ಜಾರ್ಖಂಡ್: ಮೊಹರಂ ಮೆರವಣಿಗೆ ಪೊರ್ತುಡು ಕರೆಂಟ್ ಶಾಕ್ ಹಾಕ್ ದ್ ನಾಲ್ ಜನ ತೀರ್ ಪೋದ್, 10 ಜನಕ್ಕ್ ಪೆಟ್ಟಾಯಿನ ಘಟನೆ ಜಾರ್ಖಂಡ್ ದ ಬೊಕಾರೊ ಜಿಲ್ಲೆದ ಪೀಟರ್ ವಾರ್ ಬ್ಲಾಕ್ ದ ಖೆಟ್ಕೊ ಗ್ರಾಮಡ್ ನಡತ್ಂಡ್.
ಇನಿ ಬೊಲ್ಪುಗು ಸುಮಾರ್ 6 ಗಂಟೆಗ್ ಮೊಹರಂ ಮೆರವಣಿಗೆ ಸುರು ಆತ್ಂಡ್. ಈ ಮೆರವಣಿಗೆಡ್ ಕೊನೊಂದು ಇತ್ತಿನ ಧ್ವಜ 11,000 ವೋಲ್ಟ್ ಹೈ-ಟೆನ್ಶನ್ ಕರೆಂಟ್ ವೈರ್ ಗ್ ತಾಗ್ ದ್ ಈ ಘಟನೆ ನಡತ್ ದ್ಂಡ್. ನೆರ್ದ್ ಪೆಟ್ಟಾಯಿನಕ್ಲೆನ್ ಕೈತಲ್ ದ ಆಸ್ಪತ್ರೆಗ್ ದಾಖಲ್ ಮಲ್ದ್ಂಡ್ ಪಂದ್ ಪೊಲೀಸ್ ಅಧಿಕಾರಿಲು ತೆರಿಪಾದೆರ್.
ಜಾಗೆಗ್ ಬತ್ತಿನ ಬೊಕಾರೊದ ಪೊಲೀಸ್ ವರಿಷ್ಠಾಧಿಕಾರಿ ಪ್ರಿಯದರ್ಶಿ ಅಲೋಕ್ ಮೇರ್ ಈ ಬಗೆಟ್ಟ್ ತನಿಖೆ ನಡಪಾದೆರ್. ಈ ಘಟನೆದ ಬಗ್ಗೆ ವರದಿ ದೆತೊಂದ ಪಂದ್ ಪಂಡೆರ್.
pallavi shetty