ಅ.15-24: ಬೊಂಬೈ ಚರ್ಚ್ ಗೇಟ್ ದ ಶ್ರೀ ದುರ್ಗಾಂಬಿಕಾ ಭಜನಾ ಮಂಡಳಿದ 50 ವರ್ಷೊದ ಮಾರ್ನೆಮಿ ಉಚ್ಚಯ

ಬೊಂಬೈದ ಚರ್ಚ್ ಗೇಟ್ ದ ಶ್ರೀ ದುರ್ಗಾಂಬಿಕಾ ಭಜನಾ ಮಂಡಳಿದ 50 ನೇ ವರ್ಷೊದ ಮಾರ್ನೆಮಿ ಬೊಕ್ಕ ದಸರಾ ಉಚ್ಚಯ, ಸುವರ್ಣ ಮಹೋಚ್ಚಯ ಲೇಸ್ ಅ.15-24 ಮುಟ್ಟ ನಡಪರೆ ಉಂಡು.

ಪ್ರತಿದಿನೊಲ ಬೇತೆ ಬೇತೆ ಪೂಜೆ, ಭಜನೆ ಬೊಕ್ಕ ಧಾರ್ಮಿಕ, ವೈದಿಕ ವಿಧಿ ವಿಧಾನಲು ನಡಪರೆ ಉಂಡು. ಅಂಚೆನೆ ಅ.21 ಸನಿಯಾರ ಶ್ರೀ ಅಣ್ಣಪ್ಪ ಪಂಜುರ್ಲಿ ದೈವೊದ ಪೂಜೆ, ಅ.23 ಸೋಮಾರ ಮಹಾಕಾಳಿ ಅಮ್ಮನ ಪೂಜೆ ಬೊಕ್ಕ ಅ.24 ಅಂಗಾರೆ ವಿಜಯದಶಮಿದ ಲೆಕ್ಕೊಡು ಬಯ್ಯಗ್ ಸಭಾ ಲೇಸ್ ಬೊಕ್ಕ ಮಂಡಳಿದ ಸುವರ್ಣ ಉಚ್ಚಯದ ಲೆಕ್ಕೊಡು ಮಂಡಳಿಡ್ ಮಸ್ತ್ ವರ್ಷ ಸೇವೆ ಸಂದಾಯಿನಕ್ಲೆಗ್ ಸನ್ಮಾನ ನಡಪರೆ ಉಂಡು ಪಂದ್ ಶ್ರೀ ದುರ್ಗಾಂಬಿಕಾ ಭಜನಾ ಮಂಡಳಿದ ಗುರ್ಕಾರ್ಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.