ಕುಡ್ಲ: ಬಲ್ಲ್ ಪಾಡೊಂದು ಪೊಣ್ಣು ಒರ್ತಿ ಆತ್ಮಹತ್ಯೆ ಮಲ್ತೊನ್ನ ಘಟನೆ ಉಳ್ಳಾಲದ ಪಜೀರ್ ಗ್ರಾಮದ ಅಡಪ್ಪ ರೆಸಿಡೆನ್ಸಿಡ್ ಕೋಡೆ ಮಧ್ಯಾಹ್ನ ನಡತ್ಂಡ್.
ಪ್ರೀತಿಕಾ ಪೂಜಾರಿ (21) ಈ ಘಟನೆಡ್ ತೀರ್ ಪೋಯಿನಾರ್. ಮೇರ್ ತನ್ನ ಅಮ್ಮ ಬೊಕ್ಕ ಅಣ್ಣನೊಟ್ಟಿಗೆ ಪಜೀರ್ ಗ್ರಾಮದ ಅಡಪ್ಪ ರೆಸಿಡೆನ್ಸಿದ ಬಾಡಿಗೆ ಇಲ್ಲಲ್ ಇತ್ತೆರ್. ಮೇರ್ ಕುಡ್ಲದ ಕಾಲ್ ಸೆಂಟರ್ ಒಂಜೆಟ್ಟ್ ಬೇಲೆ ಮಲ್ತೊಂದು ಇತ್ತೆರ್. ಘಟನೆ ಆಯಿನ ಜಾಗೆಗ್ ಕೊಣಾಜೆ ಪೊಲೀಸೆರ್ ಭೇಟಿ ಕೊರ್ದು ಪರಿಶೀಲನೆ ಮಲ್ದೆರ್. ಈ ಆತ್ಮಹತ್ಯೆಗ್ ಕಾರಣ ದಾದ ಪಂದ್ ನನ ಗೊತ್ತಾವೊಡಾತೆ.
pallavi shetty