬೈ), ರಂಜಿತ್ ಕುಞಿಹಿತ್ಲು, ಕಿರಣ್ ಆಳ್ವ ಪಟ್ಟತ್ತಮೊಗರು, ಯೊಗೀಶ್ ಶೆಟ್ಟಿ ಗಾಣದಮೂಲೆ, ಲಕ್ಷ್ಮಣ ಕೆ.ಬಲ್ಲಂಗುಡೇಲು (ದುಬೈ), ಪದ್ಮನಾಭ ಕರಿಬೈಲು (ಬಹರೈನ್), ಮನೋಜ್ ಉಳಿಯ, ಜೀವನ್ ಉಳಿಯ (ದುಬೈ), ನರೇಂದ್ರ ಸಸಿಹಿತ್ಲು (ದುಬೈ), ಸೀತಾರಾಮ ಗಾಣದಮೂಲೆ, ಜಗದೀಶ್ ಅಜ್ಜಿಹಿತ್ಲು (ದುಬೈ), ಪ್ರವೀಣ್ ಶೆಟ್ಟಿ ಬಲ್ಲಂಗುಡೇಲು (ಸೌದಿ ಅರೇಬಿಯ), ಸತೀಶ್ ಶೆಟ್ಟಿ ಕರಿಬೈಲು, ಪ್ರದೀಪ್ ಆಳ್ವ ಕರಿಬೈಲು, ಸುಶಾಂತ್ ಆಳ್ವ ಕರಿಬೈಲು (ಬೆಂಗ್ಲೂರ್), ಶಶಿಧರ ಕರಿಬೈಲು, ಸುಂದರ ಕರಿಬೈಲು, ಪವಿತ್ರ ಕುಮಾರ್ ಶೆಟ್ಟಿ ಕರಿಬೈಲು (ಬೆಂಗ್ಲೂರ್), ಜಯರಾಮ ಶೆಟ್ಟಿ ಕಂಗುಮೆ (ದುಬೈ), ಉಮೇಶ್ ಶೆಟ್ಟಿ ಕಂಗುಮೆ (ದುಬೈ), ಶಿವಪ್ರಸಾದ್ ಶೆಟ್ಟಿ ಪನಂಬೆ, ಕೇಶವ ಹೊಸಗದ್ದೆ, ಯತೀಶ್ ಸೊಯಿಪಕಲ್ಲು (ದುಬೈ), ಸತೀಶ್ ಕಂಗುಮೆ, ದೀಕ್ಷಿತ್ ರೈ ಕುದುರು, ಪ್ರಕಾಶ್ ಕರಿಬೈಲು, ಧನಂಜಯ್ ಕಂಗುಮೆ, ನವೀನ್ ಪನಂಬೆ (ದುಬೈ), ಗಣೇಶ್ ಮಯ್ಯ ಮೂಡಂಬೈಲ್, ಭರತ್ ಅಜ್ಜಿಹಿತ್ಲು, ಪದ್ಮನಾಭ ಕಡಂಬಾರ್ ಉಲ್ಲೆರ್. ‌

ಬಳಗ ಜೂನಿಯರ್ ಸದಸ್ಯೆರಾದ್ ಅಭಿಷೇಕ್ ಬಲ್ಲಂಗುಡೇಲ್, ಆಕಾಶ್ ಮಜಿಬೈಲ್, ದೀಕ್ಷಿತ್ ಮೂಡಂಬೈಲ್, ಗಗನ್ ಕರಿಬೈಲ್, ನಂದನ್ ಕಂಗುಮೆ, ನಿತೇಶ್ ಅಜ್ಜಿಹಿತ್ಲು, ತನೀಷ್ ಶೆಟ್ಟಿ ಕರಿಬೈಲ್ ಉಲ್ಲೆರ್.

” Rain water harvesting” Information program to be aired on Radio Manipal ಬರ್ಸದ ನೀರ್ ನಿಲೆ ಮಲ್ಪುನೆಂಚ : ರೇಡಿಯೋ ಮಣಿಪಾಲ್ ಡ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಫೆ.25 ಸನಿಯಾರ ಬಯ್ಯಗ್ 6 ಗಂಟೆಗ್ ಬರ್ಸದ ನೀರ್ ಡ್ ಕೊಯ್ಲು ಮಲ್ಪುನೆಟ್ಟ್ ಸಾರ್ವಜನಿಕರ ಪಾತ್ರದ ಬಗೆಟ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಪಾಂಡೇಶ್ವರ ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಸತೀಶ್ ವಡ್ಡರ್ಸೆ ಬೊಕ್ಕ ಒಡಿಪು ಬೋರ್ಡ್ ಹೈಸ್ಕೂಲ್ ದ ಶಿಕ್ಷಕಿ ಶಕೀಲಾ ಪಾಲ್ ಪಡೆಯೆರೆ ಉಲ್ಲೆರ್. ಈ ಲೇಸ್ ಫೆ.26 ಮಧ್ಯಾಹ್ನ 2 ಗಂಟೆಗ್ ಕುಡೊರ ಪ್ರಸಾರ ಆಪುಂಡು.