ಸರಿಯಾಯಿನ ಪೊರ್ತುಗು ಅಂಬುಲೆನ್ಸ್ ಬಾರಂದೆ 4 ದಿನತ ಬಾಲೆ ತೀರ್ ಪೋಯಿನ ಘಟನೆ ಮೈಸೂರ್ ಜಿಲ್ಲೆದ ಹೆಚ್.ಡಿ. ಕೋಟೆ ತಾಲೂಕ್ ದ ಬುಂಡನಮಾಳ ಗ್ರಾಮಡ್ ನಡತ್ಂಡ್.
ಮದ ಶೀಲಾ ಬೊಕ್ಕ ಮಹದೇವಸ್ವಾಮಿ ದಂಪತಿಲೆನ ಬಾಲೆ ಉಸುಲುದ ಸಮಸ್ಯೆರ್ದ್ ನರಲೊಂದು ಇತ್ಂಡ್. ಆಸ್ಪತ್ರೆಗ್ ಲೆತೊಂದು ಪೋಯೆರ ಅಂಬುಲೆನ್ಸ್ ಸಿಬ್ಬಂದಿಗ್ ಪೋನ್ ಮಲ್ತ್ಂಡಲ ಬೇಗ ಬಾರಂದೆ, ಬತ್ತಿನ ಅಂಬುಲೆನ್ಸ್ ಡ್ ಸರಿಯಾಯಿನ ಮೂಲ ಸೌಕರ್ಯ ಇಜ್ಜಂದೆ ಬಾಲೆ ತೀರ್ ಪೊತ್ಂಡ್ ಪಂದ್ ತೆರಿದ್ ಬೈದ್ಂಡ್.
ರಾಜಸ್ಥಾನ ಸಿಎಂ ಅಶೋಕ್ ಗೆಹ್ಲೋಟ್ ಇನಿ ಬಜೆಟ್ ಮಂಡನೆ ಮಲ್ದೆರ್.
ರಾಜ್ಯದ ಜನಕ್ಕ್ 100 ಯೂನಿಟ್ ಗ್ ಧರ್ಮಾರ್ಥವಾದ್ ಕರೆಂಟ್ ಬೊಕ್ಕ 76 ಲಕ್ಷ ಕುಟುಂಬಲೆಗ್ 500 ರೂ. ಗ್ ಎಲ್ ಪಿಜಿ ಸಿಲಿಂಡರ್ ಕೊರ್ಪ ಪಂದ್ ಘೋಷಣೆ ಮಲ್ದೆರ್. ಕಲ್ಪಾರ್ಥಿಲೆನ ಶಾಲೆದ ಬಸ್ ಪಾಸ್ ನ್ 50ರ್ದ್ 75 ಕಿ.ಮೀ ಗ್ ಎಚ್ಚ ಮಲ್ದ್ಂಡ್. ನನ ಫೆ.17 ಕ್ ಸಿಎಂ ಬೊಮ್ಮಾಯಿ ಕರ್ನಾಟಕ ಬಜೆಟ್ ಮಂಡನೆ ಮಲ್ಪೆರೆ ಉಲ್ಲೆರ್. ಆನಿ ಸಿಲಿಂಡರ್ ಬಿಲೆ ಕಮ್ಮಿ ಮಲ್ಪೆರೆ ಪನ್ಪುನ ನಿರೀಕ್ಷೆ ಉಂಡು.
LPG gas cylinder for rupees 500- CM Ashok Gehlot
Rajasthan CM Ashok Gehlot presented the state budget today.He announced that electricity consumption upto 100 units would be free and 76 lakh families will get LPG cylinders for rupees 500.Free bus pass for students has been increased upto 75 kms.
ಹಾವಂಜೆ, ಉಪ್ಪೂರು, ಕುಕ್ಕೆಹಳ್ಳಿ ಗ್ರಾಮ ವ್ಯಾಪ್ತಿದ ಎಸ್ ಎಸ್ ಎಲ್ ಸಿ ಜೋಕುಲೆಗಾದ್ ಉಪನ್ಯಾಸ ಲೇಸ್ ಫೆ.12 ಐತಾರ ಬೊಲ್ಪುಗು 9 ಗಂಟೆರ್ದ್ 11 ಗಂಟೆ ಮುಟ್ಟ ಹಾವಂಜೆ ಶ್ರೀ ಮಂಜುನಾಥ ಸಭಾ ಭವನಡ್ ನಡಪರೆ ಉಂಡು.
ಈ ಲೇಸ್ ಡ್ ಜೋಕುಲೆಗ್ ಕಾಲೇಜ್ ಉಪನ್ಯಾಸಕೆರ್ ಡಾ. ಗಣೇಶ್ ಪ್ರಸಾದ್ ಜಿ ನಾಯಕ್ ಉಪನ್ಯಾಸ ಕೊರಿಯೆರೆ ಉಲ್ಲೆರ್.
ಬೆಂಗ್ಲೂರ್: ಪೆರಿಯ ರಾಜಕಾರಣಿ ಟಿ. ಜಾನ್ (92) ಬೆಂಗ್ಲೂರ್ ದ ತನ್ನ ಇಲ್ಲಲ್ ಇನಿ ತೀರ್ ಪೋಯೆರ್.
ಕೇರಳ ಮೂಲದ ಟಿ.ಜಾನ್ ಕೊಡುಗೈ ದಾನಿ ಪಂದೇ ಪುದರ್ ಪಡೆಯಿನ ಮೇರ್ ಬಂಗಡ್ ಇಪ್ಪುನಕ್ಲೆಗ್ ಸಕಾಯ ಮಲ್ಪುನ ಮುಖೇನ ಮಸ್ತ್ ಜನತ್ತ ಮನಸ್ಸ್ ನ್ ಗೆಂದ್ ದೆರ್. ಅತ್ತಂದೆ ಎಸ್ ಎಂ ಕೃಷ್ಣ ಸಂಪುಟಡ್ ಸಚಿವೆರಾದಿತ್ತೆರ್. ಅಬಕಾರಿ ಉದ್ಯಮದ ಮುಖೇನ ಪುದರ್ ಪಡೆತೆರ್. ಮೆರೆನ ಅಕೇರಿದ ಕ್ರಿಯೆ (ಎಲ್ಲೆ) ಸನಿಯಾರ ಬೆಂಗ್ಲೂರ್ ಡ್ ನಡಪರೆ ಉಂಡು ಪಂದ್ ಕುಟುಮದ ಮೂಲಲು ಪೊಲಬು ಕೊರ್ತೆರ್.
Senior politician T John no more
Bangalore: Senior politician T John (92) expired today at Bangalore.
Hailing from Kerala he was known for his philanthropy.He was also a minister in SM Krishna’s cabinet.
ಶ್ರೀಹರಿಕೋಟಾ: ಇಸ್ರೋ ಎಸ್ ಎಸ್ ಎಲ್ ವಿ- ಡಿ2 ರಾಕೆಟ್ ದ ಉಡಾವಣೆನ್ ಯಶಸ್ವಿಯಾದ್ ಮಲ್ದ್ಂಡ್.
ಶ್ರೀಹರಿಕೋಟಾಡ್ ಇಪ್ಪುನ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರರ್ದ್ ಮೂಜಿ ಉಪಗ್ರಹಲೆನ್ ಪತ್ತೊಂದು ರಾಕೆಟ್ ದುಂಬು ಪೊತ್ತೊಂಡು. ಇತ್ತೆ ಮೂಜಿ ಉಪಗ್ರಹಲೆನ್ ಕಮ್ಮಿ ಕರ್ಚಿಡ್ ಕಕ್ಷೆಗ್ ಸೇರ್ಸಾಯೆರೆ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.
S.S.L.V-D2 rocket launch by ISRO successful
Sriharikota : The S.S.L.V.D2 launched by ISRO from their Satish Dawan Space centre Sriharikota was successful.The rocket carrying three satellites into space.
ಕುಡ್ಲ: ಯುನೈಟೆಡ್ ಟೊಯೋಟಾ ಡೀಲರ್ಶಿಪ್ ಇನಿ ಇನ್ನೋವಾ ಹೈಕ್ರಾಸ್, ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ವೆಹಿಕಲ್ (SHEV) ನ್ ಬುಡುಗಡೆ ಮಲ್ಪುನ ಮುಖೇನ ಇನ್ನೋವಾ ಪ್ರಯಾಣದ ಪೊಸ ಯುಗನ್ ಸುರು ಮಲ್ದ್ಂಡ್.
ಟೊಯೊಟಾ ನ್ಯೂ ಗ್ಲೋಬಲ್ ಆರ್ಕಿಟೆಕ್ಚರ್ (ಟಿಎನ್ಜಿಎ) ದ, ಇಂಚಿಪ್ಪದ ಇನ್ನೋವಾ ಟೊಯೊಟಾ ಜಾಗತಿಕವಾದ್ ಗುರುತಿಸಾಯಿನ ಗುಣಮಟ್ಟ, ಬಾಳಿಕೆ ಬೊಕ್ಕ ಸುಧಾರಿತ ತಂತ್ರಜ್ಞಾನದ ಬೆಂಬಲದೊಟ್ಟಿಗೆ ಭಾರತದ ಗ್ರಾಹಕೆರೆನ್ ಆಕರ್ಷಣೆ ಮಲ್ದ್ಂಡ್. TNGA 2.0 ಲೀಟರ್ 4-ಸಿಲಿಂಡರ್ ಗ್ಯಾಸೋಲಿನ್ ಎಂಜಿನ್ ಬೊಕ್ಕ 137 kW (186 PS) ಎಚ್ಚದ ಕರೆಂಟ್ ಉತ್ಪತ್ತಿನ್ ಕೊರ್ಪುನ ಇ-ಡ್ರೈವ್ ಸೀಕ್ವೆನ್ಷಿಯಲ್ ಶಿಫ್ಟ್ದೊಟ್ಟಿಗೆ ಮೊನೊಕಾಕ್ ಫ್ರೇಮ್ದೊಟ್ಟಿಗೆ 5 ನೇ ತಲೆಮಾರ್ ದ ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ಸಿಸ್ಟಮ್ರ್ದ್ ಪೊಸ Innova HyCross ಬೈದ್ಂಡ್. ಈ ಗಾಡಿ TNGA 2.0 ಲೀಟರ್ 4-ಸಿಲಿಂಡರ್ ಗ್ಯಾಸೋಲಿನ್ ಎಂಜಿನ್ದ ಆಯ್ಕೆದೊಟ್ಟಿಗೆ ಬರ್ಪುಂಡು. ಉಂದು 128 kW (174 PS) ಉತ್ಪತ್ತಿನ್ ಕೊರ್ಪುನ ಶ್ರೇಣಿಲೆಡ್ ಸೀದಾ ಶಿಫ್ಟ್ CVT ಗ್ ಜೋಡಣೆ ಆತ್ಂಡ್.
ಇನ್ನೋವಾ ಹೈಕ್ರಾಸ್ದ ಪ್ರಮುಖ ಲಕ್ಷಣಲು:
1.ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ಗಾಡಿದ TNGA 2.0-ಲೀಟರ್ ಎಂಜಿನ್ ದೊಟ್ಟಿಗೆ ಟೊಯೋಟಾ ಹೈಬ್ರಿಡ್ ಸಿಸ್ಟಮ್ (THS) ಬೊಕ್ಕ ಇ-ಡ್ರೈವ್ ಟ್ರಾನ್ಸ್ಮಿಷನ್ ದೊಟ್ಟಿಗೆ 137 kW (186 PS) ಇಪ್ಪುಂಡು.
2. ಗ್ಯಾಸೋಲಿನ್ ಶ್ರೇಣಿಲು 128 kW (174 PS) (186 PS) ಉತ್ಪತ್ತಿನ್ ಕೊರ್ಪುನ TNGA 2.0 ಲೀಟರ್ ಎಂಜಿನ್ದೊಟ್ಟಿಗೆ ಬರ್ಪುಂಡು.
3.ಪನೋರಮಿಕ್ ಸನ್ರೂಫ್
4.ಮಲ್ಲ TFT ದ ಪೊಲಬು ಪ್ರದರ್ಶನ
5.ಡ್ರೈವರ್ ಸೀಟ್ ಮೆಮೊರಿ ಬೊಕ್ಕ ಸ್ಲೈಡ್ ರಿಟರ್ನ್, ಅವೇ ಫಂಕ್ಷನ್
6.ಟೊಯೋಟಾ ಸಂಪರ್ಕ ಇಪ್ಪುನ ಕಾರ್ ತಂತ್ರಜ್ಞಾನ, iConnect
7.ಟೊಯೋಟಾ ಸೇಫ್ಟಿ ಸೆನ್ಸ್ TM (TSS) ಸುರಕ್ಷತಾ ವಿಶೇಷತೆಲು ಇಪ್ಪುನ (ಡೈನಾಮಿಕ್ ರಾಡಾರ್ ಕ್ರೂಸ್ ಕಂಟ್ರೋಲ್, ಲೇನ್ ಟ್ರೇಸ್ ಅಸಿಸ್ಟ್, ರಿಯರ್ ಕ್ರಾಸ್ ಟ್ರಾಫಿಕ್ ಅಲರ್ಟ್, ಬ್ಲೈಂಡ್ ಸ್ಪಾಟ್ ಮಾನಿಟರ್, ಪ್ರಿ-ಕೊಲಿಶನ್ ಸಿಸ್ಟಮ್, ಆಟೋ ಹೈ ಬೀಮ್)
8. 6 SRS ಏರ್ಬ್ಯಾಗ್ಲು
9. ಗಾಡಿದ ಸ್ಥಿರತೆ ನಿಯಂತ್ರಣ (VSC) ಬೊಕ್ಕ ಹಿಲ್ ಸ್ಟಾರ್ಟ್ ಅಸಿಸ್ಟ್
10.ಆಟೋ ಹೋಲ್ಡ್ ದೊಟ್ಟಿಗೆ ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್ (EPB).
11.ಆಂಟಿಲಾಕ್ ಬ್ರೇಕಿಂಗ್ ಸಿಸ್ಟಮ್ (ABS) ದೊಟ್ಟಿಗೆ ಎಲೆಕ್ಟ್ರಾನಿಕ್ ಬ್ರೇಕ್ಫೋರ್ಸ್ ಡಿಸ್ಟ್ರಿಬ್ಯೂಷನ್ (EBD)
12. ಡೈನಾಮಿಕ್ ಬ್ಯಾಕ್ ಗೈಡ್ದೊಟ್ಟಿಗೆ ಪನೋರಮಿಕ್ ವ್ಯೂ ಮಾನಿಟರ್ ಉಂಡು.
United Toyata brings out Innova Hycross
Mangalore: United Toyata , Mangalore today brought out Innova Hycross ,self charging string hybrid electric vehicle.(SHEV).
ಬೊಂಬಾಯಿ: ಪ್ರಧಾನಿ ಮೋದಿ ಬರ್ಪಿನೆಡ್ದಾವರ ಬೊಂಬಾಯಿದ ಕೆಲ ಸ್ಲಂ ಜಾಗೆಲೆಗ್ ಬೊಲ್ದುದ ಕುಂಟು ಅಂಚನೆ ಶೀಟ್ಲೆನ್ ಕಟ್ಟ್ದೆರ್.
ಬೊಲ್ದು ರಂಗ್ದ ಕುಂಟು ಪಾಡ್ದ್ ಆಯಿತ್ತ ಮಿತ್ತ್ ಬಿಜೆಪಿದ ಕೊಡಿನ್ ಪಾಡ್ದ್ನೆನ್ ತೂದು ಅಲ್ಪದ ಜನಕುಲು ಸ್ವರ ಲಕ್ಕಾದೆರ್.
Officials tie a cloth around a slum area to hide it during the PM’s visit
Mumbai: Officials tied a cloth and sheets around slum areas to hide it during the PM’s visit to the city.
ಕುಡ್ಲ: ಪ್ರೇಮಿಲೆನ ದಿನಾಚರಣೆಗ್ ಅವಕಾಶ ಕೊರಿಯರೆ ಬಲ್ಲಿ ಪಂದ್ ಕುಡ್ಲ ನಗರ ಪೊಲೀಸ್ ಆಯುಕ್ತೆರೆಗ್ ಹಿಂದು ಜನಜಾಗೃತಿ ಸಮಿತಿದ ಕುಡ್ಲ ಘಟಕದ ಮುತಾಲಿಕೆಡ್ ಬಿನ್ನಾಪು ಮಲ್ತೆರ್.
ಫೆಬ್ರವರಿ 14 ಕ್ಕ್ ಪ್ರೇಮಿಲೆನ ದಿನಾಚರಣೆ ಆತಿನೆಡ್ದಾವರ ಮೋಕೆ ಮಲ್ಪುನ ಇಚಾರಡ್ ಮಸ್ತ್ ಬೊಡ್ಚಾಂದಿನ ಘಟನೆಲು ನಡತೊಂದು ಉಂಡು. ಉಂದು ನಮ್ಮ ಹಿಂದೂ ಸಂಸ್ಕೃತಿ ಅತ್. ಇಂಚಾದ್ ಪ್ರೇಮಿಲೆನ ದಿನಾಚರಣೆಗ್ ಅವಕಾಶ ಕೊರಿಯರೆ ಬಲ್ಲಿ ಪಂದ್ ಕುಡ್ಲ ನಗರ ಪೊಲೀಸ್ ಆಯುಕ್ತೆರೆಗ್ ಹಿಂದು ಜನಜಾಗೃತಿ ಸಮಿತಿದ ಕುಡ್ಲ ಘಟಕದ ಮುತಾಲಿಕೆಡ್ ಮನವಿ ಸಂದಾಯೆರ್.
ಈ ಪೊರ್ತುಡು ಸಮಿತಿದಕುಲು ಆಯಿನ ಭವ್ಯ ಗೌಡ, ಉಪೇಂದ್ರ ಆಚಾರ್ಯ, ಪ್ರಭಾಕರ್ ನಾಯಕ್ ಇತ್ತೆರ್.
ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷೆರ್ ಅಂಚನೆ ಹಿರಿಯ ಪತ್ರಕರ್ತೆರ್ ಆಯಿನ ಶ್ರೀನಿವಾಸ ನಾಯಕ್ ಇಂದಾಜೆ ಮೆರೆಗ್ ಕರ್ನಾಟಕ ಮಾಧ್ಯಮ ಅಕಾಡೆಮಿ ಪ್ರಶಸ್ತಿ ತಿಕ್ಕ್ದ್ಂಡ್.
2019, 2020, 2021 ಬೊಕ್ಕ 2022 ನೇ ಸಾಲ್ದ ಮಾಧ್ಯಮ ವಾರ್ಷಿಕ ಪ್ರಶಸ್ತಿ ಬೊಕ್ಕ ದತ್ತಿ ಪ್ರಶಸ್ತಿಲೆನ್ ಘೋಷಣೆ ಮಲ್ತ್ದಿತ್ತ್ದ್, ಮಾಧ್ಯಮ ಕ್ಷೇತ್ರಡ್ ಮಲ್ತಿನ ಸಾಧನೆಗ್ 124 ಜನ ಪತ್ರಕರ್ತೆರೆನ್ ವಾರ್ಷಿಕ ಪ್ರಶಸ್ತಿಗ್ ಬೊಕ್ಕ 21 ಜನ ಪತ್ರಕರ್ತೆರೆನ್ ದತ್ತಿ ಪ್ರಶಸ್ತಿಗ್ ಆಯ್ಕೆ ಮಲ್ತ್ದೆರ್. ಶ್ರೀನಿವಾಸ ನಾಯಕ್ ಇಂದಾಜೆ ಮೆರೆನ್ 2021 ನೇ ಸಾಲ್ದ ವಾರ್ಷಿಕ ಪ್ರಶಸ್ತಿಗ್ ಆಯ್ಕೆ ಮಲ್ತ್ದೆರ್.
DK working journalists union president Srinivasa Nayak Indaje gets Media Academy Award
Senior journalist and president of DK district working journalists union Srinivasa Nayak Indajay has been honoured with Karnataka Media Academy Award. 125 journalists were selected for annual awards and 21 journalists for charity awards. Srinivasa Nayak Indajay gets the award for the year 2021.
ಲಕ್ನೋ: ಕಲ್ಪಾರ್ಥಿ ಒರಿ ಹೇರ್ಸ್ಟೈಲ್ ಮಲ್ತೊಂದು ಶಾಲೆಗ್ ಬತ್ತಿನೆಕ್ಕ್ ಶಿಕ್ಷಕೆರ್ ಒರಿ ತರೆ ಕೂಜಲ್ನ್ ದೆತ್ತ್ದ್ ಬೋಳ್ ಮಲ್ತಿನ ಘಟನೆ ಉತ್ತರ ಪ್ರದೇಶಡ್ ನಡತ್ಂಡ್.
ಉತ್ತರ ಪ್ರದೇಶದ ಅಂಬೇಡ್ಕರ್ ನಗರದ ಕುರ್ಕಿ ಬಜಾರ್ ಕೈತಲ್ ಇಪ್ಪುನ ಶಾಲೆಡ್ ಈ ಘಟನೆ ನಡತ್ಂಡ್. ಕಲ್ಪಾರ್ಥಿ ಕ್ರಾಪ್ ಮಲ್ತಿನ ಹೇರ್ ಸ್ಟೈಲ್ಡ್ ಶಾಲೆಡ್ ಬತ್ತಿತೆ. ಈ ಪೊರ್ತುಡು ಉಂದೆನ್ ತೂಯಿನ ಶಾಲೆದ ಶಿಕ್ಷಕೆರ್ ಬೆಚ್ಚಡ್ ಕಲ್ಪಾರ್ಥಿನ ತರೆಕೂಜಲ್ ದೆತ್ತ್ದ್ ಬೋಳ್ ಮಲ್ತ್ದೆರ್.
Teacher shaves off a student’s hair for his hair style
Lucknow: In an incident reported from UP a teacher shaved off a student’s hair for coming to school with a new hairstyle.
