ಬಂಡೀಪುರ: ಪ್ರವಾಸಿಗೆರೆಗ್ 1 ಕೋಟಿ ರೂ. ಇನ್ಸೂರ್ .!

ಗುಂಡ್ಲುಪೇಟೆ: ಬಂಡೀಪುರ ಅಭಯಾರಣ್ಯದ ಸಫಾರಿಗ್ ಪೋಯಿನಕ್ಲೆಗ್ ಕಾಡ್ ಪ್ರಾಣಿಲೆರ್ದ್ ಪ್ರಾಣಹಾನಿ ಆಂಡ 1 ಕೋಟಿ ರೂ. ವಿಮೆ ಯೋಜನೆನ್ ಅರಣ್ಯ ಇಲಾಖೆ ಜಾರಿ ಮಲ್ತ್ ದ್ಂಡ್. ಬಂಡೀಪುರ ಕಾಡ್ ಡ್ ನಡಪುನ ಸಫಾರಿಗ್ ಪ್ರತಿನಿತ್ಯ ಸಾರ ಸಾರ ಪ್ರವಾಸಿಗೆರ್ ಭೇಟಿ ಕೊರ್ದ್ ಕಾಡ್ ಪ್ರಾಣಿ ಬೊಕ್ಕ ಪ್ರಕೃತಿ ಸೌಂದರ್ಯನ್ ತೂವೆರೆ ಬರ್ಪೆರ್. ಸಫಾರಿ ಪೊರ್ತುಡು ಕಾಡ್ ಪ್ರಾಣಿದ ದಾಳಿ ಆಯಿನಲ ಉಂಡು.
ಉಂದೆನ್ ಗಮನಡ್ ದೀಯೊಂದು ಅರಣ್ಯ ಸಂರಕ್ಷಣಾಧಿಕಾರಿ ಡಾ| ಪಿ. ರಮೇಶ್‌ ಕುಮಾರ್‌ ಇತ್ತೆ ಪೊಸ ವಿಮಾ ಯೋಜನೆನ್ ಜಾರಿ ಮಲ್ಪುನ ಮುಖೆನ ಪ್ರವಾಸಿಗೆರ್ನ ಮೆಚ್ಚುಗೆಗ್ ಪಾತ್ರರಾತೆರ್. ಪರಿಹಾರ ವಿಮೆ ಯೋಜನೆ ದೆತೊನರೆ ಒವ್ವೇ ನೋಂದಣಿ ಅಗತ್ಯ ಇಜ್ಜಿ. ಸಫಾರಿಗ್ ಪೋಯಿನ ಟಿಕೆಟ್‌ ಇತ್ತ್ಂಡ ಯಾವು. ಕಾಡ್ ದ ಉಲಾಯಿ ಸಫಾರಿ ಪೊರ್ತುಗು ವನ್ಯ ಪ್ರಾಣಿಲೆರ್ದ್ ದಾಲ ಆಂಡ ಅರಣ್ಯ ಇಲಾಖೆರ್ದ್ ಈ ನೆರವು ತಿಕ್ಕುಂಡು.