ಕುಡ್ಲ: ತ್ರಿಜಯ್ ಪ್ರೊಡಕ್ಷನ್ ಬೊಕ್ಕ ಎಚ್ಪಿಆರ್ ಫಿಲಂಸ್ ಬ್ಯಾನರ್ ದ ಮುಖೇನ ತಯಾರಾಯಿನ ಪುಳಿಮುಂಚಿ ತುಳು ಪಿಕ್ಚರ್ ಅ.27 ಕ್ಕ್ ತುಳುನಾಡ್ ಡ್ ಬುಡುಗಡೆ ಆಯೆರೆ ಉಂಡು ಪಂದ್ ಪಿಕ್ಚರ್ ದ ನಿರ್ದೇಶಕೆರ್ ತ್ರಿಶೂಲ್ ಶೆಟ್ಟಿ ತೆರಿಪಾದೆರ್.
ಇತ್ತೆ ದುಬೈ, ಬೆಹರೈನ್ ಬೊಕ್ಕ ಪಿದಯಿದೇಶಡ್ ಪುಳಿಮುಂಚಿ ಪಿಕ್ಚರ್ ದ ಪ್ರೀಮಿಯರ್ ಶೋ ನಡತ್ ದ್ಂಡ್. ತುಳುವೆರ್ ಪಿಕ್ಚರ್ ನ್ ಮೆಚ್ಚಿದೆರ್. ಇತ್ತೆ ಬುಕ್ ಮೈ ಶೋಡ್ ಪಿಕ್ಚರ್ ದ ಬುಕ್ಕಿಂಗ್ ಸುರು ಆತ್ಂಡ್. ಸಿನಿಮಾಸ್ ಬೊಕ್ಕ ತುಳುನಾಡ್ ದ ಮಲ್ಟಿಪ್ಲೆಕ್ಸ್, ಸಿಂಗಲ್ ಥಿಯೇಟರ್ಡ್ ಬುಡುಗಡೆ ಆಯೆರೆ ಉಂಡು. ತುಳುವೆರ್ ಇಷ್ಟ ಪಟ್ಟ್ ದ್ ಪಿಕ್ಚರ್ ತೂಪಿನ ಮುಖೇನ ತುಳು ಪಿಕ್ಚರ್ ನ್ ಗೆಂದಾವೊಡು ಪಂದ್ ತ್ರಿಶೂಲ್ ಶೆಟ್ಟಿ ಮೇರ್ ಪಂಡೆರ್.
ಪಿಕ್ಚರ್ ಗ್ ಸಂಗೀತನ್ ಕಿಶೋರ್ ಕುಮಾರ್ ಶೆಟ್ಟಿ ಕೊರ್ತೆರ್. ಮಯೂರ್ ಆರ್. ಶೆಟ್ಟಿ ಸಾಹಿತ್ಯ ಬೊಕ್ಕ ಶೂಟಿಂಗ್ ಮಲ್ದೆರ್. ವಿನೀತ್ ಕುಮಾರ್ ನಾಯಕೆ ನಟೆಯಾದ್, ಸಮತಾ ಅಮೀನ್ ನಾಯಕಿಯಾದ್ ನಟನೆ ಮಲ್ದೆರ್. ತಾರಾಗಣಡ್ ರಾಹುಲ್ ಅಮೀನ್, ಸ್ವರಾಜ್ ಶೆಟ್ಟಿ, ಆರಾಧ್ಯ ಶೆಟ್ಟಿ, ನವೀನ್ ಡಿ. ಪಡೀಲ್, ಅರವಿಂದ್ ಬೋಳಾರ್, ಭೋಜರಾಜ್ ವಾಮಂಜೂರು, ಸಾಯಿಕೃಷ್ಣ ಕುಡ್ಡ, ರವಿ ರಾಮಕುಂಜ, ಸಂದೀಪ್ ಶೆಟ್ಟಿ, ಪ್ರಸನ್ನ ಶೆಟ್ಟಿ ಬೈಲೂರು, ಉಮೇಶ್ ಮಿಜಾರ್, ಪಿಂಕಿ ರಾಣಿ, ಸಂತೋಷ್ ಶೆಟ್ಟಿ, ಅದ್ದಿಕಾ ಶೆಟ್ಟಿ ಸೇರಿನಂಚೆನೆ ಸುಮಾರ್ ಕಲಾವಿದೆರ್ ನಟನೆ ಮಲ್ದೆರ್.
ಸುದ್ದಿಗೋಷ್ಠಿಡ್ ನಿರ್ಮಾಪಕೆರ್ ಹರಿಪ್ರಸಾದ್ ರೈ, ಮಯೂರ್ ಶೆಟ್ಟಿ, ಶೇಖ, ಪ್ರಜ್ವಲ್, ನಟೆ ರಾಹುಲ್ ಅಮೀನ್, ವಿನೀತ್ ಕುಮಾರ್, ಹರೀಶ್ ನಾಯ್ಕ, ಗಣೇಶ್ ನೀರ್ಚಾಲ್ ಪಾಲ್ ಪಡೆದಿತ್ತೆರ್.
pallavi shetty