ನನದ ಬಜೆಟ್ ಡ್ ಬಂಟರ ಅಭಿವೃದ್ಧಿ ನಿಗಮ ಘೋಷಣೆ : ಸಿಎಂ ಸಿದ್ಧರಾಮಯ್ಯ

ಒಡಿಪು : ನನ ದುಂಬುದ ಬಜೆಟ್ ಡ್ ಬಂಟರ ಅಭಿವೃದ್ಧಿ ನಿಗಮ ಘೋಷಣೆ ಮಲ್ಪುವೆ ಪಂದ್ ಸಿಎಂ ಸಿದ್ಧ ರಾಮಯ್ಯ ಘೋಷಣೆ ಮಲ್ತೆರ್.

ಒಡಿಪುದ ಅಜ್ಜರಕಾಡ್ ಮೈದಾನದ ಶ್ರೀಮತಿ ನಳಿನ ಭೋಜ ಶೆಟ್ಟಿ ವೇದಿಕೆಡ್ ಶನಿಯಾರ ವಿಶ್ವ ಬಂಟರ ಸಮ್ಮೇಳನ ಉದಿಪನ ಮಲ್ತ್ ದ್ ಆರ್ ಪಾತೆರಿಯೆರ್.

ಬಂಟ ಸಮಾಜ ವಿಶಿಷ್ಟ ಸಂಸ್ಕೃತಿ ಬೊಕ್ಕ ಪರಂಪರೆ ಇತ್ತಿನ ಸಮಾಜ. ಅಕುಲು ಬೇತೆ ಕಡೆ ಓಡೆಗ್ ಪೋಂಡಲ ಮಾತಾ ಕ್ಷೇತ್ರಡ್ಲ ಸಾಧನೆ ಮಲ್ದೆರ್.

ರಾಜ್ಯಸಭಾ ಸದಸ್ಯೆರ್ ಮಂಜುನಾಥ ಭಂಡಾರಿಲು ಕಾರ್ ಡ್ ಬರೊಂದಿಪ್ಪುನಗ ಫೋನ್ ಡ್ ತುಳುಟ್ಟೇ ಪಾತೆರೊಂದಿತ್ತೆರ್. ತುಳುವೆರ್ ಅಪ್ಪೆ ಭಾಷೆನ್ ಮಸ್ತ್ ಪ್ರೀತಿ ಮಲ್ಪುನಕುಲು. ಮಾತೆರ್ಲ ಅಕಲ್ನಕಲ್ನ ಅಪ್ಪೆ ಬಾಷೆಗ್ ಗೌರವ ಕೊರೊಡು ಪಂದ್ ಸಿಎಂ ಪಂಡೆರ್.

ಬಂಟ ಸಮಾಜದಕುಲು ಸರ್ವಧರ್ಮದಕ್ಲೆನ್ಲ ಮೋಕ್ಯೆ ಮಲ್ಪುನಕುಲು. ಒವುಲಾ ಜಾತಿ ಬೇಧ ತೂವಂದೆ ಮಾತೆರ್ಲ ಒಂಜೇ ಪನ್ಪಿನ ಮನಸ್ ದಕುಲು. ಏರ್ಲಾ ಏರೆನ್ಲ ದ್ವೇಷ ಮಲ್ಪರೆ ಬಲ್ಲಿ. ಮಾತೆರೆಗ್ಲ ಮನುಷ್ಯತ್ವ ಮುಖ್ಯ. ಬದ್ ಕ್ ಬೊಕ್ಕ.ಮಾತೆರ್ಲ ಮನುಷ್ಯೆ ಆದ್ ಬದುಕೊಡು. ಆ ಸಾದಿಡೇ ನಡಪರೆ ಪ್ರಾಮಾಣಿಕ ಪ್ರಯತ್ನ ಮಲ್ಪೊಡು.ನಿಕ್ಲೆನ ಸಾಂಸ್ಕೃತಿಕ ವೈಭವ ಲೋಕೊರ್ಮೆ ಬೆಳಗಡ್. ಸಮುದಾಯ ಕಾಳಜಿ, ಮೋಕೆ, ಸಾಧನೆ ಬೇತೆ ಸಮಾಜದಕ್ಲೆಗ್ ಲ ಮಾದರಿ ಆವಡ್ ಪಂಡೆರ್.