ಧರ್ಮಸ್ಥಳಡ್ ಭಕ್ತೆರ್ ಸಿಎಂ ಸಿದ್ದರಾಮಯ್ಯೆರ್ನ ಪುದರ್ ಡ್ ಸೇವೆ ಕೊರ್ಪೆರ್ : ಡಾ.ವೀರೇಂದ್ರ ಹೆಗ್ಗಡೆ

ರಾಜ್ಯಡ್ 14ನೇ ಬಜೆಟ್ ನ್ ಮಂಡನೆ ಮಲ್ತಿನ ಸಿಎಂ ಸಿದ್ದರಾಮಯ್ಯ ಮೆರೆಗ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ವೀರೇಂದ್ರ ಹೆಗ್ಗಡೆ ಮೇರ್ ಅಭಿನಂದನೆ ಪತ್ರ ಬರೆತೆರ್.

‘ಸುಮಾರ್ ಯೋಜನೆದ ಮುಖೇನ ಜನಕ್ಲೆಗ್ ಉಪಯೋಗ ಆಪಿನ ಲೇಸ್ ನ್ ಕೊರ್ತರ್. ಧರ್ಮಸ್ಥಳ ಕ್ಷೇತ್ರಗ್ ಬರೊಂದು ಇಪ್ಪುನ ಭಕ್ತೆರ್, ಇಸೇಸವಾದ್ ಪೊಂಜೋವ್ ನಕುಲು ಇರೆನ ಪುದರ್ ಡ್ ಶ್ರೀ ಮಂಜುನಾಥ ಸ್ವಾಮಿಗ್ ಸೇವೆ ಬೊಕ್ಕ ಕಾಣಿಕೆ ಸಂದಾವೊಂದು ಉಲ್ಲೆರ್. ಜೈನ ಸಮುದಾಯಗ್ ಇಸೇಸ ಅನುದಾನ ಕೊರ್ದು ಪ್ರೋತ್ಸಾಹ ಮಲ್ತಿನ ಇಚಾರ ತೆರಿದ್ ಇಡೀ ಸಮಾಜಗ್ ಕುಸಿ ಆತ್ಂಡ್. ಇಂಚಾದ್ ಮಾತೆರ್ನಾ ಪರವಾದ್ ಅಭಿನಂದನೆಲು. ಅವಕಾಶ ಇಪ್ಪುನಗ ಕ್ಷೇತ್ರಗ್ ಬತ್ತ್ ದ್ ಶ್ರೀ ಮಂಜುನಾಥ ಸ್ವಾಮಿನ ದರ್ಶನ ಪಡೆದ್ ಪೋಲೆ” ಪಂದ್ ಹೆಗ್ಡೆರ್ ಪತ್ರಡ್ ಬರೆತೆರ್.