ಖಾಸಗಿ‌ ಬಸ್ ಗುದ್ದುದು ತೀರ್ ಪೋಯಿನ ಬೈಕ್ ಸವಾರೆ

ಬಂಟ್ವಾಳ: ಬೈಕ್ ಗ್ ಖಾಸಗಿ‌ ಬಸ್ ಗುದ್ದುದು ಬೈಕ್ ಸವಾರೆ ತೀರ್ ಪೋಯಿನ ಘಟನೆ ಕಲ್ಲಡ್ಕಡ್ ಕೋಡೆ ಬಯ್ಯಗ್ ನಡತ್ಂಡ್.

ಕಲ್ಲಡ್ಕ ಗೋಳ್ತಮಜಲು ಮುರಬೈಲು ನಿವಾಸಿ ಲತೀಶ್ ತೀರ್ ಪೋಯಿನಾರ್.

ಕುಡ್ಲಡ್ ಮ್ಯೆಕಾನಿಕ್ ಆದ್ ಬೇಲೆ ಮಲ್ತೊಂದು ಇತ್ತಿನ ಮೇರ್, ಐತಾರ ರಜೆತ್ತ ದಿನವಾಯಿನೆರ್ದಾವೆರ ಬೊಲ್ಪುಗು ಪಣೋಲಿಬೈಲ್ ಗ್ ಪೋದು ಇಲ್ಲಗ್ ವಾಪಸ್ ಆನಗ ಕಲ್ಲಡ್ಕಡ್ ಈ ಘಟನೆ ನಡತ್ ದ್ಂಡ್.

ಕಲ್ಲಡ್ಕರ್ದ್ ವಿಟ್ಲ ಮಾರ್ಗಡ್ ಪೋಪುನ ಪೊರ್ತುಡು ವಿಟ್ಲರ್ದ್ ಭಾರೀ ಬಿರ್ಸ್ ಡ್ ಬರೊಂದು ಇತ್ತಿನ ಸೆಲಿನಾ ಖಾಸಗಿ‌ ಬಸ್ ಬೈಕ್ ಗ್ ಗುದ್ದುಂಡು. ಉಂದು ಗುದ್ದಿನ ಬಿರ್ಸ್ ಗ್ ಲತೀಶ್ ಮೆರೆಗ್ ಮಸ್ತ್ ಪೆಟ್ಟಾತ್ಂಡ್. ಮೆರೆನ್ ಕೂಡ್ಲೆ ಕುಡ್ಲ ‌ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಚಿಂತಾಜನಕ ಸ್ಥಿತಿಡ್ ಇತ್ತಿನ ಮೆರೆಗ್ ಐಸಿಯು ಘಟಕಡ್ ಚಿಕಿತ್ಸೆ ಕೊರ್ತೆರ್. ಆಂಡ ಲತೀಶ್ ಬಯ್ಯಗ್ ಚಿಕಿತ್ಸೆ ಫಲಕಾರಿ ಆವಂದೆ ತೀರ್ ಪೋತೆರ್. ಟ್ರಾಫಿಕ್ ಎಸ್. ಐ.ಸುತೇಶ್ ಜಾಗೆಗ್ ಭೇಟಿ ಕೊರ್ದು, ಕೇಸ್ ದಾಖಲ್ ಮಲ್ದೆರ್.‌