ಕುಡ್ಲದ ಶಮಾ ವಾಜಿದ್ ಗ್ ಗ್ಲೋಬಲ್ ಮಿಸೆಸ್ ಇಂಟರ್ ನ್ಯಾಷನಲ್ 2023 ಕಿರೀಟ
ಕುಡ್ಲ: ಡೆಲ್ಲಿಡ್ ಗ್ಲೋಬಲ್ ಇಂಡಿಯಾ ಎಂಟರ್ಟೈನ್ಮೆಂಟ್ ಪ್ರೊಡಕ್ಷನ್ಸ್ ಆಯೋಜನೆ ಮಲ್ತಿನ ಗ್ಲೋಬಲ್ ಮಿಸೆಸ್ ಇಂಡಿಯಾ ಇಂಟರ್ನ್ಯಾಷನಲ್ ಯೂನಿವರ್ಸ್ – 2023 ಪಂತೊಡು ಕುಡ್ಲದ ಶಮಾ ವಾಜಿದ್ ಗೆಂದ್ ದ್ ಕಿರೀಟ ಪಡೆತೆರ್.
ದೇಶದ 22 ರ್ದ್ ಎಚ್ಚ ರಾಜ್ಯಡ್ ನಡತಿನ ಆಡಿಷನ್ಡ್ ಆಯ್ಕೆ ಆಯಿನ ಮಾತ ಸ್ಪರ್ಧಿಲೆನ್ ಪಿರ ಪಾಡಿನ ಶಮಾ ಈ ಸಾಧನೆ ಮಲ್ದೆರ್.
ಈ ಪಂತೊಡು ಕಿರೀಟ ಪಡೆಯಿನ ಶಮಾ, 2024 ಟ್ಟ್ ನಡಪುನ ಗ್ಲೋಬಲ್ ಮಿಸೆಸ್ ಯುನಿವರ್ಸ್ ಪಂತೊಗು ಭಾರತದ ಪ್ರತಿನಿಧಿ ಆತೆರ್. ಪ್ರಶಸ್ತಿ ಗೆಂದಿನ ಶಮಾ ವಾಜಿದ್ ಟಾಪ್ 40 ತ್ತ ಪಟ್ಟಿಡ್ ತಾನನ್ ಪಡೆತೆರ್.
ಕರ್ನಾಟಕನ್ ಪ್ರತಿನಿಧಿಸಾಯಿನ ಶಮಾ ವಾಜಿತ್ ಎಥ್ನಿಕ್ ರೌಂಡ್, ಟ್ಯಾಲೆಂಟ್ ರೌಂಡ್, ಪೂಲ್ ರೌಂಡ್ ಇಂಚ ಮಾತ ರೌಂಡ್ಡ್ ಎದುರು ಇತ್ತಿನ ಮೇರ್ ಬೊಕ್ಕ ಟಾಪ್ 10 ಪೊಂಜೋವ್ ಲೆನ ಪಟ್ಟಿಡ್ ತಾನ ಪಡೆಯೆರ್.
ಅವೆರ್ದ್ ಬೊಕ್ಕ ಮಾತ ಸುತ್ತುನ್ ಗೆಂದಿನ ಶಮಾ ಬಾಲಿವುಡ್ ನಟಿ ಮಲೈಕಾ ಅರೋರಾ ಮೆರೆನ ಕೈರ್ದ್ ಕಿರೀಟನ್ ತರೆಕ್ಕ್ ಏರಾವೊಂಡೆರ್. ಮೆರೆಗ್ 13 ತಿಂಗೊಲ್ದ ಎಲ್ಯ ಬಾಲೆ ಉಂಡು. ಮೇರ್ ಶ್ರೀನಿವಾಸ ಆರ್ಕಿಕ್ಟೆಟ್ ಕಾಲೇಜ್ ಡ್ ಪ್ರೊಫೆಸರ್ ಆದುಲ್ಲೆರ್.
ಮುಸ್ಲಿಂ ಸಮುದಾಯಡ್ ಫ್ಯಾಶನ್ ಲೋಕೊಗು ಕಾರ್ ದೀಪಿನವು ಪಂಡ ಸುಲಭದ ಬೇಲೆ ಆತ್ತ್. ಆಂಡ ಮೆರೆಗ್ ಕುಟುಂಬದಕುಲು ಈ ಸಾಧನೆ ಮಲ್ಪರೆ ಬೆರಿಬಲ ಕೊರ್ತೆರ್.
