July 1, 2023

ವೈದ್ಯೆರೆನ ದಿನತ್ತ ಲೆಕ್ಕೊಡು ವೈದ್ಯೆರೆಗ್ ಮಾನಾದಿಗೆ, ತಮ್ಮನ

ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ತಾಲೂಕ್ ಘಟಕದ ಸಹಕಾರಡ್ ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ಸ್ ಬೊಕ್ಕ ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಆಶ್ರಯಡ್ ಸುಕ್ರಾರ ವೈದ್ಯೆರೆನ ದಿನತ್ತ ಲೆಕ್ಕೊಡು ವೈದ್ಯೆರೆಗ್ ಮಾನಾದಿಗೆ ಮಲ್ತ್ ದ್ ಪುರಸ್ಕಾರ ಕೊರಿಯೆರ್.

ಒಡಿಪು ಜಿಲ್ಲೆದ ಪುಗರ್ತೆದ ವೈದ್ಯ ದಂಪತಿಲಾಯಿನ ಡಾ.ಹಂಗ್ಳೂರು ರಾಘವೇಂದ್ರ ಹೆಬ್ಬಾರ್ ಬೊಕ್ಕ ಡಾ.ಪುಷ್ಪಗಂಧಿನಿ, ಕಾರ್ಲದ ಡಾ.ಕೆ.ಆರ್.ಜೋಶಿ ಬೊಕ್ಕ ಡಾ.ರೇಣುಕಾ ಆರ್.ಜೋಶಿ, ಪೆರಿಯ ವೈದ್ಯೆರಾಯಿನ ಒಡಿಪುದ ಪ್ರೊ.ಎ.ರಾಜ, ಡಾ.ಎನ್.ಆರ್.ರಾವ್, ಕುಂದಾಪುರದ ಡಾ.ರಂಜಿತ್ ಕುಮಾರ್ ಶೆಟ್ಟಿ, ಒಡಿಪುದ ಡಾ.ಡೊನಾಲ್ಡ್ ಸೈಮನ್ಸ್ ಮೆರೆಗ್ ಗೌರವ ಪುರಸ್ಕಾರ-2023 ಕೊರ್ದು ತಮ್ಮನ ಮಲ್ತೆರ್.

ದೇವೆರೆ ಪಾದೊ ಸೇರಿಯೆರ್ ಲೇಖಕೆ, ಪೊರ್ಂಬಾಟಗಾರೆ ಪ್ರೊ. ಪಟ್ಟಾಭಿರಾಮ

ಲೇಖಕೆ, ಪೊರ್ಂಬಾಟಗಾರೆ ಪ್ರೊ. ಪಟ್ಟಾಭಿರಾಮ ಸೋಮಯಾಜಿ ಮೇರ್ ಇನಿ ಕುಡ್ಲ ಪೇಂಟೆದ ದೇರೆಬೈಲ್ ದ ತನ್ನ ಇಲ್ಲಲ್ ತೀರ್ ಪೋಯೆರ್.

ನೆರ್ದ್ ದುಂಬು ಹುಷಾರ್ ಇಜ್ಜಂದೆ ಇತ್ತಿನ ಮೇರ್ ಚಿಕಿತ್ಸೆ ಪಡೆದ್ ಇಲ್ಲಗ್ ಬತ್ತಿತ್ತೆರ್. ಕೋಡೆ ಕೆಲವು ದೋಸ್ತಿಲೆಡ ಪಾತೆರ್ದೆರ್.

ಗುಜರಾತ್ ಡ್ ಭಾರೀ ಬರ್ಸಗ್ 9 ಜನ ತೀರ್ ಪೋಯೆರ್

ಗುಜರಾತ್: ಗುಜರಾತ್ ಡ್ ಕರಿನ ಕೆಲವು ದಿನೊರ್ದಿಂಚ ಭಾರೀ ಬರ್ಸ ಬರೊಂದು ಉಂಡು. ನೆರ್ದ್ 9 ಜನ ತೀರ್ ಪೋತೆರ್ ಪಂದ್ ವರದಿ ಆತ್ಂಡ್.

ಈ ಬರ್ಸರ್ದ್ ರಾಜ್ಯಡ್ ಜನ ಜೀವನ ಪೂರ ಹಾಳಾತ್ಂಡ್. ತಗ್ಗು ಪ್ರದೇಶಡ್ ನೀರ್ ದಿಂಜಿದ್ ಗಾಡಿ ಪೋಯೆರೆ ಆವೊಂದು ಇಜ್ಜಿ. ಹವಾಮಾನ ಇಲಾಖೆದ ವರದಿ ಪ್ರಕಾರ ನನದ 48 ಗಂಟೆಡ್ ರಾಜ್ಯದ ಸುಮಾರ್ ಕಡೆಟ್ ಬರ್ಸ ಬರ್ಪಿನ ಅಂದಾಜಿ ಉಂಡು. ಅತ್ತಂದೆ ಕರಿನ 30 ಗಂಟೆಡ್ ರಾಜ್ಯದ 30 ಜಿಲ್ಲೆಡ್ ಸುಕ್ರಾರ ಮಧ್ಯಾಹ್ನ ಮುಟ್ಟ 100 ಮಿ.ಮೀ ಬರ್ಸ ಆತ್ಂಡ್ ಪಂದ್ ವರದಿ ಆತ್ಂಡ್.

ಶಾಸಕೆ ಗುರ್ಮೆ ಸುರೇಶ್ ಶೆಟ್ಟಿ ಮೆರೆನ ಹಿರಿಯಡಕ ಪೊಸ ಕಚೇರಿ ಉದಿಪನ

ಕಾಪು: ವಿಧಾನಸಭೆ ಕ್ಷೇತ್ರದ ಶಾಸಕೆರಾಯಿನ ಗುರ್ಮೆ ಸುರೇಶ್ ಶೆಟ್ಟಿ ಮೆರೆನ ಹಿರಿಯಡಕ ಶಾಸಕೆರೆನ ಕಚೇರಿ ಉದಿಪನ ಲೇಸ್ ಕೋಡೆ ನಡತ್ಂಡ್.

ಶಾಸಕೆರ್ ಅಂಜಾರು, ಮರ್ಣಿ, ಮಣಿಪುರ, ಬೊಮ್ಮರಬೆಟ್ಟು ಗ್ರಾಮದ ಒಟ್ಟು 17 ಫಲಾನುಭವಿಲೆಗ್  94/ಸಿ ಬೊಕ್ಕ 94/ಸಿ.ಸಿ ಅಡಿ ಹಕ್ಕುಪತ್ರ ಕೊರ್ದು, ಸಾಮಾಜಿಕ ಭದ್ರತಾ ಯೋಜನೆಲಾಯಿನ ಸಂಧ್ಯಾ ಸುರಕ್ಷಾ, ವೃದ್ಧಾಪ್ಯ ವೇತನ, ವಿಕಲಚೇತನೆರ್ನ ವೇತನದ ಮಂಜೂರಾತಿ ಆದೇಶ ಪತ್ರವನ್ನು ಕೊರಿನ ಮೇರ್ ವಾರಡ್ ಪ್ರತಿ ಸೋಮಾರ ಹಿರಿಯಡಕ ಶಾಸಕೆರೆನ ಕಚೇರಿಡ್ ಸಾರ್ವಜನಿಕೆರೆನ ಭೇಟಿಗ್ ಇಪ್ಪುವೆ ಪಂದ್ ಪಂಡೆರ್.

ಈ ಪೊರ್ತುಡು ಬಿಜೆಪಿ ಜಿಲ್ಲಾಧ್ಯಕ್ಷೆರ್ ಕುಯಿಲಾಡಿ ಸುರೇಶ್ ನಾಯಕ್, ಕಾಪು ಮಂಡಲ ಬಿಜೆಪಿ ಅಧ್ಯಕ್ಷೆರ್ ಶ್ರೀಕಾಂತ್ ನಾಯಕ್, ನಿಕಟಪೂರ್ವ ಶಾಸಕೆರ್ ಲಾಲಾಜಿ ಆರ್ ಮಂಡನ್, ಜಿಲ್ಲಾ ಬಿಜೆಪಿ ಉಪಾಧ್ಯಕ್ಷೆರ್ ಪ್ರಕಾಶ್ ಶೆಟ್ಟಿ, ಪಾದಬೆಟ್ಟು, ಶ್ರೀಶ ನಾಯಕ್, ಜಿಲ್ಲಾ ಮಹಿಳಾ ಮೋರ್ಚಾ ಅಧ್ಯಕ್ಷೆರ್ ವೀಣಾ ಶೆಟ್ಟಿ, ಕಾವು ಮಂಡಲ ಮಹಿಳಾ ಮೋರ್ಚಾದ ಅಧ್ಯಕ್ಷೆರ್ ಸುಮಾ ಶೆಟ್ಟಿ, ಬೈರಂಪಳ್ಳಿ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಜಿಯಾನಂದ ಹೆಗ್ಡೆ, ರಾಷ್ಟ್ರೀಯ ಮಹಿಳಾ ಆಯೋಗದ ನಿಕಟಪೂರ್ವ ಸದಸ್ಯೆರ್ ಶ್ಯಾಮಲ ಕುಂದರ್‌, ಜಿಲ್ಲಾ ಪಂಚಾಯತ್ ನಿಕಟ ಪೂರ್ವ ಸದಸ್ಯೆರ್ ಗೀತಾಂಜಲಿ ಸುವರ್ಣ ಬೊಕ್ಕ ಗ್ರಾಮ ಪಂಚಾಯತ್ ಸದಸ್ಯೆರ್, ಪಕ್ಷದ ಪದಾಧಿಕಾರಿಲು,  ಹಿರಿಯೆರ್, ಮುಖಂಡೆರ್, ಪ್ರಮುಖೆರ್, ಕಾರ್ಯಕರ್ತೆರ್ ಇತ್ತೆರ್.

ಬಸ್ ಟ್ಟ್ ತೂ ಪೊತ್ತ್ ದ್ 25 ಪ್ರಯಾಣಿಕೆರ್ ತೀರ್ ಪೋಯೆರ್

ಮಹಾರಾಷ್ಟ್ರ: ನಾಗ್ಪುರರ್ದ್ ಪುಣೆಗ್ ಪೋವೊಂದು ಇತ್ತಿನ ಖಾಸಗಿ ಬಸ್‌ ಟ್ಟ್ ತೂ ಪೊತ್ತ್ ದ್ 25 ಜನ ಪ್ರಯಾಣಿಕೆರ್ ತೀರ್ ಪೋಯಿನ ಘಟನೆ ಮಹಾರಾಷ್ಟ್ರದ ಬುಲ್ಧಾನ ಸಮೃದ್ಧಿ ಮಹಾಮಾರ್ಗ್ ಎಕ್ಸ್‌ಪ್ರೆಸ್ ವೇಡ್ ಸನಿಯಾರ ನಡತ್ಂಡ್.

8 ಜನಕ್ಕ್ ಪೆಟ್ಟಾತ್ಂಡ್. ಮೊಕ್ಲೆನ್ ಬುಲ್ಧಾನ ಸಿವಿಲ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್ ಪಂದ್ ಬುಲ್ಧಾನ ಪೊಲೀಸ್ ಉಪ ಎಸ್ಪಿ ಬಾಬುರಾವ್ ಮಹಾಮುನಿ ತೆರಿಪಾದೆರ್.

ಈ ಬಸ್ ಟ್ಟ್ 33 ಪ್ರಯಾಣಿಕೆರ್ ಇತ್ತೆರ್. ಮೊಕುಲು ಪೂರ ವಾರ್ಧಾ, ಯವತ್ಮಾಲ್ ದ ಪ್ರಯಾಣಿಕೆರ್ ಪಂದ್ ತೆರಿದ್ ಬೈದ್ಂಡ್.

ಜಿಎಸ್ ಟಿ ಬಿಲೆ ಕಮ್ಮಿ

ದೇಶದ ಜನಕುಲೆಗ್ ಕಾಸ್ ದ ಸಚಿವಾಲಯ ಸುಮಾರ್ ಸೊತ್ತುಲೆನ ಮಿತ್ತ್ ಜಿಎಸ್ ಟಿ ನ್ ಶೇ.3 ರ್ದ್ ಶೇ.13 ದಾತ್ ಕಮ್ಮಿ ಮಲ್ದ್ಂಡ್.

ಫ್ಯಾನ್, ಕೂಲರ್, ಎಲ್ ಪಿಜಿ ಸ್ಟವ್, ಯುಪಿಎಸ್, ಗೀಸರ್ ದ ಮಿತ್ತ್ ಜಿಎಸ್ ಟಿನ್ ಶೇ. 31.3 ರ್ದ್ 18 ಕ್ಕ್ ಕಮ್ಮಿ ಮಲ್ದ್ಂಡ್. ಮೊಬೈಲ್, ಸ್ಮಾರ್ಟ್ ಟಿವಿ, ಎಲ್ ಇಡಿ ಬಲ್ಬ್, ಫ್ರಿಜ್, ವಾಷಿಂಗ್ ಮೆಷಿನ್, ಸಿನೆಮಾ ಟಿಕೆಟ್ ಮಿತ್ತ್ ಜಿಎಸ್ಟಿನ್ ಶೇ.31.3 ರ್ದ್ ಶೇ. 12 ಕ್ಕ್ ಕಮ್ಮಿ ಮಲ್ದ್ಂಡ್.

ರೇಡಿಯೋ ಮಣಿಪಾಲಡ್ ಕಥೆ ಕೇಳೋಣ ಸರಣಿ ಲೇಸ್

ರೇಡಿಯೋ ಮಣಿಪಾಲ್ 90.4mhz ಸಮುದಾಯ ಬಾನುಲಿ ಕೇಂದ್ರ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 61 ನೇ ಸಂಚಿಕೆ (ಜುಲೈ 1) ಇನಿ ಸನಿಯಾರ ಬಯ್ಯಗ್ 4:30 ಕ್ಕ್ ಪ್ರಸಾರ ಆಪುಂಡು.

ಈ ಸಂಚಿಕೆಡ್ ಪೆರಿಯ ಸಾಹಿತಿ ಕು.ಗೋ. ಒಡಿಪು ಪಾಲ್ ಪಡೆಯೆರೆ ಉಲ್ಲೆರ್. ನನ ಜುಲೈ 2 ಕ್ಕ್ ಮಧ್ಯಾಹ್ನ 12:30 ಕ್ಕ್ ಕುಡೊರ ಪ್ರಸಾರ ಆಪುಂಡು.