ಮುಲ್ಕಿ ವಿಜಯ ಕಾಲೇಜ್ ಡ್ “ಬಲೆ ತುಳು ಲಿಪಿ ಕಲ್ಪುಗ’ ಲೇಸ್

ಮುಲ್ಕಿ ವಿಜಯ ಕಾಲೇಜ್ ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಒಟ್ಟುಸೇರಿಗೆಡ್ ಬಲೆ ತುಳು ಲಿಪಿ ಕಲ್ಪುಗ’ ಲೇಸ್ ಕಾಲೇಜ್ ದ ಸಭಾಂಗಣಡ್ ನಡತ್ಂಡ್.

ಲೇಸ್ ದ ಉದಿಪನನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆರ್ ಡಾ. ಆಕಾಶ್ ರಾಜ್ ಜೈನ್ ಮೇರ್ ಮಲ್ತೆರ್. ಬೊಕ್ಕ ಮೇರ್ ಪಾತೆರ್ದ್, ತುಳು ಸಂಸ್ಕೃತಿ, ಸಂಪ್ರದಾಯ ಬೊಕ್ಕ ಆರೋಗ್ಯದ ಮಿತ್ತ್ ಸಂಪ್ರದಾಯದ ಪರಿಣಾಮದ ವೈಜ್ಞಾನಿಕ ನೆಲೆಗಟ್ಟ್ ನ್ ತೆರಿಪಾಯೆರ್.

ಈ ಲೇಸ್ ದ ಗುರ್ಕಾರ್ಮೆನ್ ಒಯಿಸೊನ್ನ ಪದವಿ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ.ಶ್ರೀಮಣಿ ಶೆಟ್ಟಿ ಮೇರ್ ಪಾತೆರ್ದ್, ತುಳು ಭಾಷೆನ್ ಒರಿಪಾದ್ ಬುಲೆಪಾವುನಲ್ಪ ಜೈ ತುಳುನಾಡ್ ಸಂಸ್ಥೆದ ಬೇಲೆನ್ ಮೆಚ್ಚೊಡಾಯಿನವು ಪಂದ್ ಪಂಡೆರ್.

ಈ ಪೊರ್ತುಡು ಜೈ ತುಳುನಾಡ್ ಸಂಸ್ಥೆದ ಉಪಾಧ್ಯಕ್ಷೆರ್ ಉದಯ ಪೂಂಜ, ಪ್ರಧಾನ ಕಾರ್ಯದರ್ಶಿ ಕಿರಣ್ ತುಲುವ ಮೇರ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್. ಸಂಸ್ಥೆದ ದೈಹಿಕ ಶಿಕ್ಷಕೆರ್ ವಿಶ್ಲೇಷ್ ಭಟ್ ಮೇರ್ ಲೇಸ್ ನ್ ಸಂಯೋಜನೆ ಮಲ್ತೆರ್. ಬಿ.ಸಿ.ಎ ಕಲ್ಪಾರ್ಥಿ ದೀಕ್ಷಾ ಲೇಸ್ ದ ಸುಧಾರಿಕೆ ಮಲ್ತೆರ್. ಕಲ್ಪಾರ್ಥಿ ಪ್ರಥಮ್ ಎದ್ಕೊನಿಯೆರ್. ಅನ್ವಿತಾ ಸೊಲ್ಮೆ ಸಂದಾಯೆರ್. ಬೊಕ್ಕ ತುಳು ಲಿಪಿ ಕಾರ್ಯಾಗಾರಗ್ ಲಿಪಿ ಬರೆಪುನ ಮುಖೇನ ಚಾಲನೆ ಕೊರಿಯೆರ್.