ಸುಬ್ರಹ್ಮಣ್ಯ ಇನ್ನರ್ ವೀಲ್ ಕ್ಲಬ್ ವತಿರ್ದ್ ಏನೇ ಕಲ್ಲು ಬಾ ನಾಟಕ ಅಂಗನವಾಡಿ ಶಾಲೆದ ಮಾತ ಜೋಕ್ಲೆಗ್ ಉಚಿತವಾದ್ ಸ್ಟೀಲ್ ವಾಟರ್ ಬಾಟಲ್ ಶನಿವಾರ ವಿತರಣೆ ಮಲ್ತೆರ್.
ಲೇಸ್ ದ ಗುರ್ಕಾರ್ಮೆನ್ ಸುಬ್ರಮಣ್ಯ ಇನ್ನರ್ವೇಲ್ ಕ್ಲಬ್ ಗುರ್ಕಾರ್ದಿ ವೇದ ಶಿವರಾವ್ ವಹಿಸ್ ದ್ ಇತ್ತೆರ್. ಮಲ್ಲ ಬಿನ್ನೆರಾದ್ ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಸದಸ್ಯೆರ್ ಶಿವರಾಮ ನಿಕ್ರಾಜೆ, ಭವ್ಯ, ಸುಬ್ರಹ್ಮಣ್ಯ ರೋಟರಿ ಕ್ಲಬ್ ದ ಪೂರ್ವ ಅಧ್ಯಕ್ಷೆರ್ ಶಿವರಾಮ ಏನಕಲ್ ಇತ್ತೆರ್.
ಈ ಪೊರ್ತುಡು ಸುಬ್ರಹ್ಮಣ್ಯ ಇನ್ನರ್ ವೇಲ್ ಕ್ಲಬ್ ದ ಸದಸ್ಯೆರಾಯಿನ ಶ್ರೀಜಾ ಚಂದ್ರಶೇಖರ್ ನಾಯರ್ ,ಸೋನು ಭಟ್ ,ಸವಿತಾ ,ಶಾಲಾ ಎಸ್ ಡಿ ಎಂ ಸಿ ಅಧ್ಯಕ್ಷೆರ್, ಸದಸ್ಯೆರ್ ,ಪೋಷಕೆರ್, ಅಂಗನವಾಡಿ ಕಾರ್ಯಕರ್ತೆ ರಾಧಾ ಯಮುನಾ, ಜಯಲಕ್ಷ್ಮಿ ಬೊಕ್ಕ ಊರಿದಕುಲು ಇತ್ತೆರ್. ಅಂಗನವಾಡಿ ಕಾರ್ಯಕರ್ತೆ ಯಮುನಾ ಬತ್ತಿ ಬಿನ್ನೆರೆನ್ ಎದ್ಕೊಂದು, ಸೊಲ್ಮೆ ಸಂದಾಯ ಮಲ್ತೆರ್. ಧನ್ಯ ಲೇಸ್ ದ ಸುದಾರಿಕೆ ಮಲ್ತೆರ್.
pallavi shetty