ದಕ್ಷಿಣ ಕನ್ನಡಡ್ ಭಾರೀ ಬರ್ಸ: ರೆಡ್ ಅಲರ್ಟ್ ಘೋಷಣೆ

ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲೆಡ್ ಸೋಮಾರ ಮಧ್ಯಾಹ್ನರ್ದ್ ಇತ್ತೆಲ ಬರ್ಸ ಬರೊಂದು ಉಂಡು. ನೆಕ್ಕ್ ಹವಾಮಾನ ಇಲಾಖೆ ಇನಿ ರೆಡ್ ಅಲರ್ಟ್ ಘೋಷಣೆ ಮಲ್ದ್ಂಡ್.

ನನದ 24 ಗಂಟೆಡ್ ತುಳುನಾಡ್ ಡ್ 20 ಸೆ.ಮೀ ಬರ್ಸ ಬರ್ಪಿನ ಅಂದಾಜಿ ಉಂಡು. ಅಂಚಾದ್ ಮೀನ್ ಗಾರೆರ್ ಕಡಲ್ ಗ್ ಜಪ್ಪದಿಲೆಕ್ಕ ಎಚ್ಚರಿಕೆ ಕೊರ್ತುಂಡು. ಅತ್ತಂದೆ ಶಾಲೆ ಕಾಲೇಜ್ ಗ್ ಇನಿ ದ.ಕ ಜಿಲ್ಲಾಧಿಕಾರಿ ರಜೆ ಘೋಷಣೆ ಮಲ್ದೆರ್. ತುಳುನಾಡ್ ಡ್ ಜುಲೈ 6, 7 ಕ್ಕ್ ಆರೆಂಜ್ ಅಲರ್ಟ್ ಘೋಷಣೆ ಆತ್ಂಡ್. ಬೊಕ್ಕ 8,9 ಕ್ಕ್ ಯೆಲ್ಲೋ ಅಲರ್ಟ್ ಘೋಷಣೆ ಆತ್ಂಡ್.

ದಕ್ಷಿಣ ಕನ್ನಡ ಜಿಲ್ಲೆಡ್ ಜು.3 ಬೊಲ್ಪುರ್ದ್ ಜು.5 ಬೊಲ್ಪು ಮುಟ್ಟ ಬೊಲ್ತೇರ್ ತಾಲೂಕ್ ದ ಮರೋಡಿಡ್ 202.5 ಮಿಲಿಮೀಟರ್ ಬರ್ಸ ಬೈದ್ಂಡ್. ಬೊಲ್ತೇರ್ ದ ಬಳಂಜಡ್ 196ಮಿ.ಮೀ, ಬಂಟ್ವಾಳ ತಾಲೂಕ್ ದ ಪಜೀರ್ ಡ್ 188 ಮಿ.ಮೀ ಬರ್ಸ ಬೈದ್ಂಡ್.