ಜೈ ತುಲುನಾಡ್ ಸಂಘಟನೆ ನಡಪಾಯಿನ ತುಲು ಲಿಪಿ ಪರೀಕ್ಷೆಡ್ ಸಾಧನೆ ಮಲ್ತಿನ ಸೌಜನ್ಯ, ರಶ್ಮಿತಾ

ಜೈ ತುಲುನಾಡ್(ರಿ.) ಸಂಘಟನೆ ತುಲು ಲಿಪಿ ಕಲ್ಪಾವುನ ಉದ್ದೇಶಡ್ ನಡಪಾಯಿನ ಈದು -ತುಲು ಲಿಪಿ ಅಭಿಯಾನ ಆಫ್ ಲೈನ್ ತರಗತಿಡ್ ಪಾಲ್ ಪಡೆದ್ ಕುಮಾರಿ ಸೌಜನ್ಯ ಬೊಕ್ಕ ಕುಮಾರಿ ರಶ್ಮಿತಾ 100 ಕ್ 100 ಅಂಕ ಪಡೆದ್ ವಿಶೇಷ ಸಾಧನೆ ಮಲ್ತ್‌ದೆರ್. ಕರಿನ ಆಗಸ್ಟ್ ಸಪ್ಟೆಂಬರ್ ತಿಂಗೊಲುಡ್ ನಡತ್ತಿನ ತುಲುಲಿಪಿ ತರಗತಿಡ್ ಸುಮಾರ್ ರಡ್ಡ್ ತಿಂಗೊಲು ನಡತಿನ ತರಗತಿಡ್ ಮೂಜಿ ಶಿಕ್ಷಕೆರ್ ತುಲು ವರ್ಣಮಾಲೆ, ಕಾಗುಣಿತ ಬೊಕ್ಕ ಅಂಕೆಲೆನ್ ಕಲ್ಪಾದ್ ಕೊರಿಯೆರ್.

ನೆತ್ತ ಒಟ್ಟಿಗೆ ತುಲು ಲಿಪಿತ ಮಹತ್ವ ಬೊಕ್ಕ ತುಲುನಾಡ್ ದ ಪರ್ಮೆದ ಹೋರಾಟಗಾರೆರ್ನ ಮಾಹಿತಿನ್ ಕೊರಿಯೆರ್. ಅಕ್ಟೋಬರ್ 8 ದಾನಿ ನಡತಿನ ಪರೀಕ್ಷೆದ ಫಲಿತಾಂಶ ಅ. 24 ಕ್ಕ್ ಪ್ರಕಟ ಆಂಡ್. ನೆಟ್ಟ್ ಕುಮಾರಿ ಸೌಜನ್ಯ ಬೊಕ್ಕ ಕುಮಾರಿ ರಶ್ಮಿತಾ ನೂದೆಕ್ ನೂದು ಅಂಕ ಪಡೆದ್ ಸುರುತ ತಾನೋ ಪಡೆತೆರ್. ರಡ್ಡನೆ ತಾನೋ 99 ಅಂಕ ಪಡೆನ ಗ್ರೀಷ್ಮ, ಧನ್ಯಶ್ರೀ ಪಡೆತೆರ್, 98 ಮಾರ್ಕ್ಸ್ ದೆತ್ತ್ ದ್ ಮೂಜನೇ ತಾನೋ ಶ್ರೀನಿಧಿ, ನಿಧಿಕ್ಷಾ ಪಡೆಯೊಂದೆರ್.